مسوية جراحة فك .....قولي تجربتج هني

[dantella]

لــوووووووووووول دانتـيلا ياحياااتي والله وربي لما قريت تعليقج بطيتها ضحك .. ياحلوو خفة دمج ..

دانتيلااا زين منج أنج ماتضاايقتي ولا تدهورت نفسيتج .. لااان انتي تقولين بوقتهااا مااعرف احد سواا العملية وكنتي محتاجة ان احد يعلمج عن انطبااع العملية ..

بس ماشاءالله عليج صبرتي ونلتي يالغالية .. والله يتمم عليج بالخير يارب .. بس مو ناوية تسوين خشمج ..؟؟




صاافيــة فـديتج والله .. وربي حبيتــج بجد .. إي والله خرعتيني ماقصرتي لووول بس فديتها دانتيلااا صفحة كاملة واهي تشرحلج وخاصة لما قالت عن دكاترتج الاغبيااااااء فقدت من الضحك لما قالت اغبيااء بس صج اغبيااء المفروض يرفعون معنويااتج مو يهبطونهااا قطيعة ..


لا شوفي انا بآذن الله راح اسويهاا بالخاص عنده .. لان سالفة الحكومة صعبة لاني مو من تبع المحاافظة فمستحييل يقطوني عند البابطين ..


فديتج وانااا اتحرى صورج لان ودي اشوف شلوون شكلج من بعد العملية ..

شفتي شلون نسيتي سبحان الله .. لان طبيعة الانسان معرض للنسياان عشان جذي سميٌ بالانساان << قامت تتفلسف لوول


واحمدي ربج ان اهلج رااضيين .. انااا بس اتوقع معارضة من امي .. بس ابوي فديته احسة متفهم ويقتنع بكلامي << عاد عندها سحر بالاقنااع لوول


وانا من رايي أنج تسوين خشمج احسن لج دام فيج عوي ... بس على خير اذا تبين تسوينها عند اي دكتور حاطة بالج ..؟


وعلى طاري الانتفااخ والورم ..


دانتيلااا صاجة انتي كل الي يسونهااا اهني بالكويت يكونون مثل البالونة من شدة الانتفااخ .. عكس الي يسونهااا برااا


خاصة هذي الي سوتها بالمانياا ماشاءالله عليهاا جنها ماسوت عميلة فك .. بس بنات شلوون مايصير مسوية عميلة بخشمهاا واهي ماصار لهاا ثلاث اسابيع ..؟؟

حبيبتي مسك مو مشكلتي ماعرف احد سواها .. الي يحر اني اعرف بس محد يبي يفيد
اصلا محد يعترف ان سواها ومحد يبي يتكلم وشغل خش بدس
شي غريب والله بس مالومهم هالموضوع ممكن يكون حساس
انا حاليا شكل خشمي مو مزعجني احس كل ماله ويترتب لكن مع الجراحه صار معاي انحراف وصعوبه بالتنفس لي يومك استعمل قطرات بدونها ماقدر اتنفس وقالولي لازم عمليه تقويم مسار الحاجز الانفي وشي بالغضاريف بعد وزلقه بطيحه تجميل وهم يكمل النيولوك بس مخليتها متى مافضيت مومستعيله عليها

 

[safia]

غلا الروح
احنا الحمدلله بخير
انا ركبت تقويمي عند دكتور اشرف بالاميري
ولازم يكون موجود لانه بعد العمليه يبدون يضبطون اسنانج على فكج اليديد
والله يوفقج ان شاءالله ويسهل عمليتج

 

[hot-choco]

بالنسبه لرفيجتي الي سوت عملية الفك تغيرت وايد وللاحلى سبحانك ياربي الفك وايد له تاثير على جمال الوجه وخاصه الفك وكانت ابتسامتها موحلوه بس بعد العمليه كانت اتخرع لكن بعد شهر وايد صارت احسن وبس نسيت اقولكم شغله اهي سوت عملية تجميل حق الانف بعد العملية الفك لان الخشم تفلطح اشوي وسوتها عند نفس دكتورها
ونصيحتي لكل بنت اذا كانت اتعاني من مشكلة الفك او السمايل جم الابتسامه الي تبين اللثه وقت ماتبتسم اتروح اتسوي العمليه صج انها تتعب اول شهرين بس والله نتيجه اتكون اتجنن بعدها وانا تجربتي مع رفيجتي اخت دنيا وايد كانت متعبه اول الاشهر لكن بعدها اهي نفسيتها تحسنت وصار عندها ثقه بنفسها

 

[safia]

هوت تشوكو
رفيجتج متى حسيتي انها احلوت بعد جم شهر؟
وعملية خشمها متى سوتها؟بعد عملية فكها بجم شهر؟

 

[غلاااا الروح]

غلا الروح
احنا الحمدلله بخير
انا ركبت تقويمي عند دكتور اشرف بالاميري
ولازم يكون موجود لانه بعد العمليه يبدون يضبطون اسنانج على فكج اليديد
والله يوفقج ان شاءالله ويسهل عمليتج

الحمد الله انكم بخير وتسلمين حبيبتي على الدعوه الحلوه بخصوص التقويم رحت حق دكتور أشرف وهو الي نصحني اسوي تقويم بس المشكله انه مايصير اسويه عندهم بالاميري فقررت اني اسويه بالخاص والله كريم

 

[safia]

غلاا الروح
اذا ماكنتي تبع الاميري على جذي وين بتسوين عمليتج على خير؟؟

دانتيلا وساره عندي سؤال لكم

الحين الحدايد اللي باللثه مثبتينهم اذا بيشيلنهم يعور؟؟
مساع وانا انظف اسناني اشوفهم قاعده اقول اذا بيطلعهم الدكتور بتطلع روحي وراهم لانهم مغروسين حيل باللثه
ضاق خلقي شكله يذبح

 

[dantella]

صافيه سحبتهم ماراح تعور بس بينفر دم الدم شكله بخوف بس مافي الم كلش ماراح تحسين بشي لان هالمنطقه لو بتجيسينها بيدج ماراح تحسين باي احساس حاليا مخدره وحتى لو فيها ماراح تحسين بشي لاتحاتين

 

[سارة252]

دانتيلا وساره عندي سؤال لكم

الحين الحدايد اللي باللثه مثبتينهم اذا بيشيلنهم يعور؟؟
مساع وانا انظف اسناني اشوفهم قاعده اقول اذا بيطلعهم الدكتور بتطلع روحي وراهم لانهم مغروسين حيل باللثه
ضاق خلقي شكله يذبح

تصدقين ما حطولي هذا الشي

 

[سارة252]

هلا مسك والله ما انتبهت
الحين تقريبا كملت 8 شهور

 

[safia]

دانتيلا الله يسمع منج وما احس فيه ولو اني مساع يوم رفعت شفتي اللي فوق بشوفه عورني طلع جزء من اعلى الشفة مخيطينها معاه

سارونه متاكده ماحطولج حدايد؟ شلون كانوا مسكرين حلجج؟

 

[مــســك]

هووت رفيجتج سوتها عند دكتور عماد مو ..؟؟

بس صج ماشاءالله عليهاا تزوجت من بعد 6 شهور من عمليتهااا يعني ويهااا صار احسن ومافي انتفااخ عدل ...؟؟


دانتيلااا .. انا معاج ان الموضوع حيل حسااس وتلقين ناس وايد مسوينهااا بس ينكروون للشي هذاا ..

امبيييه هالعملية تغير مسار الحاجز الانفي لووووووول لا بالله كديت خير عاد اناا فيني مشكلة حاجز الانفي ..

يلا ماعليه انااا الحين اهم شي عندي اسوي هالعملية وربي يتمم علي بالخير وتنجح ..


صافية فديتج شلونج الحين ؟؟ ويهج خف عن الورم ولا لا ؟؟


متى تاكلين ..؟؟

 

[safia]

هلا مسك
سبحان الله النفسية تلعب دور
مساع فيني كآبه مو طبيعيه ودمعتي على طريف
نزلت لقيت اختي وعيالها وبنت عمي وقعدت معاهم بعدها ابوي وامي ويدتي ردوا وقعدت معاهم وسبحان تغيرت 180 درجة
بالنسبة للورم بنت عمي قالت حيل خفيتي وانا لاحظت من بديت اسوي التمارين جنهم ردوا انتفخوا خدودي شوي
حاليا انا ثالث اسبوع لي يعني يبيله وقت تو الناس
والاكل هم تو الناس عليه لان الدكتور قال لي ماراح تاكلين الا بعد شهر ونص من العمليه
باجر اكمل ثلاث اسابيع وباجي لي ثلاث اسابيع ان شاءالله

يالله هانت هانت

 

[dantella]

صافيه هالخيوط بروحها بتشوفينها تذوب وتتفتت وتروح حتى مايحتاجون يشلعونها

 

[el-zain]

وناااسه صافيه ماشاءالله بسرعه مرت ال 3 اسابيع ماجنا توج مسويتها احس الايام بسرعه تركظ ماشاءالله ... يالله الله يسهل ياربي و تعدي هالسنه على خيييييير وتفتكين من الانتفاااخ و تقدرين تاكلين ماكدونالدز ههههههه عاد لازم بيرقر عقب هالشوربه و هالسوائل

 

[safia]

دانتيلا مابي الوع جبدج بس مرتين لما اغسل يطلع مني خيوط صغار حيل معقدين
والمشكله ان اغلب الخيو تتيمع صوب البلعوم وتسبب لي لوعه
بس يالله هانت ان شاءالله

الزين
لوووووووووووووووول اشتقت لمكدونالدز ليش تذكريني
متى اقدر اعض؟

 

[dantella]

دانتيلا مابي الوع جبدج بس مرتين لما اغسل يطلع مني خيوط صغار حيل معقدين
والمشكله ان اغلب الخيو تتيمع صوب البلعوم وتسبب لي لوعه
بس يالله هانت ان شاءالله

الزين
لوووووووووووووووول اشتقت لمكدونالدز ليش تذكريني
متى اقدر اعض؟

حبيبتي صافيه ماتلوعين جبدي فديتج انا ماره بكل الي تقولين عنه وعاديه هالخيوط لازم تتفتت وتطلع وحتى لو نبلعو ترا عادي هالانواع من المواد الجسم يتخلص منها
وتو الناس عالمطاعم هههههههههههه فديكم راعو شعورها بس ماعليه هانت

 

[سارة252]

ايه ذكرتي بالهذي الحالة يا صافية .. صدق مررة شعور شين بس كلها فترة وتعديي
وسكورو فمي بانهم حطو حديدة كبير مثبته ع التقويم مو اللثه يعني كانها جزء من التقوين وفيها شي يمسك المطاطات
ما دخلو ولا شي بلثتي ابدا

 

[safia]

دانتيلا لا عادي اليوم قعدت مع اهلي واهما ياكلون فطاير وانا اشرب عصير وقدرت امسك نفسي عليهم بالعافيه

سارونه زين والله انا اللي حاطينه لي شكله يخوف

قريت بموقع اجنبي ان الاكل يكون بعد 14 اسبوع صج هالشي؟؟

 

[سارة252]

لا انا قعدت 5 اسابيع

 

[safia]

شنو كنتي تقدرين تاكلين
اهم شي عادي تاكلين بيتزا