dana2000
New member
- إنضم
- 14 أبريل 2009
- المشاركات
- 19
- مستوى التفاعل
- 0
- النقاط
- 0
السلام ... بنات هذي اول مره اكتب مووضوع لاني ابي الدعاء منكم بنات قصتي او اقول مشكلتي بدت من انا صغيره انا يابنات عندي 9خوات و3اخوان وتترتيبي6يعني فوقي بنتين و3صبيان وبعدين انا المهم بنات خواتي الكبار ما بيني وبينهم اي تفاهم كلش ما احس انهم خواتي ماعندي اخت الجا لها اهم تفكيرهم تفكير الجيل الاول وانا افكر حالي حال البنات اللي في سني وامي تفضلهم اكثر لان هم الصح دايما بحكم انهم على تفكيرها وكان فيه تفرقه كبيره بيني وبينهم والمشكله اني من النوع اللي مااشتكي لحد اخش بصدري واتحمل والله حتى لما كانت امي تشتري شي تشتريلهم بحكم انهم كبار وانا جاهل هذا الكلام لما كنت صغيره وكنت لما اتكلم او ابدي رايي بشي يسكتوني وينقدون علي وهذي سوالف اكبار ما يصير تكلمين فيها والله يابنات كنت افكر بيني وبين نفسي لما اكبر شلون اتكلم هذا وانا مراهقه مع اني اجتماعيه وعندي صداقات اعزهم حيل مثل خواتي والحمدلله كان مستواي الدراسي ممتاز صح اني مشاغبه بس المدرسات يحبوني اختي الكبيره كان عندها غلطات رحت وقلت حق اخوي عشان نحل الشي في بدايته قبل يكبر وما ينحل اخوي الله يهداه طقها وهددها انه راح يطلعها من الوظيفه اذا ما تسنعت اهنيه زادت الحرب معاي على فكره بنات انا علاقتي مع خواتي الصغار من احسن مايكون بالعكس كنت ما ابيهم يعيشون ماساتي اختي الكبيره كانت تحط دوبها ودوبي تبي تمسك علي شي وانا والله اني على نياتي حياتي لعب وناسه وخبال مع رفيجاتي المهم كبرنا ولااحد طق بابنا بعض خواتي طافت 35 وهذا كان من عمل سوته مرت عمي وانفك وكان نصيبي انا اول وحده عن طريق مسئولتي الله يجزاها خير اذكرتني بس الصدفه اللي سببتلي مشكله ان ولد عمه كان معاي بالدوام وانا ماكنت ادري لما جانا يخطب عرفنا انه فلان الفلاني اختي اعرفت من وحده معاها بالدوام عن ولد عمه اللي معاي فراحت لاهلي وقالت شوفوا العفيفه الشريفه ضبطته بالدوام لين خطبها هي عبالها انه هو الخاطب المهم اخواني سوولي سالفه بس اللي في صفي انهم كان عندهم عقده من كثرنا وماتزوجنا فيبون اي احد يطق الباب لما سالوا عنه طلع مو معاي في الدوام وفهم اخوي السالفه انها انتقام المهم وافقت وطلع اكبر من احلامي انسان لو بكتب عنه مليون صفحه ما اعطيه حقه وعلى نياتكم ترزقون خواتي تزوجو بعدي وحده ورى الثانيه بس حياتهم مشاكل وتعب ربي رزقني ثلاثه وعايشه انا وزوجي احسن عيشه بس ما ارتحت من اهلي للحين احس بالتفرقه حتى بين عيالي وعيالهم تتعب نفسيتي وتنعكس على بيتي وزوجي انا ما اشتكي ولا قلت حق زوجي شي مصورتله ان احنا العايله السعيده المترابطه واروح للزواره عشان ما يحس بشي مع اني اموت لما اروح سبحان الله ما ابي امدح نفسي بس ربي رزقني كل شي اولاد متفوقين ومأدبين ومختلفين عن اولاد خواتي وزوج مركز ومال بس للاسف ماعندي اهل يحبوني ويخافون علي ربي عوضني بس الاهل ما يتعوضون تصير بيني وبين زوجي مشاكل ولا اقدر اقول حق احد احلها بيني وبينه مرات اقول لو بتصير بيني وبينه شي كبير لمنو اروح بعضكم بقول كلميهم وقوليلهم اللي انا حاسه فيه انا طبعي مااتكلم ما اشتكي لاحد والله يابنات من كثر ما اغمت في صدري اخاف تحوشني جلطه اذا تعبت اشتكي لنفسي او اكتب بورقه بعدين اقطها واذا بتكلم اتكلم عن شي متراكم من سنين اعذوروني على التطويل مع انه فيتفاصيل ماقدرت اذكرها انا كتبت قصتي عشان ارتاح وقط شوي من اللي في صدري
التعديل الأخير:
