البلد الذي لايمل.."تايلـنــــد السـاحره"

[om MaRyooM]

الســـلام ..



شخباركم .. من بعد سفرتي للعمرة ردينا الديرة يومين وطرنا تايلند

""وهذي صور العمرة اللي حاب يشوفها""
http://q8yat.net/showthread.php?t=502636



مع ان ثالث سنة ازور تايلند .. بس فعلا "لايمل"

وانشالله تستمتعون معاي بالرحلة





أولا :

رحنا على الطيران التايلندي

اهوا حلو بس الخايس فيه ان كلللله شباب وكلللهم كانو يشربون والعياذ بالله ..

الموهم

الرحلة كانت ((كويــت-بانكوك ترانزين ساعة-بوكيت 4ايام-بانكوك4 ايام- كويــت ))التذكرة 136 للشخص



وصلنا مطار بانكوك




نطرنا ساعة ورحنا بوكيـــت





وحجزنا فندق الملينيوم .. نفس فندقنا العام
لأن مكانه حلو وحده نظيف وغرفهم تونس والمسبح وااااو


هني المدخل للفندق







وهذا الفندق من برة




وهني المسبح






عقب تعب السفر .. حطينا الجناط وقررنا ننزل ناكل شي ..

الحلو بالفندق انه صاير علطول على مجمع GUNCCYLON وبرة في ستاربكس/ صب واي / بيتزا/ وكافيهات ثانية

قعدنا في الـ pizza company أحلى بيييييتزا تينن .. وفي منها بعد في الـ Big C ومجمع الmbk في بانكوك




طلبنا بيتزا جبن .. يمي يمييييييييييي




وبما ان وصلنا تقريبا مبجر لبوكيت قلت لزوجي نروحي الفانتسي شو .. ولا مرة شفته

حجزنا من المكتب والتذكرة كانت بحدود 3000 بات لشخصين يعني بحدود 25 دينار


وصلنا تقريبا 8بالليل وكان الجو يوننننس وزحمة أجانب وافترينا شوي على ماصار وقت ال show




هني المدخل



^
^
وهني كانو مسوين عروض رقص يونسووون وايد حلو كان
والشي الاحلى ان ماتفرقون رياييل من حريم .. كلهم جنس واحد استغفرالله لوووووول





وبعدين دخلنا محل للمجوهرات ولقينا هالآدمي . .



طبعا حده ذرب وحاط مكياااج ورموش تقولين رموش جمل ..
وظحكته أنعم من ظحكتي يخرب بيته لوووول



والحين بندخل الshow :



وبعدين ماكملت تصوير لأن ممنوع

وكان فعلا مميز وتعبانين على الديكور والاضواء واللبس وكل شوي .. والمسرح كبييير ونظيف والكراسي أحلى من كراسي سينما الفنار لوول


*********




ثاني يوم قعدنا وعقب ماراح علينا ريوق الفندق قلنا نروح واحد من الكافيهات اللي تحتنا


وقعدنا هني :




عندهم كرواسون الجبن شنو لذيييذ مع الكابتشينو يممممييي



وبعدين شنو سوينا ..



تابعـــــــــــــــــوني >>>>يعني تشويق لووول


[/B][/SIZE][/COLOR]

 

[om MaRyooM]

عقب خذينا تكسي قلنا نتمشور نروح سباق سيارات

والتكسي خدا منا 800 بات من الفندق عشان يودينا هناك وعقب نروح للرماية وعقب مصنع الكاجو .. يعني مشوار كامل
وكان هاليوم جد وناااسة والجو كان غيم يهبل


هني اول ماوصلنا












أنصحكم بهالمكان ونااسة .. يسمونه go kart جد حلو وتحسون بروح المغامرة والمنافسة لوول



وبعدين رحنا عشان بوالشباب وده يشوّت شوي ..

وهني بالطريج :









والحين مصنع الكاجو ..

صج انه صغير .. بس يونس

واحلى شي الكاجو اللي بالزبدة والمملح





واللي يبي يشتري يتفضل .. الجيس على 135 بات









********


ثالــث يـوم


حجزنا قبلها بيوم لرحلة ال Coral island ..

رحلة ممتعة وخفيفة .. لأن رحت قبل جزر الphi phi وجيمس بوند .. فقلنا نروح اماكن ثانية

هالرحلة فيها 3 جزر وبكل جزيرة نتسبح ونسوي snorkling .. وناااسة حيل حيل ..

حجزنا بالبوت السريع وقروبنا كان شوية ويونس ..

هني اول ماوصلنا :





والحين اول جزيرة نوصلها مادري شسمها طبعا



كان الماي صاااافي وكان فيها فندق .. شوفو النقاوة سبحانك يارب نفس بحرنا بالظبط






وعقب رحنا هالمكان
جنه اسمها racha yai




وبهالجزيرة تغدينا حطولنا بوفيه بس طبعا ماكلينا انا وزوجي كنا ياييبين معانا ككاو وصمون الفيصل لوول










وبعدين ودونا ال coral كانت خوش جزيرة والسباحة فيها حلوة
وتقدرون تأجرون القارب الصغيرونو الساعة ب600 بات .. وتقدرون تاكلون وتسوون اللي تبونه

وبعدين ردينا الساعة 4 العصر .. كان خووش يوم

وبالليل تسبحنا بمسبح الفندق


********



اليوم التالي



رحنا المطار عشان نتوكل الى بانكــــوك



تابعــــــــــــــــــوني

لاتردون الحين بلييييز

 

[om MaRyooM]

*Bangkok*





اليوم الخامس طرنا من بوكيت الى بانكوك .. حق الshopping طبعا







طنا حاجزين في فندق ال Baiyok Sky أعلى ناطحة سحاب في تايلند





اهوا زين بس مو وااااو .. الناس وايد مجته ع الفاظي صراحة

الغرف كبيرة بس احس الفندق فوضى وزحمة ومكان الاستقبال مو شي

هذي الغرفة














ارتحنا شوي وتعشينا ونمنا ..




وثاني يوم صعدنا عشان الريوق وهذا المطل :




وبعدين تمشينا بجم مجمع منهم
(بس مو كلهم يوم واحد...قسمناهم فبذكر بشكل عام المجمعات اللي رحنالها)




*سنتربوينت*










*بانتب بلازا*

هالمجمع كله الكترونيات .. في اشياء حلوة

كمبيوترات..ستكرات اللابتوب تيننننن..ماوسات غريبة..وسيديات افلام على برامج على كل شي يخطر في بالكم



^
^
هذا المجمع



شوفو الهاردسكات شحلاتها .. اشكلاهم غريبة










*patunam*










*night bazar*

طبعا مايعتبر مجمع .. بس يونس وعندهم سوالف واايد

ولازم تكاسرون لنص السعر لأن لما يشوفون عرب حسبالهم يايبين بنك معانا










*siam paragon*

مجمع حلو وفي كافيهات ومحلات ماركات وتحت في اكواريوم يونننس








وهذا الاكواريوم





وبعدين اللي يبي يدفع زيادة على التذكرة يسوي بدكير منكير السمج .. لوول

يونس بس من ناحيتي ماسويته .. زوجي سواه ويقول وناسة بس يدلدغ









وطبعا مجمع *mbk*

رووووعة .. رحتله يومين ورا بعض بس للأسف ماقدرت اصوره ..

كل واحد يروح بانكوك مهم مهم يروح هالمجمع ..
بس اسعارهم اغلى من قبل والله !



*********





والحين الى رحلة السفاري

 

[om MaRyooM]

ثالث يوم رحنا سفاري

Safari world


والرحلة كلفتنا 3500 بات .. يعني 30 دينار التذكرة مع التوصيل من والى الفندق


هني المدخل





وبعدين دخلنا بالسيارة .. وفعلا حللللللوة

انا رحت اللي بماليزيا .. بس تطلع ولا شي جبال هذي .. وايد حلوة وكبيرة

شوفو المنظر






وهالغزال الصغيرونو متنح مايبي يوخر من السيارة !!







^
^
وعقب ماخلصنا في حديقة حيوان تتمشون فيها وزوجي فديته حنون حب يوكل الشواذي حلاو لوول



وبعدين في مكان تدفعون فيه 40 بات اذا حابيت توكلون الزرافات .. جمع زرافة

وناسة عاد صج هني ..


طع شلون يطلون حلاااتهم






وبالنسبة للعروض الي يسوونها في السفاري في عرض الشواذي يكون الصبح 10وربع .. بس مالحقنا عليه

وفي عرض الكاوبوي .. وعرض الدلافين والطيور والفيلة


احلى شي الفيلة والله .. ومالت الدلافين لوووعة





*********



وثاني يوم الصبح الساعة 9 توكلنا للمطار عشان نرد الديرة

وهذا مطل المطار لما وصلنا بالتكسي





الحمدلله رحلتنا كانت حللللوة غير عن كل سنة ..

في وايد اشياء ظيقت خلقي اولها كانو الشباب الله يستر عليهم

والله احس ان الفساد زاااايد بهالديرة ... صار كل شي علني عييييني عينك

ولا شارع العرب nana street صاير غير عن اول !!!! صدموني الكويتيين والله

حتى بالطيارة سكرو حتى الثمالة على قولتهم وبقو يتهاشون مع بعض . .


وفيه شايب سكر حيييييييل العياذ بالله من المطار وانا اشوفه .. ولابس دشداشه ويليته مولابسها

الله يهديهم ..


والشي الثاني اللي ظيق خلقي الاسعار .. لووول
والله زايدة عن قبل .. آخر مرة رحت العام بس مو جذي كانت الاسعار

يحطون على كيفهم واذا نزلت النص ودهم يكفخوني بالحاسبة اللي بيدهم لووووول


وبالنهاية الحمدلله وصلنا بالسلامة .. وانشالله تكون الصور عجبتكم

واي سؤال حاظرين للطيبين

 

[ام عبادي]

الحمدالله على السلامة و يعطيج العافية خوووش تقرير
بس بغيت أسألج رحله سباق السيارات يعطونج سيارة تسوقينها بروحج و من جم الاعمار يعني يصير ولد عمره 7 سنوات يسوقها؟
وبغيت أسألج ماتعرفين مكان هناك يبيع قمصان حلوة؟؟
وجزاج الله ألف خير

 

[مزيونة مكه]

رحلتك حلوووووووووووووووووووه


وعقبالي يارب

 

[أحلى همبه كويتية]

الحمد لله على السلامة
سفرتك حلوة وممتعة بس قصيييييييييرة حييييييييييييييل

خيرها بغيرها
اييييييييييييه الشباب في مطار بوكيت كل واحد يمه بنات اثنين
الله يستر من هالامراض ويكافينا شرهم

عليييييييييييييييييييييك بألف عافية
:ggdw::ggdw::ggdw::ggdw:

كم يوم الرحلة بسرعة خلصت

 

[لوكي 22]

سفره تشوق ..
جم كله كلفكم .. الباكج كله

 

[om MaRyooM]

الحمدالله على السلامة و يعطيج العافية خوووش تقرير
بس بغيت أسألج رحله سباق السيارات يعطونج سيارة تسوقينها بروحج و من جم الاعمار يعني يصير ولد عمره 7 سنوات يسوقها؟
وبغيت أسألج ماتعرفين مكان هناك يبيع قمصان حلوة؟؟
وجزاج الله ألف خير

الله يسلمج حبوبة ..

وبالنسبة لسؤالج اي يعطونج سيارة بروحج وفي سيارة ثانية يقعدون فيها شخصين
واليهال عادي .. لأن في سرعات أقل شي 60كم وفي 120


وحق القمصان عندج الnight bazar بين الدواعيس عندهم اشيا حلوة .. وفي مجمع PRATUNAM وايد حلو

 

[om MaRyooM]

رحلتك حلوووووووووووووووووووه


وعقبالي يارب

تسلمين يالغلا ..

انشالله الله يرزقج يارب

 

[om MaRyooM]

الحمد لله على السلامة
سفرتك حلوة وممتعة بس قصيييييييييرة حييييييييييييييل

خيرها بغيرها
اييييييييييييه الشباب في مطار بوكيت كل واحد يمه بنات اثنين
الله يستر من هالامراض ويكافينا شرهم

عليييييييييييييييييييييك بألف عافية
:ggdw::ggdw::ggdw::ggdw:

كم يوم الرحلة بسرعة خلصت

هلا همبة .. منورة ياعمري ...

عاد صج كانت ممتعة بس كانت 8ايام لأن رايحين مرتين قبلها .. والعام قعدنا 15 يوم كانو حلوين
وهالسنة قلنا شوي نغير جو وعلى حسب الميزانية بعد :eh_s(10):


ومشكورة ع المرور حبوبة

 

[om MaRyooM]

سفره تشوق ..
جم كله كلفكم .. الباكج كله

هلا والله ..

اللي اذكره الفنادق مع التكتس بحدود الـ 500 والمصروف كان700 دينا حق 8 ايام
يعني مممممم 1200 كل السفرة . . والحمدلله كفانا بس اكيد كان ودي اتشرى اكثر

 

[رقي]

ضيقتي خلقي علي شباب الكويت الله يهداهم

 

[جوافة ^_#]

شوقتيني على سفاري

 

[om MaRyooM]

ضيقتي خلقي علي شباب الكويت الله يهداهم

وماخفي كان أعظم يختي :eh_s(10):


والله شفنا شوفات تبجي !!
ومشكورة ع المرور ولايظيق خلقج شوفي الصور واستانسي

 

[om MaRyooM]

شوقتيني على سفاري

اي والله عاد سفاري حلوووو ويستاهل الزيارة

بس الجو :rerrerek: لووول

 

[أحلى همبه كويتية]

اي والله عاد سفاري حلوووو ويستاهل الزيارة

بس الجو :rerrerek: لووول

اييييييييييييييييييييييه الجو صج رطب هناك :rgewrg:
لأن وايد زرع

انا هناك صرت ام كلثوم
ماخذة فوطة صغيرونة امسح فيها ويهي
ما أتحمل الحر
كلهم عادي الا انا
مو ملحقة على الكلينكس
:eh_s(2)::eh_s(2):

 

[أحلى همبه كويتية]

وديييييييييييييي اروح بعد
خواتي بيروحون قبل العيد باسبوع مع اجازة العيد 12 يوم
وريلي مو مخليني
شنوووووو حاقدة عليييييييييييييييييه
يقول تونا رادين بسك كافي

والأحلى بنتي تطالع الصور وتبجي
فيلم هندي

 

[FOZQ8]

بالعافيه عليج مبين السفره حلوه
بس شلوون الجو ؟

 

[أم المهــى]

عيلج بالعافية حبيبتي صج شوقني على تايلاند وانشالله اروح على شهر يناير وصور السفاري موطالعة