تجمع{الكاتب}\\المبدع//م.عبد الوهاب السيد.::.حياكم الله.::.

[rawona]

هاي بنات شلونكم؟؟



انتهيت من قراءة قصة "بعد ان احترقت زوجتي"..

بصراحة تسليت بقرائتها بس كلش ما حبيتها!! :eh_s(10):



مادري يمكن لأن من البداية توقعت النهاية .. !! مابي اتكلم بالتفاصيل زيادة علشان ما احرق على البنات اللي ما قروها .. بس ما حبيتها :eh_s(2): بس الحق يقال ان عبدالوهاب السيد ابدع في سرد الاحداث و ترابطها .. وكانت القصة غنية بالتفاصيل بس حسيت كأن المهندس عبدالوهاب استعجل عليها شوي .. وكان يبيلها مدة اطول لضبط الحبكة الدرامية .. وتطلع بصوره افضل .. وحاليا راح ابتدي باخر قصة من رسائل الخوف و باقولكم رايي المتواضع فيها





​

 

[Shade]

من صجج روونة انا احلى قصة عندي بالكتابين هي قصة بعد ان احترقت زوجتي وفيها صدمات غير متوقعة كلش

انا عندي اقل قصة مستوى هي الاخيرة ، القصة حلوة وزينة لكنها اقل من الباقين مستوى

 

[rawona]

من صجج روونة انا احلى قصة عندي بالكتابين هي قصة بعد ان احترقت زوجتي وفيها صدمات غير متوقعة كلش

انا عندي اقل قصة مستوى هي الاخيرة ، القصة حلوة وزينة لكنها اقل من الباقين مستوى

هلا شيد شلونج؟؟


مادري والله حبيبتي اهي اراء مثل ما يقولون وكل شخص عنده اسبابه ليش حب هالقصة او ليش حب هذيج ..


شوفي القصة الاولى 14 يوم وايد وايد حبيتها .. اول شي اقصد او ما قريتها ما تحمست لها وايد بس مع الاحداث تشوقت أكثر .. والنهاية اعجبتني حيل وحسيت التفسيرات العلمية للأحداث منطقية وحلوه ومترابطة ..




القصة الثانية " ايها الحب ترفق" << جذبتني من البداية بسبب العنوان و سير الأحداث .. صج ضعت اشوي فيها وحاولت اتبع مع الكاتب سير الأحداث و التحليلات التي عرضها .. بس بالاخير لقيت ان فكرتها بسيطة بس أحداثها وايد و متشابكه بس حلوه صج شوي ضعت بسالفة التنويم المغناطيسي والتحليلات العلمية بهالخصوص و للحين مو عارفة السبب اللي أدى الى فقد البطل الاحساس بالزمن بس.. بالنهاية اتضحت الصورة بشكل عام وكانت القصة حلوه ..



"عندما احترقت زوجتي" <<< انصدمت فيها بصراحة :eh_s(2): اول شي من البداية عرفت وتأكدت منو الجاني .. مادري لا تسأليني شلون عرفت يمكن من كثر ما اقرا قصص وروايات استنتجت النهاية و مع مرور القصة تأكدت منها ..

اللي ما حبيته فيها .. حسيت ان امممم ماني عارفة شلون اقول رايي من غير ما ادخل بالتفاصيل بس هم مابي احرق على البنات .. باختصار ما اقول اني ما استمتعت بقراءتها بالعكس والله قريتها بس بصراحة ما كنت متشوقة او متحمسة لها واول مره تصير معاي بقصص المبدع عبدالوهاب السيد .. مادري ما حبيتها و حسيت ان المهندس عبدالوهاب له قصص أكثر ابدع فيها في مجال الرعب و النهايات او الاحداث الغير متوقعه و هالقصة ما عطتني الانطباع اللي احسه في كل مره اقرا فيها قصص السيد .. راح اتكلم بالتفاصيل أكثر عن رايي بهالقصة بعد فترة لما أحس ان اغلب البنات قروا الكتاب ..


بالنسبة للقصة الاخيره للحين ما قريتها ان شاءالله اقراها قريب واعطيكم رايي ..



مايعني رايي بقصة "عندما احترقت زوجتي" اني ما احب قصص المبدع عبدالوهاب السيد بالعكس والله عندي جميع اصداراته ووايد احب اقراله .. بس هالقصة تركت أثر او انطباع مو حلو عندي :eh_s(2): مادري يمكن لأني زوجة وما حبيت للي صار لزوجة البطل؟؟ جايز


لي عودة و ناطرين اراء باجي البنات و بدوره وينج؟؟ قوليلنا رايج :aha:

​

 

[Shade]

حبيبتي روونة صج أنا بعد مثلك وايد كرهت اللي صار للزوجة وحسيت ان ظلم ، والقصة حلاوتها مو بإنك اكتشتفتي الجاني ، حلاوتها بإشلون مشت الأحداث للنهاية هذي

القصة الأخيرة واضح إن المهندس عبدالوهاب يبي يوصل من خلالها رسالة للناس يعني ماكانت قصة بالمفهوم اللي نعرفه بس الحلو فيها إن فيها معلومات علمية روووووعة اول مرة اعرف عنها

 

[amani]

صح كلامج إختي Shade ماشاء الله عليه كتاباته قريبه للقلب وتحسين فيها وتتأثير والأحلى البساطه بالكتابه بنتي بدت تشتري كتبه من ثلاث سنين تقريبا من صف سادس الحين هي بالصف التاسع وإن شاء الله هي مستمره بالقراءه من رابعه ابتدائي بدت تكتب قصص بالعربي وبالنسبه للإنجليزي كانت تكتب بعض الخواطر القصيره حتى اذكرها لما تبي شي مني أو زعلانه مني أو من إخوانها تكتب لنا رسائل بالعربي وترسم فيها وتكتب لنا خاطرة أو مثل بالإنجليزي هي وايد حساسه من هالسبب تشجعت إني أحطها على الطريق الصحيح كل معرض كتاب لازم نروح له يومين وثلاث تشتري كتب وقصص وإذا سافرنا بعد نحرص إن نشتري كتب وكل أسبوع تمر المكتبه تشتري وخصوصا إذا زعلت اشتري لها كتاب تستانس وترضى بسرعه

 

[amani]

يا حلو ندى ماشاء الله ربي يحفظها من العين وااي فديتها اتينن هي وكتاباتها الحلوه مثلها موفقه يا قلبي مشكوره إختي Shade

 

[shosho27]

قوه بنات شلونكم

انا بعدرحت المعرض وشريت الكتابييين ووقع لي اياهم وحدي استانست

وقريت اول جزء وعجبني وايد وايد واييييييييد ماشالله عليه كل مره يطلع بفكره يديده وقصه غريبه ما تطري على البال ....
والحين بديت بالجزء الثاني ومتحسفه اخلصه ودي اقرا قصص اكثر بعد ترى ما يصير جذي كتابين بس ما يكفون ...

لازم نقوله يكتب لنا اكثر لان وايد استمتع واندمج لما اقرا كتبه وما ودي اهد الكتااااب الا لما اخلصه ولي خلصته بسرعه اتحسف

بس ودي اقول ان صج اسلوبه عجيب وسهل وحلو ويخلي الواحد يندمج غصبا عليييه وانا من النوع بعد اللي وايد وايد اندمج مع القصه واتخيل احداثها وشخصياتها يعني اسوي فلم بمخييييي

والصراحه الله يوفقك يا م .عبدالوهاب السيد والى الامام دايما ........

 

[كويتية بحتة]

بنات بما اني راح اشتري
كتاب لعبد الوهاب السيد فبأي كتاب تنصحوني؟
لأني اول مرة بقراله

 

[rawona]

السلام شلونكم بنات؟؟


shade خلصت من قراءت كتابي م. عبدالوهاب السيد "رسائل الخوف" الجزئين الاول والثاني .. مع الأسف :0bee2e8d89:



وأقول مع الأسف لأني احس اني ما شبعت من قصصه وكنت ابي اقرا له اكثر .. صج صج صج استمتعت بقراءة الكتابين ووايد حبيت اسلوبه والفكر اللي اطرحه خصوصا اخر قصة "او بمعنى اصح" رسالة بالكتاب حسيت انها قالت كل شي باقوله و نها اضربت على الوتر الحساس .. ومست أشياء بداخلي دفينه .. يعني بمعنى ادق "قلب علينا المواجع" .. واحب اقوله صح لسانك و احنا معاك بكل حرف كتبته .. والله يصلح حال البلد وترجع الكويت .. كويت الستينات .. باندفاعها نحو العلم والتقدم .. وياريت كلنا نحب الكويت "حقيقة مو قول بس"!!




رائعة اصداراتك يا السيد والى الامام دائما!!



ملاحظة: بنات انا القصة اللي ما حبيتها اهي قصة "عندما احترقت زوجتي" ومو ما حبيتها لأن الاسلوب كان ممل او لأنها مفتقره للعملومات؟؟ لا بالعكس والله استمتعت بقرائتها وايد بس ما حبيتها وكرهتها!! يمكن لأني ما حبيت الفكرة و خلتني اقشعر!! وبالنهاية الف شكر لكاتبنا المميز والله يوفقه يارب ..



:q8:


​

 

[Shiny Star]

واااااااااااااو على أفكارك يا شايني :rerrerek:

ليش السنه الياية ... إحنا فيها خل نسويها هالأسبوع لي الحين في وقت بس خل نتفق على يوم نقدر نروح فيه أتوقع الويك إند أحسن شرايكم بنات ...

عشان نطرش دعوات عالخاص حق بنات التجمع ونتلاقى هناك

بس اقترحوا أي يوم والساعة كم عشان اللي يقدر يكون متواجد بهالحزة

أنا معاكم بس حددوا أي يوم والساعة كم عشان نتواجد معاكم

 

[Shiny Star]

الله يخليها ويحفظها لك يااااااا رب

وحياها الله معانا حبيبتي بين خواتها

:balo:

أصلا المؤلف عبدالوهاب السيد بكل اللأعمار يقرون له أنا أعرف ناس بعمر 12 سنه يقرون له وناس بعمر 40 سنه يقرون له .... ما شاءالله عليه أسلوبه وايد سلس وحلو ويشدك ... لي درجة أحس إني أعيش معاه بالروايه


بنات تدرون إن بنته ما شاء الله عيها عمرها 10 سنوات وعندها plog
وحدة من رفيجاتي قالت لي

تكتب خواطر بالإنجليزي .... طبعا أنا ما خليتها ...حنيت عليها لين يابت لي عنوان البلوق

http://q8nada.blogspot.com/


أكيد إذا إحنا متأثرين بكتبه أكييييييييد بنته متأثره بأبوها ... الله يحفظها يارب



:ggdw:

وناااااااااااااااسة دخلت بلوق ندى عبدالوهاب السيد يشششششششششششششوق

الله يخليها ويحفظها يا رب حق أبوها وإن شاء الله نشوفها مؤلفة مثل أبوها

وصاجة شيد إذا إحنا متأثرين بمؤلفات عبدالوهاب السيد شلون بعد بنته أكيييييييييد متأثرة بأبوها

هذا الشبل من ذاك الأسد

صح كلامج إختي shade ماشاء الله عليه كتاباته قريبه للقلب وتحسين فيها وتتأثير والأحلى البساطه بالكتابه بنتي بدت تشتري كتبه من ثلاث سنين تقريبا من صف سادس الحين هي بالصف التاسع وإن شاء الله هي مستمره بالقراءه من رابعه ابتدائي بدت تكتب قصص بالعربي وبالنسبه للإنجليزي كانت تكتب بعض الخواطر القصيره حتى اذكرها لما تبي شي مني أو زعلانه مني أو من إخوانها تكتب لنا رسائل بالعربي وترسم فيها وتكتب لنا خاطرة أو مثل بالإنجليزي هي وايد حساسه من هالسبب تشجعت إني أحطها على الطريق الصحيح كل معرض كتاب لازم نروح له يومين وثلاث تشتري كتب وقصص وإذا سافرنا بعد نحرص إن نشتري كتب وكل أسبوع تمر المكتبه تشتري وخصوصا إذا زعلت اشتري لها كتاب تستانس وترضى بسرعه

الله يخليها لك يا رب ويحفظها من العين ... خليها تشاركنا بالتجمع وتكتب رايها بمؤلفاته ... يا رب الله يقدرنا ونربي عيالنا مثلك على حب القراءة

بنات بما اني راح اشتري
كتاب لعبد الوهاب السيد فبأي كتاب تنصحوني؟
لأني اول مرة بقراله

( في الجانب المظلم ) - قصص قصيرة
( حكايات من العالم الآخر) - رواية

 

[rawona]

ماشاءالله عليها ندى ... الله يحفظها ويخليها اهي واخوها لأهلها يارب ..



بنات هذا موقع شركة بلاتينيوم بوك اليديد


http://platinum-book.com



وداخله منتدى للكاتب عبدالوهاب السيد وهذا الرابط للي يحب يشارك فيه


http://www.platinum-book.com/forum/forumdisplay.php?f=5

​

 

[amani]

مشكوره إختي Shiny star ربي يعطيج على قد نيتج حياتي
الأبناء أمانة لازم تحطينيهم على الطريق الصحيح خصوصا في هالوقت العجيب الغريب ربي يحفظ عيالنا من هالزمن الخطير

 

[shosho27]

قوه بنات
خلصت الجزائين من رسائل الخوف وتحسفت
احس اني ابي اقرا بعد ما شبعت من القصص .....
والصراحه كل القصص حلويييين وشدوني وقصه عندما احترقت زوجتي خرعتني وايد وانا اتخيل شكلها واحس بنحاسته اهو ... ما حبيته ليش يسوي فيها جذي
وقصة 14 يوم حدهاااا عجيبه وكسر خاطري البطل حرااام .... بس وناسه اخر شي الصراحه حسيت انه عوض ايامه اللي راحت كلها

وقصه اياها الحب ترفق هم كسرت خاطري العيوزه واهو هم كسر خاطري حسيته مسكين ما تهني يوم لقى الحب .... :""(

واخر قصه عجبتني وايد مادري ليش الاغلب قايل عنها انها اقل مستوى ؟؟؟ حبيت فكرتها وطريقتها والمعلومات اللي فيها في اشياء اول مره ادري عنها واعرفها مع اني اقرى وايد كتب بهالمجال !!!

بصراحه خوش كتاااب والله يوفق مؤلفنا ...
وانشالله السنه اليايه اكثر من كتابييين لان انا وحده ما اشبع من قصص عبدالوهاب السيد ..

ونصيحه حق اي وحده تبي تقرى اذا كانت تحب مجال الغموض والرعب وما وراء الطبيعه وتحب انها تكتسب معلومات وودها تقرى
حق عبدالوهاب السيد ومحتارة شنو تنقي ... لا تفكر اي كتاب تنقيييه راح يكون حلووو
انا بالنسبه لي اول كتاب قريته كان الابعاد المجهوله وعقبه شريت كل كتبببه
والحين عندي اصداراته كلهم

اييي ونسيت اقول بعد
انه يعجبني بكتاباته وقصصه انه يتكلم عن الكويت واشياء ومناطق ومرافق بالكويت يعني لما تقرين تحسين صج انه الشخصيه حقيقيه حتى لو كانت من خيال المؤلف يعني صج صج تعيشين احداااث القصه مثل ما تسمعين سالفه من احد او تشوفين الشي يصير جدامج

ومره ثانيه اقول الله يوفقك يا عبدالوهاب السيد
ويعطيك الف الف الف عافيه على الكتب الحلوه

 

[rawona]

انا اتفق معاج شوشو .. انا وايد حبيت القصة الاخيره من كتابه واستغربت ان في ناس شافوها اقل مستوى من البقية مع اني وايد حبيتها ..


وبنات ما قلتولي دخلتوا موقع بلاتينيوم بوك؟؟ انا سجلت بعد لمنتدياتهم




اليوم بنات لا اطوفون برنامج تو الليل راح يقابلون المهندس عبدالوهاب السيد .. :ggdw:


​

 

[Shade]

ماشاءالله عليها ندى ... الله يحفظها ويخليها اهي واخوها لأهلها يارب ..



بنات هذا موقع شركة بلاتينيوم بوك اليديد


http://platinum-book.com



وداخله منتدى للكاتب عبدالوهاب السيد وهذا الرابط للي يحب يشارك فيه


http://www.platinum-book.com/forum/forumdisplay.php?f=5

​

مشكورة روانه بعد قلبي ....

قريت بجريدة الوطن الصفحة 67 عدد اليوم الأربعاء خبر طاااااااااااااازج

يحل الروائي عبدالوهاب السيد ضيفا على برنامج ( تو الليل ) حلقة اليوم الأربعاء 4/11/2009

للحديث عن مجموعته القصصية ومشاركته في معرض الكتاب والحركة الشبابية في الكويت

هيه هيه هيه هيه هيه هيه


:ggdw::ggdw::ggdw:

 

[rawona]

مشكورة روانه بعد قلبي ....

قريت بجريدة الوطن الصفحة 67 عدد اليوم الأربعاء خبر طاااااااااااااازج

يحل الروائي عبدالوهاب السيد ضيفا على برنامج ( تو الليل ) حلقة اليوم الأربعاء 4/11/2009

للحديث عن مجموعته القصصية ومشاركته في معرض الكتاب والحركة الشبابية في الكويت

هيه هيه هيه هيه هيه هيه


:ggdw::ggdw::ggdw:

ايي ان شاءالله عاد ما انسى واشوف البرنامج

​

 

[Eng.shosha]

السلام عليكم


ما شااء الله الاسبوع بسرعه يمر وما احس فيه ..
بمان ان هالاسبوع كان امتحاناات .. فما مداني أقرا الا الجزء الأول
من رسائل الخــوف ...
أول قصه اللي اهي 14 يوم
فعلا اول شي حال الولد يعور القلب
ابببببببدا ما توقعت بتكون هذي النهايه
روووووووووووووعه روووووووووعه
استانست على آخر شي احس ردت روحي لوول

والقصه الثانيه كسر خاطري الولد احسه اندقر يوم لقى الحب ..
بغيت ابجي عليه
الشي اللي يميز اصدارات المهندس عبدالوهاب أن يكتب بالفصحى وهالشي حيييل
يفيدني كطالبه بالعربي .. والشي الثاني اللي يميز اصداراته تحتوي بشكل كبيييييييييييييير
على معلومات عن ما وراء الطبيعه .. فشي حلو ان نقرى روايه مسليه وبنفس الوقت نكتسب
معلومات يديده


وان شااء الله راح أقرا الجزء الثاني بالويكند وأقول لكم رايي فيه ..



وان شااء الله اليوم ما انسى اشووف المقابله

يعطيكم العافيه بنات وسوري على عدم تواجدي المستمر الامتحانات كلتني

 

[Shiny Star]

مشكورة شيد

أنا شابكة الحين ومجابلة التلفزيون قناة الوطن عشان أحط لكم آخر المستجدات باللقاء اليديد

بانتظار برنامج تو اللليل ولقاء المؤلف المبدع عبدالوهاب السيد

 

[Eng.shosha]

بنات متى ينعاد البرنامج الظهر ؟؟؟

بلييييز ضروووري