*&*&) مـع او ضـد قضيـه حجــاب للعضوتيــن اسيـل العوضي ورولا دشتـي

[Twafeej]

تم التصويت

 

[vi-lady]

شنو راح يزيد وشنو راح ينقص
اذا كانوا لابسين حجاب ولا مو لابسين
واهم حريم كبار وعارفين شنو الصح وشنو الغلط
كيفهم
واهم وربهم ينيازون
ليش امسوين سالفه ولووويه

لاحبيبتي تفرق !!! هذيلا قدوه حق بناتنا ,,,ليش انتي ماكنت تتأثرين من مدرساتج ,,من اي وحده في المجتمع يكون لها مكانه ماتتأثرين وتقلدين .
(((طبعـــــــــــــــــــــــــــا" مع الحجاب )))
شلون تمثل الاسلام والمسلمات اذا اهي مو لابسه حجاب ,يعني لو يشوفها احد من غير المسلمين ومايعرف اللغة العربية ويشوفها تلعلع بين الرياجيل والعقل شبيقول اكيد مايدري انها مسلمه , وعلى قولت احد الاجانب اللي اسلموا يقول:رأيت الاسلام ولم أرى مسلمين.>>>والله انه صــــــــــــــــــاج.
وشـكــــــــــــــــــــــــــرا"​

:bye22:

 

[أصدق شعور]

انا مع الحجاب ..................... حراام عليهم وعيب شكبرهم لاحجاب ولاشي ................ وبين رجاجيل .............. وتعاملهم كله معاهم .............. غلط وستين غلط طلعتهم جذي ............................ يعني غصب احنا صغاار ...........

 

[Stylista_Q8]

أناا مع الحجـآاب

بس المفروض اهم متقبلين هالشي وهالعضوتين المفروض يتحملون هالنقد إللي بييهم

لنه لو تتذكرون أول ما عطونا حقوقنا السياااسية قالوا لازم لباس شرعي اسلامي Aka الحجـآاب !

بس اهم عاندوا .. رشحوا روحهم .. فازوا .. دشوا المجلس.. وبالطقاق حق الحجـاب او اللبااس الشرعي

بعد تعرفون سوالف الحريم شلون صايرة لازم اهم يمشوون كلامهم

الله يهديـهم .. < عاد جد والله احس مالهم فايده بالمجلس يا يوافقون بالراي يا يرفضونه او يتفلسفون لوول

 

[أحلام ورديه]

انا مع الحجاب يعني اهم دشو المجلس علبنة اخ>و الحق السياسي واهو قانون طيب الحين القانون يقول احتشمو ليش ما تحتشمون
يامال الهدايه

 

[النهج الاسمى]

اولا دستور الكويت فارض على كل مرشحه باللبس الشرعي!!!

ليش ماألتزموا فيه؟؟؟؟

دام انهم يمثلون الحكومه لازم يكون لبسهم محترم>>>>>واحترام اللبس مايكون الا بالحجاب

مع ومع ومع الحجاب>>>>>ليمتى وانا نتنازل عن احكام دستورنا

واللي يقولون لهم رب يحاسبهم>>>>>بعد شروط دستورنا لها حكومه تحاسبهم

اذا مايبون يتقيدون بالحجاب >>>>>مو لازم يكونون نوابنا

 

[chanel N22]

السلام عليكم ورحمه الله وبركاته

انا مع الحجااااب
انا اقول ليما خلو المره تدخل مجلس الامه القانون كان ان المراه تدخل بحجاب ..يعني مونرضى بشي ونخلي شئ هذا اهو احترام القانون..انا مع الحريه الشخصيه كيفها بره تبي تلبس اي شئ يعني مو غصب الحجاب بس بالمجلس لان لازم تلتزم بالقانون اللي طلع مع حقوق المرأه ..وثاني شئ الاخت رولا دشتي تلبس حجاب جدام حسن نصر لله تستحي منه وماتستحي انها ماطبقت القانون ..
والله يخلي الكويت لنا يارب

 

[انصاريه قمره]

اولا مو من حق اي وحده فينا تقرر لان هالشي خااص فيهم
وذنبهم على جنبهم ولهم رب يحاااسبهم والنواب الافاضل بدال لا يتفلسفوون
خل يحلون قضايا البلد ولا ناووين على حل المجلس تراا ما صارت لاعت جبودنا جان زين الشيخ صباح
يلغي المجلس بكبره لان اغلب اللي فيه لا ثقافه ولا شي ولا يعرفون كوعهم من بوعهم وانا اقترح وضع شروط للمرشح مثل انه يكون جامعي ومثقف الخ.........

 

[cup-cacke]

مـع الحجاب

الدستور الكويتي فارض هالشي..واهم لما خلو الحريم يدشون المجلس شرطوا هالشرط..واهم وافقوا على هالشرط..ما يجون الحين يقولون لا وما لا

وبعدين رولا يوم راحت جنوب لبنان مع موضي الحمود لبسوا الحجاب

يعني هناك رياجيل وهني مو رياجيل!!!!!!!!!!!!

 

[توته وااااااااو]

انا مع الحجاب يعني الست رولا دشتي
لما زارت السيد حسن نصر الله غطت
شعرها يعني تحجبت وعندنا سااااافره
ليش يعني هي تحترم السيد حسن
وعندنا ماكو احترام ليش التفرقه
شنو الفرق بين السيد حسن نصر الله
والشيخ الفاضل محمد هايف وغيره من المشايخ بمجلس الامه
والله تقهر رولا دشنتي

 

[بنت المنصور]

صراحه ماعندهم سالفه ابد انا صوت ضد انا اكيد مو ضد الحجاب بشكل عام بس بهذا الموضوع ضد لان مافي شي بالغصب

وبعدين الحجاب مو مقياس يعني مومعقوله ما اهتمو لكل ما يمتلكونه العضوتين اسيل ورولا من ايجابيات سوا من الحيث السيره

الذاتيه ولا الاسلوب الراقي بالحوار و و و و كل هذا قطوه بحر وركزو على الحجاب زين وينهم عن الموضوع هذا ايام الترشيح

صج يعني ناس فاضيه ولا تعرف بالدين شي والله حرام ان الكويت يكون مصيرها بمصير هذول الي مايعرفون شي ما اقول الا الله يحفظها

من ديره ويحميها من الناس الحاقده الي داخلها قبل الي خارجها الكويت وربي دانه لازم نحافظ عليها مع اني على فكره مو كويتيه

 

[LuLiTa]

مـــرحــبااااا بنااااات :bluesmclr:​

ببدي موضوعي دااااااايركت
انتوو اكيد شفتوو الجرااايد شلوون شااابه ع قــضيه الحجاااب للعضوتين ((اسـيل العوضي ورولا دشتي ))
انــاا الصراااحه عن نفسي اشــوفهااا قضيــه مهمـه خصــوووصـاا ان الــكويت دوله اسلاااامــيه محــافظه ع القــيم
والعـادات والتقــاليدولا ننسى ان هــم الكويت دوله ديمقراطيه مع حريه الشخص ,,,,,,,

ما اعتقد انها قضية مهمة لهي الدرجة ,, و شنو يعني مو محجبين ؟ ,,الناس اللي صوتو لهم ما اعترضوو! ,,,و اصلا نص بنات الكويت مو محجبين ,,,و اهمه اسيل و رولا يحضرون جلسات المجلس و اهمه لابسين مايوهات مثلا ؟؟؟ ,, و منو قالج انه كل قوانين الكويت تتبع الدين الاسلامي ؟؟؟ خل يطبقوون الدين و يعدلوون القوانين اللي اتسهل البوقات و تمنع الربا بعدين يتحجوون عن حججاب اسيل و رولا ,,,

ولو افترضـناا ان اسيل ورولا تحجبــوو هل راح يخف صــرااااخ اعضااااء مجلس الامــه ؟؟

لا طبعاا ,,, راااح يطلعووون بموضووع ثاااني تااافه عشااان يشغلوون وقت المجلس عن القضايا المهمة اللي اتلامس وااقع الشعب,,,

هــل بعتقــادكم ان هـــذا موضوع مــهم بستحق كـــل هذي الضــجــه؟؟ لا أصلا هذا الموضووع مثل ال show,,, بس يستعرضوون فيه للناخبين ,,, و يمثلوون انهم قاعدين يسوون شي في المجلس ,,,
:icon30:​

انا وجهة نظري اني مو ضد الحجاب ,,, اهوو واااجب على كل مسلمة ,,, و جزء من دينا الحنيف ,,, بس في نفس الوقت ما يحقلنا لا انا و لا انتي و لا النواب و لا اي احد انه انقووول و نأمر اي وحدة انها اتحجب ,,هذا شي بينها و بين ربها ,,, و ربها اهووو اللي خلقها و اهوو اللي يحاسبها مو احنا ,,, يعني يظل الموضووع في اطار الحرية الشخصية ,,, و اعتقد انه من السخافة و اصلا من التفااهة انه نشغل وقتنا و وقت المجلس بمسألة حجاب رولا و اسيل ,,, لأنه في قضايا ثانية لها الاولوية مثل غلاء الاسعار و مستوى التعليم و الخدماات الصحية و غيرهااا و غيرهاا ,,,

يا جماعة الدول الثانية اقتصادها انتعش و امووورهم المالية تحسنت و احنا عيالنا مو لاقيين وظاااايف و ناااس وايييد قاعدين يفنشوونهم من شغلهم و شركااات قاعدة اتفلس ,,, و احنا مجلسنا مقزرها حجاب اسيل و رولا ,,, و باااجر قضية بنطلونات البنات !! و لا اسامي الصبيان اللي فيها تاااء مربووطة !! ( مو الاسامي اللي فيها تااء مربوووطة فيها تأنيث للاسم يعني تشبه بالنساااء )) ,,,

 

[%عـجـمـيـه صـريـحـه%]

حرية شخصيه إي نعم

جملة ضد الحجاب أعتبرها غلط بحق دينآ وبحق أنفسنآ كمسلمات..

 

[● ταʝ ɨʟ ʀοοѕ ●]

Ana Ele 7aarne Bdaaal La Y7iloon Qa'9aya El Shaaa3b o Qa'9aya Wa6ana
yayeeeen 3ala 7jaab Hal Thntaayn Intaaaaaw shakuu
7ilaaw qa'9aya deeratkum Bil Awaaaaal
maku qa'9eya Ela L7jaaab
Kaifhum B3d Mu qaaa9b yalbesoon 7jaab mayabooon
Etha qa9eboohum chnaa ga3deen yqa9boon jamee3 il banat yt7ajeboon
ana 3an raayee hathy 7ureya sha59eya dam el libs zain o msatar its ok
plzzzz nabe n7il mashakil el deera mu mashakil a3'9aa2 bil majlis
allaaaah b7asb rula o aseel i7na shaku feehum
D;

 

[لياااالي نجد]

وجهة نظري :اذا بيفروضونة على اسيل ورولا خل يفروضونة ع الباقي
وقفت عليهم الكويت مليانة بنات مو متحجبات وبنات حمايل وشيوخ بعد
اذا في خاطرهم يعممون او مالهم شغل
وبصراحة احس هذي فبركة سياسية لا اقل ولا اكثر
شوفي نيتهم مو الحجاب غير جذي
وشــــــــــــــــــــكــــــــــــــــــــــــــــــــــــــــــــــــــــــــراااااااااااااااا

 

[Stylista_Q8]

ليالي نجد

تااج الرووس

اهم حددوا رولا وأسيل غير عن البنات الباجي تدرون ليش ؟؟

لنه هالقانون يطبق على اللي ادخلوا المجلس

بقولكم مثال: لما اقولج يا فلانه بتصيرين مديرة وهذي شروطي وانتي وافقتي عليهاا

ولما عينتج ماطبقتيهـا ؟! انزين ليش ؟ مو قد الكلمه ؟

اهم جذي لما رشحوا روحهم كانوا عارفين هالقانون وعاديي ويوم فازوا عطوا هالقانون أكبر طااف

صج النوااب غلطوا يوم كبروا السالفة وايد بس هالنائبتين المفروض يحترمون القانوون بعد ! اذا اهم ما احترموا قانون البلد

شخلوا حق المواطنين العاديين ؟ا

 

[شويهينه]

انا مع الحجاب


اولا هذي من قوانين المجلس وهم عارفين هالشي



وثانيا اذا نصر الله محترمينه ومو معبرينا صراحه مشكله



عالعموم الله يهديهم

 

[((*فروووحه*))]

مشــــكووووووووورين ع ردووووووووووودكــــــــم الحلــــووو
واختـــلاف الرأي لايفســـــد للـــود قضيـــــــه

ثــــــــاااانكيــــــــوووووو حبووووباااتي

 

[خاشووقه]

الحجاب اقتناع

 

[gaiety girl]

السلام عليكم ورحمة الله وبركاته
أولا مشكورة أختي على الموضوع
وطبعا أنا مع الحجاب لأن الحجاب فرض
على كل مسلمة يعني السالفة مو لعبة فرررررررض
ومافيه شي اسمة حريه شخصية بالدين والمفروض إذا ربنا
سبحانه أمرنا بشي نقول سمعنا وأطعنا لأن ربنا سبحانه ما يامرنا
بشي إلا وفيه مصلحتنا
والسالفة مو سهلة يابنات ترى فيه عذاب بعد الموت والله يهدي الجميع .