*&*&) مـع او ضـد قضيـه حجــاب للعضوتيــن اسيـل العوضي ورولا دشتـي

[أبله شقحه]

ياربى كيفهم ليش حاشرين روحهم تحجبو ولا لأ كل واحد بكيفه خلصت المشاكل مابقى غير حجاب النائبات صج فراغه

 

[آلسحرآلحلال]

((الألتـــزام بالــضوابط الــشرعيه ))

^^

يعني اذا دشو قبة البرلمان ... لازم يغطون رووسهم

وبرة كيفهم ......

 

[قلبين وسهم]

انا معاااااااااااه وبشده لان كل من في المجلس يمثل الشارع الكويتي يعني لازم يطلعوون بصووره تعبر عن ثقافتنا الاسلاميه قبل كل شي

بعدييييين صحيييييييييح الدين يسر لـــــــــــكن الحلال بين والحرام بين

عسى ربي يهدييييييييينا ويصلح حاااااالنا جميعاً


بالتوفيـــــــــــــــج


​

 

[((*فروووحه*))]

بنــــاااااات ماشالله عليـــكم بدعتـــوووو بردوووودكـــــم
حـــيـــــلكم بالنــــوااااااااااب حـــيلكم فيهم :23_asmilies-com:
ومشـــكورين ع مـــرووووركـــم الطـــيب
وارااااااكــــم الاطـــــيب :nbvppw::nbvppw:​

 

[تفـاحهـ]

انا مع لأنهم يمثلووون دولهـ قبل يمثلوووون نفسهم

 

[hello.kitty_85]

طبعا ضد هالحجاب وضد هالاسلوب يعني احنا شكو فيهم والاعضاء مو لا قيين سالفه غير رولا واسيل وهالاستجوابات اللي مالها داعي انا اقول خل يشوفون تصرفاتهم وضراخهم وهواشهم بالمجلس ويحلون مشاكلهم النفسيه تالي خل ايون المجلس يحلون مشاكل الديرة وجودهم وعدم وجودهم واحد وبصراحه رولا واسيل ومعصومه يسوون هالاشكال كافي مستواهم الفكري وتفكيرهم بحل مشاكلنا ملينا من هالاعضاء ومن اشكالهم اللي تارسين الديرة

 

[((*فروووحه*))]

بنااااااااات مشكورين ع المروووور

:aha::aha::aha:

 

[تنـــاســـانــي]

لا اكراه في الدين ..

يعني اذا اهيه بتتحجب داخل المجلس .. راح تقطه برى ..

شنو الفايده ؟؟ اهيه راح تلبس حجاب .. ماراح تلبس افكار و مبادئ يديده ..


و الحين الاعضاء .. هدوا مشاااكل الكويت كلها .. و سوو ضجه و لويه على سالفة الحجاب

 

[((*فروووحه*))]

تــنـــاســــاني
مشكووووووووووووووره خيتوو ع المروووور

 

[وهج الحب]

السلام:
انا متحجبة من يوم انا صغيرة ويا ما تمسخروا علي ولكن ثبت على حجابي رغم اني يوم تحجبت مش عارفة ايش السالفة عدل بس حبيت اتحجب ...
هذه مقدمة لاني باقول رغم اني متحجبة واني تمسخروا علي بالبداية لانهم يقولون لي تسوين مثل الريايل تتغترين ...بس انا مع الحرية الشخصية للوحدة هي حرة تحجبت زين على زين ما تحجبت حسابها عند الله وهو اللي يحسبهم على اعمالهم ولا احد له دعوة فيهم ...ولا احد ينصب نفسه قاضي على احد ...وقال عيسى من لم يكن على خطيئة فاليرمني بحجر ...
اما عن القضايا المثارة اتجاه النائبتان لازم الواحد عنده عقل ويعرف من واراها وراها ناس تبي تضايق عليهم عشان يأخذون عزالهم ويتوكلون على الله ..والا عندكم يا ما مافيه ناس مش متحجبات ..ليس محد قام يقول عنهم مش متحجبات وانهم في دولة اسلامية ...وعندنا يا اذا سافرت اشوف بنات عندنا مصررين نفسهم بالنقبات ولما اشوفهم بأوروبا لا حجاب ولا نقاب ...اللي يبي يتحجب ويتنقب يسويها باقتناع وخوف من الله مش بحد العصا والسيف ..( اقصد بالتهديد )..
واظنهم طوال حياتهم مش متحجبات جات على الحين عشان امور سياسية ..وبس ولا شئ ثاني لها ..وسلامتكم

 

[أم حمد =)]

ضد ..

 

[حدى عنيده]

بصراحة هاذى عاد سالفة يعنى اللحين النواب هادين القضايا المهمه ولاحقين سالفة الحجاب موسالفة هاذي نبى نلتفت اشوي للقضاية المهمه فى البلد وبعدين انا اعتبر هالشى بينهم وبين ربهم .

 

[مطيريه ماركه]

أمتنع عن آلتصويت !

مآيهمني آلوضع النيآبي !

ولآ همّوني تحجبوآ أو لآ

آللي هآمني أن مآ تطلع وحدة مآتعرف كوعهآ من بوعهآ تقول مو فرض هذي أحسن لهآ تسكت :eh_s(10):

بس للحين محترمة أسيل ورولآ لأنهم مآ أفتوآ قآلوآ حريّة شخصية بس آلملسونة عآيشوه هذي تفتي بـ كيف أبوهآ هذي أخنقوهآ بـ آلحجآب

 

[جوك احلى جو]

الحين خلو كل القضايا وجابلو هم علي حجاب ما حجاب !!!! يعني ياليت ينشغلون بقضايا اهم لان الحجاب شي خاص باسيل ورولا بينهم وبين ربهم اهم مالهم شغل

 

[yam_yam]

عن نفسي اشوف انه فيه وايد مشاكل اهم من الحجاب

 

[PO PO22]

مع الحجاااااااااااااااااااااااااااااااب
والله يهديهم ويهدي جميع بناااااااااااااااااات المسلمين
والله انهم بغفله

 

[miss abrar]

طبعا ضد ... اول شي خلهم يحلون مشاكل البلد ويفكرون لنا بحلول تنمويه بالله اذا خلص البترول الجيل اللي ورانا بيرجعون للغوص مثلا؟؟ وثاني شي احنا دوله مدنيه مو دوله فتاوي الدين اساسه نيه وايمان بالقلب وعلاقة الانسان بربه محد يشوفها اما اللي يبون يمشون بالشكل والفتاوي هذول يبون نفاق بس .. ونسوا ان الدين 80% اخلاق و20% منه عباده وكل واحد حر باللي يشوفه ويعتقده ومحد له حق يفرض معتقداته على غيره

 

[كيك وحلاوة]

انا سعودية عادي لو اصوت0000000000000000000

 

[أحبه موت]

أنا صوت ضد يعني بصراحة هالأيام ماعندنا شغل غير حجاب أسيل ورولا وانتوا شكو فيهم "يا أيها الناس عليكم من أنفسكم" في قضايا أهم بوايد من حجاب أسيل ورولا الحجاب شنو بغير بعرف؟؟ هذي حرية وقناعة شخصية واحنا ابلد ديمقراطي كل واحد عليه من نفسه والله قال بكتابه "إنك لا تهدي من أحببت ولكن الله يهدي من يشاء" يابوا سالفه تااااااااافهه يبون يشغلونا فيها عشان ننسى وينسونا القضايا المهمة الي تمس ديرتنا

 

[شمعة*البيت]

طبعا مع الحجاب 100% بال 100%