شـاركـونا: تجاربكم مع عمليات التجميل

[تخصص كنتاكي 1]

انا اقول ان العمليات حرام لانه تغيير في خلقة الا اذا كان في عيب مضايقج وتقبلوا رايي بصدر رحب

 

[LaSt WoMeN]

كنتاكي صاجة .. و هذا مو رايج بس هذا راي الشرع و أمر الله سبحانه ..

والله شفت اللي تفخت براطمها و يلوعون الجبد .. و اللي تفخت
خدودها و صارت تخرع ماني قايلة جنها منو .. و وحدة سوت
هالشيين تفخت البراطم و الخدود و محد يشتهي يطل بويهها ...
اي ليــــــش ؟؟ ليش مو واثقين من روحكم ؟ اللي يحبكم لازم يحبكم
مثل ما انتو .. و المشكلة انهم - اللي ذكرتهم - كلهم حلوين .. او..
كانوا حلوين ..

ماكو أحلى من الشي الطبيعي .. والله ما نشتهي نطل بويوه اللي
مغيرة خلقة ربها .. حتى اذا طلعت حلوة .. الانسان مهما كان يحب الشكل الطبيعي ..

و كل ما ركضتوا و لهثتوا ورا الدنيا .. تغيرون اشكالكم ..
تراكم قاعدين تطيعون ابليس و العياذ بالله لما تحدى الله سبحانه
و قاله :" وَلأُضِلَّنَّهُمْ وَلآمُرَنَّهُمْ فَلَيُغَيِّرُنَّ خَلْقَ اللّهِ وَمَن يَتَّخِذِ الشَّيْطَانَ
وَلِيًّا مِّن دُونِ اللّهِ فَقَدْ خَسِرَ خُسْرَانًا مُّبِينًا "(119) النساء

غمضة عين و القيامة صايرة و الواحد مهما طال الزمن او قصر مرده
بالتراب ما راح تفيدهم هالبراطم و هالخدود و الخشوم بالعكس راح
تشهد عليهم ..

كلامي هذا موجه للي تبي تسوي عملية مو بحاجة لها و لا ضرورة طبية

علشان ريل و لا حبيب و لا علشان الناس .. و الله عساني ما عجبتهم لا طاعة لمخلوق في معصية الخالق .. شبيفيدج هالمخلوق بيوم لا ينفع مال و لا بنون .. بينحاش و لا بيعرفج ..

مو قصدي انكد عليكم .. بس لازم اقول لكم هالمعلومة لو كنتوا ما تعرفونها و اللي يدري مو مثل اللي ما يدري ..

 

[دنيــا الولــه]

بنات عفيه ابي رقم مستشفى المواساة ضروووووووووري

واللي تعرف رقم اريك بلو هم ابيه

وثاااااااااانكس الوت

 

[رهــــف]

قوه اختي حبيبته شراايج دكتور جمال الحربي انا ودي اسوي اخدودي عنده بس خايفه شراايج اروحله؟؟؟؟وجم اسعاره

 

[دنيــا الولــه]

بناااات عفيه احد يجاوبني

 

[النية الصافية]

رقم المواساة
اخذيه من الجريده او البداله وكلش اخذيه من المنتدي سوي بحث بارقام المستشفيات او العيادات ويطلع معاج
لو اعرفه جان كتبتله لج

 

[دنيــا الولــه]

رقم المواساة
اخذيه من الجريده او البداله وكلش اخذيه من المنتدي سوي بحث بارقام المستشفيات او العيادات ويطلع معاج
لو اعرفه جان كتبتله لج

تسلميييين بس المشكله انا برا الديره عشان جذي طلبت مساعدتكم

وسويت بحث ماطلع لي شي بليز الي تعرفه تعلمني

 

[فتون علف]

مستشفى المواساة
5719102
5711533

بس حبيبتي اذا ماعندج عيب خلقي لاتسوين العملية ترى مايجوز مثل ماقالولج البنات

 

[مزعلة النسا]

انتي وين سويتيها عند اي دكتورررر اهي قالت لي جذيه لان وجهي ضعيف ومن اول مره مايسير وتسلمين بس ماحس انها مبينه اخدودي مادري ليش

يمكن حطتلج احماض الفواكه هذي تحتاج جلسات ولا تبين انج تافخه حيل انتي ما سالتيها شنو حطت لج ؟؟؟؟؟

 

[مزعلة النسا]

ال3 جلسات اطلعت عليج 75 او كل جلسه بهالسعر

 

[*دبدوووبه*]

بنااااااات
ألله يخليكم

منو اللي مسويه عمليه حق الفخووذ؟

انا مره رحت حق دكتور نيشو راجاسيك
اللي بانترناشونال كلينك
بصراحه ماعجبني
جنه خبل
ولم فحصني
جنه يفحص لعبه لوووووووووووووووووول

بليييز منو تقدر تساااعدني

 

[manoora]

شلون و دواماتكم و اهلكم و حمايلكم شلون جدامهم الخشم مجبس ولا ستكر شقولون ؟ صج فشله

 

[jolie_q8]

بنات عفيه ابي رقم مستشفى المواساة ضروووووووووري

واللي تعرف رقم اريك بلو هم ابيه

وثاااااااااانكس الوت

رقمهم 5726666

والدكتور راح يكون موجود بتاريخ 7-5

 

[style@style]

انا ابي اسوي عملية شفط دهووون عند د0 عبدالمحسن ابو الدهب بس خاااايفه موووت لاني روح بروحي محد راضي يروح معاي مجد يعرف هالدكتووور بليييييز ساعدوني والله حيل خايفه المصيبه خطيبي قلت له وقال سوي يعني جسمي مو عاجبه الله يخليكم الى عند خلفيه عن عالموضوع يرد علي

 

[*دبدوووبه*]

هذا موجود ؟ في الشعب التخصصي صح ؟

اهوا ولا لالآ

والله يمدحون دكتور
نيشو راجاسيك بأنتر ناشونال كلنك

ويمدحون
دكتور
جورجي <فرنسي
في المواساة

 

[حبيبته آنا]

ستايل ستايل انا سامعه بابو الدهب ويمدحونه وايد بس للامانه انا ماجربت اسوي شي عنده بس اللهم اني سامعه عنه

 

[طفوش]

بنات عفيه ابي رقم مستشفى المواساة ضروووووووووري

واللي تعرف رقم اريك بلو هم ابيه

وثاااااااااانكس الوت

اريك بلو يجى الكويت كل شهرين 3 ايام يوم كشف ويومين عمليات
وماله رقم محدد تحجزين من عند مستشفى المواساة ويقولولك اى تاريخ يكون موجود

 

[دكتوراة بالذوق]

اي اريك بلووو ؟؟؟

من صجكم تسوون عمليات عند دكتور غير


جمال الحربي




جمال وبسسسسسسسسسسسسسسسسسسسسسسسس..



بصراحة مو دكتور لا هذا شوية علية كلمة فنان ...


وبعدين عملية التجميل مو يوم ومع السلامة لا يبيلة مراجعات فوق 6 شهور وابر وتمارين للخشم والدكاترة اللي يزورون شلون تشوفونهم مرة ثانية؟؟




................



اشجع المنتج الوطني


جمال ولد ديرتنااا والمرضى اللي بعيادتة خير دليل ... واصلا نص بنات المنتدى اللي مسوين خشومهم عندة ....





وحبيت اقوول العملية بس للحاجة وليس كمالية


وموفقين

 

[دنيــا الولــه]

مشكوووووووووووووووووووووورين حبيباااتي كل الي ردوو علي

 

[دنيــا الولــه]

ماقصرتوووووووووووووووووووو

فديييييييييييييييتكم