كنكة ماعرف اسمها عدل .. ابي نصيحتكم؟

[Alia]

هلا بنات شلونكم :eh_s(17):

حبيت اسالكم عن الكنكة مادري اذا يسمونها جذي :eh_s(6): مالة القهوة التركية:eh_s(22):

شنو احسن نوع؟؟ اللي يضبط الوش فيها:eh_s(9):

ومن وين؟؟​

 

[supermarket]

الطريقة اهي اللي تضبط الوش موووو الكنكة


بس لازم تكون الكنكة على قد الكمية


يعني مو تسوين مقدار شخص بواحد كبييير

 

[Alia]

سوبر ماركت امبلا في انواع ماتضبط معاها القهوة! اللي تصير دائرية وكبيرة

شلون مافهمت قصدج عن المقدار حبوبة

 

[ضحكة الدنيا]

فعلا الطريقه اهى اللى تضبط القهوه مو الكنكه
وفى احجام ووموجوده بكل مكان عند قسم الاوانى المنزليه بكل الجمعيات

 

[supermarket]

شلون مافهمت قصدج عن المقدار حبوبة

يعني لما تسوين بس لج خلي الكنكة اللي تييج اصغغغر شي مو الوسط والا الكبيرة

 

[مسك 3]

القهوة عشان يضبط الوس حطي مقدار الماي بكوب القهوه على العدد ولكل كوب ماي قفشه ونص "ملعقه شاي الوسط"
اول شي نطري الماي يصير حار تالي حطي الشكر وحركيه وبعدين حطي القهوة
ويطلع الوش وعوافي

 

[Alia]

مسك بجرب طريقتج الحين واقولج عن النتايج

 

[jolie_q8]

صح نوع الكنكه غير مهم

المهم الطريقه

لا تخلين القهوه تغلي بس تطبخ مره وحده شيليها على طول

<< ماحب الوش احب المغليه


بالعافيه

 

[ياسمينا]

تلاقينها بقسم الاواني المنزليه واحسن شي الكنكه الصغيرة لفنجان تضبط عدل القهوه معاج

 

[Alia]

مسك3 : جربت الطريقة اليوم للاسف ماصر وش!!!!!

جولي : تقصدين اول مايرتفع الوش اشيلها ؟؟

 

[Alia]

تلاقينها بقسم الاواني المنزليه واحسن شي الكنكه الصغيرة لفنجان تضبط عدل القهوه معاج

انا مالتي الملبسة اللي لونها بنفسجي قامج عليها طاووس! زينة؟

توني ماخذتها

 

[7abebat elq8]

حبيبتي انا اموت عالقهوة التركية و اضبط الوش جدا جدا..... اقولج احسن نوع كنكة لي تكون لونها ذهبي و يدها خشب عرفتي اشلون لي تلاقينها بقهاوي مصر دايم يستخدمونها هذي اهي و تلاقينها بكل مكان و في منها الكبير و الوسط و الصغير بتيجي من تحت مكتوب عليها ارقام مثل 1،2 و جذي انتي ييبي الوسط و الصغيرة و اول ما تبداء الفوران صبيها شوي شوي بالفنجان و ان شالله تضبط

 

[MOOOT]

القهوة والوش

يصخن الماي والشكر وتحطين القهوة

بس لا تغلي​

قبل لا تغلي .. يعني أول ما ترتفع شوي خلاص

صبي القهوة بالفنيال

وشوفي الوش وادعيلي

 

[عطر الشوق]

ومنكم نستفيد
ريلي يحب القهوه بس ماعرف اسويها
كملو جيلكم وكتبو المقادير حق شخص واحد
شكرا

 

[omajiad]

حبيبتي انا اموت عالقهوة التركية و اضبط الوش جدا جدا..... اقولج احسن نوع كنكة لي تكون لونها ذهبي و يدها خشب عرفتي اشلون لي تلاقينها بقهاوي مصر دايم يستخدمونها هذي اهي و تلاقينها بكل مكان و في منها الكبير و الوسط و الصغير بتيجي من تحت مكتوب عليها ارقام مثل 1،2 و جذي انتي ييبي الوسط و الصغيرة و اول ما تبداء الفوران صبيها شوي شوي بالفنجان و ان شالله تضبط

صح كلامج الذهبية أحســــن شي:eh_s(9)::eh_s(9):

 

[دانــــه]

الكنكه بالمصري هي دلة القهوه التركيه النحاسيه

في أنواع ستانلس ستيل

وفي المنيوم

وفي معدن مطلي

النوع ما يهم

المهم هو الطريقه



الوش هو عباره عن بن ما طبخ عدل .. وما أنصح به لأنه يسبب حموضة وحارق بالمعده

يمكن الحصول على الوش بوضع البن والسكر على الماي وهو بارد .. وأول ما تغلي شيليها وصبيها


القهوه الصجيه هي اللي تغلي الماي بعدين تحطين السكر وبعده البن .. ويتم لين ما تغلي .. وتتركيها تغلي على نار هاديه ويا ليت تحطين تحتها قطعة صاج ( غطا علب النيدو ) أو على جمر فحم ..مع وضع الهيل

وقهوتكم حلوه




شوفي هالفيديو

http://www.videosofturkey.com/video_details.asp?id=134

 

[AwradAli]

الكنكه مو اهي اللي تخلي الوش يضبط انا طول عمري اسويها بأي كنكه جدامي المهم الطريقه .. خلي فنجان القهوه اللي بتصبين فيه القهوه هو مقياسج للماي .. انا طريقتي احط الماي وأذوب فيه السكر واحطها على نار هاديه ثواني على ما اييب القهوه .. كل فنجان احط مقدار قفشه صغيره متروسه قهوه واحركها عدل واخليها على النار وأول ما تبدي تغلي وترتفع شويه بس اصبها ويطلع الوش شحلاته .. خالتي هم متعقده من هالسالفه سويتها جدامها وضبطت معاها من عقبها .. الله يرحمها اللي علمتني هالطريقه مصريه وكانت تقول لي عندنا عيب تقدمين القهوه بدون وش
وعندهم معتقدات ان البنت اللي تقدم القهوه بدون وش ما تتزوج ههههههه

 

[أم مـنـ*ـار]

الكنكه مو مهم