تجمع{الكاتب}\\المبدع//م.عبد الوهاب السيد.::.حياكم الله.::.

[Shiny Star]

مادري والله يا أم عبدالمحسن


ما شاء الله اللقاء كان جدا مميز ومثل العادة مؤلفنا المبدع عبدالوهاب السيد متميز دائما

ومنها للأعلى يا رب

:yaaaaaarb:

 

[noor_alfala]

ونااااااااااااااااااسه شفت المقابله واااااو لو انا مكانها جان اسكت او اخلي عبدالوهاب السيد يتكلم بروحه ولا اضيع ولا دقيقه حقه ما شاء الله عليه قمه بالادب و الاخلاق و الثقافه

 

[Eng.shosha]

خلاص مشكوره
شفت المقابله ..

كالعاده منور الشااااشه
بس حسافه المقابله قصييييره

 

[وهج الحب]

السلام:
انا كنت حاطة طوال اليوم على تو الليل وما شفته ما افر الا وقت الدعايات ووقت ما جابوا عن الكورة ..وما شفته ...والله كنت جالسة على الكنترول عشان زوجي ما يأخذه وكل ما قالي عطيني اياها قلت له لو فيك خير شيلني عشان تاخذه ..وقاعدة احولف والله ما يتغير عن الوطن الا بعد ما اشوف عبد الوهاب ..وبالنهاية ما شفت اللقاء ..والاحين حاطة على الوطن ابي اشوف الاعادة ..والله عبالي ما جابوه بس الحين استغربت انكم تقلون جا ..( حوبة زوجي مسكين )

 

[الحلا كله آنا]

غميييضـة ! ما شفت المقابلة ..
المشكلة إنه صايره مادش التجمع يوميا - مع الأسف - عشآن الإمتحانات واللويـة !
يلا ما عليه

/

أمس رحت المعرض للمرة الثانية .. بس هالمرة طمآشـه ع الوضع
وبما إني ما كنت قارية الإصدارين القدّم للكاتب [ الأبعاد المجهولة - بجزئيه ] وسمعت منكم إنه شخصية خالد سليمان
اللي موجودة بالأبعاد المجهولة موجودة بإصداره اليديد , فما حبيت أقرا [ رسائل الخوف ] إلا بعد ما أقرا الأبعاد المجهولة
وأعرف شـ قصة خالد سليمان هذا .. وباقيلي جزئية من الجزء الأول وإخلصه إن شاء الله .. ولولا ضغوط الدرآسه
جان خلصت الكتاب بيومين بالكثير

/

صدر رسميا بالنشرة اليومية التابعة لإدارة معرض الكتاب الكويتي والصادرة تحت اشراف المجلس الوطني
للثقافة والفنون والآداب ، حصل كتاب رسائل الخوف الجزء الاول والثاني على المركز الأول والكتاب الأكثر
مبيعا في معرض الكتاب ​

يستآآهـل كاتبنا =)​

 

[bano0ta]

واايد حلو ... بلاتينيوم بووك

شريت قصة لجين للكاتبه : منال الانصاري .. حدها حلوة ..

وشريت مالت عبدالوهاب السيد .. غني عن التعريف ..

وشرت مالت احمد حيد .. خنفروش ... تونس

والمصعد رقم 7 .. حلوة بس اشوي غامضه !

 

[Shiny Star]

حساااااااااااااااااافة بنات باكر آخر يوم حق معرض الكتاب

عندي قائمة طويلة من الكتب ما مداني الخميس اللي طاف أشتريها

بحاول باكر إن شاء الله أروح

 

[Eng.shosha]

السلام عليكم بناات
ان شاء الله بعد انتهاء المعرض راح اسوي مقابله للكاتب
للي عنده أي سؤال تبيني اطرحه للكاتب تراسلني عالخاص

 

[سدددن]

شفت المقااابله لااايف بالمعررررض

من زماان اتمنى اقراا له و شريت اليوووم رسائل خووف 1 و 2

و وقع لي عليهممممممم

 

[ORKDI]

واو وناسه بنات توني الشوف الصفحه

انا اقراء حق الكاتب من 2004

لي اليوم

له واي اصدار جديد يوصلني بالايميل

ما يقصر المهندس عبد الوهاب

واليوم راحت معرض الكتاب شريت اخر كتابين

وناسه ابي الصوره مالت التجمع

 

[Shiny Star]

حياكم الله سددن - اوركادي معانا بالتجمع

وتقدرين تنزلين بتوقيعك صورة التجمع

وبالنسبة حق أسئلة المقابلة يا أم عبدالمحسن أفكر شنو عندي من أسئلة وأرد عليك يالغالية

ما تقصرين بعد عمري دايما سباقة

 

[كويتية بحتة]

انا شريت له كتاب رسائل الخوف
بس ما عجبني كله ايحاءات سلبية
مثل خوف,حزن , وحدة

 

[ORKDI]

حياكم الله سددن - اوركادي معانا بالتجمع

وتقدرين تنزلين بتوقيعك صورة التجمع

شلون اقدر انزل بتوقيع صورة التجمع

ما فهمت

 

[Shade]

انا شريت له كتاب رسائل الخوف
بس ما عجبني كله ايحاءات سلبية
مثل خوف,حزن , وحدة

وهل الإيحاءات السلبية خطأ أو عيب ؟؟ لازم القصة فيها مشاكل وأحداث ولو كلها فرح في فرح ماصارت قصة وبعدين قصة زيارات ليلية نهايتها سعيدة جدا

 

[زينة الزين]

السلام عليكم بنات
بغيت أستفسر عن شغلة
ودي أشتري كتاب من تأليف عبدالوهاب السيد حق بنتي لأنها تحب أفلام الرعب وحابة أني أقويها وأحببها بالقراءة
أهي عمرها 14
أشرايكم؟ يصلح حق عمرها؟ وأي كتاب يصلح أكثر تبدي فيه؟
موضوع أنه يخوف وايد عادي بس خايفة أنه يحتوي على إيحاءات أو أمور ما تناسب عمرها
ساعدوني جزاكم الله ألف خير

 

[Shiny Star]

السلام عليكم بنات
بغيت أستفسر عن شغلة
ودي أشتري كتاب من تأليف عبدالوهاب السيد حق بنتي لأنها تحب أفلام الرعب وحابة أني أقويها وأحببها بالقراءة
أهي عمرها 14
أشرايكم؟ يصلح حق عمرها؟ وأي كتاب يصلح أكثر تبدي فيه؟
موضوع أنه يخوف وايد عادي بس خايفة أنه يحتوي على إيحاءات أو أمور ما تناسب عمرها
ساعدوني جزاكم الله ألف خير

حياك الله يالغالية معانا بالتجمع

ولا تحاتين كتب عبدالوهاب السيد خالية منأي إيحاءات أو أمور غير أخلاقية

بالعكس كتبه وااااااايد مفيدة وفيها معلومات علمية حلوة ... يعني كأنها تقرأ معلومات علمية على شكل قصص

وأنصحك بكتاب ( في الجانب المظلم )

 

[زينة الزين]

جزاج الله خير شايني ستار على الرد

من وين أحصل على كتبه؟

 

[Shade]

جزاج الله خير شايني ستار على الرد

من وين أحصل على كتبه؟

حياك أنتي وبنتك معانا أخت عزيزة

وفعلا أنا وأخواني كلنا نقرأ مؤلفات م. عبدالوهاب السيد من يوم زماااااااااان من خمس سنين يعني كنت توني داشة الثانوية ، ومثل ما قالت شايني ستار كتبه فيها معلومات وايد علمية مفيدة ... ضمن القصة بس بشكل سلس ومبسط

تلقين إصداراته عند مكتبة جرير والعجيري وفيرجن

 

[Eng.shosha]

حياك الله يالغالية معانا بالتجمع

ولا تحاتين كتب عبدالوهاب السيد خالية منأي إيحاءات أو أمور غير أخلاقية

بالعكس كتبه وااااااايد مفيدة وفيها معلومات علمية حلوة ... يعني كأنها تقرأ معلومات علمية على شكل قصص

وأنصحك بكتاب ( في الجانب المظلم )

صح كلامها

رواياه مناسبه لجميع الاعمار ..

 

[Shiny Star]

شلونكم بنوتات إن شاء الله بخير

أنا كنت شارية من معرض الكتاب كتابين حق خالد النصرالله

يوم الحدث
التجربة الإنجليزية

وأنا قاعدة أتصفحهم أمس لقيت في خاتمة الكتابين شكر خاص للكاتب والروائي عبدالوهاب السيد مقدم من خالد النصرالله ...

واااااااااايد استانست

أحس صج الشباب الكويتيين ما يقصرون ... الحمدالله كل واحد قلبه عالثاني ... وفيهم خير حق بعض...والمنافسة بينهم حلوة ويشجعون بعض ...

وأنا حسيت بهالشي بمعرض الكتاب هالسنة ... حسيت إن المؤلفين الشباب يتعاملون مع بعض كأنهم أخوان

الله يوفقهم كلهم يا رب

:ggdw::ggdw::ggdw::ggdw::ggdw::ggdw: