$أنوووثه$
New member
- إنضم
- 6 ديسمبر 2007
- المشاركات
- 548
- مستوى التفاعل
- 0
- النقاط
- 0
بسم الله الرحمن الرحيم
اتمنى من الجميع ان يقرا موضوعي وهو في اتم الصحه والعافيه..
هذا اول موضوع لي حبيت اشاركم فيه ونتبادل الاراء ووجهات النظر المختلفه باسلوب راقي ان شاء الله واتمنى انه مايكون مكرر..
من زماااان وانا لافت نظري ظاهره وكل مالها وتزيد وهي حجي بناتنا المكسر يعني كلمه عربي وكلمتين english وكانها تحاول تبين وتستعرض لغتها الاجنبيه
.. انا مع اتقان اكبر قدر من اللغات وهذا اللي وصانا عليه الرسول الحبيب اللهم صلي وسلم عليه واحترم اللي عندها خلفيه ثقافيه ولغويه اشد الاحترام:ggdw:.. لكن الإشكال اللي صاير واشوفه بكثره ان الوحده لماتدخل محل وتكون فيه فلبينيه ومرات والله عرب مو فلبن علطول تتكلم معاها بالانجليزي وتلقين الفلبينيه تعرف عربي احسن مني ومنها لكن شالفكره هل هي مجرد استعراض الحين انتي بدوله عربيه ولغتج اللغه العربيه والقران الكريم منزل باللغه العربيه وهذا اكبر شرف نالته لغتنا وحرمت منه لغة غيرنا فليش مايكون عند الوحده مبدأ وماتكون منقاده بدون تفكير ليش مواحنا اللي نجبرهم يتعلمون عربي عشان يتفاهمون معانا واهم بديرتنا واحنا ديره عربيه انا عن نفسي للاسف يضحكني هالمنظر لما اشوفه منظر اقرب للتخلف وبعيد كل البعد عن الحضاره:0bee2e8d89: وصراحه اعتبر اللي تتبعه مالها شخصيه قويه واحس ان حتى الاجانب يحتقرون هالنوعيه انا عن نفسي رغم اتقاني للغه الانجليزيه مااستخدمها الااذا كان فعلا الموقف يضطرني والا جم مره تكلمني فلبينيه سواء بمحلات القهوه اوغيرها من المحلات انجليزي وارد عليها عربي حتى مره بصالون كانت تكلمني فلبينيه وكنت ارد عليها عربي جان تقول انتي ماتعرفين انجليزي قلت اعرف واحسن منج لكن انا بالكويت موببريطانيا انتي كلميني عربي لانها لغتي المفضله وابدت اعجابها بردي رغم ان رايها مايفرق عندي لكن احب ابين شغله ان الواحد لمايعتز ويحترم اساسياته الناس كلها تحترمه وراح تكون له شخصيه مستقله مايكون تابع اوإمعه..انتهى موضوعي.
انا اعتذر اذا كان النص طويل لكن هذا موضوعي وحبيت اشاركم برايي وتنوروني برايكم ونستفيد من بعض بشكل راقي وهادف وشكرا..
اتمنى من الجميع ان يقرا موضوعي وهو في اتم الصحه والعافيه..
هذا اول موضوع لي حبيت اشاركم فيه ونتبادل الاراء ووجهات النظر المختلفه باسلوب راقي ان شاء الله واتمنى انه مايكون مكرر..
من زماااان وانا لافت نظري ظاهره وكل مالها وتزيد وهي حجي بناتنا المكسر يعني كلمه عربي وكلمتين english وكانها تحاول تبين وتستعرض لغتها الاجنبيه
.. انا مع اتقان اكبر قدر من اللغات وهذا اللي وصانا عليه الرسول الحبيب اللهم صلي وسلم عليه واحترم اللي عندها خلفيه ثقافيه ولغويه اشد الاحترام:ggdw:.. لكن الإشكال اللي صاير واشوفه بكثره ان الوحده لماتدخل محل وتكون فيه فلبينيه ومرات والله عرب مو فلبن علطول تتكلم معاها بالانجليزي وتلقين الفلبينيه تعرف عربي احسن مني ومنها لكن شالفكره هل هي مجرد استعراض الحين انتي بدوله عربيه ولغتج اللغه العربيه والقران الكريم منزل باللغه العربيه وهذا اكبر شرف نالته لغتنا وحرمت منه لغة غيرنا فليش مايكون عند الوحده مبدأ وماتكون منقاده بدون تفكير ليش مواحنا اللي نجبرهم يتعلمون عربي عشان يتفاهمون معانا واهم بديرتنا واحنا ديره عربيه انا عن نفسي للاسف يضحكني هالمنظر لما اشوفه منظر اقرب للتخلف وبعيد كل البعد عن الحضاره:0bee2e8d89: وصراحه اعتبر اللي تتبعه مالها شخصيه قويه واحس ان حتى الاجانب يحتقرون هالنوعيه انا عن نفسي رغم اتقاني للغه الانجليزيه مااستخدمها الااذا كان فعلا الموقف يضطرني والا جم مره تكلمني فلبينيه سواء بمحلات القهوه اوغيرها من المحلات انجليزي وارد عليها عربي حتى مره بصالون كانت تكلمني فلبينيه وكنت ارد عليها عربي جان تقول انتي ماتعرفين انجليزي قلت اعرف واحسن منج لكن انا بالكويت موببريطانيا انتي كلميني عربي لانها لغتي المفضله وابدت اعجابها بردي رغم ان رايها مايفرق عندي لكن احب ابين شغله ان الواحد لمايعتز ويحترم اساسياته الناس كلها تحترمه وراح تكون له شخصيه مستقله مايكون تابع اوإمعه..انتهى موضوعي.انا اعتذر اذا كان النص طويل لكن هذا موضوعي وحبيت اشاركم برايي وتنوروني برايكم ونستفيد من بعض بشكل راقي وهادف وشكرا..
