{ ...الدكتورة رشا الصفي تجيب على استفسارتكم ..} استضافة اسبوعية

[Coffee-Girl]

دكتوره بنتي بطيئه بشرب لما اشربها تقعد برضعه الوحده ساعه الا ربع واحيانا نص ساعه واحيانا ثلث ساعه

هالشي طبيعي ولا لا؟

مع اني فاتحه لها المصاصه ومكبره الفتحه بس مادري شفيها

وما اسكر المميه حيل

 

[منورة الكويتية]

السلام عليكم دكتوررة عندي استفسارر انا الحين يايتني انفلونزا ومادري اذا انفلونزا العادية او الخنازير وعندي رضيع عمره شهرين واسبوعيين هل ممكن اني اعاادية لان ماكو احد يجابله غيررري وانا بغربه ماعندي احد اخاف اعاديه واذا عاديته لااسمح الله شنو علااجه حيل احاتي هالشغله
طمنيني الله يطمن قلبج

 

[د. رشــا الصفــي]

ماقصرتي ياقلبي والله يطمن قلبج مثل ما طمنتيني

حياج الله

بالخدمة

الف شكـــــــــــــــــــــــــر لج دكتورة

استفدت واايد من موضوعج عن التهاب البول عند الاطفال

الله يجزيك عنا كل خير وعساج على القوه وبارك الله فيج

حياج يا قلبي

بالخدمة

السلام عليكم .. يعطيج العافيه دكتوره

بنتي عمرها الحين 9 شهور .. صارلها فتره مو حابه حليبها معنها كانت تشربه وعادي تحبه حييل بس هالفتره
عاد قمت ما اعطيها حلييب كللش قطعتها من المميه وحليبها .. قمت اعطيها حليب كي دي دي بارد خالي الدسم
واعطيها حليب ككاو وموز وفراوله وهالسوالف ...

واكلها اسم الله عليها ممتاز ..

عادي ؟؟؟؟

لنه الكل يقولي لا مو عادي بس شسوي اذا اهيا مو باغيته .. حطيتلها بقلاص وشربتها بعود هم ما تبيه

واذا لازم اعطيها جم رضعه باليوم ؟؟

ويعطييج العافيه

لا حبيبتي طبعا مو عادي

مو قبل السنة تعطينها حليب كي دي دي

بعدين الطفل تكون عنده الحاجة للرضاعة لغاية السنة الثانية من عمره

فحرام تحرمينها منها و هي بهالعمر الصغير

كان ممكن تغيرين نوع الحليب مو تقطعينه مرة وحدة

المهم انصحج انج تجربين لها انواع حليب ثانية خاصة بعمرها عن طريق الرضاعة

و الحليب الخالي الدسم مضر للبيبي في الوقت الخالي

..
انا اعطيها برجرس 3 = يعني اعطيها برجرس مرتين باليوم

وبالليل اعطيها بديشاور



يعطيج العافية

ومشكورة ما قصرتي

حياج الله

بس بقول لج معلومة

البروجرس و البيدياشور نفس الشي

اثنينهم يسدون النفس

ممكن تعطينها حليب عادي مناسب لعمرها اول اليوم و بالليل تاخذ البيدياشور

يعطيج العافيه دكتوره رشااا

بنتي عمرها شهرين و15 يوم وزنها الحمدلله زين ومن ولدتها وهالغازات معاها مره تخف ومره تزيد والحين زايده بشكل مو طبيعي وحتى بطنها مثل الصخره وماتخرج الا بعد يومين وبطلعت الروح مسكينه تتعذب وعذبتني معاها الحين اعطيها 7 نقط من ديسفلاتيل مرتين باليوم وانقع لها حبه حلوه وكمون بمطارت الماي وحليبها ابتاميل 1

ساعديني الله يجزاج خير شنو اسوي لها مابي اكثر زيارات للطبيب واكثر من هالادويه شنو تنصحيني اسوي اغير حليبها لكمفورت للمغص والامساك واشرايج بماي الغريب تنصحيني فيه

جربي تعطينها ابتاميل كومفورت يريحها من الغازات شوي

و موضوع الغازات في عمرها عادي و متوقع و ماله حل جذري للأسف

و الماي غريب ممتاز تخلطينه مع الديسفلاتيل

مشكوره حبيبتي

العفو

​

 

[د. رشــا الصفــي]

السلام عليكم

دكتوره عندي ولدي عمره 5 سنوات

ما شاء الله ما يقعد حركي وايد يعني حتى بلعبه للأشياء احس حركته سريعه واذا مثلا مجابل الرسوم المتحركه

يقوم يناقز ويقلد حركاتهم مايقعد ابداااااااااااا

حتى اذا منسدح يحرك ريوله يرفعهم ليي فوووق

بحركة دائريه وحتى ايده ولمن اقوله شنو قاعد تسوي يقولي قاعد اسبح بالبحر !!!

انا خايفه انه في نشاط زايد بس دايما النشاط الزايد اقره معاه قلة تركيز ولدي ما شاء الله ذكي وشاطر

وعلى فكره وايد ياكل حلويات + كاكاو + بسكوت + كورن فلكس


والحين باديه اقطعه عنه النشويات والسكريات قلت يمكن سبب لهالنشااااااااااااااط ( صراحه ينرفزنييييييييييييييييييييييييي ) بهالحركات

ابي نصيحتج

وهل يحتاج مراجعه طبيب مختص

وشاكرتلج

لا حبيبتي اذا شاطر و ذكي و يركز ما يحتاج

لأن فرط النشاط اجباري يكون معاهم قلة تركيز

اهو ما شاء الله حركي و نشيط

و هذي طبيعته

الله يخليه و يحفظه

السلام عليكم ورحمة الله وبركاته00

الله يعطيج العافيه دكتوره ويجعل ماتسوينا معانا في ميزان حسناتج00

دكتوره انا بنتي بعد جم يوم بتكمل السنه وانا اعطيها حليب نوفالاك ايه ار 2والحين ابي

اغير حليبها الي سيملاك 3 شلون ابتدي معاها سيده او اخلطه مع حليبها اول شي واذا اخلطه شلون

ومشكوره حبيبتي وماقصرتي على سعة صدرج0

لا تخلطينهم مع بعض ما يصير

انتي استبدلي كل يوم رضعة

يعني بالتدريج زيدي عدد رضعات السيميلاك و قللي عدد رضعات النوفولاك

السلام عليكم دكتورة رشا الله يعطيج العافية أنا عندي بنت توها كملت السنة حيل أعاني منها مالقيت لها حل ولا علاج انشاالله ربي يكتب لها علاج على ايدج بنتي ماتاكل أكل خشن اعتمادها على الحليب وسيريلاك وأهرس لها في الخلاط عيش وجزر وبس وغيره ماتقدر كله ترجع حيل حيل ترجع باليوم يمكن مرتين كل ماحاولت أعودها على الاكل الخشن واللي بعمرها يقعد معنا على السفرة وياكل والله ذبحتني عرضتها على كذا دكتور قال عادي شالحل يادكتوره

الحل انج تعودينها بالتدريج

تخلين الوجبة سايلة و لما تتأكدين انها تقبلتها تبدين تزيدين السماكة بالتدريج و ما تحتاج شي ثاني
دام شايفينها اطباء و ما عندها مشكلة بالبلع

السلام عليكم
ولدي عمره سنه وسبع شهور بس مايتكلم ويسمع بس مايطبق شي من اللي اقوله اذا يبي حليب ييبلي المميه حاولت اعلمه اكثر من مرا بس بدون فايده حتى ماما وبابا ما يقول يحب يلعب مع الاطفال ويعشق التلفزيون من كان صغير دكتوره حالت ولدي طبيعيه ولالا ياليت تفيديني اهوا بجري وماعندي غيره بروحه بالبيت

بهالعمر لازم يبدا يتكلم او حتى يقلد الكلمات

حتى لو تحسين انه يسمع زين وديه سويله فحص سمع و تأكدي احسن

في اطفال عنده مشكلة في تردد معين لحروف معينه مو كل الحروف

و علاجهم بسيط

لا تتأخرين بالمراجعة علشان يتكلم اسرع

[coلسلام عليكم
يعطيج الف الف عافيه وماقصرتي لي سؤال الله ياجرج. انشاء الله وتجاوبني لاني جد خايفه علي وليدي..دكتوره من جبته وفيه بقع بيضه بالاول امي عيالها وحام بس ما اعتقد دكتوره البياض كبير من بطنه وتحت ومفي باباطه وشوي رجوله وعرضته علي دكتور اطفال من قبل شهرين وقال احتمال يروح مع الوقت ونصحني ما اعرضه علي دكتور جلديه بليز دكتوره ما مرت عليج حاله نفس ولدي علمااا اني جبته باخر الثامن وكامل وحالته كانت زينهlor="purple"]ا

امبلة اكيد مرت على

ممكن فعلا تكون وحمة و تخف مع الوقت

بس هم لازم تتابعين مع طبيب اطفال

في امراض معينه تبدا بهالصورة

بس هم يكون معاها اعراض ثانية تلاحظينها بالولد

مو مجرد البقع و الطفل يكون سليم

تايعي مع دكتورج حتى لو يشوفه مرة كل 6 شهور

دكتوره طفلي عمره 5 اشهر وبديت اوكله لمده سبوع ميلوبا بالارز والحين باجر يكمل الاسبوع الثاني من الخامس ببدي ادخل خضراوات بس شلون ابدي جزر وبطاط ولا كوسا وبطاط وشلون طريقه عملهم هل مع الحليب احطه او بعده وشكثر الفتره اللي لازم يكون فرق بين شرب الحليب والاكل ؟

الخضار تبدين بنوع واحد كل مرة و يكون من اختياج ماكو شي اسمه شنو ابدى اول جزر و بطاط ولا كوسا و بطاط

نفس الشي حبيبتي

ما تفرق

المهم في البداية تسلقين الخضار و تهرسينها و ما تحطين ملح

و توكلينه كل يوم مجرد قفشة ولا اثنتين بس

و تزيديدن الكمية كل يومين تقريبا

و الحليب مو لازم يكون في فرق بالساعة بين الأكل و الحليب

ممكن ياكل كميات قليلة فيحتاج الرضعة مباشرة بعد الأكل





[/color]

 

[د. رشــا الصفــي]

يعطيج العافيه دكتوره عندي سؤالين ..
الاول... بخصوص ولدي عمره سنتين وشهر مايتكلم الا بكلمة اته او بكلمات غير مفهومه ... ولحد الحين مايفهم كلامي مثل سكر الباب او تبي حليب مايفهم على.. اذا جاع بكي من غير مايؤشر اخذنا عليه تخطيط سمع والحمد لله السمع زين
يحب التلفزيون لدرجة الادمان ويحب يلعب كثير ...لاحظت انه مايركز عدل بس تركيزة على الاشياء اللي يحبها
هل هو توحد مع ان ولدي يحب لعبة انى اركض وراه ويلحقنى او العكس يعني اشوف شوية تجاوب

السؤال الثاني
بخصوص بنتى عمرها ثمان سنوات بثالثة ابتدائي ...وشوى قصيره البنات اللي بأولي ياطولها او اطول ودايم تشتكي من قصرها بالمدرسة تقول انا اقصر وحده بالصف
وديتها عيادة الطفل السليم ولما اخذ قياسات الطول والوزن قال الطول انقص من المعدل الطبيعي بسانتى ونفس الشي الوزن انقص من الطبيعي وعطانا موعد بعد ثلاث شهور يبي يشوف تزيد او لا
سؤالي هل فيه شغلات تزيد الطول من ناحية الغذاء او الحليب مع العلم انها ماتشرب حليب
واذا لاسمح الله مازادت خلال هالثلاث شهور هل مشكلتها لها علاج

وشاكرة لج

حبيبتي الطفل ممكن يكون عنده شغلات نسميهم سمات توحدية و مو معناته انه يكون عنده توحد بالمعنى المعروف

في شغلات من اللي ذكرتيهم يعتبرون سمات توحدية بس هم ممكن تكون في اطفال طبيعيين بعد

لازم تاخذين ولدج عند طبيب اطفال يسويله لختبارات اللازمة و يقول لج

بالنسبة للبنت

اذا احد منكم انتي او الأب قصار فالبنت ممكن تكون قصيرة شي طبيعي

اهم شي انج هم تتابعين مع العيادة و تشوفين الطول

مو شرط تحتاج علاج الا اذا كانت تعاني من نقص معين و هالشي يبين بالتحاليل و الفحوصات

و ماكو اكل معين يثبت انه يطول

هلافيك دكتوره اناعندي بنوته عمره سنتين واعطيها حليب سميلاك 3 هل اكمل معها برنامج الحليب لان فيه لحد اربع سنوات وخمس علما اني ارضاعها رضاعها طبيعيه مع الحليب الصناعي وش تنصحيني فيه

براحتج حبيبتي

ما يمنع انج تكملين الحليب او تعطينها حليب عادي دام كملت السنة و ما عندها مشكلة صحية

دكتوره بنتي بطيئه بشرب لما اشربها تقعد برضعه الوحده ساعه الا ربع واحيانا نص ساعه واحيانا ثلث ساعه

هالشي طبيعي ولا لا؟

مع اني فاتحه لها المصاصه ومكبره الفتحه بس مادري شفيها

وما اسكر المميه حيل

ما قلتيلي جم عمرها

و شنو حليبها

بالنسبة للنص ساعة و الثلث ساعة هذي طبيعية

بس ساعة الا ربع طويلة شوي

الا اذا كانت البنت مو جوعانة و انتي تبينها تكمل الرضغة غصب

فتحة المصاصة خليها مناسبة لعمرها لا تفتحينها زيادة علشان ما تشرق و تدخل بمشاكل مالها اول ولا اخر

السلام عليكم دكتوررة عندي استفسارر انا الحين يايتني انفلونزا ومادري اذا انفلونزا العادية او الخنازير وعندي رضيع عمره شهرين واسبوعيين هل ممكن اني اعاادية لان ماكو احد يجابله غيررري وانا بغربه ماعندي احد اخاف اعاديه واذا عاديته لااسمح الله شنو علااجه حيل احاتي هالشغله
طمنيني الله يطمن قلبج

للأسف ممكن تعادينه

انتي حاولي انج ما تتنفسين بويهه

لفي وجهج عنه كثر ما تقدرين

تبين تلبسين كمام هم ما في مانع

و اذا عاديتيه يعتمد العلاج حسب نوع الانفلونزا اذا عادية ياخذ ادول و ممكن مضاد و اذا انفلونزا خنازير الموضوع

يختلف حسب الحالة احتمال ينام بالجناح ياخذ العلاج

 

[د. رشــا الصفــي]

لا تنسوني بالدعوات الطيبة بهاليوم المبارك

و ألقاكم على خير الجمعة القادمة​

 

[منورة الكويتية]

حبيبتي الله يرزقج من اوسع ابوابه
ويفرج همج ويشررح صدرررج

 

[Coffee-Girl]

انا بنتي عمرها شهر و26 يوم وانا ماغصبها اهي تبجي تبي حليب ويكون صارلها فتره طويله ماشربت

 

[@الياسمين@]

يعطيج العافيه دكتوره
الله يوفقج ويسهل امورج
انتي ذاكره حق وحده من الاخوات عن خلط ماي غريب مع ديسفلايتيل
بغيت اعرف شلون نخلطه؟؟ شكثر الكميه؟؟ وجم مره باليوم ؟؟

 

[الزيـــــن]

الله يجزاج خير دكتوره والله يوفقج ويرزقج ان شاء الله

 

[ملوكه]

دكتوره انا بنتي عمرها سنه وست شهور يصير اغير حليب الرضع بحليب كي دي دي العادي اللي صلاحيته طويله
وكم رضعه تحتاج باليوم وشكراا

 

[cat_girl]

قووووووووه دكتور انا وايد استانست لوجودج معانا بالمنتدى وتوى مانور المنتدى بقيت اسالج سوال شنو احسن دواء للنشله انا بنتي عمرها سنه وثلاث شهور وفيها نشله قويا شنو احسن دواء للنشله وشكرا وايد على وجودج معانا بالمنتدى

 

[ام معاذ وهنادي]

السلام عليكم
دكتورتي الفاضله اشكر لج اهتمامك

سؤالي هو ان ابنتي اكملت العام والحمدلله ووزنها 8.750 علما ان وزنها حين الولاده3 كيلو
وشكلها العام يوحي بأنها هزيله فيا ترى ماذا تنصحيننا ان نعمل وهي لا ترغب الاكل كثيرا يعني تأكل كم لقمه ثم تتوقف للعب وتترك الاكل ونصحونا بالبيدياشور ولاكن لا اعلم هل هو جيد او قد يسبب لها امساك وكيفة اعطاءه لها علما ان حليبها هو سميلاك والان غين بلاس فهل اذا بدأت بيدياشور اتوقف عن الحليب ارجو افادتي حيث انها بكريتي

بارك الله فيك وجزاك الله خيرا

 

[انسه^دراقه]

بنتي توها عمرها 20 يوم وصايره كل ماتنام تبجي شوي وتتعصر وترد تنام وعلى هالحال طول مهي نايمه كل ربع ساعه او اكثر جذي قالولي غازات عطيتها غاز بمبي كل مسا بس هم احس مافاد شنو الحل .؟
ولما انولدت بنيتي كان وزنها 2.400 والحينا ماشالله صار 3.200 واعطيها حليب ابتمال بريماتيور متى اغير الحليب ويصير حليب ابتمال 1 ؟
لمن لسانها يكون ابيض شلون اقدر انظفه؟؟
سوري طولت عليج بالاسئله
يعطيج العافيه

 

[انسه^دراقه]

اي سؤال ثاني انا اعطيها لي رقم 2 حلييب كل ثلاث ساعات بس احسها ماتشبع اقدر ازيد المكيال وله لا

 

[شوق كويت]

السلام عليكم انا ولدي ثلاث شهور كله معاه امساك تعبني عطيته دوا ايزيلاكس عطيته برتقال مانفع بشنو تنصحيين وتسلمين

 

[د. رشــا الصفــي]

انا بنتي عمرها شهر و26 يوم وانا ماغصبها اهي تبجي تبي حليب ويكون صارلها فتره طويله ماشربت

ما فهمت شنو قصدج حبيبتي

اذا قصدج ان البنت ما تبجي تبي حليب فالمفروض انج تنظمين لها الرضعات كل ساعتين اة 3 بالكثير و بس

يعطيج العافيه دكتوره
الله يوفقج ويسهل امورج
انتي ذاكره حق وحده من الاخوات عن خلط ماي غريب مع ديسفلايتيل
بغيت اعرف شلون نخلطه؟؟ شكثر الكميه؟؟ وجم مره باليوم ؟؟

تخلطينه عادي و الكمية على حسب عمر الطفل

و تعطينه مرتين الى 3 مرات باليوم

الله يجزاج خير دكتوره والله يوفقج ويرزقج ان شاء الله

مشكورة حبيبتي

دكتوره انا بنتي عمرها سنه وست شهور يصير اغير حليب الرضع بحليب كي دي دي العادي اللي صلاحيته طويله
وكم رضعه تحتاج باليوم وشكراا

اي حبيبتي يصير و تحتاج 2 - 3 رضعات باليوم

قووووووووه دكتور انا وايد استانست لوجودج معانا بالمنتدى وتوى مانور المنتدى بقيت اسالج سوال شنو احسن دواء للنشله انا بنتي عمرها سنه وثلاث شهور وفيها نشله قويا شنو احسن دواء للنشله وشكرا وايد على وجودج معانا بالمنتدى

هلا حبيبتي

المنتدى منور بوجودكم

بالنسبة للنشلة لها ادوية وايد

و اهم شي انه ما نعطيها للطفل اللي يعاني من الربو

اكتيفيد ممتاز و عندج بعد فلودركس

بس ما بناسبون مرضى الربو

و اللي عندهم ربو او حساسية صدر ممكن ياخذون زيرتك اة ايريوس

السلام عليكم
دكتورتي الفاضله اشكر لج اهتمامك

سؤالي هو ان ابنتي اكملت العام والحمدلله ووزنها 8.750 علما ان وزنها حين الولاده3 كيلو
وشكلها العام يوحي بأنها هزيله فيا ترى ماذا تنصحيننا ان نعمل وهي لا ترغب الاكل كثيرا يعني تأكل كم لقمه ثم تتوقف للعب وتترك الاكل ونصحونا بالبيدياشور ولاكن لا اعلم هل هو جيد او قد يسبب لها امساك وكيفة اعطاءه لها علما ان حليبها هو سميلاك والان غين بلاس فهل اذا بدأت بيدياشور اتوقف عن الحليب ارجو افادتي حيث انها بكريتي

بارك الله فيك وجزاك الله خيرا

حبيبتي البيدياشور ما يسبب امساك و ممكن تشربه البنت باليل احسن من النهار لأنه يسد الشهية

و طريقة التحضير تلاقينها عالعلبة

و بالنسبة للأكل خلى الحليب بعد الوجبة و نوعيلها بالوجبات و منعي الأكل الغير صحي

بنتي توها عمرها 20 يوم وصايره كل ماتنام تبجي شوي وتتعصر وترد تنام وعلى هالحال طول مهي نايمه كل ربع ساعه او اكثر جذي قالولي غازات عطيتها غاز بمبي كل مسا بس هم احس مافاد شنو الحل .؟
ولما انولدت بنيتي كان وزنها 2.400 والحينا ماشالله صار 3.200 واعطيها حليب ابتمال بريماتيور متى اغير الحليب ويصير حليب ابتمال 1 ؟
لمن لسانها يكون ابيض شلون اقدر انظفه؟؟
سوري طولت عليج بالاسئله
يعطيج العافيه

للأسف ماكو حل نهائي حق هالمشكلة

كل ما في الموضوع ان المشكلة مسألة وقت و بتتعدل بروحها

اذا كنتي ترضعينها طبيعي راعي انه اكلج ما يكون مسبب للغازات و انج تكرعينها بعد الرضاعة و اذا ترضع صناعي ممكن تجربين حليب نوع ثاني

الحليب ممكن الحين تغيرينه و تعطينها ابتاميل كومفورت للغازات ممتاز ممكن يحل مشكلتها

و لسانها اذا حاولتي تمسحينه بفوطة نظيفة و ما انمسح معناته هذا فطريات و لازم تتعالج

و اذا راح معناته بقايا حليب و تعطينها ماي و تروح بروحها

اي سؤال ثاني انا اعطيها لي رقم 2 حلييب كل ثلاث ساعات بس احسها ماتشبع اقدر ازيد المكيال وله لا

تقدرين حبيبتي تزيدين الكمية لي رقم 3 و تزيدين الحليب الى 3 ملاعق

السلام عليكم انا ولدي ثلاث شهور كله معاه امساك تعبني عطيته دوا ايزيلاكس عطيته برتقال مانفع بشنو تنصحيين وتسلمين

شوفي حليبه شنو

ممكن تغيرين الحليب و يرتاح

و هم التمر زين تنقعينه و تشربينه مرة باليوم

وقفي الأدوية بالمرة احسن

شوفي حبيبتي

لازم تتأكدين من طريقة تحضير الحليب انها صحيحة
تشربينه ماي كافي
تعطينه منقوع التمر او عصير برتقال و التمر افضل

و ما يشوف شر
​

 

[ام معاذ وهنادي]

حبيبتي البيدياشور ما يسبب امساك و ممكن تشربه البنت باليل احسن من النهار لأنه يسد الشهية

و طريقة التحضير تلاقينها عالعلبة

و بالنسبة للأكل خلى الحليب بعد الوجبة و نوعيلها بالوجبات و منعي الأكل الغير صحي


مشكوره دكتوره
بس ماقلتي لي هل اعطيها بيدياشور واعطيها حليب سميلاك والا اوقف الحليب واعطيها بيديا شور وكم مره اعطيها بيديا شور باليوم

 

[ملاك الغيد]

مســـــــاء الخير دكتوره انشالله تكونين بصحة وعافية

انا خايفة على ولدي عمره ثلاث سنوات يارب تحفظة لي وديتة الحمام تكرمين ودمر عمره وغسلت بصابون جونسون المهم بعد التنظيف قلت ابية يختم عشان يطلع وقلت سو بولة تكرمين وقعد يسويها لاقعد يبجي يقولي عورني صابون المهم قعد اسكته وحاولت اشوف ذكره مو مخليني وهدا شوي قلت سو مره ثانية عشان تطلع بشوف يعوره ولا قعد يسوي مره ثانية وبجى واخترعت اكثر ياعمري عمره وقلعده احاول اشوف ذكره يقول عور وياشر علية بشوف فيه احمرار جرح ماخلاني اركز انطره ينام بالليل واشيك عدل حدي خايفة لايكون فيه شيء


طمنيني دكتوره واسفه على الاطالة

 

[oum^zozo]

قوه دكتوره

ولدي عمره شهر و اسبووع و ريووله اليمين كله يعوييها ماادري ليش ماعنه ريله الثانيه عاديه
و غير جذي مايبي ينام الا على بطنه اخاف مو زين

انا الحين اعطيه دوه اسمه بونيسان حق الغازات مال ماركة هيمالايا زين و لا لأ؟ اوهو امريحه بس هل له مضره؟

ولدي بعد كل مارضعه يطلع صوت وديته الطبيب قالي شفطي خشمه اشفط خشمه هم ماكو فايده مادري شسوي قالولي صدره زين مافيه شي

متى اقعد احط بسكوته اب حليب الياهل؟
و متى الياهل يبدي ينام فوق ال 3 ساعات متواصل ؟ الحين اوهو ينام 3 ساعات و يقعد

و يعطيج العافيه