twilight....الشفق

[وهج الحب]

السلام:
وانا اقرأ الرواية كنت احس ان ببيلا اشياء فيني مثل خجلها ..وانها رغم هذا الخجل تسوي عمرها انها عادي تقدر على كل شئ ..وبعد صفة كنت اظن اني الوحيدة اللي بالعالم اللي بها الصفة ووايد كانوا يضحكون علي اذا قلت اني ما اقدر اركض ..هي مثلي ما تعرف تركض واذا ركضت لازم اطيح ..

 

[حلاوه غير]

احلى شخصيه عجبتني ادوارد00احسه طيب ومسكين وشخصيه كمان

وكمان بيلا شخصيتها روعه

وماتوقع ولا شخصيه تشبهني

عوافي عالجميع

 

[w0o0dy cullen]

بنات بليييز بليييز بليزززز ابي الكتابين توايلات ونيو مون بالعربي
ماتدرون وين الاقيه بأي مكتبه
غير فيرجن لوعوا جبدي كل ما اروح مالاقيهم
وحسافه القهرررر هالسنه مارحت معرض الكتاب بس وصيت اهلي ع جم كتاب مادري انه موجود اخييييه انقهرت الحين انا لوول
اللي شرته من معرض الكتاب ماعليه تقولي شنو اسم المكتبه عشان اطلعها من تحت الارض لووول

تكفوووون ردوا علي

 

[نـــــوف]

راح تلقينهم بمكتبة جرير شفت بس تويلايت ذاك اليوم بس اسأليهم عن نيومون اكيد راح تلاقينه

 

[زخات مطر]

بنات وين احصل نيومون بالعربي؟بليز ضروري

حسافه طافني ماشريته من المعرض مع انها كانت موجودة ومترجمه حسافة والله

 

[ام بنتها]

انا عندي الروايه شاريتها من مركز سلطان بالصدفه و لا كنت ادري عن الفلم امبي حدهااا مو صج و لمن خلصتها ضااق خلقي لأني كنت وانا اقرا متخيله روحي بيلا خخخخخ و ادوارد صار فارس احلامي و كان ودي يكون في مصاصين دماء بالصج ويكونون ككلهم نفس ادوارد جان تزوجت واحد
بس الحين ضعت شلون تقولون في 4 أجزاء و خامس تسرب و ين ألقاهم هالأجزاء بالكويت و شنو أساميهم لأن احس هالروايه ادمـــــــــــــــــــان
و الفلم عيزت ادوره بكل البسطات يقولولي هذا الفلم قديم موموجود ناطره بيحطونه الأربعا بأم بي سي انشالله اكون بالبيت و اشوفه

عفيه ناطره تقولون وين أحصل الأجزاء الباجيه وشنو اساميهم و اذا بقراهم شلون يكون الترتيب انا قريت الشفق الي حاطه صورتها

 

[وجه الخير]

.
.

بصرااحـــه أحلى رواايــه قريتهاا بحيااتي

صــج صــج صــج

رووووووووووووووووعــه

آناا توني مخلصه الرواايه أمس صاار لي يومين أقرااهاا

شفت الفلمـ ماا قدرت أكمله

الروااااايـه أحلى بواااااااااااايد

و إن شااء الله أشتري الأجزااء الثاانيه

و مشكووره ع الموضووع

.
.

 

[قمري]

وااااي شوقتوني اشتري هالروايه اليوم ان شاء الله بروح جرير لاني شايفه الفلم 3 مرات ههههههههههههههههههههههههه مو مصدقه و بقرى الروايه ان شاء الله تطلع حلوه

 

[[ Afnan ]]

" Twilight " إدماااان !
كثير كثير مجنُونين فيها من بنات المدرسة .. و الله ما ينلامُون :eh_s(22):
عُشق عُشق هالرّواية .. أحبّها بشكل عجيب !
متحَمسة حيل لـ " New Moon " .. للأسَف الإنقلشّ عندي ميح ..
رحت جَرير تقريبًا ثلاث مرَّات و ما حصَّلتها عربي .. تحطَّمت صراحة :eh_s(2):
أحيانًا يقُولُون بعد أسبُوع .. أحيانًا يقُولُون بعد شهر .. أحيانًا ما يعرفُون متى بتُتَرجَم أساسًا .. ><"
ما يرسُون على بَرّ .. تجيني حالات أحيانًا ما أشتهي أسمع إسم هالمَكتبة .. ينرفزُون بقوَّة إذا تبيردوا :eh_s(14):


​

 

[shaQshoQa]

ابي الجزء الثالث من الروايه بالعربي
ما تدرون وين احصله ؟؟ اخاف اروح جرير و ما احصل لووول

 

[نـــــوف]

الجزء الثالث والرابع راح ينزلون يمكن بعد شهر أو شهرين بس الأول والثاني يبيعونها بفيرجن وجرير

 

[شكليطه]

الروايه كنت شاريتها من معرض الكتاب مع الجزء الثاني نيو مون
من المدح اللامعقول لها

طبعا تكاسلت اقراها بالبدايه وبس قريت حول ال50 صفحه تقريبا وماكانت تشدني واااااااااااااااايد صراحه

وبعدين انشغلت ونسييييييييييييتها

امس وانا ازهب اغراضي للمزرعه شفت الروايه وقلت فرصه خل اقراها هناك

امبييييييييييييييه


امبييييييييييييييييييه


شي موووووووووووو طبيعي


بديت فيها العصر مع بعض المقاطعات غصبن عني......حتى يوننا ضيوف وتضااااااايقت اول مره احس جذي لان قطعوا اندماجي بالروايه

وخلصتها قبل شوي

وطبعا ماقطعني عنها من امس الا النوم وشويه قعدات سريعه مع الاهل


طبعا قريتها بالعربي لان مهارتي بالانقليزي تحتاج احد يصحيها من يديد


كانت الروايه جد حلوووووووووه واحداثها متسارعه ومافيها ملل

وصراحه اول مره اقرا شي خرافي اللي اهو مصاصصين الدماء

لكن هذي بدايه حلوة واحس بديت احب هالنوع من الروايات

بس مادري ليش ياني شعور وانا اقرا هالروايه انها تصلح للتين ايجر او ان معجبينها ممن الشباب بس!!!!!!!

مادري مجرد شعور قوي تكرر معاي



بس عندي شويه ملاحظات عليها

اولا كان في اغلاط لغويه (طبعا بالعربي) وتكررت اكثر من مره

ثاني شي على الجزء الاخير من الروايه مادري ليش صارت الاحداث بالنسبه لي مكشوفه!!

خصوصا لما بدا جيمس يطارد بيلا......توقعت على طول سالفه الخدعه لما كلمها بالتلفون
وطلع صج......فحسيت ان الاحداث احترقت وصارت عاديه


ثالث شي......نرد حق البدايات......اللي ماقدرت افهمه شلون فجأة ادوارد سمح حق بيلا تتكلم معاه على اساس انه مصاص دماء
جذي بدون مقدمات....مادري حسيت في شي ناقص



وغير جذي الروايه تشووووووووووووووووووووق

وباجر ان شاءالله ببدا بالنيو مووون


بس عفيا بنات شنو ترتيب الروايات الصحيح لان ما احب اقرا شي قبل شي

 

[نـــــوف]

هلاااااااا شكليطة ....اسمج حلو على فكرة :eh_s(6):

و أوافقج 100% على اللي قلتيه لما حسيتي ان الاحداث مكشوفة هذا العيب الوحيد اللي بسلسلة توايلايت نوع الكاتبة توضح الاشياء زيادة عن اللزوم بوقت مبجر حيل يعني تقدرين تسمينها predictable تقدرين تتنأبين فيها وتخمنينها على طول ما تحسين ان في "غموض حقيقي" بالسالفة و احس صح ان في شي ناقص والأجزاء بالترتيب هم:

1- الشفق twiligh هذا نازل من فترة

2-قمر جديد new moon وهم نازل

3-خسوف القمر eclipse قريبا ينزل

4-بزوغ الفجر breaking dawn قريبا ينزل

وأحلى كتاب عندي نيو مون اذا خلصتيه علطول قولي لي شرايج فيه :eh_s(6):

 

[متكوده]

ثانكيووووووووو


سمعت عنها وايد وودي ابلش فيها

 

[وهج الحب]

السلام:
انا من شفت الفيلم حسيت بشئ جديد وما لاحظت شئ فيه بس يوم قريت الرواية الشفق لاحظت ان الكاتبة ملقطة قصتها من عدة كتب مستوية افلام ...
وهي اكثر شئ ماخذه من الفيلم ممتحي اسمة نهائيا من راسي ..اللي فيه بنت لابسة جلد وهي مصاصة دماء وحبت واحد مستذئب ..هم مسويين من الفيلم جزئين ..
من هذا الفيلم ماخذه حبكة روايتها كلها ..انا من قرئت ان بالجزء الاول جابوا ذكر المستذئبين ..عرفت على طول انها بتجيب ذكرهم بالتفصيل بجزاء اخرى ..وهذا ما صار جابته بالجزء الثاني نيوموون ..
ولو تلاحظون نفس فكرة الفيلم نفس فكرة روايتها ..
ولما تقولون انكم احسست بالاحداث قبل حصولها هذا الانها ماخذه الاحداث من كذا فيلم ..

 

[w0o0dy cullen]

بنااااات اللي شرت نيو مون من معرض الكتاب بس تقولي شنو اسم المكتبه بلييييز
انبح صوتي وانا اقول لوووول

 

[....q8....]

ما بغييييييييييييت... شريت الاربع اجزاء بالانجلش من معرض الكتاب مع ان مستواي بالانجليزي زين موو التوب بس قمت افهم على شوي شوي ..

وانا الحين بالجزء الاول وصلت لصفحة 260 ... بس تسلسل القصه اللي بالكتاب غير اللي بالفلم ..

وفي اشياء تشووووق .. طبعا قمت اعيش الدور ........لوووووووول

 

[شكليطه]

هلاااااااا شكليطة ....اسمج حلو على فكرة :eh_s(6):

و أوافقج 100% على اللي قلتيه لما حسيتي ان الاحداث مكشوفة هذا العيب الوحيد اللي بسلسلة توايلايت نوع الكاتبة توضح الاشياء زيادة عن اللزوم بوقت مبجر حيل يعني تقدرين تسمينها predictable تقدرين تتنأبين فيها وتخمنينها على طول ما تحسين ان في "غموض حقيقي" بالسالفة و احس صح ان في شي ناقص والأجزاء بالترتيب هم:

1- الشفق twiligh هذا نازل من فترة

2-قمر جديد new moon وهم نازل

3-خسوف القمر eclipse قريبا ينزل

4-بزوغ الفجر breaking dawn قريبا ينزل

وأحلى كتاب عندي نيو مون اذا خلصتيه علطول قولي لي شرايج فيه :eh_s(6):

هلا نوف مشكوره حبيبتي من ذوقج

امبيه صدمه صدمه .....اليوم قاعده اسوي سيرج عند فلم النيو مون جذي فضول.....والا اقرا ملخص ان ادوارد راح يهد بيلا
وبيلا تصير رفيجه جاكوب شكوووووووووووووووووووووووووووووووووووووووووووو :eh_s(14):
:0bee2e8d89: ليييييييييييييييييييييييييييش


المشكله اني اليوم وباجر مووووووووو فاضيه كلش عشان اقرا.....وادري لو بطلت صفحه وحدة ماراح اهدها الا لما اخلص
ماااااااااا اقدر مشغووووله



والاخت اللي سألت عن اسم المكتبه بمعرض الكتاب......انا والله مو ذاكره...كانت بكورنر صغييييير حيل والله العالم انها كانت
دار نشر لبنانيه....وكانوا مكودين الروايتين توايلات ونيو مون بالواجهه
قمت وشريتهم بسرعه......وماكانوا منزلين باجي الاجزاء الاخيره

 

[غمـــ ^^ ـــازه]

بنااااااات

نزل فلم نيومون ولا للحييييين

 

[شكليطه]

حاطينه comming soon بموقع السينما