عندج 79 دينار و ساعه وحده بس !! شنو تشترين ؟ تعالي شوفي بالصور

[أســــرار]

وااي عورتي قلبي على بنات رابعة ابتدائي
و للأسف .. سالفة المعاش و الوظيفة على عينك يا تاجر .. من صجج ! اصلاً كنت اسمع بأذني ان البنات
ميتين يبون يروحون التربية الاساسية عشان يضمنون زوج الغفلة ! لان معروف ماشالله الرياييل يبون مدرسات
و عاد تعالي شوفي .. كلهم يبون التربية .. عشان الاجازة و اجازة الامومة .. و الريّل... و آآآآخر شي يفكرون فيه
اهو الاجيال اللي بتتربي على ايدهم و أفكارهم البالية التعبانة .. حسافة والله :\

لا يا جماعة .. جذي الديرة ما راح تترقع .. حرام والله


^^
^
ميخالف سامحيني بس لازم موال الاحزان هذا .. غصبن علي
مع ان وعدت نفسي اني راح اسكت و راح انضم لـ حزب - لا ارى .. لا اسمع .. لا اتكلم -

:
انتي شنو تدرسين ؟
و سامحيني على اللقافه

اول شي انتي تسألين و تاخذين راحتج بعد ..
ثانياً انا أحمل شهادة الدبلوم .. تخصص بنوك

مادري شنو ردة فعلج .. يمكن تفاجئتي ..؟
بس الاكيد ان انتي عارفة .. ان مو رغبتي اهي اللي ساقتني لهالتخصص
و لا طموحي يرضيه شهادة دبلوم ..

لو اقولج شنو رغباتي .. تستغربين من البعد الشاسع
بس الاقدار رسمت طريقها .. و الحين صار وقت اختياري

انا احب الاعلام و الفنون .. انا من الناس اللي ما كان من حلمي اني اكون مدرسة
مع ان امي مدرسة .. بس لو دخلت هالمهنة راح احبها و راح اخلص لها .. اعرف نفسي عدل
كنت راح احب وااايد لو كنت مدرسة اجتماعيات .. .. و كان حلمي اني ادخل كلية الاداب تخصص جغرافيا
و كنت احلم بالتضاريس و جبال اطلس ..
و ايضاً كنت راح ابدع لو كنت مدرسة فنية .. او بدنية ..

لاني ما اتناسب مع ستايل الحياة المكتبية . اقعد على مكتب طول النهار .. طول حياتي !!
احب الحركة و احب الشغل اللي يخلي ايدي تتحرك و تكتب و ترسم و ترتب .. بس للأسف كانت و ما زالت امنية
مادري .. هل تتحقق يوماً ؟!
مادري اركض وراها ولا اوقف ..

بصراحة التدريس الحين جهاد . و انا احيي فيج هالشي .. انج مدرسة صالحة
قررت انها ما تكون مثل القطيع اللي حولها .. قررت تكون راعية مسؤولية و رسالة .. احترم هالشي بشدة

:

ادري قلت قصة حياتي
بس هالسؤال ما ارضى اجاوب في جواب مختصر كأني خلاص استسلمت
لنتيجة انا ما كان قصدي اوصل لها .. بس انشالله راح اغيرها .. انا وعدت نفسي ;>

:

اما طالب .. اييييه خلينا عايشين احلامنا الوردية انا معاج لوول
حتى لو مو حلوة . انا بلشت فيها .. خليني اعيش الصدمة من بعدج ;q

:

ترى انتي صج صج diva ;>

 

[:: Diva ::]

وااي عورتي قلبي على بنات رابعة ابتدائي

اخخخخ لو على عوار القلب والله ما تتصورين ضيقتي
بنت يايبه نص من 12
و بالتشيير !!
مجموع الدرجات التحرير 1 من 30
الشفوي صفر بس معطينها 12 من 20 و اهي اساسا ما تستحق الدرجه
شلون هاذي نجحت ؟
و شلون ما قوعت بالعربي ؟
هذي نتيجة الملف الانجازي الزفت

عوار القلب
ان الناظره محرصه و منبهه و محذره و مهدده ما ابي سقوط
ولا بنت راسبه
شلون بالله ؟

و بنت ثانيه والله وربي شاهد على كلامي
ماسكة الكتاب مقلوب ما درت انه مقلوب الا لما شافت الصور !!
شلون جذي ؟؟

و للأسف .. سالفة المعاش و الوظيفة على عينك يا تاجر .. من صجج ! اصلاً كنت اسمع بأذني ان البنات
ميتين يبون يروحون التربية الاساسية عشان يضمنون زوج الغفلة ! لان معروف ماشالله الرياييل يبون مدرسات
و عاد تعالي شوفي .. كلهم يبون التربية .. عشان الاجازة و اجازة الامومة .. و الريّل... و آآآآخر شي يفكرون فيه
اهو الاجيال اللي بتتربي على ايدهم و أفكارهم البالية التعبانة .. حسافة والله :\

لا يا جماعة .. جذي الديرة ما راح تترقع .. حرام والله

لووووووووووووول
الحمدالله و الشكر
حياتي ما ياخذ المدرسه الا الي يبي يريح راسه
معاشج عندج صرفي على روحج
او ساعديني بجذي او روحي انتي تقضي و اشتري حق اليهال
و غيره و غيره
و ان سألتي الرياييل قالوا لج لأ جو مو مختلط

و في بنات ينجبرون على التربيه
الاهل
ابوها اما حاط عينه على معاشها
او انه عيب تدرسين او تشتغلين في مكان فيه رياييل !!!!
هاذي بعد كلش ما تترقع

ميخالف سامحيني بس لازم موال الاحزان هذا .. غصبن علي
مع ان وعدت نفسي اني راح اسكت و راح انضم لـ حزب - لا ارى .. لا اسمع .. لا اتكلم -

لو انج انضميتي لهالحزب
راح تسوء الأوضاع و مافي من يتكلم
خصوصا وانج كابته و لسانج قلمج
و فكرج و جهة نظرج يقراها المئات ان ماكانوا بالآلاف
خليج معاي بحزب الصوت الجريح لوووووووووووووووووووووووووووووووول

اول شي انتي تسألين و تاخذين راحتج بعد ..
ثانياً انا أحمل شهادة الدبلوم .. تخصص بنوك

يا بعد قلبي :*
ما شاء الله حلو تدرين ليش ؟
لانه تخصص مرغوب مو جذي ؟

مادري شنو ردة فعلج .. يمكن تفاجئتي ..؟
بس الاكيد ان انتي عارفة .. ان مو رغبتي اهي اللي ساقتني لهالتخصص
و لا طموحي يرضيه شهادة دبلوم ..

لا ما انصدمت جداً عااااااادي
لاني مع الوقت اكتشفت ان الشهادة مو مقياس لشيء !!
اممم احلى ما في الدنيا الطموح

لو اقولج شنو رغباتي .. تستغربين من البعد الشاسع
بس الاقدار رسمت طريقها .. و الحين صار وقت اختياري

انا احب الاعلام و الفنون ..

مو من صجج !!
لاني كنت ابي اعلام و اهلي رفضوا وخلوني اكتفي بالصحافه كهوايه
و تأليف التمثيليات الاذاعيه او التلفزيونه لأوقات فراغي
و عن الفنون فهذا شي ثاني
لاني كنت اتمنى اكون مخرجه لووووووووول
او رسامه بس على كثر ما انا احب الالوان على كثر جهلي بالرسم
اقدر اقلد اللوحات لكن ما ابتكر او ارسم ما اعرف

و من الفنون الي احبها الموسيقى .. اقصد الراقيه الكلاسيك
بس الاخراج شي ثاااني


وناسه نتشابهه بأشياء مو شي واحد :*

انا من الناس اللي ما كان من حلمي اني اكون مدرسة
مع ان امي مدرسة .. بس لو دخلت هالمهنة راح احبها و راح اخلص لها .. اعرف نفسي عدل

تخصصج يدخلج ؟
اتذكر على ايامي كان عندنا تخصص تجاري
لكن الحين ما ادري
الا اذا كملتي و اخذتي ماستر و صرتي معيده بالكليه واااااااااااااااااااو
حب ما تعمل لتعمل ما تحب
للفيلسوف الشهير احمد حلمي لوووووووووووول

كنت راح احب وااايد لو كنت مدرسة اجتماعيات .. .. و كان حلمي اني ادخل كلية الاداب تخصص جغرافيا
و كنت احلم بالتضاريس و جبال اطلس ..
و ايضاً كنت راح ابدع لو كنت مدرسة فنية .. او بدنية ..

حلفي من صجج ؟
انا مدرسة اجتماعيات !!!!!!
بس ما احب الجغرافيا لووووول احب علم الاجتماع و علم النفس و العلوم الانسانيه و الانثروبولجيا
و قبل لا ادش الجامعه قدمت على التطبيقي ابي اصير مدرسة بدنيه !!!

لاني ما اتناسب مع ستايل الحياة المكتبية . اقعد على مكتب طول النهار .. طول حياتي !!
احب الحركة و احب الشغل اللي يخلي ايدي تتحرك و تكتب و ترسم و ترتب .. بس للأسف كانت و ما زالت امنية
مادري .. هل تتحقق يوماً ؟!
مادري اركض وراها ولا اوقف ..

اممممممم تتحقق
لو انج تبين راح تتحقق
الجامعات الخاصه بالكويت واايد
تقدرين تكملين دراستج بتخصصات ترضي رغبتج
مثل تخصص الاي تي بالعربيه المفتوحه
او ادارة الاعمال او الاقتصاد بالايه سي كيه
ركضي و انا وراج اشيل جنطتج لوووووووووووول

بصراحة التدريس الحين جهاد . و انا احيي فيج هالشي .. انج مدرسة صالحة
قررت انها ما تكون مثل القطيع اللي حولها .. قررت تكون راعية مسؤولية و رسالة .. احترم هالشي بشدة

بعد قلبي :*
بس السالفه متعبه واااايد
و محد يقدر و لا يساعد علشان جذي ودي اطلع

:

ادري قلت قصة حياتي
بس هالسؤال ما ارضى اجاوب في جواب مختصر كأني خلاص استسلمت
لنتيجة انا ما كان قصدي اوصل لها .. بس انشالله راح اغيرها .. انا وعدت نفسي ;>

:

زين سويتي انا احب الكلام
يقولج الكاتب المميز هو الكاتب الثرثار
لانه حروفه كثيره فتتزاحم على الورق
ان شالله تغيرينها و انا ادري انج راح تغيرينا ان شالله عاجلا او اجلا اذا ما اثرت فيج ظروف الزواج او تكاسلتي

اما طالب .. اييييه خلينا عايشين احلامنا الوردية انا معاج لوول
حتى لو مو حلوة . انا بلشت فيها .. خليني اعيش الصدمة من بعدج ;q

مو صدمه على كثر ما اهي ضيقة خلق
تعصبين

:

ترى انتي صج صج diva ;>[/]

شوفي بالهرد انا ذبحتج بوس
لووووووول

بس هم هاذي بوسه بس على راسج :*

 

[Dr.teen]

وااااااااااو والله شوقتيني

أنا بصراحة لازم أشتري حق عبدالوهاب السيد ، أروع كاتب لحد الآن بالساحة
و شريت هرطقة لأن عجبتني فكرتها .. انها تبدأ من نقطة سوداء

و حتى رواية سارة الدريس شريتها احس شوقتني
بس حسافة انج ما شريتي سكرات حياة مالت منى العنزي
صراحة الكاتبة ابداع

بس كولكشنج عجيب
بس حسافتج ما نوعتي
كله روايات

انا عيل ياختي ساعة و 79 لو شنو ما تكفيني
لازم 3 روحات بساعتين ثلاث
و طبعا اجمالي قطتي حوالي 150 ديناار
خخخخخخخخخخ

بس أعترف لج حدي كنت مشتهية كتب ثانية من اللي شريتيهم<<< نقزة محترمة ههههههههههههه

عليج بالعاافية حبيبتي و موفقة ان شاء الله

 

[:: Diva ::]

]وااااااااااو والله شوقتيني

أنا بصراحة لازم أشتري حق عبدالوهاب السيد ، أروع كاتب لحد الآن بالساحة
و شريت هرطقة لأن عجبتني فكرتها .. انها تبدأ من نقطة سوداء

عبد الوهاب لا مو الاروع لكن من ضمنهم
لانه كتاباته منصبه بس بالرعب و الغموض و لااا اخر شي صارت قصصه مثل الافلام قصص شايفتها

و حتى رواية سارة الدريس شريتها احس شوقتني
بس حسافة انج ما شريتي سكرات حياة مالت منى العنزي
صراحة الكاتبة ابداع

ساره كلشششششش ما احب اصداراتها مع احترامي لها
بس اخر رواية اخذتها لانها قررت تكتب بالفصحى
و لان الغلاف شدني واااااايد اكتشفت ان صو رتها بس مرسومه ونااااسه

لما قريتها عجبتني القصه للنص يمكن لين ما تطلقت و بعدها بشويه
نهايتها سلق بيض

بس كولكشنج عجيب
بس حسافتج ما نوعتي
كله روايات

لوووووووول قلبي يعورني والله
ودي لكن الهوا ضدي ياختج اقول رديت البيت بعدها اكتشفت ان المعرض صالات مو صاله وحده خخخخ

انا عيل ياختي ساعة و 79 لو شنو ما تكفيني
لازم 3 روحات بساعتين ثلاث
و طبعا اجمالي قطتي حوالي 150 ديناار
خخخخخخخخخخ

لووووووووووول اعتقد من حظي ان الظروف ضدي لوووول
و لا جان فلست و الرواتب كانو مغيرين مواعيدها علشان العيد

اتذكر قبل لا احمل والله يوميا اروح و مرات باليوم مرتين
افصفص الكتب عدددددل

بس أعترف لج حدي كنت مشتهية كتب ثانية من اللي شريتيهم<<< نقزة محترمة ههههههههههههه

عليج بالعاافية حبيبتي و موفقة ان شاء الله

افا عليج حبي
امري تدللي
شنو تبين و اطرشه لج بس هااا تردينه لي
و نطري اسوي لج طلبات تعجيزيه لوووووووووووول
تأمين
صوره من البطاقه المدنيه
كرت التموين
خخخخخخ

 

[نيــلــوفــر]

تشكيلتج رووووعة

 

[miss_math]

حلوين الكتب علييج بالعافية

قراءة ممتعه

 

[baby-phat85]

الله خووش كتب واايد عجبوني مشكورة على التصوير حبوبه

 

[^^Luna^^]

يعطيج العافية

 

[فزهةّ خٌفوق]

عليج بالعافيه الكتب مبينين رووعه .,

رساائل الخووف ., فضيـــع .,

 

[:: Diva ::]

تشكيلتج رووووعة

ردج اروع حبي

 

[:: Diva ::]

حلوين الكتب علييج بالعافية

قراءة ممتعه

الله يعافي قلبج حبي

 

[:: Diva ::]

الله خووش كتب واايد عجبوني مشكورة على التصوير حبوبه

العفو حياتي

 

[:: Diva ::]

يعطيج العافية

الله يعافيج حبوبه

 

[:: Diva ::]

عليج بالعافيه الكتب مبينين رووعه .,

رساائل الخووف ., فضيـــع .,

الله يعافيج حياتي
و ما قريته للحين ان شالله اقراه و اتناقش فيه

 

[ميمي المزيونة]

مشكوووورة على الموووضوع الحلووو والكتب الارووووع .. يعطيج العااافية ...

عاااد نبي واحد قريتـيـــه وحلووو عشــآن نشتريه ... ؟؟

 

[^_^ حوراء ^_^]

عليج بالعافيه

و عسى النونو يخليج تقرينهم على راحتج ..

و يا بختج انا طول ايام المعرض كنت بحاله يرثى لها ما قدرت اروح


^_^

 

[ENG.Nour]

ايننووووووووووووووووووووووووووووووووون
ماشالله عليج بمليون عافية
بس امبي لا شوقتيني
انا ما قدرت اروح معرض الكتاب هالسنة
واي لا اول مره مايصييييير
كله من الامتحانات قطع
يعل ماكو امتحانات قولو آمين
المهم
>>>>نرجع حق محور حديثنا
بروح المكتبة يوم الخميس انشالله
وكنت ناوية التزم باللستة ويا ويهي
لا لا لا لازم اودي معاي المؤونة كلها
لؤؤووؤوؤل
اذا امي قالتلي ليش مخلصة مصروفج بقولها كله من ديفا انا مالي شغل

مشكورة حبيبتي
عليج بالعافية

 

[baby soul]

الحين الكتب هذيلا كلهم بـ 11 دينار

ولا 79 د

لوول وحلوووهـ اختياراتج عجبتني الحياة بين يددي والغلاف ايهبل شكلها موديلز فرنسية

 

[:: Diva ::]

مشكوووورة على الموووضوع الحلووو والكتب الارووووع .. يعطيج العااافية ...

عاااد نبي واحد قريتـيـــه وحلووو عشــآن نشتريه ... ؟؟

ربي وربج واحد للحين ما قريت غير كتابين !!!


العفو حياتي

 

[:: Diva ::]

عليج بالعافيه

و عسى النونو يخليج تقرينهم على راحتج ..

و يا بختج انا طول ايام المعرض كنت بحاله يرثى لها ما قدرت اروح


^_^

الله يعافي قلبج حياتي
لا والله ما خلاني اقرا اي شي
والله انا الي حالتي يرثى لها