!~
---
ما نزّل البعد قـدْرك يـا رفيـع المقـام
صورتْك في القلب لا زالت على حالهـا
محبّتك شوفها لو شفـت حالـي حطـام
كسرت نفسـي لهـا وامتـدّت اظْلالهـا
من يوم حطْ الصبر من فوق ظهري سنام
وأنـا ارتكـي للحمـول بهـدي جماّلهـا
وإن قالت الناس ما بللتـس حلـم الغمـام
مـا نمـت الاّ ودمعـي كـان همّالـهـا
واليوم طيّرت ف\ وجيه الليالـي حمـام
وأحلامنـا وقّعـت مـن دون منْزالـهـا
إنْ قلت لي يارقيق القلب ويـن الغـرام؟
: حبّيـت نعْمتْـه.. ثـمْ حبّيـت زوّالهـا
لا صار حبّك حلال.. و وصل حبّك حرام
وش لون ترقى معاك النفـس بإذلالهـا !
خلاص خلني و خل الجرح فينـي ينـام
ماعـاد يقـوى حمـول القلـب حمّالهـا
ما قلت غير الكلام اللـيّ عليـه الكـلام
ولاّ امس عقـدة لسانـي ضـاع حلاّلهـا
مايلحق البنت شرهـات وعتـاب ومـلام
لاصار ماهـي مَرَتْـكْ ومنـت رجّالهـا
وإنْ طاح دمع الوداع وضاع مسك الختام
البعد كلمـة وصـح لسـان مـن قالهـا
هذا وقدرك كبير ولـك غـلا واحتـرام
وفرقاك في القلـب فـال الله ولا فالهـا
للحين ما جفّت ادمـوع الغـلا والهيـام
على المحاجر ، و هـم القلـب يبرالهـا
ذكراك عِد(ن) عليه آمـال قلبـي حيـام
يعني حبيبتْك مـا تعطـش علـى جالهـا
إنْ مت من بُعدها تحييـك بيـن العظـام
تعيش فـي قلبهـا وتْعيـش فـي بالهـا
وتشـوف محبوبتـك لا مـر 20 عــام
تنسـاك.. ولاّ تنـادي ب\سمـك عْيالهـا
:eh_s(2):
* بنت وايل
----
مراسي ) عهدي الاول على شاطيك
