شوفي آنا بوضحلج المسألة ببساطة
القصة شجره كبيرة
لها أفرع .. رح أرتبلج ياهم حسب الطول ..
- رواية
- قصة طويلة
- قصة قصيرة
- اقصوصه
- قصة قصيرة جدا " احدث انواع القصة و لا يزال جديد على عالمنا العربي نسبيا "
الرواية .. اشبه بفلم .. شفتي شلون الفلم يكون كذا مكان ؟ و كذا زمان ؟ و شخصياااات وايد .. أبطال ، كومبارس ، نهار ، ليل ، حوارات وايد وايد وايد .. تفاصيل مهمة ، تفاصيل غير مهمة ، صور .. صور سريعه صور بطيئة ..
بالظبط الرواية نفس الشي
يكون فيها اكثر من شخصية ..
بالرواية تتعمقين في سرد الشخصية على راحتج .. تسلطين الضوء على راحتج عالشخصيات الي تبينها تبرز و تبين يكون لها دور
تاخذين راحتج بالوصف و الإسهاب في الحديث ..
الحوار طبيعي جدا و تكتبينه مثل ما تبين مافي اي مشاكل .
فيها كذا مكان .. ممكن تمتد لسنين و قرووون بل و حتى لعصووور عديده
و كل هالاشياء اكيد اكيد اكيد تخضع لشطارة الروائي الي قاعد يكتب ..
اما القصة القصيرة " الي نقدر نعتبرها عكس الرواية " ..
اشبه بصورة فوتوغرافيه ..
تاخذين اللحظة .. تجمدينها .. تصفينها
مو معنى جذي ان ما يصير يكون فيها حوار ..
عاااااااااادي جدا يكون فيها حوارات !
بس لا تكون حوارات طويلة و مالها هدف ولا داعي !
القصة القصيرة مثل ... كرشه البنت ! لوووووووووووووول " تشبيهي مثل ويهي !!! "
مو حلوة تكون مترهله . حلاتها مشدوده .. ما يكون فيها اي شي زايد .. اي شي زايد يخربها و يشوهها و يخليها ممله !
ممكن يكون فيها كذا زمن .. بس بشكل مبسط و مكثف و مضغوط .. ما تقعدين تنتقلين عبر القارات و السنين و العصور ..
انصحج تقرين مجموعات قصصية ، و تقرين روايات
رح تعرفين الفرق على طول
و اذا تبين أسماء لكتب و مجموعات قصصية و روايات جيده و تفيدج قوليلي
