موضوع لمناقشة رائعة المهندس عبدالوهاب السيد (رسائل الخوف)

[Shade]

أمس انتهيت من قراءة الرواية الأولى في كتاب رسائل الخوف للمهندس عبدالوهاب السيد (14 يوم) وكانت في منتهى الروعة

أجواء القصة وايد غريبة وحسستني بشعور غريب عمري ما حسيت فيه ، وحسيت إني قريبة وايد من البطل وكسر خاطري في مواقف عديدة بس في النهاية كانت القصة مفاجئتها غير متوقعة


القصة بشكل عام رائعة وأنا ابي اقرا اليوم القصة الثانية في الجزء الاول (أيها الحب .. ترفق) والاسم غريب وجميل :rerrerek:

خلوني اقراها اليوم واقولكم رايي

 

[بدوره 22]

هلا شيد حبيبتي شلونج ؟؟

انا حبيت رواية 14 وااااايد ... وفعلا البطل يعور القلب .. وعاش مغامره شيقه وتخوف بنفس الوقف ..


وايها الحب ترفق ... ماراح اقول رايي لمن تبدين رايج فيها

 

[rawona]

انا للحين قاعدة أقرا قصة فهد اول قصة من الكتاب اللي اسمها 14 يوم .. واذا خلصت اقولكم رايي فيها


:e3: على الموضوع :aha:

​

 

[Shade]

راوونا القصة الأولى روعة وانا راح أبلش بعد شوية اقرا القصة الثانية (أيها الحب ترفق) الاسم غريب ويونس

راح اخلصهل وانام واقولكم رايي باجر

 

[Little_Queen]

ينقل الموضوع إلى " تجمع الكاتب المبدع م.عبدالوهاب العيسى "

لتشابه الغرض من الموضوعين ...


................

و بعيدا عن المهمة الاشرافية ..

الكتاب من بدايته شكله حلو ... و رح اكمله و اقولكم رأيي

 

[rawona]

قلت رايي عن الكتاب بالتجمع

​

 

[ماما نونا]

دار دايموند بوك اللي تبيع كتبه بأي صاله 5 ولا 6؟

 

[Shade]

الحين صار اسمها بلاتينيوم بوك بس نفس ديكور دايموند في قاعة 5

--------------------------------------------------------------------------------

حبيبتي روان انا اليوم قريت القصة الثانية (ايها الحب ترفق) وخلصت الجزء الثاني

رووعة روعة روعة

ماشالله عليه عبدالوهاب كل سنة يبهرنا ويفاجئنا

قصة 14 يوم تينن وغريبة حيييل وعشت جوها لحظة بلحظة
قصة أيها الحب ترفق واااااااااو والله بجيت في أكثر من مشهد وعورت القلب حييل

أحلى قصة في الكتابين اللي في الجزء الثاني (بعد ان احترقت زوجتي) تخررررع ونهايتها صج صج صج مو متوقعة كلللش

قصة (الذي اقتحم العقل) حلوة بس أقل القصص مستوى وشكله عبدالوهاب السيد كتبها مقهور لان مبين كل الكلام اللي على لسان ابطال القصة طالع من قلب عبدالوهاب

بصراحة نجاح جديد يضاف الى نجاحات عبدالوهاب ورئاعة جديدة من روائعه

 

[HAD.Lavender]

اليوم خلصت رسائل الخوف (الجزء الأول) وااااااااااااااااااو و صج روعة ما شاء الله القصتين حلوين و غريبين صراحة
14 يوم ضاق خلقي بالبداية بس استانست بالنهاية و ما ا قدر اقول ليش مابي اخرب عاللي ماقراها لي الحين
ايها الحب... الرفق روعة القصة لانها قصة غريبة و جديدة من نوعها
صراحة أهني الكاتب عبدالوهاب السيد على الابداع الجديد و صراحه يعجبني فيه ذكاءه و شلون يقدر يتكلم عن اغلب كتبه في كتاب واحد و اسلوبه هالمرة غير يعني ما فيه تكرار و الحلو بقصصه انه كل قصة تكون جديدة و كل قصة اتعلم شي جديد عن ما وراء الطبيعة


ان شاء الله راح اقرا الجزء الثاني هاليومين و اقولكم رايي

 

[Bq]

..

..

..

كنت حابة من زمان أقرى كتب الكاتب المبدع م.عبد الوهاب الرفاعي حتى لو كاتب
رحت معرض الكتاب شريت كتب من ضمنهم رسائل الخوف الجزئين و زيارت ليـــــلــــة
رديت البيت قريت مقدمة كتاب كتاب لين وصلة كتاب رسائل الخوف بنات تخيلو أنه
المقدمة تشوقت فيها وااايد صج أني قريت الكتب وكلهم شوقوني بس هذا غير جذبني حتى
من أسلوبه وخصوصا أني أحب هالنوع من الرويات أول ماشريته خلصت راسلة وحده
ألي أهي 14 يوم وااايد عجبتني حبيت البطل (فهد) كسر خاطري وااايد خصوصا كونه
بعمره مايقدر يشتغل مو أي مكان يقبلونه كان ودي أخلص أكثر بس لو
ما الدراسة يمكنخلصت جزئ كامل... بس ألي طول الوقت أبي أعرف ليش ما طالب بورث أمه و أبوه
يعطيج ألف ألف عافيه على الموضوع الحلو .. آسفة يمكن طولت عليكم بس كنت حابة
أميزة عن باقي الكتب .
..

..

..

 

[akadenia]

شجعتوني اشتري الكتاب

مع اني مووووووووووووووووووووووووووووووو قارئة جيدة للكتاب الكويتيين او العرب عموما كل كتبي انجلش

بس بجرب هالمرة يستاهل ولد بلادي التشجيع

 

[سبائك]

انا شريتها امس من المعرض بس للحين ما قريتها بس اقراها اقولكم رايي ان شاءالله

 

[koKo7lwa]

عاد أنا شريه بس ما قريته شوقتوني على القراءة

 

[تولين]

وايد كتاب شباب بهالمعرض بادرة حلوة بصراحة
و الله يوفقهم
و لي عودة للمعرض و بشتري مؤلفات هالكاتب

 

[رهوف]

انا خلصت الجزء الاول بس صراحة لقيت فيها تكرار لنفس الجمل اكثر من مره وهالشي شتت انتباهي عن القصه قلت ليش جذي كل صفحتين يعيد نفس الجمله ... بس عموما القصتين فيهم فكره حلوه لكن مو بمستوى اعماله اللي قبل

راح احاول اخلص الجزء الثاني اليوم واقولكم رايي

 

[rawona]

انا خلصت الجزء الاول بس صراحة لقيت فيها تكرار لنفس الجمل اكثر من مره وهالشي شتت انتباهي عن القصه قلت ليش جذي كل صفحتين يعيد نفس الجمله ... بس عموما القصتين فيهم فكره حلوه لكن مو بمستوى اعماله اللي قبل

راح احاول اخلص الجزء الثاني اليوم واقولكم رايي

انا بعد وايد لاحظت تكرار الجمل في أكثر من مره .. وضايقني هالشي شوي .. بس اللي شفع له ان الافكار والقصص حلوه وهم لما قريت الخاتمة بقلم المؤلف بنهاية الجزء الثاني .. عرفت انه واجهته صعوبات ومشكلات كثيره خلال السنة اللي طافت فقلت يمكن هالشي أثر عليه و على مراجعته لكتاباته

​

 

[dla3_princess]

شووقتووني اقرااها

لأن هالكااتب تباارك الرحمن الله يووفقه صج صج مبدددع

 

[.]

توني مخلصه لجزء ال2..

حبيت تنوع القصص و المعلومات اللي فيها..

ماحبيت جمل الكوبي بيست من رفعت اسماعيل والسرد ساعات يكون مشتت لانها وايد..

 

[catwiwi]

وااو توني ادرييي انه في تجمع للقارئات الكتاب

انا حطيت موضووع عن رسائل الخوف الجزء الثاني وتحديدا عن قصة بعد ان احترقت زوجتي
بغييييييت نتناقش بخصووصها لانها وايد غرييبه تهقون صجييه؟؟؟؟؟؟؟؟؟؟؟؟ هل سمعتو عن قصه مشابهه لها وواقعيه انا دايما اشوف هالقصص بالافلام بس بالواقع صعبه تتصدق

 

[Shiny Star]

وااو توني ادرييي انه في تجمع للقارئات الكتاب

انا حطيت موضووع عن رسائل الخوف الجزء الثاني وتحديدا عن قصة بعد ان احترقت زوجتي
بغييييييت نتناقش بخصووصها لانها وايد غرييبه تهقون صجييه؟؟؟؟؟؟؟؟؟؟؟؟ هل سمعتو عن قصه مشابهه لها وواقعيه انا دايما اشوف هالقصص بالافلام بس بالواقع صعبه تتصدق

حياك الله في تجمعنا اللي بهالقسم عن إصدارات المؤلف وتلقين راينا بكل كتبه