{ ...الدكتورة رشا الصفي تجيب على استفسارتكم ..} استضافة اسبوعية

[الدبلوماسية]

جزاج الله خير

 

[lulu2009]

السلام عليكم
عيدج مبارك دكتوره

ولدى عمره سته اشهر عادي اوكله روب؟؟
محلبيه؟؟
و جم وجبه اعطيه باليوم؟

و متى استخدم الدراي؟
انا قريت ان الدراي يضر بقدرات الطفل العقليه و الجسديه؟؟ هل كلام صحيح؟ واذا صحيح اكنسل الدراي؟؟

و مشكوره

 

[د. رشــا الصفــي]

 

[د. رشــا الصفــي]

حبيبتي البيدياشور ما يسبب امساك و ممكن تشربه البنت باليل احسن من النهار لأنه يسد الشهية

و طريقة التحضير تلاقينها عالعلبة

و بالنسبة للأكل خلى الحليب بعد الوجبة و نوعيلها بالوجبات و منعي الأكل الغير صحي


مشكوره دكتوره
بس ماقلتي لي هل اعطيها بيدياشور واعطيها حليب سميلاك والا اوقف الحليب واعطيها بيديا شور وكم مره اعطيها بيديا شور باليوم

اي عادي تقدرين تخلين السيميلاك عادي و تستبدلين اخر رضعة بالبيدياشور بس رضعة وحدة باليوم قبل النوم

مســـــــاء الخير دكتوره انشالله تكونين بصحة وعافية

انا خايفة على ولدي عمره ثلاث سنوات يارب تحفظة لي وديتة الحمام تكرمين ودمر عمره وغسلت بصابون جونسون المهم بعد التنظيف قلت ابية يختم عشان يطلع وقلت سو بولة تكرمين وقعد يسويها لاقعد يبجي يقولي عورني صابون المهم قعد اسكته وحاولت اشوف ذكره مو مخليني وهدا شوي قلت سو مره ثانية عشان تطلع بشوف يعوره ولا قعد يسوي مره ثانية وبجى واخترعت اكثر ياعمري عمره وقلعده احاول اشوف ذكره يقول عور وياشر علية بشوف فيه احمرار جرح ماخلاني اركز انطره ينام بالليل واشيك عدل حدي خايفة لايكون فيه شيء


طمنيني دكتوره واسفه على الاطالة

لا تحاتين حبيبتي ممكن الصابون حار عليه شوي

ما ننصح نغسل الأماكن الحساسة بأي صابون مهما كان

بس بالماي طول اليوم و مرة وحدة يغسل بأي منظف خالي من الصابون تحصلينهم بالجمعيات

قوه دكتوره

ولدي عمره شهر و اسبووع و ريووله اليمين كله يعوييها ماادري ليش ماعنه ريله الثانيه عاديه
و غير جذي مايبي ينام الا على بطنه اخاف مو زين

نومة البطن مو زينة الا اذا احد قاعد يمه
بالنسبة لريوله لازم ينفحص ما ينفع بالوصف بس عذريني

انا الحين اعطيه دوه اسمه بونيسان حق الغازات مال ماركة هيمالايا زين و لا لأ؟ اوهو امريحه بس هل له مضره؟

لا ماله مضرة

ولدي بعد كل مارضعه يطلع صوت وديته الطبيب قالي شفطي خشمه اشفط خشمه هم ماكو فايده مادري شسوي قالولي صدره زين مافيه شي

ماله داعي تسوين شي راح يروح هالصوت مع الوقت لما تجويف الأنف يكبر

متى اقعد احط بسكوته اب حليب الياهل؟

لا تحطين بسكوت بحليب الياهل مو زين و غلط
تقدرين توكلينه البسكوت من عمر 6 شهور قبل جذي يسوي حساسية بالأمعاء

و متى الياهل يبدي ينام فوق ال 3 ساعات متواصل ؟ الحين اوهو ينام 3 ساعات و يقعد

والله مادري حسب طبيعة الياهل

و يعطيج العافيه

الله يعافيج

السلام عليكم
عيدج مبارك دكتوره

ولدى عمره سته اشهر عادي اوكله روب؟؟

لا الروب بعد 9 شهور

محلبيه؟؟

عادي اذا تحضرينها من حليبه الخاص مو الحليب العادي

و جم وجبه اعطيه باليوم؟

وجبة وحدة فقط


و متى استخدم الدراي؟

ماله داعي مشاكله اكثر من منافعه

انا قريت ان الدراي يضر بقدرات الطفل العقليه و الجسديه؟؟ هل كلام صحيح؟ واذا صحيح اكنسل الدراي؟؟

هالكلام صحيح

و مشكوره

العفو حياج الله

جزاج الله خير

اجمعين

 

[د. رشــا الصفــي]

 

[SweeTa_4ever]

مرحبا دكتوره شلونج

ولدي عمره سنه وثمن اشهر وزنه 11 وطووله 84 ابي اعرف مناسب لعمره

وسؤال ثاني بنتي اسبوع الياي تكمل 5 اشهر ليلحين ماتقلب نص قلبه يعني بس اصير على جنب قبل شهر كان وزنها 6 ونص وانا يايبتها 3ونص هل الوزن طبيعي

ومشكووره دكتورتنا

 

[أم حيدر]

عيدج مبارك دكتورتنا

تذكرين مشكلتي اللي كتبتها من قبل - بنتي رافضة الممية نهائيا لانها ترضع طبيعي - وانا موظفة 8 ساعات

الحين عمرها اسمالله عليها 8 شهور ومشكلة الممية ما انحلت

الحل الوحيد انها تاكل وجبات اكثر

هل يضرها هالشي؟ يعني تقريبا من 4-5 وجبات باليوم / وقاعده ادخلها الحليب بأكلها / ولما اكون موجودة بالبيت أرضعها يعني كل ما ياعت ارضعها حتى لو مافيني حليب.

سؤال ثاني : ولدي العود عمره 3 سنين و 4 شهور - نومه قليل يعني ينام 9 ساعات بالليل و ساعه بالنهار

وملاحظة سواد تحت عينه شسوي ؟

 

[غاية مرامي]

شلونج د.رشا عساج بخير

بنوتي الله يحفظها عمرها اسبوعين...من اول ماطلعت من المستشفى حاشتها حساسية بصدرها جنها بتختنق وديتها عند الكتورة سعاد البصيري

والحمدالله عطتها علاج وخفت الحساسية وغيرتلها الحليب اللي تشربه لمدة اسبوع بعدين ارد على القديم بس المشكله الحين ذبحها تكرمين الاسهال..ماتنام طول الليل وحيل ضعيفونة شنو الشي اللي يوقف الاسسهال وتنصحين فيه..للعلم حليبها سيملاك..

وعندي استفسار ثاني..الحين بنتي حايشتها نشله وخشمها يتسكر احس ماتقدر تتنفس الدكتور عطتها قطرة الماي والملح بس احس ماكو فايدة

خصوصا انها ماتقدر نظف خشمها..شنو تنصحيني فيه

طولت عليج....بس شسوي بجرية جدا شاكرتلج

والله يعطيج العافية

 

[إحساسي مرهف]

كل عام وانتي بخير دكتوره
حبيت اسال ولدي عمره شهر ونص وارضعه طبيعي واعطيه رضعه وحده صناعي باليوم من حليب سييلاك
ومشكلته انه يرجع بعد الرضعه على طول في اغلب الاوقات حتى لما اكون مرضعته طبيعي ووديته للطبيب قال صحته اوكي ومافيه اي شي ووزنه بالولاده 3 وربع والحين 5 وربع هل يعتبر الترجيع ان فيه اي مرض بمعدته
اوديه للطبيب مره ثانيه واللا شسوي ومشكورة واسفه عالاطاله

 

[إحساسي مرهف]

دكتوره نسيت ابسالج يصير اعطي ولدي فيتامين فيه مستشفيات تصرف الفيتامين للمواليد عند الخروج من المستشفى بعد الولاده
والله يوفقج ويرزقج انشالله:tek:

 

[طيف الغربة]

دكتورة الله يجزيك كل خير على مجهودك

ولدي عمره 5 سنيين الحساسية فيه على طووول اول ما يطلع الصبح للمدرسة يرد وانفه محتقن بس مافي شي يطلع من الامام كله البلغم للخلف ويضر الاذن الوسطى والحنجرة وكل شوي يكتبو له مضاد حيوي اوجمنتين قوته 475

اخر شيء كتب له الدكتور مال الاذن زيرتك ودواء اخر اسمة ريبومونيل حسيت انة الحساسية هدءت شوية من انفه ب

س مازل صوته غير طبيعي كأنه في بلغم بالحنجره الى جانب انه كان ما يكح بس بعد ما اعطاه الدكتور الزيرتك

الحكة صار يكح على خفيف نفسه يسحبه بصعوبه وقت النوم بس مش مره ولونه مررررررررررررررررررة اصفر

كل من يشوفه يقول شو فيه الولد اصفر وشاحب مع انه ماشاء الله يأكل كثثيير ولله الحمد

ملاحظة : من 6 أشهر عمل عملية لوز ولحمية لانهم قالو هي سبب الاحتقانات بس ماشي فائدة الاحتقانات ظلت موجودة لليوم وما انتهت فشو السبب دكتورة والله اسمع صوته يطلع بصعوبة قلبي يعورني وجربت كل شيء طبيعي مانفع للأسف اللحين خايفة الاحتقان يضر اذنة وترتفع الحراره ويعطوه مضاد من اول وجديد صار الشهر الاول شارب مرتين اوجمتين

عذراً دكتورة على الاطاله والله يكتب لك الاجر ويسعدك في الدنيا والاخرة

 

[أم معاذي]

السلام عليكم ....
يعطيج العافيه دكتورة ...ربي يجزاج الخير

دكتورة ولدي باقيله 6أيام ويكمل 3 أشهر
اليوم رحت الدكتور عشان صاير يكح ونشله وبلغم بس الحمدالله ماكو حرارة ..بس عطاني ادول

سؤالي ...الدكتور نومه على بطنه مارفع راسه ...كان يمص الشرشف !!
بس اذا يكلمه على جنب يلف رقبته ويتبع الأشياء عادي وقال ملاحظته وايد ممتازه ...بس المفروض بهالسن يرفع راسه لما ينام على بطنه .....دكتورة هل في يعني مشكلة بولدي ؟؟!!

وقال ان شوي محيط راسه أعلى من المعدل (44)...يعني فوق خط النورمال بنقطة ....هل هذا طبيعي ؟؟؟

بس دكتورة اذا انا حطيته على كتفي يرفع راسه ويشوف فوق ويلف راسه يططالع الأشياء ....

 

[سندسيات]

السلام عليكم ورحمة الله

طفلي عمره ست سنوات
لاحظت مؤخرا انه عندما يقوم بالتبول يعود بعد دقائق ويتبول من جديد
اي انه لا يستطيع افراغ المثانه بالكامل في مره واحده



مع ملاحظه انه لا يشعر بألم أثناء التبول

ارجو تشخيص حالته ولكم جزيل الشكر

 

[سيده نفسي]

السلام عليكم دكتورتنا



انا بنت عمرها 8 شهور وللحين ما سننت ولا حبت وبعد ترفض انها تقلب


وبس اذا نومتها على بطنها تشد نفسها وترفع راسها بس ما تحاول تحبي وبعدها تبجي


ابي اعرف هل هذا طبيعي؟؟؟؟؟؟؟؟؟؟؟؟؟؟؟؟؟؟؟؟؟


واذا ممكن ابي عيادتج والرقم

 

[سندسيات]

يوجد طفل في العائله عمره سبع سنوات وهو يدرس في الصف الاول الابتدائي
لاحظت انه ينطق الكلمات بطريقه غير مناسبه لعمره فمثلا عندما طلب مني تشغيل الكمبيوتر استخدم جمله قصيره وقال يوتر ولم يقل كمبيوتر
وقال يون ولم يقل تلفزيون وقال سكرونه ولم يقل مكرونه
لا حظت ان صوته منخفض

ولكن لاحظت ان تعامله مع باقي الاطفال طبيعي ويفهم اي شي تقوله له سمعه طبيعي

وهو الطفل الصغير في اسره مكونه من اب وام واربعة اخوه

 

[نماين]

السلام عليكم دكتورة وكل عام وانتي بخير

تعرفين اللحين موسم الصدر والحساسية خاصة بعد المطر

بستشيرك بحالة بنتي عمرها 3 سنين و8 شهور اذا تذكرين الي قلتلك عنها فيها جيوب انفية و لحمية وماي بالاذن وعلطول احتقان وصدر

بعد البخاخ الي عطونا اياه مستشفى زين الحمدلله خفت اللحمية حييل ويقول الدكتور مالا داع عملية بس لازالت مع التهاب الاذن وموعدنا بعد شهر نعيد لها التخطيط ثالث مرة و يشوف اذا تحتاج سحب ماي اولا بس للامانه لازالت بشرتها باهته وشاحبه وفي سواد خفيف تحت عيونها صح احسن من الاول بس لازالت مع انها قبل سنه وشي من اللحين مشاءالله بشرتها كانت حللوة
المهم بعد المطر ودشة البرد علينا

صاير خشمها يسيل وبدت معاها كحة

وديتها للطبيب للمستوصف ووصفتله حالتها وبينتله انها تعاني من حساسية بالصدر فعطاها زيرتك و شراب ايزيبكت وادول

بما اني مجربة الايزيبكت وانه يجمد البلغم فما تقدر تطلعه تركته والزيرتك من خبرتي معاه احيانا ينشف الانف بس ممكن يجمد البلغم
فما عطيتها اياه
ورحت للصيدلية وشرحتله الحالة واعطانا شراب zaditen

بعد ما عطيتها اياه خفت الحالة بس لازالت تكح عالخفيف واحس بدا بلغم بصدرها ويطلع دم من خشمها واحس كانه بداية بلغم بالصدر فودي الحق عليها قبل لا يلتهب صدرها او تزيد الحالة
ولمن سألت عن الزيداتين قالولي انه وقائي وانه ما يفيد
فشرايك ما ابي تزيد حالتها

والله يعينك علينا يكتبلك الجنة والعافية في هاليوم المبارك

 

[أم معاذي]

أسفة دكتورة بعد نسيت أسئلج ..
ولدي صارله فتره بنص رضعته او بالأخير مثل تلوع جبده ويسوي حركه جنه برجع ..مادري ليش !!؟

بس اهو مايرجع الحمدالله ..الا نادراا ...والحين مع البلغم والنشله أكثر ...
هل هذا اهو السبب !!؟

 

[مهرة البيد]

السلام عليكم
دكتوره عندي بنوته عمرها 8سنوات فيها لحميه بخشمها
ما تقدر تتنفس من خشمها كله من الحلج لدرجة ان حلجها دايم مفتوح والشفايف دايم ناشفه
شخيرها بالليل مثل الكبار
واحسها ما ترتاح بنومها
زوجي سأل دكتور وقاله ما انصحك بالعمليه بهالسن توها صغيره
ما ني مقتنعه بهالكلام خايفه تتعود على الحلج المفتوح خاصه انها بنت
ياريت تساعديني اسوي العمليه لها ولا ااجلها

 

[الولو]

يعطيج العافيه دكتورتنا والله لايحرمنا منج

دكتوره ولدي عمره عشر شهور صار له يومين يكح هل اكتفي بالحلبه مع عسل الاطفال والا لازم اودي الطبيب؟

 

[Yarayoyo]

السلام عليكم دكتورة رشا

ان شاء الله تكونى بخير يا رب.

بنتى الحين بتتم ال6 شهور فى 10 ديسمبر وزنها ساعة الولادة 3.200 كيلو. وكانت فى الاريع شهور 5.500 كيلو فما هو وزنها الطبيعى من المفتروض ان يكون الحين لان احس انها ضعفانة ووين اقدر اوزنها ؟؟؟لان اخر مرة كانت فى عيادة خاصة .
وما هو الوزن الذى لا يجب ان تقل عنة؟

سؤال اخر : انا ارضعها طبيعى والحمد لله وودى الحين اعطيها الاكل :
1- فبماذا ابتدىء؟
2- كم الكمية؟
3- هل بجانب الرضاعة الطبيعية ام الغى الرضاعة الطبيعية اثناء الوجبة؟
4- اعطيها بسكويت؟ طريقة عملة؟
5-ما هو افضل نوع من البسكويت فى السوق اشترية لا يسببلها مشاكل ؟
6- ما هى الفاكهة اللى ممكن تاكلها؟
7-يوجد عصائر معلبة خاصة بالبيبيى من ال6 شهور منها ماركة هيرو وميلوبا؟ هل هى صحية ؟وما افضلهم من حيث الأجود فى الاسواق؟
8-شوربة الخضار زينة لها ؟
9-هل هناك عصائر اقدر اعطيها لها وما هى الكمية يوميا؟

اشكرك دكتورة أدرى انى طولت عليكى لكن اعتقد ان اسألتى راح تفيد الأخوات فى المنتدى ايضا