المرحلة النهائيه " مرحلة تثبيت الوزن "

[Bs.ana]

اهلين ياحلوين

اشلونكم ؟؟
وشلون الرجيم معاكم :eh_s(6):

الحمدالله بما اني وصلت لمرحلة خلاص وزني مناسب لطولي
فقتنعت بنفسي وماابي انزل اكثر ومقاساتي وسايزي برفكت
فقررت اثبت وزني ولا ابي ازيد
ومرحلة تثبيت الوزن شهر انشاءالله
والي حاب يثبت وزنه معاي حياالله :eh_s(6):

وهذا رجيم تثبيت الوزن من اخصائيه ومدربة رياضه


طريقه تطبيق النظام كالاتي :
3 أيام رجيم
يومين راحه
يومين رجيم
يوم راحه
يوم رجيم
يوم راحه
وجذي لين تخلصون الشهر
_________________
الأفطار اليومي :

1 فاكهه + 1 بيضه + ربع رغيف اسمر + كوب شاي بالحليب

اليوم الأول :

الغداء
2 شريحه لحم مشوي + سلطة + 1 فاكهه

العشاء :
ربع رغيف اسمر + جبنه قريش + سلطة

اليوم الثاني :
الغداء :
صدر دجاجه مشوي او مسلوق + خضار مسلوق +1 فاكهه + ربع رغيف

العشاء :
2 بيضه مسلوقه + سلطة + 1 فاكهه + ربع رغيف خبز اسمر

اليوم الثالث :

الغداء :
لحم مشوي اى كميه + ربع رغيف خبز اسمر

العشاء :
سلطه + جبنه قريش + ربع رغيف خبز اسمر

اليوم الرابع :

الغداء :

2 شريحه لحم مشوي + سلطه + ربع رغيف خبز اسمر +خضار مسلوق

العشاء :

فاكهه نوع واحد أي كميه

اليوم الخامس :

الغداء :
2 بيضه مسلوقه + شربه عدس + ربع رغيف خبز اسمر + 1 فاكهه

العشاء :
ربع رغيف خبز اسمر + 2 قطعه جبن قريش + سلطه

اليوم السادس :

الغداء :
2 شريحه سمك مشوي + سلطه + ربع رغيف خبز اسمر

العشاء :
1 زبادي +2 فاكهه +3 شابوره

اليوم السابع :

الغداء :

صدر دجاجه مسلوق او مشوي + خضار مسلوق + ربع رغيف

العشاء :
1 فاكهه + 2 زبادي + ربع رغيف

ملاحظات
يرجى عدم تغيير او تبديل بين الوجبات
يسمح بتناول أي كميه من المشروبات الدافئة في أي وقت


ووزني توني قايسته 66.6
وطولي 170

:ggdw:

 

[ضحكة بريئة]

الف مبرووووووووووووووووووووووووووك فنكيه

والله يتمم عليج

والفال لنا ان شاء الله

 

[Bs.ana]

الف مبرووووووووووووووووووووووووووك فنكيه

والله يتمم عليج

والفال لنا ان شاء الله

يبارك فيج حبيبتي :eh_s(6):

انشاءالله عبالج وباسرع وقت وبصحه وعافيه

 

[I don’t care]

مبرووووووووك رقمج حيل مميز هههههه
كان خاطري انضم معاج بس توني في مرحله النزول
ان شاء الله يكون هالتجمع دائم ويمديني ادخل وياكم بحيل الله وقوته بعد كم شهر

 

[Bs.ana]

مبرووووووووك رقمج حيل مميز هههههه
كان خاطري انضم معاج بس توني في مرحله النزول
ان شاء الله يكون هالتجمع دائم ويمديني ادخل وياكم بحيل الله وقوته بعد كم شهر

يبارك فيج ياقلبي
لووول اي يوم شفته يتلي الضحكه :dddds:
حبيبتي انشاءالله تنزلين بصحه وعافيه وراح اكون موجوده واشجعج افا عليج
:eh_s(6):

 

[mn.mn]

فنكية هلااااااااااااااااا وغلااااااااااااااااا بالحبايب

بعد عمري الله يتمم لج على خير الرجيم والعرس >>> أدري ييت عالوتر الحساس

موفقة قلبو وادعيلي أوصل بيوم من الأيام لمرحلة التثبيت

 

[Bs.ana]

فنكية هلااااااااااااااااا وغلااااااااااااااااا بالحبايب

بعد عمري الله يتمم لج على خير الرجيم والعرس >>> أدري ييت عالوتر الحساس

موفقة قلبو وادعيلي أوصل بيوم من الأيام لمرحلة التثبيت

هلا وغلااا حبيبتي
نورتيني والله
تسلمين انا شلي خلاني اثبت غير هالزواج :dddds: لوووول
اجمعين لنا التوفيق يارب
وانشاءالله ليش لاء نشوفج بمرحلة التثبيت وبقرب وقت يارب وبصحه وعافيه :eh_s(6):

 

[سارونه87]

الف مبروك فنكيا
الحمدلله انج وصلتي للوزن اللي تبينه

انا يايتج بالطريج ان شاءالله
لان وزني المثالي لجسمي اهو الوزن بين 74 و 76
يعني يبيلي 6 كيلوات واوصل لج


وخوش نظام راح اطبقه مستقبلا ان شاءالله
موفقه خيتووووووو

 

[[[ عيون جابر ]]]

عليج بالعافيه على الرشاقه والله يتمم عليج

 

[miss_lymoona]

مبروووووووووووووووك فنكيه حوبي تستاهلين

الفال لنا

انا باقيلي خميس كيلوات واصير بيرفكت

 

[miss_lymoona]

مبرووووووووووووووووووك فنكيه على الزواج ياعروسه اشعليج ياحظ زوجج بالجسم المثالي لول

الله يهنيج

 

[Bs.ana]

الف مبروك فنكيا
الحمدلله انج وصلتي للوزن اللي تبينه

انا يايتج بالطريج ان شاءالله
لان وزني المثالي لجسمي اهو الوزن بين 74 و 76
يعني يبيلي 6 كيلوات واوصل لج


وخوش نظام راح اطبقه مستقبلا ان شاءالله
موفقه خيتووووووو

يبارك فيج
اي والله الحمدالله بعد رحلة شاقه ومعاناة :eh_s(6):

ياله انشاءالله بسرع وقت تنزلين الـ 6 مابقى شي هانت

اي حده حلو النظام وعجبني :ggdw:

 

[Bs.ana]

عليج بالعافيه على الرشاقه والله يتمم عليج

يعافيج حبيبتي :eh_s(6):

 

[Bs.ana]

مبروووووووووووووووك فنكيه حوبي تستاهلين

الفال لنا

انا باقيلي خميس كيلوات واصير بيرفكت

يبارك فيج حبيبتي يستاهلج الطيب
ياله هانت مابقى شي بلمحة عين بتلقين وصلتي الوزن الي تبينه بصحه وعافيه :eh_s(6):
ويييه اهوا مو حاب ضعفي الحين يقولي جنج مرت باباي :dddds:
لانه حبطني عشان جذي قررت اثبت وزني لووول

ريايل ماينعرف شنو يعجبهم

 

[Bs.ana]

اليوم الأول

ريوقي كان

1 بيضه مفيوحه + ربع خبزه سمره + برتقاله + جاي


مشيت 20 دقيقه

الغدى كان

2 برجر شوي + سلطه + برتقاله

مشيت 20 دقيقه


ولي تكمله لي باجي اليوم :ggdw:

 

[النجمة الماسية]

اول شي بهنيكي على هالارادة الحديدية اللي عندك

فعلا انجازك هائل حبيبتي فنكيه بس ممكن اعرف على مدى كم شهر نزلتي كل هالوزن

وشو الريجيم اللي بتتبعينه

وابي اسال سؤال ان شاء الله ما يضايقك بس عنجد حابة اعرف

هل عانيتي من ترهلات في جسمك

 

[qa6wa_]

الف مبروك فنكيتي حبيبتي وعليج بألف عافيه
وانشاءالله وزنج يظل ثابت وتتهنين فيه يا قلبي

 

[Bs.ana]

اول شي بهنيكي على هالارادة الحديدية اللي عندك

فعلا انجازك هائل حبيبتي فنكيه بس ممكن اعرف على مدى كم شهر نزلتي كل هالوزن

وشو الريجيم اللي بتتبعينه

وابي اسال سؤال ان شاء الله ما يضايقك بس عنجد حابة اعرف

هل عانيتي من ترهلات في جسمك

تسلمين حبيبتي
سنه و 5 شهور تقريباً
والله ماكو رجيم معين انا كل اسبوع رجيم امشي عليه وساعات كل 3 ايام
بس رجيم معين ماكو
اكيد في ترهل بس مو الي فضيع لاني كنت داشه نادي سنه ومازلت امشي ومااترك المشي

 

[Bs.ana]

الف مبروك فنكيتي حبيبتي وعليج بألف عافيه
وانشاءالله وزنج يظل ثابت وتتهنين فيه يا قلبي

يبارك فيج ياقلبي :eh_s(6):
يعافيج ويخليج
ان شاءالله الله يسمع منج

 

[Bs.ana]

تابع يومي

تعشيت

1 قطعة جبن سلفايد + ربع خبزه سمره + سلطه


وبس :ggdw: