رجيم 3 ايام من باجر ينزل اقل شي 3 كيلو صحي منو معاي ؟

[Blonde B]

السلام عليكم

بنات انا مسويه هالرجيم روعه وما يجوع ابد !!

وينزل فعلا بس كل وحده حسب وزنها

انا نزلني قبل 3 كيلو

وانا عاااجبني حييييل

انا اسويه بالاسبوع مره يعني 3 ايام دايت

4 ايام راااحه

الاحد الاثنين = راحه ثلاثا اربعا خميس = دايت جمعه سبت = راحه

عشان ما ابي وزني يزيد !!

منو حابه تسويه وياااي

وانا انشاءالله غدا الثلاثاء راح ابتدى فيه و خواتي اللى تحب تجربه

تكتب لنا شنووووووووووووووو يصير معاها اووووووووووكيه

و لكم الريجيم :_

ريجيم ينزل 3.5 كيلو ب 3 ايام

اليوم الاول:_

الفطور : 2 توست أسمر + جبنة سلايس أو الرشاقه خالى الدسم

الغداء : 2 توست أسمر + علبة تونه

العشاء : 2 توست + همبورجر مشوي + تفاحه

اليوم الثاني:_

الفطور : 2 توست أسمر + بيضة مسلوقه + نصف موزة

الغداء : 4 بسكويت كراكرز أو شابورة + 1 جبنة الرشاقه أو اسلايس

العشاء : 2 نقانق مشوي + 1 كوب خضار مشكل + موزة

اليوم الثالث:_

الفطور : 1 جبنة الرشاقة + 4 بسكويت كراكرز

الغداء : 2 توست أسمر + بيضة مسلوقه

العشاء : 2 توست أسمر + علبة تونه + كوب سلطة فواكه



ملاحظة هامة لكل من سيطبق الريجيم:_

الرجاء اللالتزام و اتباع الريجيم حسب ما كتب

وعدم تغير الطعام بطعام آخر أو حذف أي منه

و قياس الوزن صباحا في اليوم الاول قبل البدء بالنظام

واستخدام الريجيم لمدة 3 ايام بعدها يوقف يومين ويتم الاعاده

لمن تريد ان تعيده

و بالتوفيق انشاءالله حبايبي

بنات لآزم بالضبط تسويه ما تغيرين ما تبدلين

انا اشرب مع الريوق جاي اخضر

ومع الغدا والعشا عصير اناناس او مااي

منو ويااااي ؟؟

وع فكره انا يوم سويته ووزقفت مازاد وزني ابد

يعني مو بسرعه ينزل بسرعه يزيد لآ

وزني الحين 63

طولي 168

ابي وزني 60 يوم اليمعه الصبح !!
​

 

[*دندونة*]

موفقة عزيزتي

 

[شوارفسكيه حمره]

اللي يبي يضعف ضعف طبي مو غشمره لازم يوخر عن النشويات والبقوليات والكربووهيدرات
ويعتمد اعتماد كلي على البروتينات والكالسيوم والاوميجا 3

 

[Blonde B]

اللي يبي يضعف ضعف طبي مو غشمره لازم يوخر عن النشويات والبقوليات والكربووهيدرات
ويعتمد اعتماد كلي على البروتينات والكالسيوم والاوميجا 3

؟!

شفيج معصبه طيب ؟

هذا مو غشمره هذا رجيم صحي انا ساله الاخصائيه عنه

 

[qa6wa_]

موفقين

 

[om_3esa]

موفقين شكله خووش رجيم والله وفيه اكل وااايد لوووول اهم شي الاكل

 

[miss_lymoona]

شكله خوش رجيم اموت على التوست

 

[سمرونه]

؟!

شفيج معصبه طيب ؟

هذا مو غشمره هذا رجيم صحي انا ساله الاخصائيه عنه

هي مومعصبه هي أتوقع تقصد :
اللي يبي ينزل , ماينزل بسرعه .. لان راح يرجع الوزن بسرعه ..

و ريجيميك اللي حطيتيه ( الله يجزاك خير ) ينزل 3 كـ بـ 3 ايام ..
وكل الوجبات اساسها توست .. يعني نشويات ..


بسـ اعجبني ريجميك ينفع لـ لطوارئ :eh_s(3):..

 

[Ashoka]

موفقه حبيبتي