هل لديكم طفل يعاني من التوحد- خلونا نتجمع

[مشاعل الشمري]

هلا يقلبي الله يعطيج العافيه
انا بالنسبه لي كل شي جربت وهما مثل الرقييه على الحظ بس والله السيلانيات عجيبه
ووخري عن الاندونيسيات ترى عوب
والله يرزقج بوحده تريحج

 

[Emanova]

كل الخدم توفيق من الله و حظ و ان شاء الله يطلع حظج حلو يا رب

 

[& الذاهبه &]

وعسى أن تكرهوا شيئا وهو خير لكم

بنااات أمس طلع تحليل بنتي عندها تسمم بالمعادن الثقيلة حبيبتي عندها الزئبق مرتفع وقالت دكتورة عبير راح نسحبلها المعاادن اللي بجسمهااا عن طرق دوا تاخذه مدة ثلاث شهور الله يصبري بنتي على هالأدوية

عاد سألت الدكتورة اذا له سايد افكت قالت ان هالدوا يقلل المناعه حيل عشان جذي بتعطيها الدوا على بداية ثلاثة يكون خاف البرد...

بناات ادعوا لبنتي ان ربي يشفيهااا ويردهااا لي من شبح التوحد

 

[Emanova]

الذاهبه: الله يعينيج على الفتره اليايه و يساعدج يا رب
و ان شاء الله عقبها تتحسن امورها يا رب

 

[مشاعل الشمري]

الله يكون بعونج يالذاهبه
والحمدلله هذا علاج وانشاءالله بيفيدها
ايمانوفاوشاخبار حمودي مع الدراسه

 

[Emanova]

هلا والله مشاعل حمودي زين الحمدالله مستانس معالدوام بس انا مو جادره احك راسي رديت الدوام عقب الامومه و قاعده انقل لشقه يديه فالله يسهل ان شاء الله

 

[مشاعل الشمري]

الله يعينج على الدوام والنقال ويبلغج بحمودي

 

[& الذاهبه &]

منزل مباارك ايمانوفااا والله يعينج يارب

اللهم شافي عيالناا

 

[Emanova]

الله يبارك بعمرج و الله يسمع منج و يشافيهم و يعافيهم و يطمن قلبنا عليهم

 

[الصابرة المحتسبة]

وعسى أن تكرهوا شيئا وهو خير لكم

بنااات أمس طلع تحليل بنتي عندها تسمم بالمعادن الثقيلة حبيبتي عندها الزئبق مرتفع وقالت دكتورة عبير راح نسحبلها المعاادن اللي بجسمهااا عن طرق دوا تاخذه مدة ثلاث شهور الله يصبري بنتي على هالأدوية

عاد سألت الدكتورة اذا له سايد افكت قالت ان هالدوا يقلل المناعه حيل عشان جذي بتعطيها الدوا على بداية ثلاثة يكون خاف البرد...

بناات ادعوا لبنتي ان ربي يشفيهااا ويردهااا لي من شبح التوحد

أسأل الله العظيم رب العرش العظيم أن يشفيها
أسأل الله العظيم رب العرش العظيم أن يشفيها
أسأل الله العظيم رب العرش العظيم أن يشفيها
أسأل الله العظيم رب العرش العظيم أن يشفيها
أسأل الله العظيم رب العرش العظيم أن يشفيها
أسأل الله العظيم رب العرش العظيم أن يشفيها
أسأل الله العظيم رب العرش العظيم أن يشفيها

 

[الصابرة المحتسبة]

الله يعينج يا امونه وان شاء الله ربي يبارك لج بمكانج ويبلغج بعييلج

 

[الصابرة المحتسبة]

وضوحة وسنع وناني شخبارهم ان شاء الله بخير من زمان عنهم

 

[Emanova]

الصابره : اشلونج يا عمري و مشكوره على الدعوه الحلوه مثلج

ناني امس شفت ولدها بالمدرسه وضوحه غاطه ما ادري عنها و ما عندي رقمها سنوعه الله يسلمج خبري فيها آخر 11 كانالمفروض ولدها ويا ولدي بالمدرسه بس خافت من انفلونزا الخنازير و قالت تبي تخليه بالحضانه

و انا الصراحه مقصره لاني ما ادق كلش ماعندي وقت بين اليهال و حمودي و النقله الله كريم ان شاء الله

 

[الصابرة المحتسبة]

الحمدلله دامهم بخير عسى ربي يحفظهم
وانتي يعل ربي يعينج ويعطيج الصحة والعافية

 

[& الذاهبه &]

بعد عمري الصابره عسى ربي يتقبل منج

 

[الصابرة المحتسبة]

اللهم آمين يارب

 

[& الذاهبه &]

شلونكم ياحلواااات

ادعولي ربي يشرح خطري

احس فيني ضيقه صدر

 

[الصابرة المحتسبة]

الذاهبة بهالجو الحلو والأمطار الخير يعل ربي يشرح صدرج ويسمح دربج اللهم آمين

اذكري الله واستغفري وابتسمي وتذكري الناس اللي على فراش المرض وقولي لك الحمد يارب على نعمتك.
يعمري انتي عسى ربي يوفقج.

 

[& الذاهبه &]

الحمدلله على كل حاااال

احس حياتي قطاااار وتوقف ...

الإرهااق والتعب ذبحني كأني قاعده اعاقب نفسي عيوني تلحق بنتي وين ماراحت اتمنى اشوفهاا بعافيه احسهاا تتألم من هالمعادن الي تارسه دمها

واناا مو قادره اسويلهااا شي ..

يارب ترحم ضعفهااا وقلة حيلتهاااا

 

[الصابرة المحتسبة]

تعوذي من ابليس
والإنسان تمر عليه بعض الأيام ويحس فيها انه خلاص بس هذا حده لكن الأمل وحسن الظن برب العالمين يعطينا دافع قوي للإستمرار .
انزين راجعي دكتور وشوفي التطورات يمكن يقلل العلاج.