شنو شريتي كتب ... ؟ حياكم

[ذكريات]

عليج بالعافية وهج

بنات ما تدرون اذا اقدر القى كتاب احلام مستغانمي اليديد ( نسيان ) بجرير ؟؟

 

[costa chic]

بنات منو قرت هالكتب
خنفروش
ورود ملونه
بنات ايران
شرايكم فيهم و شنو احلى شي و خنفروش عن شنو ؟؟

 

[~q8ia~]

بنات منو قرت هالكتب
خنفروش
ورود ملونه
بنات ايران
شرايكم فيهم و شنو احلى شي و خنفروش عن شنو ؟؟

خنفروش حلو فيه مواضيع متنوعه و اهوا من اكثر المبيعات بعد رسائل الخوف

و ورود ملونه حلو بعد رواية و رومانسي انا احب هالنوع من الروايات تندمجين

و بنات ايران مادري...

 

[كويتية و افتخر]

عدل كلاام كويتية خنفرووش واايد حلو و اسلوب الكاتب احمد الحيدر سلس و funny و الكتاب يتكلم عن مشاكل اجنماعية كويتية
و ورود ملونة بعد حلو في قصتين و القصة الثانية حقيقية

بس بغيت اسال رواية حبيبة موجودة في فيرجن و لا لا

 

[~q8ia~]

8888

اعتقد انها موجودة انا شريتها من ذات السلاسل بالمطار

 

[كويتية و افتخر]

انا رحت المطار قالي خالصة بعد 4 ايام توصل

 

[~q8ia~]

انزين شوفي جرير اللي بحولي بارك
او فيرجن مارينا
و في مكتبة صوب مطاعم الفاست فود بالافنيوز

 

[* خياآآله الفزعه *]

انا عندي كتاب استمتع بحياتك حق محمد العريفي
عجيييييييييييييييييييييييب

وعندي لا تحزن عائض القرني

واختي شاريه رياض الصالحين حلو بعد

 

[Eng.shosha]

علييييكم بالعااافيه بنات

اليوم شريت من مكتبة جمعيتنا
السـر


مع ان موجود بالنت بس ما أحب أقرا من النت تتعب عيني

لغة الجسد
من زمان ودي أقرا هالنوع .. حسيته ممتع




وبس

 

[سمرة كويتية]

بنات منو قرت هالكتب
خنفروش
ورود ملونه
بنات ايران
شرايكم فيهم و شنو احلى شي و خنفروش عن شنو ؟؟

انا قريت بنات ايران .. صراحة ما عجبني وماله معنى

اما ورود ملونة لعلياء الكاظمي وايد رائع وقريته مرتين

خنفروش قريت عنه بالنت وبس

انصحج بورود ملونة على فكرة كانوا حاطينه على حلقات بمجلة اليقظة

 

[سمرة كويتية]

بنات منو قرت هالكتب
خنفروش
ورود ملونه
بنات ايران
شرايكم فيهم و شنو احلى شي و خنفروش عن شنو ؟؟

انا قريت بنات ايران ... بايخ

ورود ملونة مرتين قريته وايد حلو ... للكاتبة الرائعة علياء الكاظمي .. وقريت كل كتبها ومنها رواية (جمان)

وعلى فكرة ورود ملونة حطوها حلقات مسلسلة بمجلة اليقظة من فترة ...

خنفروش قريت نبذة عنها بالنت

نصيحة اشتري ورود ملونة وهي عبارة عن عدة قصص مع بعض .... تجنن

 

[وهج الحب]

عدل كلاام كويتية خنفرووش واايد حلو و اسلوب الكاتب احمد الحيدر سلس و funny و الكتاب يتكلم عن مشاكل اجنماعية كويتية
و ورود ملونة بعد حلو في قصتين و القصة الثانية حقيقية

بس بغيت اسال رواية حبيبة موجودة في فيرجن و لا لا

السلام:
نعم حبيبتي موجود بفيرجن وسعره 3,500 kd

 

[~q8ia~]

رفع
=)

 

[princess89]

السلام عليكم
اناا اخر كتااب شريته قبل اسبووع
(كيف تتخلص من الخوف والقلق من المستقبل ؟) ليوسف الاقصرى
واايد حلو واسللوبه رووعة

[/url][/IMG]

 

[~q8ia~]

888
شكرا عالاضافة

 

[وهج الحب]

السلام:
واينكم من زمان من بعد المعرض عندكم ما صار احد يشتري كتب ؟؟؟
المهم انا رحت المعرض وهذا حصيلة يومين

1- احدى عشر دقيقة لكاتبي المفضل باولو كويل



2-ايضا اخذت له الجبل الخامس..



3- وايضا فتيات فالكيري



4- ارنديرا البريئة وجدتها القاسية ...للكاتب جابرييل غارسيا



5- الف عام من الصلاة ..للكاتب ييون لي



6-النبي ...لجبران خليل جبران ..هذا الكتاب من زمان ابي اعيد قرأته لاني نسيته لاني قريته وانا صغيرة ..



7-الورد الضائعة...سردار اوزكان ..



باكمل بعد شوي ..

 

[وهج الحب]

السلام:
اكمل مشتريات من المعرض ..

8- امراة صالحة ..دانيل ستيل



9- صاحبة السمو الملكي ...ايضا لدانييل ستيل



10-مذكرات معتقل من غواتنامو ..حسين عبد القادر ..



11- سجن غواتنامو ..شهدات حية بألسنه المعتقلين ..مافيتيش رسخانا خان...مادادري ايش سالفتي مع المساجين وكنت باشتري بعد واحد ثالث عن افغانستاني قلت بس كفاية علي عوار قلب خل اشوف زبدة هذاين الكتابين ..


12- الطوارق ..البرتو باكثيث..لاني احب اقرأ عنهم ..



13- لجين ..منال الانصاري ..عشان مدحتوها هنا ..
رغم اني انصدمت بكثير من الكتب اللي امدحت هنا وما لقيتها قوية ..


14-المخطوط القرمزي..انطونيو غالا..



15- مرتفعات وذيرنغ ..اميلي برونتي ..هذه الرواية كنت قاريتها بالابتدائية بس شفت فيلم كوميدي اسمة طلب زواج لساندرا بلوك وكانت تقول للبطل انها كل عيد كريسماس تقرأ مرتفعات وذرينغ ..عاد حبيت استرد ذكرياتي بها لاني اذكر بس طراطيش وما اذكر الاحدلث ..



16- نهاية العالم ..اول كتاب مصور لاشراط الساعة ..محمد الريفي ..هذا الكتاب قالي البائع عنه انه جديد وجاي من المطبعة واخذته لاني بصراحة ابي اقرأ ديني شوي وخاصة اسلوب العريفي محبب وبعدين داخلة صور وشرح ..



17- الاشيا..عذاري الشريفي ..هذه بعد اخذتها عشان اللي يبيع ..

 

[برشلونيه q8]

السلام عليكم

انا وااايد كتب شريت قبل شهرين بالظبط و شهر خمس بعد بس عندي كتاب ما قدرت اكمله لاني كل شي ادخل و اقرى روايات هني تقريبا كلهم روايات همسات حالمه و الله تشدني حييييل و اكثر روايات عجبتني لاني انا سجلت هني علشان رواياتها ما شاء الله عليها تبدع


رواياتي و كتبي الي عندي مو واااايد حيييل بس يعني



قصص حقيقيه مرعبه من الواقع الكويتي الجزء الاول
احمد جاسم كرم



رائحة الموت طفله تعرضتـ لمرضـ غامضـ قصه حقيقيه
عبد الله ناصر الداوود



غرفة السماء روايه
ميس خالد العثمان



و في البدء كانت مشكله
أ.د بشير صالح الرشيدي



الصالحيه الكويت عام 1954م مجموعة قصصيه
هيثم بودي



منيرة روايه
عبداللطيف خضر الخضر



بنت عاديه جدا
رشا عبد الرزاق



غرائب و طرائف و حقائق اغرب من الخيال
فتحى البسطويسى



احلى الكلمات و العبارات
ريان احمد بادويلان



لقاء تحت المطر مجموعة قصصيه
عبد اللطيف خضر الخضر



رماد الحب مجموعة قصصيه
خالد الحربي



الفنار روايه
هيثم بودي



لجين روايه
منال الانصاري



و انا قريت نصهم و نصهم لا ان شاء الله بعدين و في عندي روايه بس امي ماخذتها بتقراها اسمها الضريره مادري جنه اسمها جذي بس ان شاء الله اذا اخذتها اقولكم عنها

 

[~q8ia~]

عليكم بالعافية

و انا شريت كتاب كيد اليافعات للؤلف محمد النشمي

جدا عادية و تخلصينها بيوم..

 

[عهود الحب]

هذي مشترياتي من جرير
طافني معرض الكتاب بفعل فاعل : (
انحرمت منه لأول مرة من عمري ما اطوفه بس الشكوى لله

انا حبيت انوع هالمرة اختياراتي
فاخترت من الكتب رجال حول الرسول صلى الله عليه وسلم
السيرة النبوية
لفضيلة الشيخ متولى الشعراوي امووووووووووت بأسلوبه بالشرح تبارك الرحمن
حقق حلمك في حفظ القرآن < ان ماحققته بعمري خل احاول بعيالي
وشهد شاهد من اهلها
كتاب عن اراء اهل الغرب بالاسلام حاشني فضول وشريته باشوف شنو فيه

رواية الاثنين الاسود
رواية ذئب السهول

الحكام العرب في مذكرات زعماء وقادة ورجال مخابرات العالم
بصرررراحة للحين ماخلصته بس احساسي يقووووووووول اني انغشيت وانه الكتاب محاولة لتلميع
القادة الي طاقهم عفن


كيف تحصل على ماتريد وتحب ماتحصل عليه
الكاتب خوش كاتب بس للحين ماقريت الكتاب

رواية الرابح يبقى وحيدا
للكاتب باولو كويلو نفسه مؤلف كتاب الكيميائي
احب اسلوبه واحس مادري
بس مؤجلة القراءة لي بعدين احس يبيلها عطلة طويلة عشان اخش جو << مصدقة روحها

شخصيات مثيرة للجدل
كتاب سياسي تاريخي
الحق ينقال انا اموت بهالنوعية وابحث عنها
فيني فضول للكتب والروايات التاريخية
واحب القصص الشخصية

كتاب افعل شيئا مختلفا
احب جي كتب وشجعتنا عليه واحدة من البنات
مائة شمعة لاتنطفيء
غرني غلافه وعنوانه
وطلع عبارة عن صور عليها كلمات خالدة لشخصيات تاريخية
للحين ماتعمقت بقراءته

لغة الجسد < كتاب غني عن التعريف
قوة عقلك الباطن
قريته بالنت وحبيت اقراه واتعمق اكثر دام عجبتني الرتوش الاولى منه

رواية الحقيقة لاتقال
رواية حبيبة
رواية رسائل الخوف 1 و 2

قصص الانبياء والمرسلين هم لمتولي الشعراوي
تجارب النجاح المدرسي لنجيب الرفاعي

ثقتي بنفسي لفوزية الدريع
وهالكتاااااااب روعة شوية عليه الصراحة
وطبعا تلوين دورا لبناتي




الي تعرف بالكتب هذولي تقولي رايها


​