رد: تجمع أمهات أطفال " زراعة القوقعه " حياكم الله*مميز**
السلام عليكم ورحمة الله
هلا اختي نوونا بنتي كانت بالقبس وكانت الحمدلله حيل ماشيه والحين بتدش الرجاء والله يستر
بس عموما انا جايبه لها مدرسه خاصه بالبيت و احاول اكلمها كل الوقت حتى لما اطلع اخذها معي
وتعالي شوفي طول الوقت اسولف واكرر الكلام وياها والناس تطالع شفيها هذي هههه
هلا فيج اختي بناتي هم حياتي الله يخليها لج بسم الله ماشاءالله
الله يشفي عيالنا ويصلحهم ويوفقهم
امين
هلا اميره دايم سولفى معها لاتسكتين انا بس اسولف مثلج والله الحين بنتى صارت ازعاج بس تقرر شى مفهوم وشى مومفهوم طبعا بنتى بالبيت معبودة الجماهير امس اختى ماخذتها بشقتها نفس البيت اختى ماخذه حماى لووول لازم مع الشرح
دقت على تقول بنتج تبى شغله مافهمتهااا قالت كذا شغله بس فى شغله مافهمتها وكلم بنتى بالفون وتقول ابى حليب وابى بطاط وابى علج وعصى قا اختى مافهمت هالكلمه بس انا متعوده عليها يعنى عصير برتقال :dddds: طلعت مترجمه حق بنتى
اهلييييييييييييييين اختي بناتي اخباركم مع هالبرد و دفي البنات عدل عن البرد خاصه الحلوه مرت ولدي لا تمرض اسم الله عليها وما شاءالله بالنسبه لمستوها طبيعي جدا وتعتبر طفله طبيعيه مثل اللي بعمرها و احسن ما شاءالله الله يخليها لج وشنو اسم الحضانه اللي دخلتيها فيها واهم شي وصي ابلاتها على سماعتها لا احد يطيحها والله يحفظها لج يا رب وبالنسبه لولدي دخلته الحضانه الاسبوع اللي طاف و رحت وياه والحمدالله زينه وكل صف ما فيه الا خمس يهال احس كذا احسن والابلات شادين حيلهم معاهم وولدي احسه استانس لان كل اليهال نفسه مسويين زراعه ونفس سماعته احس انه استانس لانه شاف احد نفسه و الحمدالله احس حصيلته اللغويه زادت مع المدرس ما شاءالله والله يحفظ عيالنا اجمعين ...............
:0bee2e8d89: اى والله بنتى اكيد راح اتلاحظ انها بس هى الى لابسه سماعه بس انشاءالله ماتعقد من هالموضوع يابعد عمرى مره شريت لها باربى وتروح تاخذ قلم وترسم على اذن الباربى سماعه علىطول انزلت دمعتى بس هم اقول الف الحمدالله سماعه ولاشى ثانى الحضانه اسمها سميه اكادميه حضانه عاديه مو مخصصه حق شى بس انا سمعت انها تبع جمعيه الصلاح وكل العالم تمدح فيها ونص العايله مسجل فيها هههههههههههه واذا على سماعه انا رحت وصيت المدرسات واخذت ارقامهم وقلت اى مشكله بسماعه دقووو على دقايق اكون عندكم الله يعينهم على بغثهم
هلا فيج اختي اميره المدارس هذي تابعه للمجلس الاعلى و لا مدارس عاديه و ما عليج من الناس صارت فيني هالسالفه وايد اذا بنفكر فيهم عيالنا عمرهم ما تعلموا الكلام
شلونج منوره شخبارج و الله الحمدلله تمام انا بمريكا للحين و امس سمعت خبر مو حلو ان ولدي يمكن ما ايييه لام مافيه حجوزات كلش زحمه عشان الكرسمس بس باجر بحاولون مرا 2 و الله كريم و اذا ماصار انشااله تشوفينه بالحضانه بس مشكله جنه مو موفرين لهم باص
انشالله باجر عمليتي سحب البويضات و اليمعه انشالله يردون الاجنه انشالله يطلع منهم سليم الله كريم و انشالله هالمرا يثبت عقب عشر ايام يبين من الترجيع و الله كريم
انتوا بس ادعولي لان هذي اخر محاوله الكل له محاولتين ويرد
نونو لاتفكرييييييييييين عشان تنجح العمليه ودايم ادعى بوقت السجود وعسا الله يرزقج بتوئم السلييييييييم
هلا منار الله يسلمج ويخليلج ولدج
والله يامنار مستواهم للحين ماوصل للطبيعي بس الحمدلله يقدرون يعبرون عن رغباتهم ويفهمون عليهم اللي يتعاملون معاهم والمدرسة موذاك الزود بس لأنها قريبة من بيتنا وعيالي داخلين صفوف دمج يعني فصل طبيعي بس فيهم مجموعة احتياجات وبعدين يودونهم صفوف دعم للمادة اللي درسوها في الفصل الطبيعي ويعطونهم جلسات تخاطب في المدرسة وماوديهم جلسات نطق في سالم العلي .
ورود الحمدالله على كل حال وعساالله يبلغج فيهم وتشوفينهم مناصب وصالحين
