تجمع ام موودي والرشيقات

[كراميلا مرة]

هلا
انا رجعت
مشيت نص ساعه ورياضه ثانيه من عندي ربع ساعه
وتغديت نص سمكه مشويه
وسلطة خس
وبعدها بشوي ان شاء الله بشرب شاي اخضر بدون سكر

 

[كراميلا مرة]

ونسيت بعترف بشيء





















اكلت قطعة صغيرونه بسبوسه

والله حيل احبها وشفتها واكلت قطعة صغيرونه حيل




والحين ضميري يانبني

 

[um_yoyo]

هاهاها عادي عادي انشالله مالها تاثير

يلا بنات اشوفكم بالليل بطلع من الدوام الحين و بروح اجابل حبايب قلبي اعيالي ولهت عليهم الله يخلهم لي

و لما الحين انا تمام ما خربطت بولا شي بس الله يستر من رجعه البيت هاهاهاها

 

[كراميلا مرة]

اذنج معا ج ام يويو
والله يسمع منك ولا تاثر
والله يخليلج عيالج يارب
وان شاء الله ماتخربطين

 

[كراميلا مرة]

وينكم بنات من ادخل تختفون

 

[سآق نملة]

موفقييين بنااات شدو حيلكم

 

[كراميلا مرة]

هاي بنات
وينكم اليوم مختفين عسى المانع خير يارب

ام مووودي ليش مادخلتي اليوم
وقطوة اشفيك هاليومين مختفيه

 

[كراميلا مرة]

في المغرب مشيت بعد نص ساعه
والعشا وحده توست وشريحه جبن قليلة الدسم
وشربت شاي اخضر
وبعد سويت رياضه البطن ورقصت

 

[qa6wa_]

السلام عليكم
شلونكم بنات
ادري هاليومين غاطه
امس الله يسلمك معزومه عرس
واليوم زوارتنا البنات وعيالهم كلهم عندنا وماشاءالله للحين قاعدين
ههههههههههه لا مدارس ولا شي والسبه المؤتمر وطريجنا كل مسكرينه
وعيالنا مايصدقون خبر يقولون مايسوى يداموون ويطلعون الساعه 11

 

[qa6wa_]

مشكورين بنات على سؤالكم عني
وانشاءالله كل يوم اشوفكم واسولف معاكم

 

[شيخة الغراشيب]

صبحكم الله بالخير
انا طبعاً امس مارمت احدر لاني سرت عند المصمم عسب نشوف
فستان العروس وتسوي بروفه عليه وجان ادخل المحل اللي ماجره
فستان واقوم واغيره لكم ههههههههههه واخترته بس حلو شكله ان شاءالله
يكون بالبس رووووعه ورديت البيت وشربت حليب بالزنجبيل طبعا قبل
لا اطلع كلت لي رمان وشربة شوربه .. المهم جان ايمع عيال اخوي كلهم
واحط اغاني وقمنا نرقص مع اليهال هههههههههههههههه اخلاف سرت نمت
واليوم من الصبح قايمه وصليت الفير ومشيت ساعه لين وكان الجو بارد بالحوي
وكملت الساعه ولله الحمد وسبحت وتذكرت عندي لبن خالي الدسم واليوم الاخير لي
بالرجيم السوائل جان اقضي عليه ههههههههههههههه وهذا كله الساعه سبع والحين
جيت الدوام وسويت لي حليب خالي الدسم مع الزنجبيل واشرب هذا يومي هيه نسيت
اخبركم امس سويت ضغط بطن خمسين مره بسسسسسسسسسسس هذا جدولي

 

[شيخة الغراشيب]

تدرون احس مو نازله وكل خوفي اكون زايده باجر يوم الميزان العالمي عندي

 

[um_yoyo]

صباحكم ورد

بنات امس بدعت بالمطعم امبيييييييييه كليت وجبتي كلها و 5 قفاش ايس كريم بدعت

بس اليوم برجع محترمه مع السوائل

و باجر بعد انشالله

بس صج الاكل لذيييييييييذ و القعده بالجو البارد تفتح الشهيه

اليوم خفت اوزن مع ان كل اليوم الصبح اوزن بس اليوم هونت خفت انصدم

 

[شيخة الغراشيب]

صباحكم ورد

بنات امس بدعت بالمطعم امبيييييييييه كليت وجبتي كلها و 5 قفاش ايس كريم بدعت

بس اليوم برجع محترمه مع السوائل

و باجر بعد انشالله

بس صج الاكل لذيييييييييذ و القعده بالجو البارد تفتح الشهيه

اليوم خفت اوزن مع ان كل اليوم الصبح اوزن بس اليوم هونت خفت انصدم

بالعافيه على قلبج غناتي
هههههههههههههههه انا باجر بوزن وبشوف كم نزلت وان شاءالله اكون طحت الكيلوين ياربب واكون نازله اكثر
كل خوفي زايده ههههه صدمه اليوم اخر يوم لي

 

[um_yoyo]

لا انشالله نازله اكثر من كيلوين

بس بالشكل ما فرقتي ؟

 

[شيخة الغراشيب]

لا انشالله نازله اكثر من كيلوين

بس بالشكل ما فرقتي ؟

الله يسمع منج لا احس بالشكل معرضه للأسف اكثر:0bee2e8d89:

 

[um_yoyo]

لا ما اظن بس قاعد هذا وسواس

الا بغيت اسالج شنو يعني غراشيب

 

[شيخة الغراشيب]

لا ما اظن بس قاعد هذا وسواس

الا بغيت اسالج شنو يعني غراشيب

مزاييين

 

[كراميلا مرة]

هاي
صباح الخير بنات ورشيقات توني جالسه:ch12:
ياهلا والله بالشيخه النشيطه
وام يويو

بسوي لي فطور وبرجع:nbptr::082502bye_prv:

 

[كراميلا مرة]

فطوري ابيضه مسلوقه
و 1 برتقاله وبعد اشوي بشرب شاي اخضر

ووينكم من ادخل تطلعون احس دايما جذي من ادخل التجمع ماحد يرد

وشيوخ حبيبتي ان شاء الله تصيرين ضاعفه اكثر من كيلوين وتبشرينا ناطرتج بكره