تجمع ام موودي والرشيقات

[شيخة الغراشيب]

قطوه كراميلا شيخه شخباركم ولهت عليكم

بدوره وام يويو و pink eng ماشين مع الرجيم

بخير غناتي تولهت عليج العافيه ياربي
هيه كنت ماشيه بس للأسف زاديت كيلو وانحبطت
كثيييير امس عطيت عمري فري دحيت من القهر دح مال سنه
واليوم ماعندي شي معين بس قلت اللي بسوي بشرب قهوه الحين او شاي
والعصر لين بسير البيت باكل دجاج وسلطه وبشرب عصير مال الرجيم بس
وجبه وحده بخليها بشوف لمدة اسبوع بعدين لو مانزلت مابسوي رجيم:0bee2e8d89: معصبه حدي
اليوم مشيت ساعه وسويت ضغط بطن 40مره بس والحين اشرب ماي

 

[شيخة الغراشيب]

ومازالت شيوخ تشرب ماي ههههههههههههه والله شرات الهبله محد وياي

 

[um_yoyo]

صباح الخير شلوونكم

انا مو قاعده امشي على رجيم معين يعني طول نهار سوايل و سلطه و بالليل اذا اشتهبت اكل شي بس كميه حيييل قليله و ما وزنت لان باقي على الحلوه 3 ايام فادري ان جسمي مخزن ماي و يمكن وزني ثابت او زايد و انشالله بعد دوره بوزن

 

[شيخة الغراشيب]

صباح الخير شلوونكم

انا مو قاعده امشي على رجيم معين يعني طول نهار سوايل و سلطه و بالليل اذا اشتهبت اكل شي بس كميه حيييل قليله و ما وزنت لان باقي على الحلوه 3 ايام فادري ان جسمي مخزن ماي و يمكن وزني ثابت او زايد و انشالله بعد دوره بوزن

صباح النور
بخير يعلج الخير غناتي احسن لج >> لانها متحطمه ههههههههههه
دام عندج الدوره لاتوزنين لازم تسير عنج عشان يكون وزنج صح
انا ايام الدوره عادي اكون زايده كيلوين وشوي
اشرب شاي اخضر

 

[كراميلا مرة]

هاي بنات
صباح الخير
كيفكم

 

[كراميلا مرة]

انا توني جالسه واكلت سبع تمرات وبشرب قهوة
والحمدلله امس عدا على خير بس في الليل بصراحه
زيدت فنديه ووقطعه صغيرة من التفاحه لانه حييل اقصبوني وجكوني اني مسويه رجيم
وانا مابقى اقول لاحد عشان مايزعجوني كم نقصتي وكم بقى لك واللي يقول مايصلح واللي يقول جسمك حلو الي بيقول ماتغيرتي وبيحبطوني
بس صمدت ولا قلت لهم

 

[شيخة الغراشيب]

هاي بنات
صباح الخير
كيفكم

هلا غناتي صباح النور
بخير نحن دامج انتي بصحه وسلامه
عليج بالعافيه اللي كلتي وانا اليوم بس
شربت شاي اخضر بسكر الرجيم وان شاءالله
اروم اكمل اليوم

 

[كراميلا مرة]

هلا بشيخه
ان شاء الله تكملين اليوم على خير
وانا اليوم رجيمي كله اكل
الغداء دجاج مشوي غير محدود الكميه
والعشا 3 بيضات مسلوقات
يعني تعويض عن امس

 

[كراميلا مرة]

سلامتج كراميلا بس الدعله ابتيني

واتخليني امنفسه ومتضايقه ومالي خلق

تلعب بالهرمونات لعب الله يسامحها

فنكيا حبيبتي ولهنا عليج

اي والله صدقتي تلعب بالنفسيه لعب بس
حبيبتي لا تقطعينا شوفينا حتى لو متضايقين على طول متواجدين
وبالنسبه لرجيم التمر واللبن يمكن بعد ماخلص رجيمي اسويه الحين بكمل على هالرجيم

 

[um_yoyo]

اي انا بعد ما اقول حق احد علشان الاحباط كافي ريلي كل ما باكل يقولي وين الرجيم

اليوم انشالله بنروح المخيم و باكل كستن يمي يمي و بحاول ما اخربط

 

[شيخة الغراشيب]

غناتي لازم تكتبين لي الرجيم بس بشرط تكونين نازله فيه
عشان من اتبع رجيم المنتديات مانزل بصراحه عشان جذه
اريد شي موثوق منه ؟؟ وكم صارلج بهالرجيم ؟؟ وكم باقي

 

[كراميلا مرة]

اي انا بعد ما اقول حق احد علشان الاحباط كافي ريلي كل ما باكل يقولي وين الرجيم

اليوم انشالله بنروح المخيم و باكل كستن يمي يمي و بحاول ما اخربط

اي والله صدقتي انا قبل لااسوي رجيم كله اقول اببقى اضعف بس ماسوي رجيم
وابوي من يشوفني اكل يقول اي وهذي الرجيم واللي يبقى يضعف
وهذا ابوي شلون الناس

 

[كراميلا مرة]

غناتي لازم تكتبين لي الرجيم بس بشرط تكونين نازله فيه
عشان من اتبع رجيم المنتديات مانزل بصراحه عشان جذه
اريد شي موثوق منه ؟؟ وكم صارلج بهالرجيم ؟؟ وكم باقي

مادري اي رجيم تتكلمين عليه وانا رجيمي توني باديته هالاسبوع
يعني كل يوم شيء اسمه رجيم عذاري واذا نزلت هالاسبوع عليه بقولج ان شاء الله ينفع معاج

 

[شيخة الغراشيب]

اي والله صدقتي انا قبل لااسوي رجيم كله اقول اببقى اضعف بس ماسوي رجيم
وابوي من يشوفني اكل يقول اي وهذي الرجيم واللي يبقى يضعف
وهذا ابوي شلون الناس

شرات امي ربي يحفظها ويشفيها نفس الشي
بس من اسوي رجيم تكون هي مسويه شي ومحد
ماكلنه اتم تحن على قلبي تقولي شو رجيم رجيم
كلوا بس شرات الناس >>> وربي احس من تقول جذه جنه ناكل شرات البهايم هههههههههههههههههههه

 

[كراميلا مرة]

انا عندي ابوي اذا اكلت قل لي لا تاكلين وين الرجيم وكل شيء عنده مايصلح مع الرجيم
وامي العكس ماتبيني اسوي رجيم تخاف امرض لانه مره سويت رجيم ونقص دمي
والحين كل شيء عندها مايمتن عادي

 

[شيخة الغراشيب]

ههههههههههههههههه حليلج الله يكون بالعون

شكلج ظهرتي وانا طلعت اصلي توني راجعه
والحين اشرب قهوه >>> تصبيره لين ماسير
البيت

 

[شيخة الغراشيب]

شكلكنا مابتحدرنا بتودرني روحي بالتجمع وينج غناتي ام مودي
قطوه FuNkyA ام يويو وين هالبنات كلهن وانتي غناتي كراميلا مرة وين سرتي

 

[كراميلا مرة]

هاي بنات
والله للاسف اليوم عندنا جمعه بيت عمي وقصباني اكل عصيده ومعكرونه
وخربت اكلت بس نص ملعقه عصيده وملعقه معكرونه ان شاء الله ما تاثر
وبعد زيدت اكلت جريب فروت واستكانه زنجبيل وفيه سكر:0bee2e8d89:
والله يا بنات منقهره لاني زيدت هالاشياء مع انهم قليل بس
شسوي مع اعداء الرشاقه مابقى اقول لهم رجيم لانهم بيخلوني اكل غصب

 

[qa6wa_]

السلالالالالام عليكم بنات
شلونكم وشخباركم
والله ولهت عليكم كلكم
سوري والله انا تقريبا كله نايمه لانه الحلوه بتشرف
وعمتي تعبانه بالمستشفى وبنت عمتي هم بعد حامل وتعبانه وبالمستشفى
يعني مافي وقت كلش
سامحوني
بس انا ملتزمه بالرجيم
وشريت لبن وروب اكتيفيا والمراعي مال الرجيم
وماي الزعتر و بذرة الكتان
والله كريم

 

[كراميلا مرة]

صباح الخير
كيفكم يا حلوات
اليوم فطوري توست وشريحة جبن وشاي اخضر