نادي قراءة ستار بوكس

[بطة الزلبطة]

يا حيالله القارئات الحلوين ....



بنات حبيت افيد اللي يحب القراءة الجماعية يعني نادي قراءة مادري اذا تتدرون ان قهوة ستار بوكس مسوين نادي قراءة يعني جروب بنات وشباب يجتمعون مرة بالشهر اول مرة يختارون كتاب معين وعقبها بشهر يجتمعون عشان يناقشون الكتاب ....

والثلاثاء الياي راح يكون الاجتماع بستار بوكس السالمية اللي مقابل الفنار وراح يكون الكتاب المختار قرايته هالشهر (( غادة الكاميليا )) ونسيت اقولكم ان في كتب عربية وانجليزية بعد

 

[~q8ia~]

ونااسة

يعطيج العافية

 

[lailosh]

كنت مشتركه فيه

بس صعوبه انه اتواصل معاهم وجذي وخصوصا ان مختلط شباب وبنات فما حبيت الفكره وايد


مشكوره

 

[~ miss NERD ~]

خوش شي ... بس لــ الأسف ماكو وقت :/

 

[((SAFIRA***Q8YA))]

للأسف ما شوفها دعوه للقرائه أشوفها دعوه للمسخره..
اسم الله على بناتنا يحبون يقرون وينايقشون بالكتب ماله داعي مثل هالبرامج

 

[C'est La Vie]

ستار بوكس كان اسم مكتبة يم دريم مول من زمان سكروها
هل هالقهوة لها علاقة فيها؟ تابعين لها ولا شي؟

 

[lailosh]

الي حابه تعرف اكثر هذا موقعهم

http://www.diwanbooksclub.com/Site_1/Main_Page.html

 

[Bq]

فكرتهم واايد حلوه

يعطيج العافيه

 

[بطة الزلبطة]

للأسف ما شوفها دعوه للقرائه أشوفها دعوه للمسخره..
اسم الله على بناتنا يحبون يقرون وينايقشون بالكتب ماله داعي مثل هالبرامج

حبيتي اذا انتي هذا رايج ياليت تحتفظين فيه لنفسج هذا النادي للقراءة مو للمسخرة وكل من يرى الناس بعين طبعه ولو انتي رايحة وشايفة هالنادي جان عرفتي ان للقراءة وبعدين الاختلاط بكل مكان بالجامعة والدوامات والشارع وترى النادي مفتوح للكل ومو غاصبين احد عليه

 

[بطة الزلبطة]

ستار بوكس كان اسم مكتبة يم دريم مول من زمان سكروها
هل هالقهوة لها علاقة فيها؟ تابعين لها ولا شي؟

لا حبيبتي ماله شغل بالمكتبة هذا النادي بقهوة ستار بوكس نفسها اللي بالسالمية

 

[زبدة ككاو]

روووعا صج

دخلت الموقع وشفت القراءات

فكررره عجيبة

تسلمين قلبي

 

[broor]

thaaaaaaaaaaanx

 

[.]

مشكوره..

 

[ام بنتها]

ونااسه وصراحه شي حلو بس لو مخلن وم للبنات و يوم للشباب و نفس الطرقه كل شهر جان وايد احسن لأن ف بنات نفسي اذا مختلط ما روحون سواء بكيفهم ولا بكف أهلهم

موفقــن

 

[Shiny Star]

كنت أشارك بنادي للقراءة ( الكوت )

بس انشغلت مع عيالي وصار صعب مو بأي وقت أقدر أتواصل معاهم

بالتوفيق

 

[حبيبت عبود]

اختب العكس الفكلره موقلت ادب ولا شي وصح في ناس بحكم اهلهم ما يقدرون بس هم في ناس اهلهم ما يعارضون
وانا اقول للي قالت ان هذي مصخره
عفوا اختي بس الرد ما يكون بطريقه تجرحين فيها الشخص الي كاتب الموضوع
لازم نحترم بعض وتعبرين عن رايج بادب وثاني شي حبيبتي الي واثقه من نفسها لو تقطينها بين 100 ريال ما يهمها ومو غصدي عنج عفوا طبعا بس اعبر عن وجهت نظري وشكرا

 

[life1]

ثااااااااااااانكس

 

[puppet]

يتفنون عشان يجذبون الزباين .. بس هالمرة أحلى : قراءة كتب

 

[أم غمااازه]

شكرااا

 

[mishmisha]

ولهم بعد قروب على الفيس بوك تقدرون تنظمون له وتتابعون اخبارهم والكتب المرشحه للقراءه ومواعيد مناقشتها

التجمع جدا راقي وهادف ويخاطب العقل ...

تحياتي