سويت فراكسل عند د.منال بانترناشيونال كلينك..(تجربتي)..

[sweet heart]

اليوم صار لي 14 يوم من سويت الفراكسل و بشرتي كل مالها واصفي واحلى
امس زرت الدكتوره قالت لي استمر على نفس اللي كانت كاتبته لي حتى الزياره اليايه اللي راح تكون بعد 3 اسابيع..
وقالت لي ما احتاج جلسه زياده بس اذا ابي النتايج اسرع قالتلي سوي بعد جلسه بس ماتنصحني وايد..
ووووبس انشاءالله راح ابلش ميزوثيرابي ( ابر نظاره) عندها بعد 3 اسابيع
واختي كذلك نفس الشي بس طبعا اهيا راح تسوي بعد جلسات عندها فراكسل واحتمال ابر السيلولايت..

 

[عنقود الحلا]

عليج بالعافيه اختي

بس الله يخليج ماتقدر تعالج البشره بشي ثاني غير الفراكسل لان اخاف من هالسوالف يكون لها اضرار بعدين ولا شي

 

[sweet heart]

عليج بالعافيه اختي

بس الله يخليج ماتقدر تعالج البشره بشي ثاني غير الفراكسل لان اخاف من هالسوالف يكون لها اضرار بعدين ولا شي

اكيد عندها بس حبيبتي العلم تطوووور ليش تخافين وليش ماتستفيدين..وخري عنج هالخوف و توكلي على الله

 

[ام الداده]

انا بعد سويت فراكسل

بس متى احط مكياااااااااج ؟؟

لأن شكله بصراحه موحلو وخاصة قدام زوجي

 

[ام اللين]

حبيت افيدكم ابتجربتي مع الفراكسل

آنه بشرتي فيها آثار حبوب وجربت كل شي عشان تصفا من تقشير كرستال و تقشير عند د احمد رشيد وما استفدت من هالتجارب يوم سمعت عن

الفراكسل قررت اني اجربه وسويته عند رويال حياه سويت 5 جلسات كل شهر جلسه وتحملت الألم لآن كل جلسه تكون اقوي والألم شد

وكلفني 1000 دينار وكان عندي امل ان بشرتي تتحسن ولكن مع الأسف ما تغيير شي وطلع كله اوهام و مقصه على البشر وكل اهلي

وأصدقائي يقولون لي ابصراحه ما تغير شي في بشرتج وآنه اموت من الحره علي العذاب الي تحملته والفلوس الي انقطت بدون فايده.

فلا تندفعون حق الأعلانات ترا كلها تجاره و مقصه وسلامتكم

 

[giuo]

انا جربته يهبل ما شاء الله من اول جلسه وعلى حسب كل بشره حبيبتي يمكن انتي فيج شي اكثر من اي وي ثاني او بشرتج غير المشكله اللى فيها وعلى فكره انا بنت خالتى من 7 جلسه حست بفرق والحمدالله وانا من اول جلسه حسيت ابفرق قليل وان شاء الله بكمل عند:ggdw: دكتوره منال

وعسى الله يتمم علينا

 

[! بــدويه وآآيــد !]

،


عليـج بـ العآآفيه حبيبتي ..~


بس سؤآآل يسوون لـ الجسم ؟





،~

 

[*غرور انثى*]

ما اقدر اقووول غير
جزاج الله خير والله ينور ويهج دنيا واخرة
كنت محتاجه مثل هالموضوع وياليت تكملين لنا تجربتج

 

[هدوووء انثى]

الله يتمم عليج
ويسلمووو علىا نقل تجربتج

 

[سيدة المطر]

انزين والآثار القديييييييمة يعني من 10 سنين جذي؟ انا صاير مو بس حفر الا حفريات بس مافي حبوب لان الحبوب انتهىى عمرها من كليت الرواكوتان افتكيت منهم بس بين فترة وفترة تطلع كم حبة...بس الي أبي اعرفه الحين ينفع حق الحفر القدييمة حيل !؟

 

[حضن امى]

ماشاء الله
حبيت اعرف الدكتورة قالت لج تحتاجين من 3 الى 4جلسات يعنى كل مره اروح اسوى جلسة ادفع لها 250دينار؟؟
وبشرينا شنو صار معاج

 

[أحاسيس دافئه]

شفتي النتيجه من أول يوم وعلى جهاز الفراكسيل القديم؟؟؟؟؟؟؟؟؟؟؟؟؟؟؟؟؟؟مستحيل
حبيبتي النتيجه ما تظهر الا بعد شهرين من اول جلسه
هذا معناه ما فيج حفر ولا مسام ولا خطوط ولا تصبغات واللي فرقتي عليه نضاره بس

والفراكسيل افضل من الفراكشنال؟؟؟؟؟؟؟؟؟؟؟؟؟؟؟؟؟؟؟؟؟؟؟ من صجج؟؟؟؟؟؟؟؟؟؟؟؟؟؟؟ دكتورتج ما عندها سالفه
الظاهر الفراكشنال مو عندها
شاخباري الفراكسيل الجيل الثاني

راح اتقطين فلوسج على الفاضي والنتيجه سنتين و 40 بالاميه وراح ترد البشره ازفت من الاول
ضغطي على الرابط اللي بموضوعي واقري كل شي عن الفراكسيل واتعرفين انه نتيجته 40 بالاميه

وعموما الفراكشنال افضل بمليون بالاميه من الفراكسيل بس الظاهر مو عندها الجهاز
وكل بياع يمدح بضاعته حبيبتي

والله هالدكاتره فيهم نصب مو طبيعي

الفراكسل خرطي من امه وما منه فايده
واللي يقول شفت النتيجه بعد الجلسه اسمحيلي مو صح الكلام اللي شفتيه مجرد نضاره فقط وراح اترد البشره مثل ما كنت

آنا اربع جلسات فراكسيل وما استفدت الا اربعين بالاميه
اتمنى الدخول على رابط موضوعي علشان ما احد يتوهق ويسوي فراكسيل ويندم

 

[زهر الرمان]

عليج بالعافية ياقلبي وانشاءالله بشرتج اتصير احلى واحلى
ومشكورة على طرح تجربتج وشرحج واسلوبج اللي يشوق الواحد انه يسوي

 

[بنت الحداد]

واناااااااااا عنندي حفر عنقززززززززز يووديه ولا لاء ؟؟

 

[عز النفس يغنيني]

مشكوره على نقل تجربتج حبيبتي وتتهنييييييييييييين ..

بالنسبه لدكتوره منال عالجت عندها وما فادتني صراحه ..

 

[سـاكـــورا]

مشكوره

 

[طرطعانه]

مشكوووره على ذكر تجربتج

بقيت اسالج ابر النضاره متى تبين نتيجتها؟؟

 

[sweet heart]

شفتي النتيجه من أول يوم وعلى جهاز الفراكسيل القديم؟؟؟؟؟؟؟؟؟؟؟؟؟؟؟؟؟؟مستحيل
حبيبتي النتيجه ما تظهر الا بعد شهرين من اول جلسه
هذا معناه ما فيج حفر ولا مسام ولا خطوط ولا تصبغات واللي فرقتي عليه نضاره بس

والفراكسيل افضل من الفراكشنال؟؟؟؟؟؟؟؟؟؟؟؟؟؟؟؟؟؟؟؟؟؟؟ من صجج؟؟؟؟؟؟؟؟؟؟؟؟؟؟؟ دكتورتج ما عندها سالفه
الظاهر الفراكشنال مو عندها
شاخباري الفراكسيل الجيل الثاني

راح اتقطين فلوسج على الفاضي والنتيجه سنتين و 40 بالاميه وراح ترد البشره ازفت من الاول
ضغطي على الرابط اللي بموضوعي واقري كل شي عن الفراكسيل واتعرفين انه نتيجته 40 بالاميه

وعموما الفراكشنال افضل بمليون بالاميه من الفراكسيل بس الظاهر مو عندها الجهاز
وكل بياع يمدح بضاعته حبيبتي

والله هالدكاتره فيهم نصب مو طبيعي

الفراكسل خرطي من امه وما منه فايده
واللي يقول شفت النتيجه بعد الجلسه اسمحيلي مو صح الكلام اللي شفتيه مجرد نضاره فقط وراح اترد البشره مثل ما كنت

آنا اربع جلسات فراكسيل وما استفدت الا اربعين بالاميه
اتمنى الدخول على رابط موضوعي علشان ما احد يتوهق ويسوي فراكسيل ويندم

مادري محسستني اني اجذب و شخباري وشخباري انتي مو طبيبه ولا تفهمين بالاجهزه والدكتوره عندها الجهازين وانصحتني بالاحسن.. عفوا ماراح اصدق تجربتج لو شنو اذا هذا اسلوبج.. مو شرط اللي ماضبط معاج مايضبط مع غيرج شنو قرااااااااان استغفر الله كلامج.. انا نقلت تجربتي واللي شفته مايهمني رايح داشه عرض على من صجج وما اصدق..حمدالله والشكر..صج الواحد يسوي خير يبي يفيد الناس اخرتها يطلعونه جذاب..اصلا انا مو محتاجه لا ارد ولا ابرر لج لان مايهمني رايج اذا اسلوبه بهالمستوى..

 

[sweet heart]

حبيت افيدكم ابتجربتي مع الفراكسل

آنه بشرتي فيها آثار حبوب وجربت كل شي عشان تصفا من تقشير كرستال و تقشير عند د احمد رشيد وما استفدت من هالتجارب يوم سمعت عن

الفراكسل قررت اني اجربه وسويته عند رويال حياه سويت 5 جلسات كل شهر جلسه وتحملت الألم لآن كل جلسه تكون اقوي والألم شد

وكلفني 1000 دينار وكان عندي امل ان بشرتي تتحسن ولكن مع الأسف ما تغيير شي وطلع كله اوهام و مقصه على البشر وكل اهلي

وأصدقائي يقولون لي ابصراحه ما تغير شي في بشرتج وآنه اموت من الحره علي العذاب الي تحملته والفلوس الي انقطت بدون فايده.

فلا تندفعون حق الأعلانات ترا كلها تجاره و مقصه وسلامتكم

مو شرط ماياب نتيجه معاج يعني الجهاز فاشل..كل وحده وحجم مشكلتها اختي..

 

[ام شريفه]

ما تدرين ابرة النضاره ابجم؟؟