تجمع المسافرات لتركيا بعطله عيد الاضحى و عطله الربيع (عطله 15) .. حياكم الله

[eng.jacvara]

حضارة
حبيبتي ترة اسطنبول مافيها طبيعة
فيها بس المتاحف
روحي
متحف طوب كابي وايد حلو واياصوفيا مو زود ترى بس كيفج اذا بتروحينله
وتمشي بمنطقة السلطان احمد اللي فيها المتاحف وايد حلوة وفيها مطاعم حلوة تعتبر
روحي جزر الاميرات للامانة احنا بغينا نروح لها بس ما رحنا صارلنا ظرف
وقهاوي ومحلات تسوقين وانتي تمشين
وطبعا لازم تروحين تقسيم وتمشين بشارع الاستقلال بالليل وايد حلو وزحمة وفي مطاعم
ودام رايحة 10 ايام روحي يوم بورصة من الصبح وردي بالليل
الحين الجبل اللي في بورصة صاير كله ثلج مرت خالي وعيالها راحو احنا ما رحنا له لان اختي كانت حامل وما تقدر تصعد مرتفعات
روحيله كله ثلج وصاير قطعة بيضة وايد حلو وراح تستانسون فيه

وعالعصاري روحي تمشي عالبحر وركبي يخت وتمشي بمضيق البسفور راح تستنسون فيه في مراكب تاخذج ساعة جولة حول البسفور

ممممم
وايد اماكمن بعد بس انتي ما تبين تسوقين بالنسبة للسوق شارع عصمان بيه وايد حلو وهم فيه مطاعم وقهاوي حلوة ومحلاته رخيصة ويبيعون بسعر الجملة
وهم منطقة لالالي هذي احنا سكنا فيها فندقنا كان وايد حلو ونظيف وبارد حلو لان فنادق منطقة تقسيم حيل حارة الناس تشكي من الحر لان يشغلون الدفايات
اي استفسار انا حااااااااااااااااااااااظرة

 

[بيت نماين]

قوه بنات انا ابي انظم لكم لاني انشالله مسافره اول فبراير 10 ايام وراده بس هذي 2 مره اروح تركيا واول مره كان عمري سنه
والحين انا متوهقه طاقه الصدر جدام ريلي واقوله انا بضبطك سفره حلوه
ابي منكم معلومات عن الترام او المترو شلون طريقته في كرت نفس باصات لندن واعبيه
الا شلون نستخدمه عشان التنقل باستطنبول وشلون اعرف وين رايح ينكتب من برا الباص
وشنو احسن فندق باسطنبول بتقسيم
وبورصه بعد شنو احسن الفنادق وشنو فيها غير التزلج يعني جم يوم اقعد فيها 3 او 4

بنات امانه الي عندها اي معلومهلاتبخل علي
وشنو من رايكم احجز من الكويت مع مكتب ينظم الرحلات ولا انا اعتمد على روحي

 

[swear]

حضارة
لما ارد البيت راح اكتبلك اسماي الاماكن للي رحناها
انا ما ارحت اسواق بس اماكن تاريخية ومناظر
ان شاءالله اعطيك اساميهم واذا تبين رقم مرشد سياحي اعطيك رقمه​

 

[بيت نماين]

وينكم بنات بليييييييييييييز

 

[ايثار]

اناالحين بتركيا باسطنبول حدها عجيبة والجو حلو الصبح وبالليل شوي باردالصراحة اسطنبول بالشتا حلوة بس بالصيف حارة واللي حاب اييها بالصيف يروح بوصة ويلوا واللي تبي اي استفسار انا حاضره وتوهم فاتحين مجمع صارله 15يوم تقريبا اسمة فورم استنبول كبير حيل

الله يهنيكم وترجعون بالسلامة حبيت اسال عن المول الجديد وين مكاته بالضبط واذا تعرفين اسمه بالانقليزي اسوي بحث عنه ومشكورة

 

[zahoooora]

بصراااحة ما طبيت تركيا انشاءالله بروح لها اذا الله كتب بالصيف

 

[حضاره]

بنات ماقصرتوا00واللي توها راده00خل تعطينا خبرتها00

وبالنسبه للي يبون معلومات عن تركيا00راجعوا الصفحات من اولها 00البنات مومقصرين 00وحاطين اسماء الفنادق واماكنها 00

وبعد حاطين اسامي الاماكن اللي ممكن انروح لها00والاسواق وشغلات وااااااااااااااايده بعد00وهم بطاقة التعبئه مالت الترام00

 

[* أم دودي *]

ما شاء الله

الله يهنيكم يلي رحتو تركيا .. والله شوقتوني اروح لها ..
كنت انا وزوجي بنروح لها بس هونا ..
ان شاء الله السنه اليايه ..

ياليت كل وحده تحط موجز عن رحلتها علشان تستفيد احنا اللي بنروح لها لاول مره ..

 

[¤§ زيتونة §¤]

وينكم اهل تركيا



الله ما تتمنون الحين تروحون بهالجو العجيب


شوفو الجو بجوجل عفية بنات ابيييييييييييييييه يهبل

 

[حضاره]

زيتونه 00اشلون صاير الجو شوقتينا00؟؟؟

قاعدين نضبط سفره لتركيا حق عطلة 15 سويت سيرج محترم عنها بس باقي اسعار التذاكر00يقولون اكو عروض!

انتي اشرايج مالج خاطر تروحين الفتره اللي جايه؟؟

اشلون اشيك على الجو هناك؟؟

 

[¤§ زيتونة §¤]

زيتونه 00اشلون صاير الجو شوقتينا00؟؟؟

قاعدين نضبط سفره لتركيا حق عطلة 15 سويت سيرج محترم عنها بس باقي اسعار التذاكر00يقولون اكو عروض!

انتي اشرايج مالج خاطر تروحين الفتره اللي جايه؟؟

اشلون اشيك على الجو هناك؟؟

هلا وغلا حضارة


حبيبتي انا لو علي ... اقعد كل السنة بتركيا الصراحة تهبل

بس بهالعطلة مالنا نصيب لانه حاطين مخيم وملتزمين فيه يمكن بعدين ناخذ 4 ايام عالسريع



جيكي عالجو بجوجل حالة الطقس في تركيا




موفقين والله يسهل عليكم يا رب

 

[¤§ زيتونة §¤]

الله عالثلج الحين عجيييييييييب


والله اشتقنالج يا جنة الارض

 

[SoSo88]

اذا تبون رقم مرشد سياحي عندي ترى وانا ورفيجتي وعمتها كله نتعامل معاهم وايد معروفين وزينين

واي مساعده انا حاضره

 

[الام المحبه]

مرحبا حبيباتي
انا ودي اروح لتركيا في عطلة الربيع مع ابو الشباب والعيال
ممكن تفيدوني بالاتي :::
كم تكلف الرحلة لمدة اسبوع ؟
على اي طيران
هل يوجد عروض ؟
افضل الفنادق ( نظرا لوجود اطفال ) ؟
افضل الاماكن السياحية والترفيهية والمطاعم ( لاستمتاع الاطفال ) ؟
افضل الاسواق ( هل يوجد مجمعات فيها ماركات عالمية مثل الصالحية ؟!؟! ) وما هو نوع المجمعات الموجودة هناك ؟
كم الميزانية التي تكفي للاستمتاع بتركيا ؟

وشكرا

 

[نور عمري]

اشلونكم بنات
جم الميزانية تكلف تركيا لمدة اسبوع 10 ايام ابي اسافر في الصيف بس حق شخصين
بالنسبة للمرشد السياحي شلون طريقة ماني عارفة ؟ شلون احصله ؟

ابيكم بنات تساعدوني