عشاكم ليلة راس السنة وين انتي وريلج؟

[omlolo]

خواتي منو ياب طاري الاحتفال الحين؟؟؟
انا قلت وين بتروحون ليلة راس السنة تتعشون؟؟
وترى انا مسلمة ومتحجبة واخاف الله بعد
عادي بطلع اتعشى انا وريلي وبشوف وين بتروحون مطاعم
كليتوني بسم الله

 

[om MaRyooM]

ماحب اطلع بهاليوم احس مسخرة بصراحة ... بس يمكن نروح سينما وبعدين البيت علطوووول
لأن المناظر تكون اللهم ياكافي



اقعد بالبيت على كيفي احسن

بس اللي بتروح مطعم انصحكم تحجزون قبلها عشان لايكون زحححمة وتتوهقون

 

[:: Diva ::]

مطعم زوجي المفضل روبي تيوزداي
بس مسوين جنه للشخص ب 60 مادري 70

 

[..دلوعه ريلي..]

مطعم زوجي المفضل روبي تيوزداي
بس مسوين جنه للشخص ب 60 مادري 70

لا اختي شدعوه انا العام رايحه ب30 تقريبا

 

[hi555]

الله يهديكم يا خواتي ترى احنا مسلمين مو كفااااااااار
الواحد مو ضامن عمره يعيش بعد ساعه اولا والاعمال بنيات
شوفو الدنيا شنو صاير فيه ربنا كل يوم يعاقبنا بالامراض والاعاصير
بسبب بعد الناس عن دينهم وربهم ماقول الا الله يغفرلنا ويرحمنا برحمته ويهدينا جميعا
لاتزعلين ياصاحبت الموضوع من كلامي لان هو الصح

بس بعرف شهالبياخة؟
شقالت المراة بتكفر والا بتذبح لها احد؟
قالت بحتفل بتستانس بسنة جديدة بعهد حلو بينها وبين ريلها
ليش الفرح عندكم حرام
وسوت فيها اعاصير وامراض
يختي الاعصار ماصار الا بالسعودية الي محرمة كل شي حتى الورد الاحمر بالسوق وماردهم عن الي يالهم

 

[بسبوووسه]

اب اب

 

[ام _خلودي]

مادرى والله

 

[ام الحلوووين]

زوجي يكوووووووون مداوم

بتعشا لوحدي هههههههههههه

 

[تآعِبنْ قَلْبِيْ]

أنا بأمريكآ

ومانحتفل براس السنه ودي اطلع بس عشان اشوف شيسوون

عشانا انا بسويه خخخخخخخخ

 

[dl3_wl3]

اب اب

 

[الأميرة جوري]

اقول الحمد الله انا مسلمين ........وياليت تاجلينها باجر علشان الرسول صلى الله عليه وسلم نهى عن التشبه باليهود .......

 

[أم الحلوة جمان]

ابييه لا موووصج بنات ... المنتدى صاااير ينعاف من الردود اللي مادري شلون صايرة .. و يقولون احنا مسلمين و يعيبون وإذا عالنصيحة لها اسلوب أحسن من جذي .. مو بالهجوم و الطنازة
حق اللي ماتعرف هالحديث : أن رسول الله صلى الله عليه وسلم قال : ( من كان يؤمن بالله واليوم الآخر ، فليقل خيرا أو ليصمت .. )
الحمدلله احنا مسلمين و متحجبات و نصلي فرضنا و نعرف ربنا ...

و بعدين البنت ماقالت بروح ديسكو ولا مرقص و لا مكان مكروه والعياذ بالله .. قالت أبي مطعم تتعشى مع ريلها ..
يالله يا جماعة الايمان الله يثبتكم ان شالله و فيدونا ان في شي في القرآن أو السنة يثبت ان ( العشا في مطعم بهالليلة حرااام ) .. فيدوونا جزاكم الله خير يمكن في شي احنا غافلين عنه ... و سؤالي محدد ان العشاااا مو الاحتفال و الرقص والاغاني وعلى قولتكم ( المسخرة ) ...
و ماشالله الحين الكل مايرووح عيل هالمطاعم اللي ماتلقين حجز فييها و كل مطعم عنده ويتينج فوق ال 20 منو يروح لها؟؟؟
حبيبتي ام لولو
والله انا كل سنة اروح اتعشى مع ريلي .. وطبعا اروح مطعم راقي و هادي .. و مو شرط ان اقعد لي الساعة 12 بالليل ( مع ان أقصى شي سووه المطعم بهالليلة انهم وزعوا علينا كبابيس و صفارات و قريب الساعة 12 سووا عد تنازلي و قالوا لنا هابي نيو يير ) ساعات يكون عشا و وراه سينما عادي يعني ما قعدتي لل 12 ..
و اتمنى لج عشاء حلوووو ان شالله و الله يهنيج و يخلي لج ريلج بو عيالج ....