مطعم التيتو

[StEllA]

السلام عليكماحلى كويتيات بسالكم منو جربت مطعم التيتو الي بالمارينا ويفز
و منو جرب مطعم ليتر دامور الي بقرية الضيافة ؟؟؟
شنو رايكم فيهم بالنسبة للاكل و القعدة و ايهم الاحلى

 

[french`coffee]

اليوم راح اروح مطعم التيتو وراح اقوولج انطباعي عنه لنشا الله

 

[amt~alrhman]

وعليكم السلام


اب عشانج

 

[whm]

ليتل دامور سكر من فترة

 

[StEllA]

الف شكر لكل الي مروا الموضوع
و قهوة فرتسية ان شاء الله تستانسين بالطلعة وناطرين انطباعج
و غريبة ليش سكر ليتر دامور؟؟؟

 

[french`coffee]

هلو ستيلا .. التيتو صارله فتره يحطوون دعايته بجريدة الوطن خواتي جربوه بعيد الاضحى ومدحولي اياه .. دقيت عليهم 22424004 وحجزت طاوله حق شخصين أنا ورفيجتي اليوم الساعه ثمان ونص بليل طبعا طاولتنا كانت بره والفيوو على البحر كان وايد حلو الجو وبعدها ثلجنا .. ملاحظتي اولا :
- القعدة : اول شي قعدونا على كراسي كبيره كأنها قنفات ان قعدتي عليها تغوصين يعني ما ريحتني كلش ! وطبعا يحطولج شمعه وحده فلما عطونا المنيو ما نشوف شي الخط صغير ومكتوب بالرمادي الفاتح والدنيا ظلمة .. رجع الجرسون بياخذ الطلب قتله شلون اطلب وانا ما اشوف شي حطولنا صور على الأقل !عاد على حظنا يمنا طاوله فيها واحد وزوجته توهم خالصين جان اقول حق الجرسون ينقلنا لها لأن كراسيها خشب ومرتفعه شوي وطلبتلي كوشيه حق ظهري .. بس وايد اريح من القنفات .. باختصار اذا بغيتي تحجزين حجزي قعدة على الكراسي العادية مو القنفات الكبيرة .
- الأكل : بما أن الجو بره بارد عيزنا واحنا نقول حق الجرسون يفتح الهيتر اللي اهي الاستاندات اللي تولع بالغاز ما ردوا علينا كل واحد يقول حجوة اللي يتحجج ان لازم ياخذ اذن من الادارة شدعوه ! والجرسون الثاني يقول لازم اعبيها غاز .. المهم فلسنا من الهيتر .. طلبنا شوربه اتدفينا على الاقل قال الشوربه خلصت ! رفيجتي طلبت سلطة جرجير تقول حلوه .. والمقبلات خبز بالثوم مع الجبن عادية كأنها بيتزا .. وانا طلبت ربيان مشوي لذييذ والله .. بعد ما خلصنا متنا من البرد رفيجتي طلبت شاي أخضر وآنا كبتشينو ومن كثر ما انا بردانه طلبت أي سويت حاار .. يابولي التشوكليت فوندو مع سكوب آيس كريم وايد حلو .. وحسابنا طلع 23 دينار وكسور ..
- الخدمة : حيييل بطيئة يعني يبيلهم أحد يلحلحهم شوي

بشكل عام المنظر حلو والأكل حلو والسعر زوين .. يبيله تجربة بس عاد اذا رحتي على العشا لبسي بالطو فرو وثلاث جاكيتات تحته وهيلا هوب صوف وبوت وتسوس فرو قاعده بروسيا لوول وعليكم بالعافيه مقدما

 

[كـوكيـزا]

//


التيتـو حلـو
والقعده برا جنج قااعده بنـص البحـر :d

,,

 

[إكليل الحب]

انا رحتله بالعيد :


المطعم قعدته اتينن رومانسيه بس مثل ماقالت الاخت القنفات تغوصين مو مريحه !!!


المقبلات صج جنها بيتزا بس بيتزتهم حلوه والاطباق الرئيسيه هما لذيذه اسعاره وايد زينه


بس الخدمه بطيئه صح كلامها لكن بشكل العام المطعم يونس يسوى تروحيله


بالتوفيق

 

[kaboOOOOOOOOsa]

وي انا كلش ما عجبني اول ما قعدت بالقنفات الظيم
ظاق خلقى حسيته خبه عالفاضي قمت وقعدت بماكي
انا اصلا جهاد قاعده بمطعم وجدامي ماكي
ولي يومكم ماجرب اقعد فيه
لووووووووووووووول

 

[قطوه ورديه]

بنات وين صاير هالتيتو شوقتوني عليه

 

[law love]

انا ما يعجبني اكله
بس قعدته حلوه

 

[french`coffee]

بنات وين صاير هالتيتو شوقتوني عليه

في المرينا ويفز يمين المرينا كيرسنت

 

[درة أهل الطولات]

عقب اللي سمعته ما اظن اروح له

اهم شي القعدة

كله اشوف اعلانه بالوطن

 

[StEllA]

مشكورة قهوة فرنسية صراحة عيشتيني بالجو و ان شاء اجربه

 

[ScarletteO'Hara]

التتو ويد حلو
عليه خوش باستات
و القعدة على البحر رهيبة
و انا لما رحت ما قعدت على القنفة قعدت على الكراسي الخشب بس لي ملاحظة على الطاولات
صح الفيو رهيب بي ما ادري قشر الضبغ مال الكراسي و الطاولة مقشر يلوع الجبد شكله
ما ادري هل هذا ديكور و لا متهالك بس بكلا الحالتين ما عجبني الوضع
بس الاكل غطي على اي سلبية كنت شايفتها بالمطعم
جربيه ترى وايد حلو
و انا رحته بالنهار اتوقع احلى من بالليل
و يوم السبت كان هادي و رحته من غير حجز

 

[حتشبسوت]

قعدته وايد حلوة بس اكله ما عجبني وايد

 

[^عنقود عنب^]

التيتو اينن اينن اينن انا رحتله 3 مراااااااااااااااااااااااااااااااااااااات وكل مره اكتشف اكله فيه

 

[law girl]

اهلا اختي
مثل ما قالو القعده حلوه بره بس بررررررررررررررررد ثلجنا فطلبنا منهم ثرو
و الخدمه بطيئه و لون الفونت بالمنيوو يلوع الجبد كافي ظلمه فبصراحه قريتها على اضواء الموبايل لوووووووووووووووول
بس عموما الاكل حلووو و اسعاره وايد مناسبة

 

[%قبلة العجمان%]

مطعم التيتو ماجربته ومادري اذا يفتح الصبح او لأ
لان هالايام حلاته الريوق بالهواء الطلق

اما ليتر دامور صكر وصار بداله مطعم ليالي الخيام (ايراني) نفس الاثاث والمكان بس الاسم تغير

 

[ABoOoBA]

اولا المطعم واااااااايد ينن

ثانيا حبيباتي اهو ستايل المطعم جذي انه الطاولات مقشرو وجذي

مو اهم فيهم شي لا اهو ستايله جذي يعني جنه قديم وها
وبعدين على الطلب اذا انتي تبين قنفات والا كراسي تقدرين تقوليلهم ابي كراسي


انا الصراحة يوم رحت مافي احد تعشيت بالكراسي ويوم بحلي رحت قعدت على القنفات لوووووووووووول ماخليتهم بخاطري