رد: (( همــــــــــــس السهـــــــــــــاري ))
يا ليل ., كل الليـال ألوانهـا سـود !
ويمكـن بعضهـن تنـوّر بالأضـاءه !
ياليل .. وش حيلة اللي خافقه عـود؟
نادى الأماني ., ولا سمعـن نـداءه .!
الغصن خالي ., جفـاه الطيـر والنـود
يبس من الشمس ., وإزداد إنحنـاءه .!
ياليل ., وأنت الحكيم وناسك شهـود
عطني جواب ., أروي الحيره ب ماءه .!
ياليل ., ليه الجروح ب صدري تـزود؟
وكيف الحيا مـات بيديـن الجـراءه؟
وصحيح ., أن الأماني مالهـا حـدود؟
والصابر يعيش والحـزن ب دمـاءه ؟
تصـدق إنـه تمنـى ., مـزن و ورود
وصحى من الأمنيه ., يطلـب دواءه .!
مشى طريق السعـد .,لقـاه مسـدود
غداءه الحلم ., لـو دمعـه عشـاءه .!
الحمـدلله ., ستـر ودخـل محـدود
رَدْاءة الحـال ., مـا شقّـة رِدَاءه .!
والحب مفقـود بـس الهـم موجـود
والفقر طعنـه ب خفّـاق البـراءه .!
واللي ربى بالأمل مـن كـان مولـود
عشرينه .,اليوم تسكت في بكـاءه .!
وإن كان مستقبلـه بالفـرح موعـود
ماضيه ., مـل الكتابـه والقـراءه .!
القلب يشبه وطـن مشاعـره خـود
والهـم يغزيـه ويستبيـح نسـاءه .!
--
