{ ...الدكتورة رشا الصفي تجيب على استفسارتكم ..} استضافة اسبوعية

[د. رشــا الصفــي]

مشكوره دكتوره ويعطيج الف عافيه
ويخليلج زوجج وعيالج:yaaaaaarb: في ميزان أعمالج

اللهم آمين

جزاج الله خير

 

[د. رشــا الصفــي]

مرحبا دكتوره
وش اخبارك ان شالله تكوني بخير وعافيه
وكل عام وانتي بألف خير
عندي مشكله مع ولدي هو الحين عمره 8شهور له تقريبا شهر معه امساك مزمن مافادت معه الملينات ولا تنظيم الرضاعه دايم يعاني منه
الأخراج يوميا بس بصعوبه شديده وفتحة الشرج يطلع منها دم
انا منظمه له الأكل ومانعته من الأشياء اللي تسبب امساك المشكله عصير البرتقال مايحبه واعطيه زي الدواء
والله يادكتوره انه كل يوم صياح لما يتبرز
ايش اسوي دكتوره تكفين دليني

حبيبتي دام جربتي الملينات و تنظيم الرضاعة و ما فاد معناته لازم تغيرين له الحليب


وسؤالي الثاني
هوللحين ماطلع اسنان ولاحبى بس يجلس ويتقلب
وزنه ماشالله 8كيلو ونص
هل يحتاج لفيتامينات تقويه وتطلع اسنانه؟؟

بالنسبة للسؤال الثاني
تطوره طبيعي لغاية الحين
طبيعي انه ما يحبي ولا يسنن بهالعمر
و لا يحتاج فيتامينات

 

[د. رشــا الصفــي]

ياليت يادكتورة اتساعديني ولدى تو دخل 5شهور ابغى اكل ولدي مابغى اكل يسبب له امساك لان معة امساك ومشكورة

اول شي لازم تنطرين لين يكمل 6 شهور

و الأكل ببدايته عادي يسبب امساك علشان تغيير النظام

بس ممكن تعطينه عصير برتقال الصبح و ما يكون بارد

و تدخلين الفواكه بأكله

ممكن تجيكين الردود السابقة بالنسبة لنوعية الأكل

 

[د. رشــا الصفــي]

مشكورة دكتورة ويعطيج العافية وان شاء الله يكون في ميزان حسناتج

مشكورة

 

[د. رشــا الصفــي]

مرحبا دركتوره
انا ولدي عمره ثلاث شهور وديته الطبيب المستوصف تعبان قال خشمه متسكر وصدره مافيه شي بس بلغم خفيف وعطاني قطره ومضاد لونه وردي لمدة خمس ايام وتحاميل بس مانفع وياه بعدين وديته طبيب خاص لأن ولدي صار ماينام كأنه يبلع شي وخشمه يطلع صوت مدري صدره قالي صدره مافيه شي البلغم فوق في الحنجره وعطاني ابره وحده له وكمام لمدة خمس دقايق ونفس التحاميل ومضاد اسمه flemoxin
ودايلانيل وقطرة اوشين وfenistil المشكله بكره اخر يوم للأدويه ولدي ماخف وذبحته الكحه والبلغم كله يبلع ويغص شسوي له
وحليبه نوفلاك شرايج فيه دكتوره


واسفه عل الاطاله وشاكره تعاونك

حبيبتي الظاهر هذا فايروس حايش اليهال

مو شي يخوف و الحمدلله انه ما فيه شي صدره

انصحج وديه حوادث الأطفال للمستشفى التابع لكم

يقيمون حالته و بشوفون اذا محتاج شي

ما اعتقد يحتاج مضادات على وصفج

ما راح يفيده المضاد بهالحالة

 

[د. رشــا الصفــي]

السلام عليكم

دكتوره

ولدى عمره 7 شهور الاكل (بروكلي-قرع-جزر-كوسه-عيش -فارليز-تفاح-اجاص-عنب-خوخ) و رضاعه طبيعيه 100% الحمدلله شنو تنصحيني ازيد؟؟

تبارك الرحمن نظامج ممتاز
ما يحتاج زيادة في الوقت الحالي

انا مو قادره اعرف شلون البيبي يتحسس من شغله معينه؟؟

التحسس يصير اما تشوفين يصير وجهه احمر او يرجع او يصير معاه اسهال بعد الوجبه

جسمه باماكن معينه يعني مو منتشر تطلع حبوب و تقعد مده و تروح.. هل هذي حساسيه؟؟

ممكن تكون حساسية

و انا بديت اعطه فيتامين دال بس شفته ويهه صار احمر و صار يحكه فا وقفته.. فى احتمال اهوا الي مسوى الحساسيه بالويه؟؟

و مشكووره وايد و يعطيج الف عافيه

ماله داعي الفيتامينات اذا مو محتاج الطفل

فيتامين د اذا كان زيادة عن الطبيعي يسبب تكلشات بالكلى

فلازم اول تسوين التحليل اذا ناقص تعطينه و اذا طبيعي ماله داعي كلش

و بالنسبة للحساسية عادة ما يسوي فيتامين د حساسية

ممكن تكون من شي ثاني و هم ممكن في حالات نادرة منه

 

[د. رشــا الصفــي]

مرحبا دكتوره
انا ولدي عمره ثلاث شهور عطيته حليب بيبلاك للارتجاع بس يتبرز بعد كل رضعه على طولتقريبا 6 مرات برازه رخو وخفت انه اسهال بس حسيته يحب يشربه ومتن عليه استخدمت علبه وحده بس وقطعته
وعطيته سيميلاك مايتبرز الا كل 3 ايام وضعفه
والحين محتاره ودي ارجع للبيبلاك ومادري شستعمل العادي رقم واحد او اي سي اقول يمكن العادي او اي سي مايجيب اسهال لانه الحليب عجبني ؟
الله يعافيك دكتوره شتشورين علي؟؟

اول ما كان المفروض تغيرين الحليب دام مرتاح عليه ووزنه يزيد

الخروج بعد كل رضعة ما يعتبر اسهال

رايي انج تردينه على حليبه اللي كان يشربه قبل السيميلاك اللي اهو البيبيلاك

جربي العادي و شوفي اذا ارتاح منه كملي و اذا لأ رديه على بيبيلاك الارتجاع

 

[ريومةالمزيونة]

يعطيج العافية دكتورتنا .. والله يجعل افادتج لنا بمعرفتج وعلمج بميزان اعمالج يارب..ويجزاكي عنا خير الجزاء
دكتوره عندي بنتي عمرها سنتين..كلت عند بيت خالتي معكرونة بالطماط ومنها ما شافت العافية اسهال وترجيع كل ساعة
وديتها للطبيب..سجلها ابر للترجيع ومضاد حيوي وحساسية لمدة 3 ايام وقال نزلة معوية قوية
وسجلها اطعمة معينة وغيرلها الحليب..المشكله كل الاكل اللي سجله لها ماتحبه ومارضت تشرب الحليب الخالي من اللاكتوز
تعبت معاها ما ترضى تشرب الادوية ولا محلول الاسهال شسوي عفية قوليلي شالحل؟؟
الاكل اللي تحبه:شوربة ماجي+شوربة كويكر+شبس وكاتشب+معكرونة+ملوخية+فاصوليا+جبن+صمون

 

[mul-berry]

دكتورة اشلونج شخبارج يعطيج الف الف عافية يارب و الله يخليه انشاء الله في ميزان حسناتج انشاء الله
دكتورة انا ولدي الحين عمرة توه مكمل 7 اشهر كنت ارضعة طبيعي لبن 4 اشهر بس من صمت نشف الحليب و صار حيل خفيف و خذيت حبوب الي تنشف الحليب بس ما خذيتهم عدل نفس وصف الصيدلي الي وصفلي اياه صارلي فترة شهر ونص رد الحليب مرة ثانية في صدري و صار يدر المشكلة اني ماخذة حبوب للرجيم و ادوية ثانية ما ادري اقدر اشفط الحليب جم مرة و اقطه بعدين ارد ارضع ولدي او اخذ حبوب ارد انشفه مرة ثانية و سامحيني طولت عليج وايد و مشكورة حبيبتي

 

[بسكوت فارليز]

مشكوره دكتوره ربي يعطيك الف عافيه
طيب دكتوره بشنو تنصحيني اي حليب
حليبه الحين سيميلاك غين

 

[سندريــــلا]

السلام عليكم

دكتوره انا بنتي عمرها سنه و 4 شهور وزنها 9,200

ضعيفه وصغيرونه
اكلها قلييييل جربت عطيتها فيتاميين فتره وماحسيت بفرق

ومشكله ان معاها حساسيه بصدرها والدكتوره منعتني من البيض سمج ربيان الروب الموز الفراوله البرتقال
وحليبها بروجرس كانت ترضع 4 مرات والدكتوره قالت سويهم مرتييين بس
فتهم لكن ماكو فايده صار لا اكل ولا حليب خقت اكثر
وابروحها ماشاء الله فمحتاره ومادري شسوي لها والكل يشوفهااا يقولي هذي جريب السنه ونص !!

مادري شسوي معاها

 

[aso00ora]

السلام عليكم دكتورة

انا بنتي بدش ال 6 شهور بعد اسبووع

وحليبها سيميلاك واهيه لي الحيين ترجع بس مو وايد اقل من قبل ف شنو تنصحيني اعطيها سيميلاك 2 ولا اغير حليبها؟؟

مع العلم اني لمن وديتها الدكتور وكان عمرهاا 3 شهور تقريبا قاالي شي طبيعي بالطفل انه يرجع لي عمر السنه؟؟

واسفة عالأزعااج

 

[السكرتيره]

بنتي عمرها 2 سنتين ودلوعه حيل اي شي تبيه تاخذه ,,,المشكله انها مرات تبجي ليم (تفحط)وانا خايفه من هالمشكله اخاف تموت بين ايديني,,,

 

[استبرق أم علاوي]

السلام عليكم

دكتوره الممات البلاستك اعقمهم ولا بس الزجاج ؟
وجم مره باليوم؟

 

[‏ღLave♥nderღ]

يعطيج العافيه دكتورة

 

[نونا**]

دكتورة ولدي طلعله شعر في منطقة العانه!!!! شوي موايد بس واضح المشكلة انه دكتوره مسافر وماراح يرد الا الاحد

شسوي بهالحاله انا دورت بالنت قالوا هرمونات وغدد انتي شرايج وشنو تنصحيني اسوي

على فكرة اهوا عمره 5 شهور ونص

 

[أم معاذي]

..يعطيج العافيه دكتورة على جهودج الطيبه

ربي يجعله في ميزان حسناتج

دكتورة ولدي اسبوع يكمل الأربع أشهر من شهر تقريبا صار وايد يسعبل ويعضض ادينه ...هل هذا يعني بداية التسنين؟؟

المشكله دكتورة ان صار يرفض الحليب ...بالغصب يشرب ...عادي يظل مرات 5 او 6 ساعات من اخر رضعه مو شارب
ومرات يوعان بس اول مايمص جنه في شي يعوره يصيح ويخليها ومايرضى يشرب ..طبعا أيام اقل وايام أكثر ..

وبعد تكرمين صاير معاه شوي اسهال ...يعني اهوه يخرج قبل مرتين باليوم صبح وليل ....والبراز لونه أخضر غامق ....بس صار هاليومين أكثر ...ويكون نتفة مرات ..بس خفيف ولونه أصفر ...هل هذا بعد من التسنين !!؟؟؟

ومتى أعرف ان اسهال وايد ولازم اوديه الدكتور ..ومتى يكون عادي ؟؟

 

[أم معاذي]

نسيت شي مهم دكتورة ...
في شي ملاحظته عليه بعد ...
صاير يحب يشرب الماي ..ومرات احطله معاه ماي غريب
مرات بنفس الوقت يصيح اعطيه الحليب مايرضى يشربه ..أعطيه الماي مع ماي الغريب او بروحه يشربه !!!

حيل مستغربه من هالشي ...!!

 

[مراااااحب]

قوه دكتوره انا عندي ولدي عمره 4 سنين تجيه فتره مره بالشهر يقعد اسبوع مايشتهي الاكل بس يبي يشرب عصير اوحليب والاكل ماياكل ابد
ويضعف وتطلع هالات سوده حول عيونه
وصارله فتره بس يقطع اظافره باسنانه
مادري شسوي ؟؟
وعندي ولدي الثاني عمره 4 شهور طالع بخده نفس الحساسيه حمرا ومايشرب الحليب الا رقم واحد كل 4 ساعات وبس يصدد عن الرضعه ارضعه بالغصب ومرات يرجعها كلها مع ان حليبه للارتجاع
انا غيرت الحليب 6 مرات ماناسب له شي والله مو عارفه شسوي؟

 

[سيدة الذوق]

والله لو تتابعين مع دكتور اكيد افضل

اخذي تحويل على مركز سالم العلى يقيمون حالتها

مشكوره حبيبتي ..