شنـو شـريتي اليوم ؟؟؟؟ شاركينــا بالصور ( الجزء السـادس )

[ام عفاف الكويت]

عليكم بالعافيه

 

[MissChoco]

عليكم بالعافيه بنات


امس رحت شرق كله تنزيلالالالات ,,, بس طبعا اللبس خواره وكله شتوي مساكين بتلشو بالشتوي ومايانه شتى ههههههههههه

 

[MissChoco]

الحنونه علييكم بالعافيه



مأساة الي يقعد هالحزه اوووف ,,,

يحلو القصاااار عالوووووووطن يبيله ردح

 

[%عسولة الحلوة%]

عليكم بالف عافية

 

[q8 nono]

عندي بعد بس انطر بدايه حملة حيادر واحطهم
هذا المكمل
قلبي انزين شلون طريقة السفيد اب
والكاب استخدمه بالاسبوع مره
والمر والكركم خايفه استخدمه على ويهي اقدر استخدمه في منطقة كلها حبوب :d

اهلين ا عفاف امبي تأخرت بالرد عليج والله اجيك على ردج حتى ماكملت باجي الردود والله

شوفي بالنسبه للسفيد اب طحنيه اول و خلطي مع ماي ورد و حطيه مثل الاسك مثلا ربع او نص ساعه و غسليه عقب و الصابونه وايد حلوه و اساسا واهيا عباره عن مره و كركم و المر معروف انها تشيل الحبوب بس والله مادري انا اقول حق هالحبوب اخذي لها صابونه طبيه مخصصه للحبوب اختي تمدح صابونة سيباميد اهي مخصصه للحبوب

و عليج بالعافيه حبيبتي وحمام الهنا :ggdw:

 

[سيدة الذوق]

مرحبا~

من زمان عندي هالصور من معرض العطور وحبيت تشوفونها معاي ..



شريتهم من مكياج منصور كحل وقلم حواجب ماركه اركسنل .. ومانكير الفوشي سمايلنج والموف والفسفوري ماركة ال اي ...

وبودرة سمايلنق..





معشوقي الابدي ..حمر نوبا خذي 2 حمر و3 قلوسات تجنن تنشف بسرعه وثابته ..



خذيت من حنان دشتي كريم اسا الكبير ب25 قلت اوفر ..وعطوني معاه اللي بصوره هديه بس صراحه انصدمت الشدو اي شي والماسكرا ناشفه بس الايلاينر والاضاءه اوكي..




هذول مشترواتي من حنان دشتي لمعة مخمليه وتصير بلشر ولمعة الفازلين وبودره كومباكت برونز ..واسفنجه للفاونديشن..



وعطوني كتابها اللي ماله داعي ..اليوم مو عاجبني شي خخخخخخخخخخ
بس جد مو مفيدجنه كتالوج عرض مكياج وبس ...



خذيت صبغه للشعر دايم استخدمها قبل لااروح صالون اغير صبغتي اول شي استخدم المشقر اللي فيه البنت ام شعر البلاتين ..

بعدين استخدم ثاني ..يطلع واو ويشيل اي صبغه حاطتها ..واروح صالون شحلاتني واصبغ الي ابيه ..



هذا كريم لرجل زوجي تكرمون ..كريم ومقشر انصحكم فيه يهبل..

 

[دلع شاعر]

سديد عليج بالعافيه ياااااقلبي .. انصحج بحمره حنان دشتي الفوشياا وااااااي رووعه مووصج ..

 

[۩ غيـر عنهم ۩]

عليج بالف عافيه سدسد

نوبا موجود ب الشايع ؟

 

[ام مضاوي]

الحنونه


عليكم بالعافيه الصبغ
وألف مبروك الوظيفه <<<توني استوعب

مس شوكو


انتي نفس حالتي
احس بداخل راسي ينيه تقعدني هالحزه
مابطل عيوني احاول ارد انام ماااافي





مشترواتي قبل يومين عالسريييييييع


عدسات سنو وايت من نظارات ميامي
براون

رموش
شكلهم طبيعي

مرطب جيفينشي
ماكنت اقتنع بلاين العنايه بجيفينشي بس من فتره رحت باخذ مرطب كلارنس لقيته خالص وعطتني تستر من هذيل مؤقت على قولتها
وعجبني باااااارد عالبشره
وتسترات مقشر <<<عجيييب جربته نفس مستوى مقشر كلارنس

فرشه فاونديشن عجيييبه احلى من ماك+ الدايموند الوردي
ميك اب فور ايفر

كونسيلر كريولان <<بديل عن الي ضاع
وحمره << صارلي سنه ماخليت ماركه مادورت فيها واخر شي لقيتها عند الهنود لووول بس ان شاء الله مايطلع فيها طعم بحذفها موخساره كلها 750 فلس
محدد+قلم زيتي

دهن عود عجيييب نوعين + خمريه <<ماحب الخمريات بس القرشي غيييير خفيفه وفواحه

عطر عود الجود سمسق
ثاني مره اشتريه موطبييييعي

كارديغانات
بني + زيتي
لجينز
تيشيرت من زارا <<<<<<لو مومصوره احسن موواضحين لووووووول

 

[ام مضاوي]

سيدة الذوق


عليج بالعافيه
كاتالوج حنان دشتي حذفيه علي اذا موعاجبج
بس جد ياقلبي المهم فيه انج تشوفين افكار الدمج والالوان اذا ناسبج طبقي منه وبشكل عام يسلي
احنا نحب كل شي فيه صور :eh_s(15):

وحمر نوبا يهبلون ماتعيدين عليهم كل شوي :eh_s:

 

[سيدة الذوق]

عليج بالعاافيه ام مضاوي يازووووء

بسالج عن عود الجود من وين


الماس مشكوره بجربها ..

غير عنهم والله مادري اذا فيه او لا

 

[سيدة الذوق]

ههههههه بنفس دقيقه جاوبنا علي بعض

لابس مافيه افكار يعني بس خلطات سخيفه ومعروفه ..وطريقة المكياج بس طريقتين ومو واضحه الطريقه ام الباجي كله ممثلين مصورين عندها حتي خالد امين ومحمود بوشهري وابراهيم الحربي حاطه صورهم ...

 

[أم منيـرة]

سدسد & ام مضاوي

عليكم بالعاافيه ..

 

[ام مضاوي]

القلوب شواهد على قولتهم:eh_s(17):

وبالله عيال امين وبوشهري والحربي شنو دورهم !!!!!!

والعطر من محلهم في توصيل لي البيت
اخذي رقمهم موجود بالمول
اذا ماحصلتيه بطرشه لج


وفي شغله برايفت بدزها لج عالخاص
علشان الموضوع للمشتريات مانبي المشرفات يزعلون علينا:sfg:


أم منيره

الله يعافيج حبيبتي:tek:

 

[سيدة الذوق]

الله يعافيج منور

اضوي اوكي انطرج

 

[مطيريه ماركه]

آلله يعآفيكم بنآت

عليكم بـ آلعآفية فديتكم

< توهآ ترد عقب آسبوع

سدسد بـ آلعآفية آلحمررر نآيس بيبي

آم مضآوي مزوقة كـ آلعآدة شلون مرطب جيفنشي زين ؟؟

 

[al7noona]

الحنونه


عليكم بالعافيه الصبغ
وألف مبروك الوظيفه <<<توني استوعب
]

الله يبارك فيج ويعافيج
وتوني متوظفه صارلي شهر :s141:

بالعاافيه

الله يعافيج

 

[أم غايب]

عوافي بنات

 

[ام مضاوي]

مطمط


اي والله حلووووو
وللبشر الجافه بس
ويعافيج ياقلبي انتي اذوق كله

 

[كويتيه مذهله 87]

سد سد


والحنونه


بالعافيه يااااارب