رجيمي مع د.عبدالله المطوع (8)

[عنيّد]

السلام عليكم
:balo:

كل عام وانتوا بخير :nbvppw: << حاطتها بقلبي لأني بغيت أنزل الموضوع بأول السنه بس المنتدى وحركاته البايخه بالتعلق ماخلاني :eh_s(16):

أدري الوضع غير قابل للمقدمات ، عشان جذي ماراح أتكلم وأهذر كالعاده
بس حبيت أعتذر عن التأخير الخارج عن ارادتي :yaaaaaarb:

وفقط المقدمه المعتاده ^_^

رجيمي مع د.عبدالله المطوع (1)

رجيمي مع د.عبدالله المطوع (2)

رجيمي مع د.عبدالله المطوع (3)

رجيمي مع د.عبدالله المطوع (4)

رجيمي مع د.عبدالله المطوع (5)

رجيمي مع د.عبدالله المطوع (6)

رجيمي مع د.عبدالله المطوع (7)


يالله سمعوا سمعوا :gathering:
مراجعتي الأخيره كانت يوم الأربعا 30/12/2009 << يعني العام خخخخ
بعترف لكم اعتراف معترفته بصفحات المنتدى ببعض المواضيع وهو اني بثلاث أسابيع التثبيت ، التزمت أول اسبوعين 100% وآخر اسبوع 0% بدون أي مبالغه صفررررر% :tongue22:
همممم بتقولون لييييييش مالييييييش ، خلوني أقولكم اني مريت باسبوع أدري ماراح يتكرر إلا من سنه لسنه اذا الله أحيانا
وبما أني حاطه استمرارية الرجيم ببالي ، فقلت يالله فوووقه وبعدها نرجع لقواعد الرجيم
جم وزني ؟؟؟ هالمره سمحولي ماقولكم جم وزني
ولحـــــد يزعل أو ياخذ بخاطره ويااااريت الكل يتفهمني ويتقبل رايي :eh_s(7): وبموضوع المراجعه اليايه بتعرفون ليش أنا ماقلت
وهااااا لحد يتحبط ويظن انه سبب سلبي ، لالالا إلا ايجابي ونص بعد :dddds:

.
.

يالله الحين خلوني أكتب لكم نظامي اليديـــــد _03BA:

الريـــــــوق
- 1 توست أسمر + جبن قليل الدسم أو لبنه قليل الدسم + 2 مرتديلا أو 2 تركي أو بيضه أو زعتر + خضار + كوب حليب خالي الدسم
- 5 تمرات + كوب حليب خالي الدسم
ممكن استخدام خيارات الريوق بالأنظمة السابقة


سنــاك الظهــر
استكانة مكسرات (حب - يوز - بيذان - فستق) + شاي أو قهوه/حليب


الغـــــــداء
أول وثالث وخامس وسابع يوم : سلطه + 4-5 ملعقات عيش + نصف صدر دجاجه مشويه + دايت أو ماء
ثاني يوم : كيوي كميه مفتوحه
رابع يوم : برتقال كميه مفتوحه
سادس يوم : أفندي كميه مفتوحه


سنــاك العصــر
ككاو وسط أو 2 حبة فاكهه (أي نوع ماعدا الموز والمانجا) + شاي أو قهوه


العشـــــــاء ، يكون قبل ساعه-ساعتين من النوم
- توست أمريكانا أسمر + دايت أو ماء
- سلطه + 3/4 كف اليد لحوم (يعادل 2 همبرجر الضعيف) + دايت أو ماء
- كوب نخي أو باجلا + عصير برتقال أو تفاح
*** 2-3 روب أكتيفيا بالفراوله
*** 3 كيوي + عصير برتقال أو أناناس (ممكن نحطه بالخلاط ونشربه كعصير بيغـــث ويشبّع أكثرررر)
*** كوب لبن أو روب + 3-5 فراوله
ملاحظه :
~> العشا الي قبله نجوم ، هذا يكون عشاكم بالأيام الي الغدا يكون فيها نشويات يعني نتغدا عيش وهي الأيام (1+3+5+7) ، أما باقي الخيارات (وممكن نستخدم خيارات العشا بالأنظمة السابقة) فللأيام الي يكون فيها الغدا فاكهه

~> إذا طلعنا نتعشا بره وكان المطعم :
لبناني = 2 سيخ مشوي
أمريكي = ستيك well done وقالي عن نوعيه حلوه وهي fillet mignon
فرايديز وربعه = نص صحن فاهيتا لحم أو دياي
ياباني = قطع لحم مقطعه صغار اسمها teppanyaki

~> قالي أفضّل يومين من الاسبوع تسوين نظام "بدون نشويات" لأنه يساعد بتنشيف الجسم من السوائل ، وشخصياً أشيل يومين النشويات وأخلي مكانهم يومين بدون نشويات
​

++ للتذكير .. كنت مأجله تنزيل الموضوع لأني بتأكد من الدكتور عن أيام العيش ، هل ناكل دياي مشوي فقط ولا ممكن يدام بشكل عام (؟)
و فيه سؤالين سئلوني ثنتين من البنات وللأسف نسيت أسئله لأنه الهذره خذتنا حزتها ، فناطره رد الدكتور على هالاستفسارات وانشاءالله أضيفها للموضوع لما يوصلني الجواب



مراجعتي اليايه باذن الله يوم السبت 16/1/2010 ، هالمره عاد صج صج دعواتكم :eh_s(6):
​

 

[اليازيا2007]

الله يوفقج ان شاء الله وتوصلين للي تبين يارب يكفي طيبة قلبج وصدقج وحبج للخير

وانا ان شاء الله مطبقه ريجيمج .....

 

[انفال]

:hjy5jewf:الله يعطييييييييييك الف عااااااااااااااااافية....
والله ما قصرتي ....وميخالف مثل ما يقولون العبرة بالنهاية.......انتي ما تدرين اشكثر فديتنا الله يجزاك خير ويكثر من امثالك:yaaaaaarb:

بس عنوده عندي سؤال صغنونو:080402ask_prv:
انتي تمارسين رياضة بانتظام او لا...؟
والله يعطيك العافية وان شاءالله تنزلين اللي بقى بألف صحه وعافية..​

 

[ذوق]

ان شاء الله تنزلين وزنج بصحة وعافية
اميييييييين

 

[عنيّد]

:hjy5jewf:الله يعطييييييييييك الف عااااااااااااااااافية....
والله ما قصرتي ....وميخالف مثل ما يقولون العبرة بالنهاية.......انتي ما تدرين اشكثر فديتنا الله يجزاك خير ويكثر من امثالك:yaaaaaarb:

بس عنوده عندي سؤال صغنونو:080402ask_prv:
انتي تمارسين رياضة بانتظام او لا...؟
والله يعطيك العافية وان شاءالله تنزلين اللي بقى بألف صحه وعافية..​

يعافيج ربي ^_^
والله يا انفال للأسف ثم للأسف ثم للأسف ما أمارس الرياضه بالفتره الأخيره خير شر
وهذي مصيبه وطامه كبرى ، عدم ممارسة الرياضه بكـــل بســــــاطه = ترهلات الجسم
الجو حلو يعني ماكو عذر
عندي أجهزه بالبيت يعني ماكو عذر
بس ناويه باذن الله اني أمشي من باجر بالمنطقه ، لأني قمت أتعييز أسوق وأروح لما البحر عشان المشي
وعلى هالطاري ، أمس شغلت جهاز wii-fit الله وكيلج ماتميت عليه 4 دقايق وتعبتتتتتتتتتتتتتتتتتتتتتتتتتت
راحت اللياقه !!
عشان جذي برجع على المشي بهالأيام وأرجع اللياقه

 

[زيـنـه]

بالتوفيق عنيد .. و ان شاء الله ابداعج في الاسبوع الاخير يختفي مع الالتزام بهالريجيم اسبوعين

 

[رسَــيــل]

هلا عنيد ..

تصدقين ناطرتج من الاربعا .. .. الله يجزاااج خير حبيبتي .. ويتمم عليج يا رب ..

غير هيك << أبوووك ياللبناني خخخخخخخخخ

بس طمنينا انتي نازلة ولا نووو .. عشاان اطبق الريجيم اللي فات ولا ما أطبقه ..

وموووووفقة خيتووووو

 

[عنيّد]

هلا عنيد ..

تصدقين ناطرتج من الاربعا .. .. الله يجزاااج خير حبيبتي .. ويتمم عليج يا رب ..

غير هيك << أبوووك ياللبناني خخخخخخخخخ

بس طمنينا انتي نازلة ولا نووو .. عشاان اطبق الريجيم اللي فات ولا ما أطبقه ..

وموووووفقة خيتووووو

حقج علي والله ، ماكان بكيفي ، المنتدى لليوم يملل

بالنسبه للرجيم الي طاف ، هو نظام تثبيــــــــــــــــــت ، يعني المرحله الأخيره :d
أنا استحاله أقدر أحكم عليه دام اني مالتزمت فيه !!
لكن الدكتور قالي شغله (وبالموضوع الياي راح أفصّل فيها أكثر) ان اذا وزنتي وشفتي نفسج زايده فهذا من السوائل الي تصير بالجسم ، يعني بمجرد الرجوع جم يوم للرجيم تقطين هالكيلوات مالت السوائل
بس الأكيد الأكيد ان الوزن فيه ثابت باذن الله ، بس المهم الالتزاااااام

 

[رسَــيــل]

الله يتمم علييييييييج ريجيمج .. + ارادتج .. + روحج الطيبة ..

موفقه يالغالية ... وصدقيني .. بــ ظل اتابعج لغاااية ماتوصلين للمثالي ..
عشااان احطج حااافز لي ...

 

[mn.mn]

مووووووووووووفقة عنيد

 

[هنوفه الحلوه]

موفقه حبابه ...وانشالله تنحفين بصحه وعافيه

 

[عذب القوافي$]

الله يوفقك

 

[om-ozzy]

موفقه حبوووووبه وانشالله توصلين للهدف اللي تبينه وانا متابعتج

 

[جنان2006]

الله يوفقج إن شاءالله ويرزقج كل ماتتمنين

 

[أم وهابي (عبير)]

الله يوفقج انشاءالله وتنزلين كل الشحوم الزايده وتصيرين منيكان
وانشاءالله كل المتان يصيرون ضعاف
اانا عاااد حاطه موعد عند د.المطوع يوم 5-6-2010 بعد ولادتي باذن الله لان حييييل فرشت صرت متيسه
وانشاءالله الله يقدرني وتصير ارادتي قويه مثلج

 

[عنيّد]

الله يوفقج ان شاء الله وتوصلين للي تبين يارب يكفي طيبة قلبج وصدقج وحبج للخير

وانا ان شاء الله مطبقه ريجيمج .....

اجمعين يارب ويااااكم
بالتوفيق وبشرينا عن المستجدات _03BA:

ان شاء الله تنزلين وزنج بصحة وعافية
اميييييييين

اجمعين ياااارب

بالتوفيق عنيد .. و ان شاء الله ابداعج في الاسبوع الاخير يختفي مع الالتزام بهالريجيم اسبوعين

حيااالله شلة الدوانيه ^_^
الله يسمع منج يازيووون ، ودام ثنتينا بنفس اليوم ، انشالله تكون الفرحه دبل :dddds:

الله يتمم علييييييييج ريجيمج .. + ارادتج .. + روحج الطيبة ..

موفقه يالغالية ... وصدقيني .. بــ ظل اتابعج لغاااية ماتوصلين للمثالي ..
عشااان احطج حااافز لي ...

تسلمين بعد عمري ماتقصرين على هالكلام ، الطيب منكم والله
ومتابعتكم تشجعني الله يسلمكم يااارب :gathering:

مووووووووووووفقة عنيد

وياااااااااااج منمنننننننننن :tek:

موفقه حبابه ...وانشالله تنحفين بصحه وعافيه

الله يوفقك

موفقه حبوووووبه وانشالله توصلين للهدف اللي تبينه وانا متابعتج

الله يوفقج إن شاءالله ويرزقج كل ماتتمنين

اجمعيييييييين ياااااااااااااارب ونوصل للي نبيه بصحه وعافيه :klhfl:

الله يوفقج انشاءالله وتنزلين كل الشحوم الزايده وتصيرين منيكان
وانشاءالله كل المتان يصيرون ضعاف
اانا عاااد حاطه موعد عند د.المطوع يوم 5-6-2010 بعد ولادتي باذن الله لان حييييل فرشت صرت متيسه
وانشاءالله الله يقدرني وتصير ارادتي قويه مثلج

اي زين سويتي عفيه عليج :ggdw:
وربي يسهل علينا كلنا ونرتاااااح من هالهم

 

[غلا 7373]

بالتوفيق ياعنيد وان شاء الله توصلين للوزن المثالي بصحة وعافية

 

[عنيّد]

ملاحظه :


- الغدا .. ممكن أي نوع من أنواع اللحوم ، سمج دياي لحم ، مو شرط بس دياي ^_^


- وحده من البنات سئلتني عن لف الزند بنايلون الاكل اثناء ممارسة الرياضه ، الدكتور يقول ان ما يؤمن بهالسوالف ! وانا نفسه صراحه شهالخرابيط :dddds:


- وحده سئلتني عن نظام السوائل اذا يصير نشرب فيمتو ؟ اي يصير بس يُفضّل استخدام سكر سلبيندا بدل السكر العادي


وسلامتكم وتعيشون

 

[اليازيا2007]

هلا عنوده لازم سكر سلبيندا او عادي استخدم سكر ذره تروبيكانا ؟

شنو السكر الي تستخدمينه ومن وين اجيب سلبيندا؟؟؟

 

[عنيّد]

هلا عنوده لازم سكر سلبيندا او عادي استخدم سكر ذره تروبيكانا ؟

شنو السكر الي تستخدمينه ومن وين اجيب سلبيندا؟؟؟

هلا فيج
قال أي واحد عادي ، بس هو يفضّل سبليندا
ومتوفر بالصيدليه العلبه بدينار وشي تقريباً

اخذيه ترى حيل حليو ، حبيته أكثر من تروبيكانا