بنات بليز ابى اهدى فلبينيه للاسلام وابى مساعدتكم

[am_kshaa]

السلام عليكم بنات
انشالله الكل بخير

:dddds:
انا داشه ناااااادى وعندى مدربتى توها يايه الكويت من جم شهر
وعندها فضول وايد قوى وتسئلنى اسئه واااااااااااايد عن العادات والتقاليد وعن الدين وعندها نظرة غلط عن الاسلام شوى ان احنا متوحشين وفكرة الشرع حلل 4 لزوج مومقتنعه فيها وامور وايد تسئلنى عنها موعاجبتها عن عاداتنا وتقاليدنا وعن الحجاب والعبايه
وابى كتاب اقدر انا اشتريه من اى مكتبه واعطيها اياة يتكلم عن المجتمعات الاسلاميه او الدين الاسلامى
لان ابى اوضح لها صورة الدين الاسلامى وانشالله تسلم
الي عندها خبرة بالكتب الى تكلم عن الدين او المجتمعات الخليجيه
غير كتب لجنه التعريف بالاسلام
تقولى
وجزاكم الله خير

 

[nfs007]

حبيتي تقدرين تطلبين من لجنة التعريف بالإسلام ببلاش يعطونج كتب و أشرطه

هذا رقمهم
22447526

 

[Little_Queen]

الله يعينج على فعل الخير حبيبتي
والله مادري

مالج غير لجنه التعريف بالاسلام تكلمينهم و تخلينهم يطرشون لها داعيه فلبينيه تكلمها
و هم اهما يقولولج بالظبط شنو ممكن تسوين

 

[blue ocean]

ان شالله يارب الله يهديها ويكون على ايدج هالشي ..

البنات ماقصروا وبشرينا اذا حصل شي وخلج صبوره معاها ..

والله يهديها ان شالله .. ويقدرج على هالمسؤليه ..

 

[شاكليته]

الله يعطيج على قد نيتج ,, هذي موقع اكتشف الاسلام

فيه كل مايخطر لها من سؤال , يوتيوب او دروس او كتب ,,

هذي موقعهم http://www.discoverislam.net/

 

[am_kshaa]

مشكوررررررين حبايبى وماقصرتوووووو
وانا لقيت كتاب عن توفيق الرفاعى كاتب سعودى كتابه وايد زين عن الدين
ويعطيكم العافيه

 

[LoloBlueStyle]

بارك الله فيج ......
والله يعطيج على نيتج الصافيه ا
وبشرينا بالنتايج

 

[فراشه]

مشكوررررررين حبايبى وماقصرتوووووو
وانا لقيت كتاب عن توفيق الرفاعى كاتب سعودى كتابه وايد زين عن الدين
ويعطيكم العافيه

هالكتاب رووعه اسمه لك القرار فيه جواب لكل تساؤلات الغير مسلمين حاولي تدورينه اهوه مترجم كذا لغه حتى بالعربي فيه انا قاريته وااايد استفدت منه نصيحه حتى انتي اقري راح تستفيدين

 

[am_kshaa]

حبيبتى فراشه صاجه
هالكتاب يابته لى رفيجتى
نسخه عربى ونسخه انجليزى وبلشت اقرا فيه
ودقيت على مكتبه الصحوة بحولى قالى عندى بس خالص يومين وايبونه وباخذ لى نسخه بخليها عندى للحاجه لان الفلبينيه خذت النسخه الانجليزيه وماراح ترجعها لان على قولتها بتقراة وتعطيه كل رفيجاتها المدربات الى بالنادى
وانشالله يصير اسلااااااااام جماعى يارب