sweety nona ورشاقه اكيد احلى ..

[sweety nona]

سلام عليكم



وصباحكم ومساكم عسسل



انا انسانه كنت اتابعكم من خلف الكواليس .. فحبيت ابدا بصمتي في هالقسم لانه شجعني واااااااايد ..


انا عمري 19 وعرووس 2010 ان شاءالله ..

انا من دار زايد ابوظبي ^_^


طبعا هالوزن مسولي عقده ..

فقررت اضعف وبدايتي كانت من يوم وقفت ع الميزان وانصدمت


لان وصل وزني 104 .. في هاللحظه قلت ستووووووووووووب


وبفضل الله قدرت انزله لل 94



ومهمتي اليوم اني اكمل المشوار واوصل لل 90 وبعدها 85 وبعدها 80 و75 و70



ومن اليوم بديت في رجيم التمر واللبن ..



تريقت : 7 تمرات وحليب قليل الدسم

وشربت ماي كوبين ..




واهم شي تشجيعكم هو اللي بيساعدني اوصل للهدف


وترقبوني يوم الجمعه بوزني اليديد باذن الله ..


واللي حابه تشترك حياهالله ..

 

[ام فجور 2008]

الله يوفقج
انا كان وزني 106
صح اني مان زلت وايد بس الحمدلله الحين وزني 85
واليوم رديت لرجيمي عنند طالب الشمري وانشاءالله انزل

 

[شيخة الغراشيب]

مرحبا ملايييييييين ولايكفون
هلا والله ببنت بلادي هلا ببنت زايد
اشحالج ربج الا بخير وسهاله والف مبروك مقدما غناتي
وان شاءالله تضعفين وانتي بصحه وسلامه وتكونين احلى
عروس وحياج الله لو المنتدى مايشلج عيونه تشيلج
وانا صارلي باديه ثاني اسبوع رجيم وان شاءالله بكتب
لج يومياتي شو كلت وشو سويت وسجليني من ضمن طالباتج
يالله خلينا نشجع ونسوي ويا بعض ونستفيد الخبرات

 

[sweety nona]

الله يوفقج
انا كان وزني 106
صح اني مان زلت وايد بس الحمدلله الحين وزني 85
واليوم رديت لرجيمي عنند طالب الشمري وانشاءالله انزل

يالله بالتوووفيق حبيبتي


وان شاءالله بتنزلين اكثر ^_^

 

[sweety nona]

مرحبا ملايييييييين ولايكفون
هلا والله ببنت بلادي هلا ببنت زايد
اشحالج ربج الا بخير وسهاله والف مبروك مقدما غناتي
وان شاءالله تضعفين وانتي بصحه وسلامه وتكونين احلى
عروس وحياج الله لو المنتدى مايشلج عيونه تشيلج
وانا صارلي باديه ثاني اسبوع رجيم وان شاءالله بكتب
لج يومياتي شو كلت وشو سويت وسجليني من ضمن طالباتج
يالله خلينا نشجع ونسوي ويا بعض ونستفيد الخبرات

مرحبا بج زوود غناتي

وانا بخير يعلج الخير


وربي يسمع منج واضعف بصحه وسلامه


وبالتوووفيق


بس كم وزنج وطولج ؟

 

[شيخة الغراشيب]

مرحبا بج زوود غناتي

وانا بخير يعلج الخير


وربي يسمع منج واضعف بصحه وسلامه


وبالتوووفيق


بس كم وزنج وطولج ؟

يعلج دوم مهب يوم ياربي
وزني الله يسلمج 70.8 وطولي 160
وخاطري اضعف لين 55 يالله عشان جذه بنتشجع انا وانتي واكتبي يومياتج شو كلتي شو تسوين
انا ماشيه على نظامي الاسبوع الثاني وخلصت من الاسبوع الاول وناويه هالشهر ان شاءالله اواصل
اربع اسابيع بالتمام والكمال وربي يقدرني يارب وكلنا نضعف

 

[sweety nona]

باذن الله ^_^

 

[sweety nona]

تغديت 7 تمرات ولبن


واحين بشرب مااااي

 

[الحــــالمة]

مووووووووفقات حبيبااااتي

وان شاء الله توصلون للي تبووووووون

 

[شيخة الغراشيب]

اللهم آمييييييييين
تغديت دياي على الفحم+سلطه+عصير

 

[كراميلا مرة]

بالتوفيق حبيباتي الامارتايات والكويتيات
يا حبي لكم

 

[ام داااني]

شلونكم يابنات ويارب كلنا نضعف انا حدي مستانسة لاني نزلت 4 كيلو باسبوعين عند طالب الشمري كان وزني 91 صار 87 وانشالله اكمل ليييييييييييييييي 55 بالمشمش بس الله كريم ليش لأ
ودي اسمع قصص بنات نزلوا وايد وصاروا يلبسون ويستانسون عشان نتشجع؟؟؟؟؟

 

[شيخة الغراشيب]

بخير غناتي ام داااني اشحالج انتي .. الف مبروك على النزول استمري وان شاءالله بتنزلين اكثر وانا بعد خاطري يكون وزني 55 يارب تضعفنا باقرب وقت
انا غناتي كان وزني احم احم 114 بداية الرجيم والحين بفضل الله 70.8 وطولي 160
يالله ان شاءالله يكون لج دافع وتنزلين وانتي بصحه وعافيه ياربي

تسلمين غناتي كراميلا مره اجمعين

اليوم الصبح مامشيت وشربت ليمون على الريق وبعدها شاي اعشاب
بعدني ماتريقت