°ˆ~*¤®‰«ô_°ديوانية أمهات ذوي الإحتياجات الخاصة°_ô»‰®¤*~ˆ°

[مشاعل الشمري]

صبحج الله بالخير والنور والكرامه شلونج يا بركتنا شلونج؟
الصابرة على طاري النوير ترى ما شاء الله الكويت تزهى فيه ولله الحمد

 

[الصابرة المحتسبة]

هلا ومسهلا ببركة الديوانية
شلونج اليوم بشري لقيتي خدامه؟؟؟

مشاعل النوير قبل بكل مكان القاه

 

[مشاعل الشمري]

لا احين ما كو شي مثل قبل انسي يختي كل شي اختلف سبحان الله

بس موجود النوير وصلجه
امس اقول لابنيتي والله يما هذا قبل لا بالاخص بالسبعينات بكل مكان

 

[مباركيه]

هلا وغلا بالحبايب ---لاوالله يالصابرة تبت بعد ماني ماخذة مسترجعة

طلبت لي وحدة يديدة---بعلمها على ايدي----والله المستعان

 

[مباركيه]

لا احين ما كو شي مثل قبل انسي يختي كل شي اختلف سبحان الله

بس موجود النوير وصلجه
امس اقول لابنيتي والله يما هذا قبل لا بالاخص بالسبعينات بكل مكان

اي والله صدقتي النوير قبل نشوفه بكل مكان

يا حلو ايام السبعينيات---احلى ايام واحلى ناس

 

[الصابرة المحتسبة]

شعوله الله على ايام قبل ليتها تعود

مباركية المسترجعه بلاويها واجد والجديدة زين على زين اذا كانت تشتغل من قبل يارب يوفقج بوحده سنعه

 

[مباركيه]

شعوله الله على ايام قبل ليتها تعود

مباركية المسترجعه بلاويها واجد والجديدة زين على زين اذا كانت تشتغل من قبل يارب يوفقج بوحده سنعه

الله كريم الله يعوضني ان شاء الله

 

[مباركيه]

يا حلو هالصباح اللي اتصبح فيه بهالوجيه الطيبة

 

[ام ناييف]

صباح الخير والسعادة للجميع
المباركية الجديدة احسن لج من المسترجعه
تعلمينها على كيقج عن تجربة جبت الحين وحده مشتغله قبل
ماذيتني ما تسمع الكلام عدل عكس الجدد يحفظون الكلام صم
والله يوفقج
ولا تنسين اول ما تشوفينها تدعين اللهم اعطني خيرها وخير ما جبلت عليه
واكفني شرها وشر ما جبلت عليه
هم عن تجربة

 

[الصابرة المحتسبة]

هلا بام نايف شلونج وشلون بنيتج ووليدج
وجزاج الله خير على الدعاء

 

[مباركيه]

صبحج الله بالخير والنوير يا ام نايف

والله يجزاج خير يالطيبة----صدقتي والله

الله يعطيني خيرها ويكفيني شرها

 

[الصابرة المحتسبة]

شوفوا النوير شحلاته

 

[مشاعل الشمري]

هلا والله بام نايف الغاليه
والله اهما ضربة حظ هالخدم والله يرزقج بوحدة زينه
الله يالصابرة الله يفتح نفسج على هالنوير الزاهي

 

[مباركيه]

شوفوا النوير شحلاته

الله يا من يغطسني فيه

 

[ام ناييف]

هلا بالصابرة والمباركية ومشاعل

يقولج الخدامه مثل الرقية انت وحظج
ما يصير شرط السكين

يا حلو النوير شوفته ترد الروح
المباركية تعالي نطب مع بعض

 

[الصابرة المحتسبة]

صح لسانج يا ام ناييف

 

[ام ناييف]

الصابرة عيالي يسلمون عليج يا الغالية
باخذ اجازة اسبوعين وبروح اسوي لها علاج طبيعي وافكر اروح الرياض في مركز هناك يمدحونه
بس ادعولي المدير يوقع اجازتي كل ما سجلت اجازة رفضها الا اذا جاه زوجي وقعها على طول ناس تخاف ما تختشيش
حسبي الله ونعم الوكيل مع ان رصيدي فايض بس ما اقول الا حسبي الله ونعم الوكيل

 

[الصابرة المحتسبة]

الله يبشرج بالخير

ويارب يسهل أمركم ولايخسر التعب تستاهلين كل خير يالطيبة

 

[نهى الأحمد]

صباح الخير حبيباتي أمهات الصبر والتحدي


اوافيكم بآخر الردود عن نظرة البنات للمعاقين وذوي الاحتياجات الخاصة


http://www.q8yat.net/showthread.php?t=562118&page=2

 

[الصابرة المحتسبة]

هلا بنهى
يعطيج العافية وعسى ربي يرزقج باللي تمنينه