~¤ô¦ô¤~ دوانية رشيقات المستقبل ~¤ô¦ô¤~الجزء الثاني

[just-me]

زيون انا هني كاني شمتني ما شفتيني ؟؟؟

انا جسوت بس يمكن ليش مع المتن الويه صاير قنجه ماعرفتيني !!

 

[just-me]

جسوت .. تصدقين ما عرفتج !!

خلاص بس بانتحر

 

[زيـنـه]

جسوت .. كلش كلش ضميرج مو مأنبج !!

 

[mn.mn]

هلا والله بسمسية وجسوت نورت الدوانية

سمسم انا رايي من راي زيون وتعيش تعيش رجيمات العبد

جسوت مت من الضحك على الفاصل الكوميدي اللي قريته بالصفحة اللي طافت والله نعنشت الدوانية بطلتج البهية

تعالي شلون جوجو مع امتحان العلوم اليوم ؟

وانا بعد ترى خايرتها هالايام نفسيتي تعبانة من امتحانات ولدي >>> يعني مقلدة جسوت

وجواب سؤالي المعتاد غداي اليوم مرررررربين >>> حدها توحي اني بطب بالجدر مثل ما تسوي جسوت اشمعنه ؟!؟!؟!

 

[just-me]

والله مأنبني اصلا اكل و اخز فخوذي

لا و باس قوي كل يوم اركب الميزان --->شكو ؟؟؟

زيون انقذيني انقذيني اذا استمريت جذي او اذا دخلت المرحله الثانية

عاد هذي اللي ما تغشمر أروح فيها

هالمرحلة الله يسلمج وانا بالسيارة ديد ديد عند راعي المطعم غير هذيج البلعه اروح مطعم

To go او drive through يا برد يا بطاط يا وجبه و اكل بالسيارة و ارجع البيت

جنه شي ماصار... عاد هالمرحله انا مسميتها الانهيار العصبي الله لا يردها

 

[just-me]

هلا والله بالغالية من من و الله روحي ردت من طليت عليكم

سكتي على هالمربين ترا بالجمعيات اكو فلفل هندي صغار أحمر دقيه مع ثوم

و زيت زيتون وليمون وادعي علي قصدي ادعي لي ههههههه

جوجو زينه بس تقول ما عرفت تجاوب سؤال عن القندس !!!!

جوجو امرها هين بعدها تحوس بالابتدائي الحجي الاخت الهانم المراهقة العودة

الله يستر احياء كيميا فيزيا زفت طين بلوه عله واااااااي صج بانتحر

تلوموني ؟؟؟؟؟

 

[بطة رشيقة]

مممممممم جسوووت .. ومنمن ,,,, حالتكم صعبه !!!! شفيكم عسى ما شر ..؟ وبعدين لى متى يعنى !!!! ----->يعنى معصبه عليهم ..

شلونكم عساكم بخير .. والله بنات غميضه عليكم شدوا الحيل لى متى نفسيتنا تعبانه عشان امتحان وعشان دوره وعشان هوشه مو قوزو وعشااان ... وعشااان الى متى الى متى :eh_s(13):

والله خايفه عليكم على رشاااقتكم ... :ceaf32e183:

سمسم حبيبتى ... انا اقول وقفى دايت سنتر وشدى حيلج وسوى رجيم بالبيت وترى والله نفس الشى ونفس الاكل انتى بس شدى حيلج

وخلى اكلج صحى .. يعنى امشى على نظام معين مثل نظام العبد وشدى حيلج ..

بس بنات قولواااا ستوووب ..

جسوووت شخبارج شمسويه عساج طيبه .. وايد فقدناج -----> عقب ما شخلت البنت تسلم عليها :fun:

عساج بخير صج صج صج فقدناج والدوانيه بدووونج مو حلوه ..

الله يخليج لنا ولا يحرمنا منج يا جسووته

​

 

[just-me]

طايحه فيه طيحه




طيح الله حظ ابليس اللي يوسوس لي عشان اكله هههههه





عاد ما قلتي لنا مربين ربيان ناشف والا طري؟؟؟----> وانتي شكو خرابوه

 

[just-me]

حبتج خالتج و ريلج بعد عمري بطه ... انا والله اللي ضايعه بدونكم بس شسوي

الحجج خلصت و مالي ويه قلت خل اطينها عشان ارد على معني

والله انا احبكم بالله اكثر عسى الله لا يحرمنا من بعض

وحيا الله الملكه بنانتنا

سمسمية ياقلبي شلونج ... انا باعطيج رأي مغاير ---> اسمع يالفصحي

غيري الشركة جربي كالوي كونترول او قورميه ...

 

[just-me]

على فكره غدانا برياني دياي كلش كلش مو لذيذ و لا خنين و لا يهبل

مو حلو حو حلو واااااي من الحين قمت ابولع بريقي

انا اخليكم الحين و اطل قريب

أحبكم .... سلام

 

[mn.mn]

لووووووووووووول جسوت ما سوت عليج قلت لج غدانا مربين وانا مو من ربع المعبوج دقوس غراش يفي بالغرض

والربيان طررررري :eh_s(3):

بطبط بعد عمري ترى انتي الصح واحنا الغلط ولا تحاتين انا مو مخربتها على الآخر يعني نص ونص رااااضية بالثبات

 

[زيـنـه]

" لكل فعل رد فعل .. يساويه في المقدار و يعاكسه في الاتجاه "

عاد فكروا ليش قلت لكم جذي .


المهم : ليش دايما تحطون اسباب للتخربط .. و الكلام لي بعد .. يعني تقولون نفسيه و عيالكم امتحانات و الدوره .. الخ ..و انا هم معاكم على سالفة السفره .. يعني بصراحه ورقة الريجيم طول الوقت بجنطتي مع اني حفظتها .. والريال ا قصر حاط لي اختيارات ما احلم فيها باي ريجيم ..بس يبيله نظام و التزام .. يعني ليش ؟
و الله كنت امشي و اقول اقدر اكل جذي و مسموح لي ..بس ليش احط شي زياده على المسموح و اخرب الوجبه و بالتالي اخرب اليوم بكبره واقول من باجر .. و يضيق خلقي .

بصراحه .. لي متى .. صرت مثلج بطبط .. اتديرف بين 83 و 84 و 82 .
و اللي يبيلي مو وايد و الناس تقطه بشهر و نص و الا شهرين .. وانا بشهر 2 الياي .. باكمل سنه من عرفتكم هالمعرفه الطيبه و نزولي محدود!!

الصراحه .. لا تخربط بعد اليوم .. و الالتزام التام طريق الرشاقه .
ربي يقوي ارادتنا و يجمعنا على الطاعه والالتزام بالدين و بالريجيم ---> خووووش حجوه .

و الا شرايكم ؟

 

[بطة رشيقة]

عاشت عاشت الخطبه العصمااااء عفيه على زيونه ..

وجسووووووت ربى يقدرنا ويحفظنا ويعينا ويقوى ارادتنا ...

 

[زيـنـه]

بطبط .. شاسوي .. لابد من هالكلام التشجيعي جود نحس كلنا

 

[ام فجور 2008]

http://www.q8yat.net/showthread.php?p=15150888&posted=1#post15150888

بنات شوفوا امس وين رحت

 

[زيـنـه]

ام فجور .. عليج بالعافيه المشتروات

 

[ام فجور 2008]

يعافيج ياقلبي

 

[زيـنـه]

مسا الخير
شلونكم ؟

انا اموري تمام و الحمدلله ربي بارك بوقتي وقدرت امشي .. و ان شاء الله يصير المشي عاده بالنسبه لي .

اتمنى اثار اللوثه الريجيميه اللي الاسبوع اللي فات تروح و تختفي .

 

[ام فجور 2008]

صباح الخير
قاعدة اشرب نسكافيه وبرة الجو هواااااااااااااااااااااااااا بارررررد

 

[سمسميه]

سمسمسه .. اهلين و سهلين .. المساله ما فيها .. يا اما .. يا او
يعني .. يا اما تكملين و انتي ماله .. و ما انصحج لان بتتعب نفسيتج .
او .. تسوين ريجيم بنفسج من ريجيمات المطوع ..شحلوها .. ما تحسين بيوع .. و راح تغيرين نظام اكلج .. و هم تكسرين ريجيمج على الاقل اسبوعين.
و لا تقولين ما اقدر التزم بروحي .. تقدرين لان المعده صغرت و ما تبين هم تخربين شغل دايت كير و النزول الحلو اللي نزليته .

و الا شرايج ؟

بس تدرين زيونه دايت كير خلوني انظبط وما اخرب
خايفه اذا اعتمدت بروحي على الرجيم اعفس الدنيا مادري شسوي؟وبنفس الوقت ماله من المنيو:27d66a9c24b146327bf