~¤ô¦ô¤~ دوانية رشيقات المستقبل ~¤ô¦ô¤~الجزء الثاني

[ام فجور 2008]

اهلين بطبط
شلونج جم وزنج ههههههههههه

 

[teenaa]

صباح الخير انا ببدى بدايه من اليوم باراده

 

[بطة رشيقة]

هلا فيكم صبحكم الله الخير والورد والنوير ..

انا تمام الحمدلله .. بخير الله يسلمكم ..

انتوا شلوونكم ..

ام فجوره حبيبتى .. والله ما قايست فما ادرى جم وزنى

تينا قود قود ..

اليوم تريقت توست وجبن وطماط وعصير فواكه مشكله ..

وين الباجى ..؟

 

[ام فجور 2008]

تينو الله يوفقج
انا شربت نسكافيه
وريوقي الساعه 11 او عشر الدكتور قالي اخريه وبيكون ريوقي صمونة جبن فيتا ودايت
وبتغدا شوربة
تينا متى مراجعتج عند الدكتور
انا امس وزني كان 84.2 مادري متى اشوف ال 83 :0bee2e8d89:
يمكن مو اكيد اروح حق طالب يوم الخميس مو اكيد على حسب الظروف

 

[mn.mn]

صباح الخير

شلونكم وشخباركم ؟

انا طبعا بالويك اند ماكو رجيم واليوم رديت التزمت الله يسهل الامور مادري لي متى على هالحال ما بين مد وجزر

ريوقي اليوم توست وجبن ومرتديلا وسلطة وجاي حليب والسناك راح يكون نسكافيه

مزاجي متعكر باجر تبدي امتحانات ولدي والله يعيني عالنفسية ويعدي الاسبوع على خير

وبعد شخباركم ؟

 

[ام فجور 2008]

من من الله يوفقهم وبالعافيه

 

[بطة رشيقة]

هلا فيكم كلكم .. ام فجوره بالعافيه الريوق ..

منمن هلا والله صباح الورد ربى يوفق وليدج فى الامتحانات وان شالله رربى يفتح على بصره وبصيرته ويوفقه ويبارك لج فيه ان شالله ..

وتعوووذى من بليس وان شالله كلها اسبوع يمر بسرعه .. وسعى سدرج وكلش كلش اذا تازمتى سوى الاسبوع هذا كله فرى عشان تدرسينه عدل !!!!! خخخخخخخخخ

 

[زيـنـه]

هللو

فقدتووونييييي ؟؟؟

 

[~*~الملكة~*~]

صباح الخير

ام فجووره وبطه رشيقه

مشكوورين على التشجيييع

ابي اضعف باي طرريقه

انا طلبت حبوب بذرة الكتان بس للحين ماوصلتلي

شرايكم فيها ؟؟؟

 

[teenaa]

ام فجور على اساس مراجعتنا السبت مابي اروح وانا مو نازله بوعد نفسي اني التزم وربي يساعدني

 

[ام فجور 2008]

الملكة انا ماجربتها ولا سمعت فيها
بس الدكتور عبدالله المطوع ماقال عن الحبوب تكلم عنا لبذرة نفسها نحطها مع روب

تينا الله يوفقنا انا جذي قلت ماني رايحة لها لا لمن اشوف ال83 على الاقل

زيووووووووووون القمر من وين طالع

انا توني قبل شوي اكلت حبوب ايزي لاكس لان حبوب الدكتور خلصوا والحين بتريق علي بالعافيه صمونة امريكانا جبن فيتا

 

[بطة رشيقة]

باااااك واى عصبت ملف ضاااايع وعيزت ادوره واخر شى طلع عند ريئس القسم وما يدرى وكل ما سألت عنه قال مو عندى افففف عصبت ...

هلا فيكم كلكم ..

الملكه حياج الله وما قلتى لنا جم وزنج وطووولج .. وشنو الرجيم اللى ودج تتبعينه يعنى عطينا عنج نبذه بالحياه الرجيميه ( معاناتج مع الرجيم متينه من زمان والا طفره عمرج متزوجه والا لا ..؟ ) حشى حشى استجواب خخخخخ

زيوووووووووووووووووووووووووووووووووووووون ولكم بااااااااااااااك هلا وغلا والله انى فاقدتج واليوم اقول وينها البنيه عسى ما شر ..؟ عساج بخير بشرينا عنج ..؟​

 

[ام فجور 2008]

الملكه حياج الله وما قلتى لنا جم وزنج وطووولج .. وشنو الرجيم اللى ودج تتبعينه يعنى عطينا عنج نبذه بالحياه الرجيميه ( معاناتج مع الرجيم متينه من زمان والا طفره عمرج متزوجه والا لا ..؟ ) حشى حشى استجواب خخخخخ

بطبط شهالتحقيق الي سويته مسكينة الله يعينها :dddds:

 

[زيـنـه]

اهلا و سهلا .. و مرحبا الساع ---> كنت في دبي ..و الحمدلله على سلامتي

طبعا في دبي .. ماكو ريجيم .. مع ان اختيارات الريجيم كلها كانت متاحه بس تابى المروءه اسوي ريجيم بالسفر .. شلون و يا هل كيف !

فرديت باقل اضرار ممكنه و بزيادة كيلو و نص .. و تعالا و بص !

عموما .. اجلت موعدي المزعوم اللي المفروض امس .. و خليته 7-2 على امل انقص 3 كيلوات ---> احلام و الا اقدر ؟

ان شاء الله اقدر .. و رديت على برنامجي اليوم .


شخباركم ؟؟ اي تقارير عن الميزان و الا ما توزنون ؟؟

 

[ام فجور 2008]

زيون الحمدلله علا سلامتج وزين سويتي غيرتي جو
انا وزني هذا سيفو وهذا خراجينه ههههه 84.2
مادري متىا شوف 83

 

[mn.mn]

يا هلا ويا مرحبا باللي لفانا هلا والله بزيون والحمد الله على السلامة وبالعافية السفرة

وان شاء الله كانت سفرة لطيفة وما اعتقد انها خفيفة

بطبط قولي يا جامع الناس اجمعني بضالتي وانا بالنسبة لي ما آخذ الاسبوع فري لان هالشي راح يضيق خلقي زيادة

بستحمل على الأقل لي الخميس عشان انفتح بالويك اند بس يمكن ازرق أشياء مني ومناك

الملكة حياج الله بالدوانية

تينا ما عليه حتى اذا مو نازلة روحي على الأقل تغيرين الرجيم عشان ما تملين

أم فجور الله يعافيج وربي يوفق عيالكم كلكم والتزمي عشان توعين ال 80

انا المفروض كان سناكي نسكافيه صار بقدرة قادر نسكافيه وكتكات

 

[ام فجور 2008]

انا المفروض كان سناكي نسكافيه صار بقدرة قادر نسكافيه وكتكات

عادي من من انا بقدرة قادر يزيد عندي الكاكاو بدل الواحد اثنين

 

[mn.mn]

أم فجور لا تسوين هالحركة وايد حرام هذا اللي يخرب علينا

 

[ام فجور 2008]

أم فجور لا تسوين هالحركة وايد حرام هذا اللي يخرب علينا

ما تصير هالحركة الا يوم الخميس بيوم الزوارة :0bee2e8d89:
بنات شخباركم مع السوق :ggdw: :ggdw:
ودي اروح بس قايله ماني شارية الا لمن اضعف ههههههههههه اذا بشتري يمكن اشتري نفانيف قصار حق البيت بس ابي اشياء حق الطلعه ما احب البس بنطلون :0bee2e8d89:

 

[زيـنـه]

ام فجور .. يسلمج

من من .. يسلمج ايضا

سناكي جاي اخضر و لوز و يوز .


شكو ماكو ؟