قسمي معاشج وعن خبرة مع @ الرسامة @

[مزيونه وشقره]

كيوت ماشاء الله عليج سنعه لا اله الا الله



مع تحياتي يا حياتي

مزيونه وشقره​

 

[وسن 11]

كيوت_25 جزاج الله خير

 

[كيوت_25]

جميع اقتراحاتجطبقتها من قبل عشرتعشسنة وما نفعت الحين معاشي فوق الالف ومو قادرة اوفر فلس واحد الحل الوحيد علشان نقدر نوفر لازم التجار والحكومات تراعي حال الشعب والناس بالاسعار قبل كانت العشرة تسوي شغل بجمعية او بسوق الحين اقل دخلة للجمعية وباشياء بسيطة طلع حسابج خمسين او ستين دينار والله ما اقول الا الله يساعد الرياييل

صاجه الله يعين الرياييل

بس لا نخلي التجار و الحكومه شماعه نعلق فيها اخطائنا :eh_s(4):

يبا احنا شعب استهلاكي درجه اولى :eh_s(2):

و لا بذمتج

انتي ألف و انا 850 دك

بذمتج

كل شهر نصرفهم كــلـهــم على شنو ؟!؟!؟

بتقولين التزامات

حسبي معاي

قسط سياره, ايجار بيت , مصروف جمعيه, سوق, مطاعم سينما , طوارئ ...

يعني ان ذبحتي عمرج ذبحتي عمرج

حول 700دك


يا الله شصار على 300 دك

و سؤال السوق كل شهر ؟!؟! المطاعم و السينما كل شهر ؟!؟!؟

ادري بتقولون مو كل شهر ... إلا ... بالشهر اكثر من مره



اهـــاااااااااا


وصلتو خير :eh_s(15):



يعني


الزبده

نـعـيـب زمانــنـا و الـعـيـب فــيـنا :eh_s(1):

انا اقول لا تتشائمين و ردي راجعي حساباتج و وفري الفلس الابيض لليوم الاسود و الله يوفق الجميع

 

[كيوت_25]

كيوت ماشاء الله عليج سنعه لا اله الا الله



مع تحياتي يا حياتي

مزيونه وشقره​

تـسـلـمـيـن يا الغاليه


شهاده اعتز فيها :eh_s(9):

لانج ام السنع كله :eh_s(7): و لا هانوا الجميع


قليل من ما عندكم يا المزيونه :eh_s(3):

 

[كيوت_25]

كيوت_25 جزاج الله خير

تسلمين حبيبتي :eh_s(8): ​

 

[كيوت_25]

بس بـغيـت تسمح لـي الـرسـامـه :eh_s(21): اذا خـذيـت راحـتي في موضـوعها

بس و الله لاني بغـيـت انـصح خواتي الكويتيات

لانه هالنقطه وايد مهمه و احنا للاسف مبـذرات و لازم نـمسك ايـدنا شوي :eh_s(4): :eh_s(4):

سمـحـيـلي يا الغـالـيـه :eh_s(8): :eh_s(7): ​

 

[أحب ترابها]

الغاليه الرسامه والغاليه كيوت مشكوررررات علي نصايحكم خلتوني اعيد حساباتي ثلاثتعش سنه من العمل وما فكرت اوفر بس انا الي لاعب بميزانيتي المجاملات الاجتماعيه" هدايا ,عزايم مواجيب ..الخ

 

[قهوة عربية]

تبارك الرحمن ياكيوت 25

خوووووووووش طريقة وخووووووووش فكرة عشان تيمعين

جزاك الله خير ...وإن شاء الله بسوي نفس طريقتج

تسلمين ياعمري على المجهود

وتسلمين يالرسامة على الموضوع وعلى طرح خبراتكم عشان البنات يستفيدون

في ميزان حسناتكم آميييين

 

[ام عبود_q8]

ما شاء الله خوش فكرة ..
جان زين اقدر امسك نفسي وامشي على هالطريقة بس الشكوى لله الله يعيني على نفسي ..

ادعوا لي بنات انا من النوع المسرف حيييل ولا يقعد عندي فلس بعد يوميين من المعاش او ثلاثة بالكثيييير الله يهديني ودي امسك نفسي بس ياربي السوق حيييل غالي وانت من تدخليينه ودج تشترينه كله..
والله يابنات دايم زوجي يقولي انت مسرفة وهو معاه حق..

 

[سنـــــا]

بحااااااااااااول مشكــــــــــــــــــــــــوره

 

[مش بالكلام]

مشكورة الرسامه خوش طريقه

بجربهااااااااا واقولج النتيجه

 

[brbecan]

والله ما نقدر جان زي نقدر
بس يعطيج اف عافيه عالتنبيه

 

[shoosh]

thanx rasama & cute

 

[شكليطه]

خوش موضوع والله.........يسلمو بنات ....كل اللي حط فكرته وتجربته


والله احنا الشكوى لله ايدنا مشخاااااااااااااااااال


الحمدلله على كل حال........ويارب يبعدنا عن البخل والاسراف


انا بقول تجربتي وان شاءالله تفيدكم

هذا الله وكيلكم قبل لالالالالالالالا اتوظف امي وابوي يابعد عمري عمرهم اشتغلوا علي نصايح بالتوفير

ههههههههههههههههههههههه خنت حيلي يدرون منو بنتهم

امي تختررع اذا شافت في بوكي ربع دينار.......تحسبني مريضه

لان دايم تقولي انتي ايدج تحكج على الفلوس.......تتحسفين تنامين وبوكج فيه فلوس..........
والله كاسر خاطري الحرامي اللي بيبوقج بينصدم صدمه عمره

هههههههههههه


المهم......شلون قدروا يقنعوني ويضربون على الوتر الحساس؟؟

قالوا لي: الفلوس تخشينها مو بخل......لأ.........بس عشان ((( لا تحتاجين لاسمح الله حق احد))))


والله عاد انا اموت ولا اطلب من احد ....حتى امي وابوي استحي اخذ منهم شي........اهما يعطون اختي واهي تحطه في بوكي اذا كنت مفلسه


المهم اول ما بديت اشتغل.......فتحت لي حساب ثاني .....وحطيت فيه مبلغ معين كإفتتاحيه.........وصرت خلاص من عقبها كل شهر ينزل المعاش
على طوووووووووول نفس اليوم بالليل او من باجر بالكثير احول مبلغ محترم


ولنفرض معاش 600.........احول حق الحساب الثاني 400

وال200 العب فيهم على كيفي...........


وطبعا يعتمد عليج المبلغ اللي تبين توفرينه

يعني احسن طريقه حسبي : اذا وفرت هالكثر من معاشي......خلال سنه جم يطلع؟؟

مثلا( 400دينار × 12 شهر = 4800 دينار))

:eh_s(6): تشوفين خلال سنه مبلغ ماشاءالله يشوووووووووووق
وهكذا......خلال 3 او 4 سنين جم يطلع لج؟؟؟؟؟

والله تستانسين من المبلغ..........

وعشان نفسج لا تضعف ......كل جم شهر اخذي اللي يمعتيه وحطيه وديعه

وشوفي ماشاءالله عقب مدة جم يبقالج









طبعا انا قاعده انصحكم وانا ماسكه عمري غصصصصصصصصصب

وابي اعتمد على روحي من جد....................واذا كلش كلش وصار ما صار راح اطلب تدخل السلطات العليا هههههههههههههههههههه

بس والله الحمدلله الحين ماكملت السنه من اشتغلت وماشاءالله عندي مبلغ مجكنم..........ودي اشتري فيه شي ثقيل حق الوالدة الله يحفظها


===========

اي صج وعلى سالفه الاظرف.........انا سامعه فيها من زمان
بس ما تنفع الا حق الناس الاقتصاديه
والا اللي نفس حلاتنا الله وكيلكم حتى لو بعطس بحط حق العطسه ظرف وفيه مبلغ وقدره



يعني احسن طريقه.............شيلي همجه سنعه على كرت.......وخليلج نتيفه تسالي













ولالالالالالالالالالالالالالالالالا تنسون حبيباتي (الصدقه)

والله ربي يبارك برزقج ويزيده سبحان الله بدون ما تحسين

 

[@ الرسامة @]

شكليطة

مشكورة على الطريقة الحلوة

 

[وسن 11]

رسامه يعطيييييج العافيه
ما عرفت هذي الطريقه الا منج وصراحه ما يجي الشهر الا بطاقتي بطاقه زوجي تصفر وطق اصبع بعد علشان جذي بطبق هذي الطريق الشهر الجاي بحزم وسطي واشمر عن ذراعي وبشوووووف يا انا يا الاسراف



يسلمووووو

 

[كيوت_25]

قوه بنات

شلونكم :eh_s(7):

هاااااااااااا شآخر أخباركم ؟

بغيت اعرف البنات الي قالوا راح نطبق طبقوا ولا ؟

و استفادوا من هالموضوع و من تجارب البنات و لا لا؟ :eh_s(6):

يا الله اعترفواااااااا :eh_s(13):






:eh_s(3):​

 

[ام الحبيب]

طريقتج وايد زينه بس ادرى مااقدر اسويها

 

[hessa82]

خووش موضووع بس الوديعه ماتييب شي..يعني ال 50000تييب لج كل شهر 200 دينار هم مو شي..واللي في بدايته يعني 25000 تيب 100 وال 12500 تييب 50 دينار ماادري
لو نستثمرها بالاسهم احسن.. بس ياخووفج لاتخسرين

 

[كيوت_25]

طريقتج وايد زينه بس ادرى مااقدر اسويها

ليش ما تقدرين تسوينها :eh_s(12):

تعوذي من ابليس

(( إِنَّ الْمُبَذِّرِينَ كَانُواْ إِخْوَانَ الشَّيَاطِينِ وَكَانَ الشَّيْطَانُ لِرَبِّهِ كَفُورًا ))


و يبي ورقه و قلم وكتبي مصاريفج الاساسيه و الباقي توفير

عقبها توكلي على الله و طبقي

و صدقيني لما تشوفين مبلغ التوفير عندج شهر على شهر قاعد يزيد عاد انتي من نفسج راح تستانسين و تزيدين المبلغ الي قاعد توفرينه

و اذا عزمتوا فتوكلوا :eh_s(15):​