قسمي معاشج وعن خبرة مع @ الرسامة @

[سفيرة حمران النواظر]

تسلمين الرسامه على هالمشاركه الرائعه والله انا امي كل ماجمعت لي فلوس اخذتهم سافرت
يعني مافايده احنا لكويتيات اكثر ناس ناقعين بالسوووق لوووووووول

 

[أحلى الجياكر]

كيوت _25 ..ما شاء الله عليج ..الله يهنيج بهالعقل
انا هدفى أشترى شاليه عيل ..كان اول شقة ...بس الحين ابى شاليه ..يعنى بحدود 50 الف ...
و سالفة اراضى عمان ..يمدحونهم ..بس انا حدى خوافة ..اخاف باجر هالعسرين يغييرون قوانينهم و يروحون فليساتى وطى

و عن تجربة مريرة ... التوفير ما تبدين فيه إلا لما تنقرصين
الله لا يعوزنا إلا لوجهه الكريم

 

[كستنائي]

حلوه الطريقه صارلي سنه ويبت مبلغ نفعني بايامي السوده ^_^

وجزاج الله خير عالطريقه الحلوه ياحلوه

 

[ملاك-77]

انا داشه السنه الثامنه

وقسما بالله ماجمعت ولا فلس كلش

اللي جاااي على قد اللي رايح

كثر مازادوا معاشي زادت مصاريفي


يبيلي حل بس المشكله الحلول كثيرة بس ماكو اراده

 

[مخروووشة]

الله يعين لن شاء

ان شاء الله بس اتوظف بسوي طريقتكم

 

[سمسمية]

انا واايد متضايقة لان معاش العطلة راح و ما سافرت ولا شريتلي جنطة ماركة والبس الي شريته عادي , يعني كله راح على خرابيط حتى قمت استحي اطلب من ريلي صج اهو مايقصر بس لي متى. بس انشالله الله يقدرني اني اقدر اوفر لو مبلغ بسيط ينفع وقت الحاجة

 

[كيوت_25]

كيوت _25 ..ما شاء الله عليج ..الله يهنيج بهالعقل
انا هدفى أشترى شاليه عيل ..كان اول شقة ...بس الحين ابى شاليه ..يعنى بحدود 50 الف ...
و سالفة اراضى عمان ..يمدحونهم ..بس انا حدى خوافة ..اخاف باجر هالعسرين يغييرون قوانينهم و يروحون فليساتى وطى و عن تجربة مريرة ... التوفير ما تبدين فيه إلا لما تنقرصين
الله لا يعوزنا إلا لوجهه الكريم

هلا حبيبتي احلى الجياكر

مشكوره حبيبتي و صاجه الواحد يخاف يغيرون قوانينهم و نتوهق

فالافضل دهنا في مكبتنا حطي فلوسج بالديره

و ترى بنات في اكتتاب شركه الاتصالات الثاله بعد جم شهر فيمعوا كثر ما تقدرون عشان تكتتبون فيه و تستفيدون باذن الله

 

[كيوت_25]

اهلا حبيبتي كيوت شكله مافي احد متحمس غيرنا
خلااااااص كيفكم بنااااات باجر نردلكم انا وكيوت مليونيرات :eh_s(8):

لا تقووولون ماقلنالكم

اي جم يمعتي كيوت؟
نطريني انا بعد فتره واقولج جم يمعت :eh_s(9):

شلونج المزيونه شخبارج

شلونكم بنات

انا وعدتكم اني راح اقولكم بعد فتره جم يمعت


وانا عند وعدي

لانه يمكن لما تعرفون اني قدرت اوفر هالمبلغ فراح تتحمسون وتبدون تيمعون



<<<< تحاول تشجعكم بكل الطرق على التوفير :eh_s(9):


اول شي صلو على النبي


صلى الله عليه و سلم


يمعت يا بنات يا حلوين يا طيبين





بالارقام


2590 دك


و بالحروف

ألفين و خمسميه و تسعين دينار كويتي فقط لا غير


و الحمد الله رب العالمين نعمه :eh_s(15):

و بجذي أكون حققت اول هدف عندي

الي هو

اني ايمع اول (( ألف دينار )) :eh_s(9):


والآن ابتدا مشوار عالم الآلاف :eh_s(20):


و صدقوني بنات انتوا بس ضغطوا على نفسكم اول 4 اشهر و بعدها راح تتعودون على التوفير


و اهم شي انكم توفرون بمبلغ كبير كثر ما تقدرون وهالشي ما يمنع انه الي ظروفها ما تسمح لها تستقطع مبلغ كبير فمو مشكله خل تبدا بمبلغ صغير و مع الايام راح تشوف مبلغ حلو


وبنات اهم شي لاتنسون


الصدقه


الصدقه


عشان ربي يبارك لكم بفلوسكم و صحتكم و اهلكم


و يا الله انا ناطره ردودكم عشان اعرف منو ابتدت تيمع و جم يمعتوا

و مزيونه انا ناطره تقولين لي جم يمعتي


و اتمنى انه قصتي فادتكم و شجعتكم على التوفير :eh_s(7):


ونشوفكم بعد فتره ان شاء الله:eh_s(8):

 

[دانتيل]

مشكوووره الرسامه انا كنت استلم راتب البعثه و الحمدللهقدرت ايمع منه تقريبا نفس طريقتج
بس شوفي كنت نص الراتب هذا اعزله بروحه.. اللي يبقى منه اقسمه جزء استهلكه و جزء طوارئ
اذا ما صار اي شي طارئ اخشه لي الشهر الياي و هكذا و بجذي ايمع مرتين
و ان شاء بطبقها لي استلمت راتب الوظيفه

مشكوووره

 

[قبوله]

جزاج الله خير حبيبتي علي النصيحه

 

[أم ضارى]

بديت من هالشهر احاول اطبق نظرية التوفير لانى والحمدلله اصرف بالهبل وبشكل موطبيعى وياريت على شى يستاهل

قسمت مصروفى كالاتى كل اسبوع 60 دينار حاولت اخليهم 50 ماقدر مصاريفى وايد (يعنى يكون الاخت شاقه المخبه )
وخليت الفيزا اللى طبعا ماقدر استغنى عنها تقريبا 170 اصرف شهريا اذا مو اكثر حق الحالات الطارئه للمستشفى او شغله حيييييييييل ضروريه لازم اشتريها وماتأجل

وهم حطيت مبلغ لهدايا والمواجيب واللذى منه

وان شاء الله اصمد وماحط المعاش كله واحرقه

جنه صج وايد متحمسه والله كريم

بنات منو بعد بدا هالشهر ينظم معاشه ؟؟ خل انشجع بعض اخاف شهرين واخق

 

[@ الرسامة @]

عفية عليج


بنات يالله وفرو
انا علمت هالطريقة خواتي
ولله الحمد وفرو مبالغ وايد حلوة

 

[أم ضارى]

الرسامه ......... يافرحه ماتمت كتبت هالكلمتين من صوب وطحت مريضه من صوب ومن مستشفى لى مستشفى وهاتك ياتحاليل وادويه كلت هدب عينى ... الله كريم وتطلع بنتيجه واتشافى ان شاء الله

بس هم راح اصمد هالشهر حاله طارئه وان شاء الله الشهر الياي تتعدل

 

[@ الرسامة @]

انااااااااا لله

يامعودة مرة ثانية لاتحجين الله يكافيج شر العين

 

[دلوعة حمني]

الحمدلله كنت بادية توفير من شهر 6 و وصل مبلغ حلو على الرغم من اني اصرف.... بس والله نفعني وااايد
ولدي اسم الله عليه تعب و طاح مريض..ادعوله يا بنات
و الصراحة وديته الصباح اول شيء... ليش زوجي كان فعلا مفلس مافي جيبه غير 40 دينار... من المعاش...
و اول ما شج النور طلعته من الصباح و وديته دار الشفا.... صج خذوا مبلغ محترم بس والله بدهية ماهمني اهم شيء ان ولدي بعافية... صج التوفير ينفع... ادعولي يا بنات اكمل توفير ...

 

[june_m00n]

مشكووره واييد الرسامه على الطريقه الحلوه للتوفير

انا حطيت لي حساب بالبنك ولا طلعت له كرت ولا شي
احول مباشره من الحساب الي ينزل فيه الراتب على طول حق هالحساب

صج ان ساعات تسول لي نفسي واحول بالكمبيوتر ههههههههههه ( ما سوينا شي )

بس ميخالف هم زين على الاقل اتثيقل التحويل وبالتالي ما اصرف

مشكوره مره ثانيه والله يبارك لج بمالج وصحتج وعافييتج واهلج

 

[Brounzi_girlly]

صراحة آنا اتبعت أسلوب التوفير بعد ماقريت موضوع أختي الرسامة صج مبالغ زهيدة بس والله تنفع حزة الضيجة
الله يوسع علينا ويرزقنا وأياكم
مع التحية............................................

 

[* عباية راس *]

الرسامه فتحت الصفحه أكثر من مره مايطلع لي شي من اللي انتي كاتبته

ساعديني واللي يسلمج

انتي حاطه الموضوع بصورة ؟ مادري ليش مايطلع حاولت كذا مره

 

[shadona]

و اانا ليش مو طالع عندي الموضوع ؟؟؟؟؟؟

بس العنوان ماكو شى !!!!!!!!!!!!!!!!!!!!!!!

 

[@ الرسامة @]

غريبة انا توني مجيكة على الموضوع وفاتح عندي

ماعليه جيكو مرة ثانية ماعليكم امر