قسمي معاشج وعن خبرة مع @ الرسامة @

[دمثة]

انا لي اربع سنوات ايمع واحطهم بحساب توفير وارد اسحبهم ماكو ارادة تخلين صدة عنهم

 

[السيامية]

مشكوره بس الي عنده باقي معاش(الي جي اد الرايح والله)

 

[الغرور1]

معقووووووووووووووووووله مافي ولا وحده

جمعت من بداية وظيفتها؟؟؟؟؟؟؟؟؟؟؟؟

وانا طاقه الصدر واقول بحووووش من اول مااتوظف

بس صج لاااااااااااااااااااااازم احطلي خطة توفير

المصيبه كل خواتي يقولولي هذا بس حجي

لي توظفتي اقل شي اول ست شهووور

مايبقا لج ولا فلس لي الشهر اللي بعده

واااااااااااااااااااااااي

شلون

انا عندي خطط بكمل دراستي وبشتريلي سياره

وبغير اثاث غرفتي

احد يسااااااااااااااااااعدني شلون اسوي كل هذا وااوفر بعد؟؟؟؟؟؟؟؟؟؟؟؟؟

 

[زنوبة الحلوة]

مشكووووووووووووووورة

ويعطيج الف عافية

انا وحدة الصراحة متبعة هالاسلوب صارلي ثلاث شهور

وشغل عدل والله

مع العلم صارلي سنتين ونص اشتغل وما يمعت ولا فلس

بس الحين الحمدالله تعدل الحال ويمعتلي فلسين

 

[م فطومه]

وين نقدرؤ نوفر وورانا هالريل ( الزوج ) طبعا الزووووووووووج الكويتي شايل ايدة من كل شي

لامصرف ولا هم يحزنووون خلييييييييييييييها على الله

 

[شكليطه]

حبوبه فطومه تسمحين لي بهالكلمه


حبوبه اهو ملزوم يصرف................يعني انتي تصرفين هذا طيب منج ومساهمة لكن منتي مجبوره
اهو اللي مجبور


الالالالالا في حاله وحدة



اذا انتي عودتيه على هالشي.........بصراحه حزتها تحملي



اعطيج مثال

اعرف وحده من اول زواجها كانت نفسج.........كلش شي اهي تشتريه وتدفعه حتى السيايير وتصليحات البيت
والحبيب كل ماله ويمسك ايده اكثر ويزيد جعاصه...........اخر شي ماتت ماتت

وعيالها يتهم عقده بسبب بخل ابوهم وامهم ما تلحق على طلباتهم


بس الحين عقب مااااااااااااااااااااااا كل عيالها كبروا واشتغلوا..........بطت الجيس مثل مايقولون


لكن عقب شنو؟؟

عقب ماحطت دم قلبها على البيت من الطابوق لما الكلنكس

والكل قام يتكلم فيها.........يعني عسا ما لبست والا شرت قالوا اي من عقب الحزره قامت تتكشخ

اشيسوا عليها هالكلام


مع ان كان في مقدورها تكشخ وتلبس وتصرف وتستانس ايام شبابها......لو مخليه زوجها اهو اللي يتحمل مصاريف البيت


يعني الوحدة مو عيب تساهم مع زوجها لكن بحدود.........ولازم ماتخليه يتكل عليها بكل شي

 

[م فطومه]

لاتقولين جذي ماتقدرين تشوفين قصور في بيتج ولا عيالج وماتصرفين انا اصرف على بيتي مو على شي ثاني واذا على الريل كلة ماعندي وماتقدرين تشوفين اعيالج يبون شي وماتشترينة



مو مساله معودتة على عدم الصرف على البيت بس متطلبات الحياة ماتسمع لزوجي واغلب الازواج على الصرف على البيت

 

[شكليطه]

الله يعين اختي


بس انا حبيت اقول هالكلمتين لما قريت كلامج وقلتي (شايل ايده من كل شي)

عشان جذي رديت


والا بالعكس تصرفج حلو ان تكملين الناقص في بيتج وعيالج.......وتساعدين زوجج ماديا


واكو فرق بين المساعدة وبين تحمل المسؤولية كااااااااااملة


والله يوفق الكل ان شاءالله

 

[مطيريه ماركه]

الرسامه على اني طالبه بس عندي فلوس والله جنه يديني فيها خرق مااجمع كللللللللش

يعطيج العافيه بجرب طريقتج

 

[ترانيم العود]

مشكوووووووووووره

 

[*الوهج*]

مشكورة على الموضوع فعلا مهم....ولازم نحاول التوفير.

 

[^kloOot^]

اى والله لازم انوفر

 

[nwayeer]

المصيبة كل ما اقول بوفر هالشهر يطلع شي طارئ لووووووووووول

 

[kuwaitya-frawla]

مشكوره اختي

 

[أميرة الحلا]

نتم السابقون ونحن اللاحقون

زين سويتي ماشاءالله عليج

 

[كيوت_25]

السلام عليكم و رحمه الله و بركاته

شلونكم بنات شخباركم

بصراحه لاحظت انه اغلب البنات الي يدشون منتدى التجارب و الخبرات الاستثماريه يسألون عن التوفير

فتذكرت هالموضوع الحلو من اختنا الرسامه و حبيت ارفعه عشان تستفيدون منه

و راح ارفع لكم بعد مشاركتي عشان تستفيدون

و لو اني الحين راحت فليساتي كلها بسبه البورصه بس يا الله ميخالف نبدا من الاول و معوضين ان شاء الله​

موضوووووووووووع اكثر من رائــــــع


تسلمين يا الرسامه


انا ملاحظه مواضيعج ما شاء الله كل واحد احلى من الثاني



و يا ليت من المشرفات يثبتون هالموضوع لانه جدا جدا مفيد



وانا بقولكم قصتي مع التوفير



انا مو ظفه صار لي 4 سنوات عمري ما وفرت فلس


و توظفت بشركه اغلبها وافدين و خاصه الفلسطينين



امبيه ما تصدقون اشكثر يوفرون!!!!!


معاشاتهم ربع معاشاتنا ويوفرون بالالاف !!!!!


و الله يجزاها خير كانت معاي موظفه فلسطينيه حرمه عوده ناقشتني بهالامور


و قالت لي انتو يا الكويتين ما تعرفون توفرون ((و اهي صاجه))



و تقول ان راتبها 300 تصرف 100 و توفر 200 !!!



ادري بتقولون هم مصاريفهم غير عنا مو مثل مصاريفنا



بس الفكره انه التوفير عندهم شي اساسي و بمبالغ كبيره مو صغيره و تقول انها حاطه خطه معينه يعني مثلا بالشهر تروح مره السينما و مره تاكل بمطعم مع رفيجاتها تستانس وتصرف بحدود ال100 فقط لاغير


و الحين شوفوا الودايع الي عندها و شوفوا البيوت والاراضي ما شاء الله


و انا خلف الله علي



تصدقون ان معاشي








850 د ك





مو موفره ولا ربع دينار


امبيه ادري طولت عليكم بس شسوي يا بنات و الله الموضوع حده ضرب على الوتر الحساس :eh_s(3):


المهم يا محفوظين السلامه


اول شي تسوينه عشان توفرين انج تحطين فبالج مبلغ معين تبين توصلين له بنهايه مده معينه او يكون فبالج هدف يعني مشروع معين او شغله غاليه بتشترينها عشان و انتي تيمعين هالشي يشجعج انه كل فتره لما تحسين انج مليتي و ودح تفسفسينهم !!

بس لما تشوفين جم يمعتي و جم باقي عشان توصلين حق المبلغ الي حاطته فبالج فتتحسفين انج تصرفينه الين تكملين المبلغ كله



شوفوا انا عن نفسي هدفي الرئيسي اني




اشتري شقه بالكويت



و طبعا عشان اوصل حق الهدف الرئيسي لازم احقق اهاف ثانويه خطوه بخطوه توصلني لهدفي الرئيسي بإذن الله


الاهداف الفرعيه



الهدف الاول

كان هدفي ايمع اول ألف دينار و احطها ....




(( وديعه )) ...





إي إي وديعه علامكم تخزوني:eh_s(13): .....


إي يبا في وديعه في بنك التمويل تبدأ من الف دينار الى 4900 دك حق صغار المستثمرين الي نفسنا :eh_s(22):

و اخترت احطها وديعه عشان لو تنقلب الدنيا ما اقدر اجيسها



الهدف الثاني :

واااااااااااااااي تعبت و انا اكتب خل ارتاح شوي و بعدين

اكملكم اهدافنا و خطتنا الماليه الي راح تخلينا ......





مليونيرااااااااااااااااااااات



<<<< اشدعوه عليج اخاف صج :eh_s(3): ​

.

عـــدنـــا :eh_s(3):


الهدف الثاني

اكمل توفير بحساب توفير وكل ما انتهت سنه الوديعه الماليه ازيد عليها المبلغ الي وفرته بهالسنه و اجدد الوديعه مره ثانيه
يعني مثلا عندي وديعه 1000 دك و خلال السنه يمعت 700 دك فلما يجي وقت تجديد الوديعه اروح زايده عليها ال700 الي وفرتها و تصير وديعتي 1700دك ((عشان ما اجيسهم لو اموت )) و ارد اوفر من اول و جديد و هلم جرا ....

ألـيـن أوصل الهدف الثالث

لما يصير عندي تقريبا 5 الالاف اشتري فيهم ارض بعمان او براس الخيمه يقولون بعد سنه تيبلج دبل سعرها و انساها جم سنه و طبعا ارد اسوي الخطوه الاولى توفير و أحط بوديعه ثانيه ألين يرتفع سعر الارض و ابيعها



و الهدف الرابع

بعد ما اخذ قيمه الارض و ازيد عليها من الي وفرته اشتريلي شقه بالكويت و أجرها و يكون اجارها جنه معاش ثاني لي :eh_s(15):

هاااااااااااااااااااا

اشرايكم بخطتي المتواضعه:eh_s(9): ​

صاجه الله يعين الرياييل

بس لا نخلي التجار و الحكومه شماعه نعلق فيها اخطائنا :eh_s(4):

يبا احنا شعب استهلاكي درجه اولى

و لا بذمتج

انتي ألف و انا 850 دك

بذمتج

كل شهر نصرفهم كــلـهــم على شنو ؟!؟!؟

بتقولين التزامات

حسبي معاي

قسط سياره, ايجار بيت , مصروف جمعيه, سوق, مطاعم سينما , طوارئ ...

يعني ان ذبحتي عمرج ذبحتي عمرج

حول 700دك


يا الله شصار على 300 دك

و سؤال السوق كل شهر ؟!؟! المطاعم و السينما كل شهر ؟!؟!؟

ادري بتقولون مو كل شهر ... إلا ... بالشهر اكثر من مره



اهـــاااااااااا


وصلتو خير



يعني


الزبده

نـعـيـب زمانــنـا و الـعـيـب فــيـنا

انا اقول لا تتشائمين و ردي راجعي حساباتج و وفري الفلس الابيض لليوم الاسود و الله يوفق الجميع

عاد ادعولي ربي يوفقني و يغفرلي و يرزقني​

 

[Om Saud]

مشكوووووووورة حبيبتي على الخطة وبجربها

 

[دلـــع_الكويــت]

up
up

 

[حنونة المشاعر]

مشكوره على الطريقه الاقتصاديه للمعاش

 

[النووور]

والله صاجه يبيلنا انسنع نفسنا عشان انظم راتبنا

ما يبتدي الشهر الا الراتب ما باقي شي عليه ويخلص

مشكوره حبوبه عالافاده