قسمي معاشج وعن خبرة مع @ الرسامة @

[@ الرسامة @]

الصفحة الاولى من الموضوع

 

[* عباية راس *]

ماكو شي حسافه

 

[روزيتا]

الطريقه موجوده باول صفحه يا بنات

والله انا باديه بس هالشهر استحاله رمضان وعيد صعب اوفر ان شاء الله من الشهر الياى

 

[بنت الحزن]

انا صارلي 5 سنين و لااااااااااااااااااااااا فلس حبيبتي بس بجرب طريقتج و انشاءالله تنفع

 

[أم ضارى]

صح هالشهر وايد وايد صعب

صج فيه خساير وايد بس الحمدلله حاولت امسك ايدى قد ماقدر

فا الخسائر ماكانت جسييييييمه

وسيارتى ماقصرت جزاها الله خير كملتها اختربت وتصليحها 60 دينار تقولون انا ناقصه

بس همممممم لنا لقاء الشهر الياى ان شاء الله ونبتدى من جديد

 

[}{داشـه عرض}{]

ما كو شي ، وين الموضوع ؟؟؟؟

 

[@ الرسامة @]

انحلت مشكلة الموضوع وتقدرون تقرون الموضوع الحين



اشكر جولي على حل مشكلة الموضوع

 

[ملاك-77]

ككككككككككككك


سويت مثل ماكتبتي بالضبط


تدرين جم الباقي ؟؟؟؟









































20 دينار


ماكو فايده وبتطير ادري

 

[زينة الخشة]

:balo:

يسلــــــــــــــــــمو

 

[قلب البحر]

يعطيج العافية على الفكرة الحلوة
وان شاء الله أقدر أفر

ادعولي لاني وايد مرتبطة بالتزامات

تحياتي لك محملة بباقة من الورد الجوري

قلب البحر

 

[Evanglene]

الصراحة انتوا مفيدات

تدرون شكثر دعيتلكم

علمتوني سوالف حق التوفير مو طبيعية
و فكرة الاظرف كلش ماخطرت على بالي

انا من النوع اللي تفسفس على اي شي
ايدي تحكني
قلبي يعورني لو دريت ان ببوكي دينار وماصرفته
ابوي يمشيلي شهريا معاش ومايبقى منه شي ثاني يوم
مو تقولين بعد اسبوع
ثاني يوم على طول مخلص
انا ما اشتغل لكن عن قريب انشالله بتوظف
فاول شهر وثاني شهر طبعا حق الكشخة والملابس والذي منو
لكن من الشهر الثالث راح اكتب كل مصاريفي واللي لي واللي علي وبحاول ايمعلي جم بيزة

الصراحة ودي اصير من سيدات الاعمال او افتحلي مشروع صغيرون على قدي

امي تقول اللي يمعوا وفكروا عفيا عليهم والله وانتي مالت عليج بس صرفي على الفاضي والمليان




ياااااارب اتوظف بسرعة :n2006107:
.
.
.​

 

[الفاتنة]

خووووش فكرة ذهبية هالفكرة وان شاء اللع اطبقها

 

[المزيــونه]

مشكوره وتسلمين على الموضوع وان شاء الله اتوفرين اكثر واكثر بعد

 

[طير الحب]

يعطيج العافيه

نجرب

 

[القرآن ربيع قلبي]

كل كلامكم عدل مدل بس الوحة لازم تفكر بالتوفير شوفو الوافدين شيسوون بمعاشاتهم ماشاءالله وشوفو كم كم مليار يطلع من الخليج لديارهم ارقام مهولة تخرع والله بس احنا ذابحتنا الكماليات والمواجيب الباهظة وفلانة سوت لازم اسوي احسن منها ما فكرنا بالاخرة ما فكرنا بالحاجة الله لا يقوله لازم نوعي علا انفسنا وموضو عكم وعاني علا اشياء كثيرة ولي تواصل قريب معاكم ان شاء الله حتى نستفيد

 

[طم طم]

مشكورة الرسامه خوش طريقه

بجربهااااااااا ومنكم نستفيد

 

[زهـــر]

خووش طريقة
انا بس لو افتك م تسديد الفيزا و الماستر جان انا بربيع
و على طاري التوفير
نصيحة يابنات سوو تامين برنامج مسك 30 دينار شهريا و خليها استقطاع شهري و انسيها
ان من اول معاش سويتها و الحمدالله الحين مستغنيه عنها لاني تعودت عل معاشي بدونها

 

[اربعينيه]

يتكم ام التوفير من وانا صغيرة وقبل لا ادش المدرسة اهلي كل ما يعطوني خرده وتختفي وظلت امي الله يرحمها تراقبني وشافتني احطهم تحت السجاده اللي تحت الكبت علشان محد يشوفهم وخلتني لما اروح وطلعت شكثر خرده وهذي السالفة قالتها لي وانا كبيرة ومن اشتغلت وانا هوايتي التوفير وساعدت كل اخواني بكل زواجاتهم من والى كله على حسابي وشوي شوي ا اوفر بطريقة تجميع النمله والحين ماشاءالله ساكنه انا وزوجي في بيتي اللي انا شاريته من توفيري واهو مستانس حده قاعد ببلاش حبيبي ، عليه بالعافية ومن تزوجته علمته التوفير واهو كل شهر يخش عندي مبلغ وانا حاطة له حساب بفلوسه .

واول شي سويته الابتعاد عن المشاركة بالجمعيات لانها تجيب الحسد والعيون عليك واستعيني على موضوع توفيرك بالكتمان او شخص مقرب

الابتعاد عن المبالغة بفواتير التلفونات والمسجات . والسيارة تتبدل كل 5 سنوات لتفادي مصارف الكراجات وطبعا السيارة مو اكثر من 6 الاف دينار

الغاء كل بطاقات الائتمان والذي منه

الصدقه الدائمة للمحتاجين ولكل محروم ( مهمه )

الشراء فقط وقت التنزيلات والابتعاد عن السوق بداية المواسم

وقت الاعياد والعطل الرسمية اخذ اللي محتاجته من فلوس واترك البطاقة في مكتبي بالدوام .

هذا اللي اتذكره واذا تبون اي استفسار حياكم في ديوانية الاربعينيه

 

[<Miss ROoSe >]

مشكورين بنات على الموضوع والردود اللى تشرح الصدر وآنا عبالى بس أنا اللى ما يبقى من معاشى شى أثارى كل الديرة والله قلبتوا المواجع علينا ، وعلى قولتكم وين نيمع هالسيايير لعوزتنا المفروض كل 3 سنين يعطونا الدوام سيارة يديدة بدل البونص خخخخخخخخخخخخخخ والله أحسن من ال 600 والا ال 800 اللى يعطونا أياها بس الله كريم على قولت المصريين اللى جاى أد اللى رايح
ربكم يفرجها ويزيدون معاشاتنا ونقدر نتنفس شوية

 

[Evanglene]

واول شي سويته الابتعاد عن المشاركة بالجمعيات لانها تجيب الحسد والعيون عليك واستعيني على موضوع توفيرك بالكتمان

صح لسااااااااااااااااااااااااااانج

هذا اول شي راح افكر فيه

امي مو مترقعة والسبة الجمعيات اللي تدخلها

ياربي الناس مادري شتبي


الواحد احسن شي ايمع ويوفر سكاتي

لامن شاف ولا من درا

مو لازم نفرد كل خصوصياتنا على الطاولة حق الكل