عذروني على سؤالي اللي اتحيرت وين اكتبه وقلت يالله الموبايل اقرب شي له
ادري فيني متأخرة عن العالم والناس
امس كنت ماخذة سيارة ناس من الاهل عندي مشوار
ولمن ركبت السيارة ، بعد مدة صنفت افتح الراديو واستانست حيل
ان الاذاعة كانت مسترسلة في بث اناشيد اني وايد احبها ومن فرحتي اخدت ترددها علشان
اضبطها على سيارتي في المستقبل
عاد واني بطريق رجعتي للبيت شفت شي لفت نظري وأخذته ، انجان الارسال يوقف واتحسفت وخفت لو اني تسببت
بمشكلة لراعي السيارة
بعدين اوتعيت ان اللي شلته اهو mb3 اللي اسمع عنه وما عمري شفته
طبعا اني ضحكت على تأخري التكنلوجي اللي مستحيل يواكب العالم والناس
ورجعت واني مستانسة اني اكتشفت شغلة جديدة وقلت لزوجي ضروري اشتري لي واحد
عاد اهو شوي ضحك واشوي قال لي ولا يهمك وانا راجع بشتري لك واحد
بس السؤال الله يخليكم
شلون انزل اناشيد من النت الى ال mb3
وشلون لازم يكون ترددها
واشلون اضبطها بالجهاز ؟؟
والسموحة لكم
