وين تنصحووني اسافر بالصيف ؟

[غلاتي الكويت]

ناوين نسافر بالصيف بس ما محتارين ويين نرووح


وين تنصحووني


اهم شي يكون الجو حلو وسعر الدوله مو مبالغ فييه


ابي غير النمساا رايحين النمسا صج عجيبه


بس بنغير


ناطرتكم :eh_s(22):

 

[ساندي-بيل]

اذا مو رايحه تركيا روحي يمدحونها اشكثر حتى انا ودي اروح لها من كثر المدح اللي جاها اشرايج

 

[الشقردية]

صح براد و ارخيصه

صااجه ساندي - بيل

و هالسنه كل الكويتيين بتركيا

ماتفكرين اتروحين امريكا ؟؟

المشتريات حدها رخيصه بس التذاكر و السكن غالي

طبعا شرق اسيا جوها مو بارد و لا جان قلت لج روحي ماليزيا

 

[toooota2404]

استراليا وايد حلوة :eh_s(18):
او اذا تبين اوربا: المانيا حلوة و هولندا الصراحة ما شفتها بس وايد يمدحونها :eh_s(18):

 

[BaiTotia]

لما قريت العنوان كنت بكتب لج النمسا

بعد إنتي رايحتلها أممممممممممممممممممم

عندج أستراليا يمدحونها
أمريكا>>بخاطري أروحها
كندا
ودول أوروبا سويسرا تقريبا نفس النمسا من كل النواحي
و لندن حبيبتي راح تستانسين فيها أكيد

 

[MyLittleBerry]

انا اقولج روحي كاليفورنيا


http://public.fotki.com/alkandari

راح اتينييين عليها


دخلي قسم السياحه وشوفي الصور

 

[Petite_Chica]

ماكو على اسبانيا تطبين مدريد اسبوع و بالقطار تروحين ماربيلا اسبوع و بارشلونه اسبوع ومالطا جم يوم و غرناطه و ماكو عرب وايد . صج صج صج تستانسوون و انا أضمن لج هالشي

لاتفكرين بأمريكا نصيحه . انا بأمريكا و من الحين العرب يهلوون علينا و من يصير شهر سبعه تعالي شوفي الكويتيين و الخليجيين وااي تزهقين عمرج و أكثر الاماكن تلاقينهم بولاية فلوريدا و كاليفورنيا و نيويورك يعني أحلى اماكن أمريكا و بالنسبه لي ماحب مكان فيه عرب . و حتى سويسرا نفس الشي و أزيد

 

[غلاتي الكويت]

مشكورين حبايبي ما قصرتووو


جاري التفكير لووول


وبقولكم وين بستقر اخر شي

 

[noty]

المانيا

بلجيكا

سويسرا

استراليا

فرنسا


سيرلانكا يمدحونها وااااااااايد وفيها اماكن باردة

 

[noony_online]

امريكا و بس

 

[rawona]

ماكو على اسبانيا تطبين مدريد اسبوع و بالقطار تروحين ماربيلا اسبوع و بارشلونه اسبوع ومالطا جم يوم و غرناطه و ماكو عرب وايد . صج صج صج تستانسوون و انا أضمن لج هالشي

لاتفكرين بأمريكا نصيحه . انا بأمريكا و من الحين العرب يهلوون علينا و من يصير شهر سبعه تعالي شوفي الكويتيين و الخليجيين وااي تزهقين عمرج و أكثر الاماكن تلاقينهم بولاية فلوريدا و كاليفورنيا و نيويورك يعني أحلى اماكن أمريكا و بالنسبه لي ماحب مكان فيه عرب . و حتى سويسرا نفس الشي و أزيد

انا مو معاج بالراي بخصوص امريكا ..

انا عشت فيها 5 اسنين و كنت حزة الصيف افرفر بالولايات السياحيه وين وين احصلي كويتي او عربي!!

امريكا اشكبرها؟؟ و حتى لو فيها عرب و كويتين مو بكثرتهم باورويا و وين وين ينشافون .. المهم الوناسه مو اذا في عرب والا لا .. والولايات اللي قلتي عنها صج من احلى الولايات في امريكا و احلى شي للسياحه بس احتمال مصادفه عرب و كويتين وارده صج بس بنسبه ضئيله نظرا لكبر امريكا اللي الواحد فيها يضيع عن نفسه مو بس عن اهله .. :eh_s(20):


و شكرا :eh_s(7): ​

 

[rawona]

اييي صج نسيت اقولج "بيتيت جيكا"

انا من عشااااااااااااق اسبانيا و خاصة الكوستا ديل سول .. اموت بماربييا بالذات و اضم صوتي لصوتج اسبانيا وبس :eh_s(15): ​

 

[noony_online]

امريكا احلى شي كل شي فيها حلو سوقتها و مطاعمها و اماكنها السياحيه و فيها ديزني و شعبها اصلا وايد بشوشين يحببونج بالديره , حلوه حق كل العايله

 

[manoola]

سويسرا تينن وشعب يهبل الصراحه فرنسا مقمه اكرهها

عندج المانيا ديسلدورف تونس

روماااااا زوغه بس حلاتها بشهر سته لان على اوغست كل شي مسكر تقريبا
بس غاليه

مافي ديرة سعرها زين من اوربا الا شرق اسيا بس يختج مااحس اني مسافرة اذا رحت شرق اسيا
اذا مو اوروبا والا بلاش
اسبانيا تينن وتونس بس رطوبه اذا انتي من النوع اللي تدورين جو
وبالمناسبه الحين اوروبا صايرة حارة خلاص قردناهم لووووووووووووووول
هولندا حلوة بس غاليه وايد بس سوقها ينن وتنزيلات صححححح عندهم على كلام رفيجتي
استراليا عائليه بحته

لندن شهادتي مجروحه فيها حبي الاول والاخير

تعاااالي جربي جنوب افريقيا جوها وايد حلو وبارد بس الساعه 6 المغرب دشي بيتكم لوووووووووووووووول كل ضرب مضارب

 

[عنايد]

بنات شالحكمه انكم ماتبون المكان اللي يكثر فيه العرب عاد انا عكسكم ارتاح لما يكون المكان فيه عرب أحس بالأمان

 

[ظلال القرآن]

روحي بريطانيا
ويلز تهبل واسكتلاندا واخر شي لندن
بريطانيا ام السياحه

 

[&رعبوووبه&]

روحي جنوب افريقيا يمدحونها حيل​

 

[blue diamond]

انا اقولج روحي دوله غريبه عجيبه احسن من الدول المشهوره
جربي روحي المالديف او مدفشقر او السيلان والصين مع انه الحين صارت كلها كويتيين
أهلي راحووا حق هالدول ووايد امدحوا هالدول او بالاحرى الدولتين والجزيرتين
وشكرا ً

 

[blue diamond]

سوري على البدليه اهيا مدغشقر واهيا جزيره يم جزر القمر

 

[بنت عبدالغني شربت]

الصين عجييييييييييبه وخاصه هونغ كونغ