عزيمة زوجي لي بيوم ميلادي " مطعم أفندم "

[أط أط]

السلام عليكم ورحمة الله وبركاته ..

أمس كان يوم ميلادي ..

عزمني زوجي على مطعم أفندم ..

أهو مطعم تركي .. مكان خلف حديقة الشعب مباشرة ..

أكله تركي .. ووايد حلو .. ماشاء الله ..


القعدة عادية .. حاطينه على روتانا أغاني وصوت عالي ..

ومافي كباين ..

الديكور في شوية غمته .. مافي مناظر حلوة يطل عليها المطعم ..

بس أكلهم وايد حلو .. وأسعاره مناسبة ..

حتى بالمنيو .. الواحد يحتار شنو يطلب ..

وهذي صور طلبنا ..

أول ما طلبنا حطوا من عندهم ضيافة .. 5 صحون صغار + خبز تركي حار ..

الصحون فيها .. زعتر + جبن + صوص طمام + صوص لبنه + والأخير صوص في شوية خردل ..

وطلبنا كبس " مخلل " ما يحطونه مجاني وأنا أحبه فطلبته ..

ورقاقات الجبن ما أستغني عنها ..



طلبنا بيضات غنم ..



وطلبنا جبن مقلي .. بالبقسماط .. روعه .. << أموت بالجبن ..



وهذي سلطة بيذيان مشوي وفوقه روب ولبنه ورمان .. لو البيذيان كلن مقلي يمكن تطلع أحلى ..



طلبنا ورق عنب بارد ..



وطلبنا فتة حمص ..



و3 كولا .. ونسيت أصور الطبق الرئيسي .. وكان اسكندر دياي ..

عبارة عن خبز تركي منقع بصوص الطماط وفوقه شاورما دياي .. اشحلاته ..

وزوجي طلب شيشه .. :cxxxp:

وأخر شي حلينا .. بفطوم خانوم خخخخخخخ ..

صورتها بالمنيو ..



كنا نبي كنافه .. بس خالصه ..

هذا حلى قريب من البقلاوة الشعيرية البيضا أنا وايد أحبها .. وكانت حلوة ..




وأخر شي الفاتورة ..




مو واضحة بس طلع التوتل = 19 وشوي ..

أستانسنا .. الحمد لله

ادعولي الله يحفظ لي زوجي حبيبي .. آمين .. :tek:

ويرزقني الذرية الصالحة ..​

 

[ام احمد 85]

عليج بالعافية
وكل عام وانتي بخير واختيار موفق لان مطعم افندم لذيذ ونظيف واكله حلال

 

[78MariMar78]

كل عام وانتي بالف خير

وربي يخليكم لبعض

 

[-مذهلهـ-]

عليكم بالعافيه
وكل عام وانتي بخير

 

[حجيه هيونه]

كل عام وانتي بخير وعليكم بالعافيه




احسن شي الحلو اسمه فطوم :d

 

[.. مـــلاكـ ..]

عوااااااااافي

 

[سيــدة الغــــيد]

عوااافي والله يتمم عليكم يااارب ..

 

[ويـــزا]

كل عام وأنتي بخير
وربي يسعدج ويهنيج مع زوجج طوووووول العمر يارب
بس للأمانه أكلج خفايف أحب الدسم ههههههههههه
وعساج عالقوه على النقل الرائع

 

[انا خطر]

عليكم بالعافيـــــــه

 

[جماااانة]

كل عاام وانتي بخيير

وعلييكم بالعافيييييييييييه

 

[ملكة الهدوؤوؤوء]

عواااااااافي علي قولبكم

وعسى ربي يخليلج زوجج

 

[استبرق أم علاوي]

الله يهنيكم
وعليكم بالعافيه والله يرزقج بالذريه الصالحه عاجلا غير آجلا يا رب

 

[أط أط]

عليج بالعافية
وكل عام وانتي بخير واختيار موفق لان مطعم افندم لذيذ ونظيف واكله حلال

الله يعافيج أم أحمد ..

وحياج الله ..

وأنتي بخير وصحة وسلامه يالغالية ..

أشكر تواصلج المميز .. :33_1185028183:​

 

[أط أط]

كل عام وانتي بالف خير

وربي يخليكم لبعض

هلا فيج أختي 78MariMar78 ..

وأنتي بخير يا عسل ..

آمين .. ويرزقج باللي تتمنينه حبيبتي ..

حياج الله .. ​

 

[أط أط]

عليكم بالعافيه
وكل عام وانتي بخير

هلا فيج أختي مذهله ..

الله يعافيج ..

وأنتي بخير يا حلوة ..

أشكرج على المرور الحلو .. :tek:​

 

[أط أط]

كل عام وانتي بخير وعليكم بالعافيه




احسن شي الحلو اسمه فطوم :d

هلا فيج أختي حجيه هنونه ..

وأنتي بخير يارب ..

الله يعافيج ..

هههههههه أي أسمه فطوم على أختي .. بس أنا قلتلها أسمه فطوم حيص بيص ..

بعدين شافت الصور وضحكت لما عرفت أسمه فطوم خانوم ..

شكراً لتواصلج الحلو .. :68_asmilies-com:​

 

[أط أط]

عوااااااااافي

هلا فيج أختي مـــلاكـ ..

الله يعافيج ..

ومشكورة على المرور الحلو .. :eh_s:​

 

[أط أط]

عوااافي والله يتمم عليكم يااارب ..

هلا فيج أختي الكريمة سيــدة الغــــيد ..

يعافيج ربي ..

آمين .. أجمعين يارب ..

أسعدني تواصلج .. :e3:​

 

[أط أط]

:eh_s(17):

كل عام وأنتي بخير
وربي يسعدج ويهنيج مع زوجج طوووووول العمر يارب
بس للأمانه أكلج خفايف أحب الدسم ههههههههههه
وعساج عالقوه على النقل الرائع

هلا فيج حبيبتي ويـــزا ..

وأنتي بخير يارب ..

آمين يارب .. أجمعين حبيبتي ..

هههههههه معاج حق بس أنا نسيت أصور الطبق الرئيسي .. اللي فيه دسم ..

بس أنا وزوجي مو أكيلين وايد .. ونحب المقبلات أكثر ..

أسعدني تواصلج .. مشكورة .. :eh_s(17):​

 

[ملواكي]

عليكم بالعافيه ومشكوره علموضوع اول مره اسمع بالمطعم لاني اموت بالاكل التركي