فرش Sigma makeup عن تجربة واااااااااااااااااااااو**

[zYoOoNa]

مرحبا حبايبي

شلوووونكم ؟؟ لكم وحشششششششششششة والله

انا واايد تييني استفسارات واسئلة عن الفرش وشنو احسن نوع وكل فرشة حق شنو وليش نستخدمها
الخ.... من هالاسئلة

ودايما انصح البنات يستخدمون ماك او ميك اب فور افر لانهم الافضل (بالنسبة لي )

وقبل فترة شفت وحدة من البنات <<<<<موذاااكرة النك نيم والله سوري
حاطة موضوع عن فرش ماركة
sigma makeup
وقالت انها طلبتهم من النت

طبعا قعدت ادور عنهم بالمواااقع واليوتيوب وشفت انهم نفس جودة فرش ماك ومرقمين بعد مثلهم

فتوكلت على الله وطلبت الست كامل 12 فرشة مع الرول الجلد
طلعوا ب42 دينار مع الشيبنغ
لان طالبة اللون الوردي اغلى من الاسود
وطلبتهم من السايت مالهم معنى شفتهم بامازون بس خفت لان السعر كان اقل بوايد فمادري ترددت
وقلت اطلب من سايتهم احسن <<<<كله جذي لما اتوهق:fun22:


وهذه صورة الفرش كلها


وتنقسم الفرش الى قسمين

فرش الوجة ( 5 فرش اساسية )

1_فرشة توزيع الفاونديشن foundation brush



استخدمها لتوزيع الفاونديشن السائل او الكريمي وهم نقدر نوزع فيها الكريم المرطب لو كانت الكمية كبيرة



2_فرشة دمج الفاونديشنduo fibre brush



استخدمها حق دمج الفاونديشن بحركات دائرية تعطيني تغطية طبيعية وماحس ان طبقة على ويهي
بالضبط نفس مالت ماك 187
وهم نقدر نستخدمها حق البلاشر الكريمي او الهايلات كريم


3_فرشة الكونسيلر concealer brush



نستخدمها لوضع الكونسيلر اسفل العين وتنفع للاماكن الصغيرة خصوصا عند زاوية العين الداخلية
نحط الكونسيلر الكريمي فيها وبعدها نطبطب عليه بالاسفنجة


4_فرشة البودرة powder blush


هذه الفرشة تقدرين تستخدمينها حق اللوس باودر او الكومباكت باودر
توزعين البودرة فيها بعد ماتحطين الفاونديشن تعطي لوك طبيعي وماتحسين ان طبقة على ويهج
وهم نقدر نستخدمها حق توزيع البودرة على الجسم لانها كبيرة


5_فرشة الكونتور cotour brush


نستخدمها حق تحديد الخدود بالبلاشر وحق تحديد الويه خصوصا منطقة الذقن والجبهة وعظمة الخد​

تاااااااااااابع حبايبي لحد يرد بليز عشان يترتب الموضوع​

​

 

[zYoOoNa]

ثانيا : فرش العين ( 7 فرش اساسية )


1_ فرشة الدمج blending brush



استخدمها حق دمج الالوااان مع بعض عالجفن المتحرك والثابت رووووعة بالدمج


2_ فرشة التوزيع المشطوفة angled shading brush




هالفرشة حق الاضاءة تحت الحاااجب وطبعا صايرة مشطوفة من فوق (مايلة) عشان تسهل وضع الشدو تحت الحاجب
واحيانا استخدمها عالزاوية الخارجية للعين لو حبيت امد الشدو لي برة بشكل مرتفع (نفس طريقة هيفا)

3_ فرشة الشدو الكريمي large shader brush



نستخدمها حق الشدو الكريمي او الاضاءة الكريمية او حق برايمر العين لانها شوي يابسة ومضغوطة
وهم استخدمها حق البيغمنت او اللوس شدو مع القطرة


4_ فرشة القلم pencil brush



استخدمها حق الشدو تحت الرموش السفلية او بالزاويا الخارجية
حلوة للسموكي تحت العين ولو حبيت اسوي banana smoky هم تساعدني


5_فرشة توزيع الشدو eye shading brush



استخدمها لتوزيع الشدو المضغوط او اللوس او حتى البغمنت على الجفن المتحرك
هالفرشة وااااااااااااااايد مهمة بالنسبة لي


6_ فرشة الآيلاينر eyeliner brush



استخدمها حق رسم الآيلاينر وسهلة برسم البوز عند مدمع العين وحلوة حق تحديد العين بطريقة سهلة
واحيانا استخدمها مع الشدو البني لو مابي تحديد قوي للعين

7_فرشة المشطوفة angle brush




هالفرشة استخدمها حق رسم الحاجب ببودرة بودي شوب او بالتاتو
وحلوة بعد حق رسم الآيلاينر بطريقة caty eyes واستخدمها مع الآيلاينر الكريمي او الجل
وتستخدمينها حق رسم الكحل تحت الرموش السفلية او فوق العين


تقييمي للفرش

روووعة ونفس جودة فرش ماك وميك اب فور افر
ولونهم وشكلهم وااااااايد انيق وبنااااتي

بالاضافة الى ان سعرهم بالنسبة للكوالتي جدااا ممتاز
لان ماك لو بتاخذين 12 فرشة اقل شي السعر بيطلع عليج 80 او 90 دينار

وانا طلبت معاهم brush roll جلد يحفظ الفرش لج لونه وردي روووعة >>>طبعا بدون الroll السعر اقل


وعطوني mini blending brush حلوة حق السفر صغيرة وفي عندهم سيت فرش حق السفر



وشدو لونه ميتاليك رووووووووعة يطلع معاي اللون ان شاء الله ناوية اطلب منهم جم لون


ومعاها ورقة فيها شرح لتنظيف الفرش بالطريقة المتعارفة عندنا
ياا بمنظف الفرش او بشامبو جونسون طبعا هالطريقة كل اسبوع تسوينها عشان تحافظين عالفرش


وهذا اللنك حق اللي حابة تطلب منهم

http://www.sigmamakeup.com/products/7016.html

 

[Sparkle]

عليج اب الف عافيه زيووونه ;**

 

[نواره البطه]

وااااااااو
روووووووعه عليـــــــــج
ب 600 الف عافيه
يشوقون وحدهم كوووووووولز

 

[ريموه]

wOoOoOw

شكلهم روووووووووووووووووعه

صج تحمست اطلبهم

يعطييييييييج الف
االف ..الف عافيه حبيبتي


طميني شلوون عينج اللحين ان شالله احسن ؟

 

[googoosh]

ياااااي حدهم يشووووقووون .. بس احس انهم نسخه من فرش ماااك .. يسلموووووو يعطيج العافيه على الموضوع الروعه ...

 

[Fashionista]

مشكورة حبيبتي بس انا رفيجتي عندها تقول انه بعضهم مو واو وتفضل ماك وفور ايفر عليهم
جم يوم وصلوج؟

 

[بشوررة]

مشكورررررررررررة

 

[krkooora]

تذوبينهم بالعااافيه يا قلبي

نااايس شكلهم بس مادري شوفي ع الاستعمال اذا يطيح الشعر او لا ؟

انا بصراحه حده اثق بفرش فور ايفير و نارس و ماك فقط

شلوووون عيونج زيوونه ؟؟؟؟

و يعطيج العافيه قلبو

 

[عاشقه مودي]

عليج بالف عافيه ...
ودام أنه زيونه أمدحتهم أكيد بيكونون وااااااااااااااااااااااااااااااو ومن قلب بعد < خخخخخخخخخخخخ



أنا أسسستخدم فرشششش ( ماك ) روعــه والله .. :33_1185028183:

 

[Tosta]

عليج بالعااافية سويتي

 

[c a t w o m a n]

وايد حلوين .. عليج بالعافية

 

[باربي للابد]

هلا و غلا بزيووووووونة :eh_s(7):

الحمدلله على سلامتج حياتي شلونج الحين وشلون عيونج طمنيني

الفرش ماشالله وايد كيوت ويشوقون عليج بالف عافية حبيبتي ​

 

[alissa]

زيوووونه بعد عمري يعطيج العافيه


حياتي انتي طمنيناا شخبارج فقدناج .... شخبار عيونج حبيبتي ؟؟؟


عسى ربي يشافيج بعد عمري

استانست لمن شفت موضوعج اصلا كافي اسمج فديتج ...

 

[فراولــة قطــر]

عليـــــج بالعافيـــــة

 

[zYoOoNa]

عليج اب الف عافيه زيووونه ;**

الله يعافيج حبيبتي

وااااااااو
روووووووعه عليـــــــــج
ب 600 الف عافيه
يشوقون وحدهم كوووووووولز

الله يعافيج ياقلبي صج حدهم كوووول

wOoOoOw
شكلهم روووووووووووووووووعه
صج تحمست اطلبهم
يعطييييييييج الف
االف ..الف عافيه حبيبتي
طميني شلوون عينج اللحين ان شالله احسن ؟

الله يعافيج ياقلبي اي والله حلوين طلبيهم جد مايتطوفون
وانا الحمدللله في تحسن بفضل الله

ياااااي حدهم يشووووقووون .. بس احس انهم نسخه من فرش ماااك .. يسلموووووو يعطيج العافيه على الموضوع الروعه ...

ايييي صح حبيبتي هما نفس ماك بالضبط من ناحية الشكل والكوالتي

مشكورة حبيبتي بس انا رفيجتي عندها تقول انه بعضهم مو واو وتفضل ماك وفور ايفر عليهم
جم يوم وصلوج؟

بالعكس والله انا ترى ماحطيتهم لكم الا لما جربتهم وااايد حلوين وخصوصا فرشة الفاونديشن حيل عجبتني
وتقريبا وصلو خلال 10 ايام حبيبتي

مشكورررررررررررة

العفو حبيبتي

تذوبينهم بالعااافيه يا قلبي
نااايس شكلهم بس مادري شوفي ع الاستعمال اذا يطيح الشعر او لا ؟
انا بصراحه حده اثق بفرش فور ايفير و نارس و ماك فقط
شلوووون عيونج زيوونه ؟؟؟؟
و يعطيج العافيه قلبو

حبيبتي والله كركورة الحمدلله انا احسن عن قبل

وترى الفرش هاي كوالتي انا جربتهم على زبايني حيييييييل مريحين وعجبوني
وماحسيت بفرق بينهم وبين ماك او ميك اب فور افر

عليج بالف عافيه ...
ودام أنه زيونه أمدحتهم أكيد بيكونون وااااااااااااااااااااااااااااااو ومن قلب بعد < خخخخخخخخخخخخ
أنا أسسستخدم فرشششش ( ماك ) روعــه والله .. :33_1185028183:

حياااتي والله كلج ذوووووووووووق
تدرووون فيني اي شي يعجبني لااااااااازم اقولكم عنه ماقدر:hjy5jewf:

عليج بالعااافية سويتي

الله يعافيج ياقلبي

وايد حلوين .. عليج بالعافية

الله يعافيج حياتي

هلا و غلا بزيووووووونة
الحمدلله على سلامتج حياتي شلونج الحين وشلون عيونج طمنيني
الفرش ماشالله وايد كيوت ويشوقون عليج بالف عافية حبيبتي ​

الله يسلمج ياقلبي انا الحمدلله احسن من قبل والله

الله يعافيج

زيوووونه بعد عمري يعطيج العافيه
حياتي انتي طمنيناا شخبارج فقدناج .... شخبار عيونج حبيبتي ؟؟؟
عسى ربي يشافيج بعد عمري
استانست لمن شفت موضوعج اصلا كافي اسمج فديتج ...

حبيبتي والله الوووسة انا بخير وعسااااج ماتفقدين غالي ياقلبي
وانا بعد استانس بس اشووفج منورة موضوعي خصوصا انج اليسا حبيبة ألبي:lololoe:

 

[قطوة@@]

مشكووورة و يعطيج العافية

 

[" غـادهـ "]

عليج بالعافيه حبيبتي !!



عاد آنا يبيلي فرش مشكوووووووره .. إن شاءالله بطلب منهم !!

 

[جيسيكا]

زيوووووووووووونه حبيبتي فقدناج ماتشوفين شر حياتي مواضيعج كالعادة :s142:
روووووووووووووووووعه شكلهم يشوق عليج بالعافية حبي :eh_s(15)::eh_s(15):​

 

[كيم كارداشيان]

فتحت السايت .. نبشت .. سويت الاورد و..كنسلت!!!


عندي فرش وايد من ماك وبوبي براون وبينيفت وكريولاين ( ست كاااامل ) ... ومن ماركات ثانية

حسيت حسافة اشتري

بالبركة عليج الغالية .. تستاااهلين الخير