مشرفة القسم ( snow angel )
السلام عليكم
ودي انقل لكم طبخاتي من بلوقي لان البلوق علييه دووس بس محد يكتب كومنت
فا مادري عاجب احد ولا محد عاجبه
المهم
نبدي بكبة البطاط و البصل الأخضر هالكبه حددددهااا عجيبه و لذيذه و سهلللله بس الله يخليكم حطو المقادير بالضبط مو نفس امي نقصت البسكوت جان اتكسر لووول:tongue22:
المقادير:
3 بطاطات كبار مفيوحين و مهروسين
100 جرام بسكوت تك مال المطاحن و اذا ما لقيتو ابو 100 جرام في 75 جرام حطو العلبه كامله مع 6 حبات زياده
1كوب جبن شيدر كرفت
1كوب جبن حلوم مبشور
1كوب بصل اخضر مقصص صغااار
الطريقة:
-انقشر البطاط و نقصه مكعبات و نفوحه لييين يستوي بعدين نهرسه
-ناخذ البسكوت و نطحنه ليييين يصييير مثل البودر
- نخلط المقادير كلها مع بعض و نعجنها تصير مثل العجينه
-و بعدين ناخذ شوي بيدنا و نكوره كور متوسطة الحجم و نصفه بصينيه
- بعدين نحط الصينيه بالفريزر مدة نص ساعه او اكثر مو اقل
"على فكرة تقدرون تسوونها و تخزنونها البفريزر متى ما بغيتوها قلوها "
-بعد نص ساعة نقليها لين تصير شوي محمره
الصلصة:
قفشة اكل صلصة السويت تشيلي
1\4 كوب مايونيز اللي فيه فلفل مال اكنور عجييب
1\4 قفشه صغيره خل البلسمك
و خلطيهم مع بعض و قدميهم
و بالعافيه
