وزني يفشل .. هدفي أضعف .. يومياتي بكتبها لكم .. شاركوني

[ام فجور 2008]

شنو اسم الحبوب ؟
ومنو دكتورتج؟؟

 

[miss_solitaire]

دكتورتي فوزية القطان

الحبوب : جلوكوفاج 500 mg

قالتلي أول أسبوع حبة وحده الصبح مع الريوق

إذا ماصار معاي غثيان و اسهال و عوارض أخرى

ثاني اسبوع آخذ حبتين صبح و ليل (ريوق و عشا )

و نفس الشي بالنسبة للعوارض

و من ثالث اسبوع ابدي اخذ ثلاث حبوب صبح و ظهر و ليل ( ريوق و غدا و عشا )

بس لازم تاكلين وجبة سنعه معاه ( يا بنص الوجبة أو وراه على طول )

اذا كليتيه بروحه بدون اكل ... يصير فيج دوووخه

سعره 1.290 من boots

 

[miss_solitaire]

هذا غداي

لا أتغشمر الصج هذا غداي

4 تمرات

2 سمك زبيدي

سلطة خضراء

أفندية

يوووووووووووووووعاااااااااااااااااااااااااااااااااااااانه

 

[أم شعوولي]

مرحبااا عادي انضم معاااااااكم لاني محتاااااااااجه جدا لتشجييييييع اببببببببببببي اضعففففففففف ابييييييييييييي اضعففففف والله ببجيييييييي عاد انا ع الطريف

 

[miss_solitaire]

حياااااج معانا

 

[أم شعوولي]

الله يحييح حبيبتي


الوزن: 88
الطول: 159


الهدف الأول: 80
الهدف الثاني: 75
وأتبع ريجيم عبدالله المطووع

وان شااء لله يتحقق اللي في بالي

 

[lolwah]

اناى بدددعت بالريوق و ماتغديت
الحين شاي اخضر و العشا روب وشابوره

 

[حنوووونهـ]

مرحبا بنات ابي انظم معااكم
الوزن 79
الطول 157
الهدف الاول 71
الهدف الثاني 65
الريوق ولاشي لاني اقووم متأخر
اليوم غداي نص خبزه ايرانيه مع صدر دجاج وسلطه
عشاي شوربه دجاج بالاحرف
بنات الخبر لايراني يمتن او لا ؟

 

[miss_solitaire]

مرحبا بنات ابي انظم معااكم
الوزن 79
الطول 157
الهدف الاول 71
الهدف الثاني 65
الريوق ولاشي لاني اقووم متأخر
اليوم غداي نص خبزه ايرانيه مع صدر دجاج وسلطه
عشاي شوربه دجاج بالاحرف
بنات الخبر لايراني يمتن او لا ؟

بالعافية عليج

بس نصيحه وخري عن الخبز الايراني

كله عجين و تفخ للمعده على الفاضي

 

[miss_solitaire]

أنا اليوم تعشيت عشا

ما ادري هل هو جيد أو غير جيد

ريلي يقوول ما كليتي شي

بس أنا احس اني ندمانه

شوفوا أول شي كليت تبوولة

بعدين طاسة صغيرونه هريس

بعدين حبة سمبوسه

بعدين ختمته بربع قلاص شوربة عدس

اشرايكم ... خرتها ولا لأ

 

[حنوووونهـ]

أنا اليوم تعشيت عشا

ما ادري هل هو جيد أو غير جيد

ريلي يقوول ما كليتي شي

بس أنا احس اني ندمانه

شوفوا أول شي كليت تبوولة

بعدين طاسة صغيرونه هريس

بعدين حبة سمبوسه

بعدين ختمته بربع قلاص شوربة عدس

اشرايكم ... خرتها ولا لأ

مادري اعتبر اكلج كله بقوليات ماخربتيها وحبه سمبوسه ماثأثر بس شوفي خلج اكلج نوع واحد لاتخلطين هريس وسمبوسه وعدس افضل وعليج بالعااافيه

 

[أم شعوولي]

مرااحب اشلوووونكم مع الأراده عن نفسي خربتها شوياااااااااات والسبه حبايبي اللي معاي عازمتهم ع القهوه في المجمع وبدعت في العشا بعد المهم اللي راح راح وعزمت من باجر ابدا خلاص وقت الجد جد وعلشان ماينقص وجي جدامكم بس المشكلة من رديت البيت زوجي بلغني في غدا باجر الجمعه في البرعازمينا اهله حلوه هاذي وانا قطعت على نفسي وعد والله محتاره ان سكرت حلجي جدامهم راح ينشبون فيني ليش ماتكلين وان اكلت شوي شوي يعني ذربه ماعرف اجيب عمري كله عاد يحليلهم يشجعون الوحده على الاكل الله يعيييييييييييييني

 

[lolwah]

هااي بنات شلوونكم

انا قمت متاخر االيوم فا ما تريقت و غداي كان روب و شابوره بس

و بعد شوي بروح امشي الجو حللو ويقولون زين حق تكرمون الدوره وينزلها بسرعه

انتو شخباركم ؟؟

 

[miss_solitaire]

اهلين

انا اليوم بيت امي

تغديت قطعة لحم مع شوية حشو

و عصير برتقال

و الحين توني علجت عليجة وحده

اليوم وزنت و نازلة

بس ناطرة يصيرلي اسبوعين و اوزن مره ثانية

و احط الوزن اليديد

 

[معكرونه أسبكتى يم يم]

بشترك وياكم عادى

ان وزنى 91 وطولى 170 وابي انزل 15 كيلو وقاعده اطبق رجيم طالب

الريوق : جاى اخضر

الغدا : 2 توست + 1 همبرقر مشوى +جبنه سلايز وحده +سلطه خضرا + سيزر اناناس

العشاء :2 توست + 1 جبنه سلايز + سيزر اناناس

وطبعا شرب 8 اكواب ماء ........... وترى تونى مبلشه فيه لى 4 ايام وبشوف اذا نزلت صج على كلام الدكتور 6 الى 8 كيلو في اسبوعين والا بغيره لانى ودى على شهر 6 اذا ان شاءالله لنا عمر اكون في السبعينات

 

[حنوووونهـ]

شلونكم بنات
انا غداي اليووم سلطه وروب
بنات انا المشكله زوجي مايشجع على الرجيم يقوولي اكلي من نعمه الله لاتحرمين نفسج من شي بلا رجيم بلا خرابيط يبيني اصير بطه نفسه شنو اسوي معاه اذا ماتعشيت يحن علي لازم يخليني اتعشى مايشجع كلش من جذي اشتركت معاكم ابي احد يشجعني
بنات ابي اسأل عن حبوب من مصر ييبونهاا اسمها سيبو ترم شراييكم فيها زينه لا سمعتو عن احد مجربها..؟؟ يابو ليياهم وخايفه اخذهم قلبي قارصني من جذي عزمت اسوي رجيم من نفسي واستحمل الله يقدرنا هذرت وايد صح اسمحولي على الطواله

 

[miss_solitaire]

صباح الخير انا امس تعشيت

ماعون شارما بدون خبز ز لا طحينه

و فتوش و عصير برتقال فرش

و امس سهرت على الفيلم الهندي اللي على mbcmax

كان حده روووعه

طول من الساعه 9 لي الساعه 11:45

-----

حنونههـ

ما عليج من ريلج

سوي رجيم بدون لا اتقوليله

 

[miss_solitaire]

مرااحب اشلوووونكم مع الأراده عن نفسي خربتها شوياااااااااات والسبه حبايبي اللي معاي عازمتهم ع القهوه في المجمع وبدعت في العشا بعد المهم اللي راح راح وعزمت من باجر ابدا خلاص وقت الجد جد وعلشان ماينقص وجي جدامكم بس المشكلة من رديت البيت زوجي بلغني في غدا باجر الجمعه في البرعازمينا اهله حلوه هاذي وانا قطعت على نفسي وعد والله محتاره ان سكرت حلجي جدامهم راح ينشبون فيني ليش ماتكلين وان اكلت شوي شوي يعني ذربه ماعرف اجيب عمري كله عاد يحليلهم يشجعون الوحده على الاكل الله يعيييييييييييييني

وي ما يصير جذي

و في البر

اكلي مشاوي خالية بدون عيش و لا خبز

و شربي دايت ... أو لبن ... أو عصير

جذي يكون رجيم صح

 

[miss_solitaire]

بشترك وياكم عادى

ان وزنى 91 وطولى 170 وابي انزل 15 كيلو وقاعده اطبق رجيم طالب

الريوق : جاى اخضر

الغدا : 2 توست + 1 همبرقر مشوى +جبنه سلايز وحده +سلطه خضرا + سيزر اناناس

العشاء :2 توست + 1 جبنه سلايز + سيزر اناناس

وطبعا شرب 8 اكواب ماء ........... وترى تونى مبلشه فيه لى 4 ايام وبشوف اذا نزلت صج على كلام الدكتور 6 الى 8 كيلو في اسبوعين والا بغيره لانى ودى على شهر 6 اذا ان شاءالله لنا عمر اكون في السبعينات

حياااج معانا

 

[miss_solitaire]

بنااات

احنا بلشنا التجمع من تاريخ 31-1

فمتى تبووون يكون يوم الميزان ؟؟؟