تجمع قروب(والله وتحقق منايا) لمده 3 اشهر من 90 الى 70 كيلوو

[shams2008]

ألحين قاعدة اتغدى صمونه مدورة سمرة فيها شريحتين جبن خالي الدسم وشريحتين ديك رومي مدخن وشوية كاتشب وماسطرد
وسلطة خيار باللبن طبعا خالي الدسم والملح وعصير اناناس كي دي دي

عوافي علي قلبج

 

[shams2008]

:eh_s(21):مبــروك شمـــس ....وان اء الله تفقدين اكثر وانتي بصحه وعافيه:eh_s(21):


طبعا انا مشتركه جديده معاكم......<<<:weight_lift:

وان شاء الله نفيد ونستفيد من هالتجمــع الحلــو.....@@

وان شاء الله اكتب جدولي اليومي....ويومياتي معاكم.....:eh_s(21):

:dfgl:

الله يبارك فيج حبيبتي والفال لج تنزيلين بصحه وعافيه

 

[shams2008]

الحالمه
توته وااو
ام شيخه
فرح العجرف
هنوفه
احلي عيوون

عوافي علي قلبوكم مااكلتووووووووووووو

والله يتمم عليكم بصحه وعافيه يارب

 

[الحــــالمة]

شموووووووسة الله يعااااااافيج يا قلبي

ومبرووووووووووك عليج الفووووووز

تستاااااااااهلين

 

[OM-SHEKHA]

مبروك شموسه
والله يعافيك ويخليك

 

[shams2008]

بنات صج مستانسه بنزوووول كيلو هالاسبوع

بس مادري ليش اليوم خربطت بالاكل

اكلت وجبه وحده جم حبه فلافل وسلطه

جان اروووح ارجع ضميري انبني يعني موماكله شي طول اليوم اكل فلافل ليششششششششم مادري


اكلت حبه ككاو كاندريل
جاي اخضر

مادري ليش قاعده وافكر بالاكل موراضيه انسي
شافتني وحده جان تقولي مصييييييييييبه ضغفانه وايد متغيره علي شكلج غير
واهي ماشاء الله طول عمرها محافظه وانا صارلي سنتين دب قطبي صايره مليت من المتن ودي اضعف

الله يقوي ارادتنا يارب

 

[shams2008]

مبروك شموسه
والله يعافيك ويخليك

الله يبارك فيج حبيبتي

 

[فرح العجرف]

الحالمــه....جنك انا افتر بقوقل ادور لأختي حلا.....وحصلته لها وطبعته...طبقته تمام....اللحين راحت نامت ونست لا تاكل حلاهاااا....وشكلي بغضي عليه انا وولدي....:016:


للعلم للحين ماتعشيت...:001:


وعندي مشكله خواتي ممكن تساعدوني...:eh_s(2):
الدوام اكل واجد خص جمعة رفيجاتي وضحك وسوالف والطاوله ريوق..وبعدها قهوه وحلا....شنو المفر......!!

 

[جنان2006]

مساء الورد يا أحلى قرووووب

أقرا اللي طافني وأرد لكم

 

[جنان2006]

شمووووووسة

ألف ألف ألف مبروك الفوز والوسام الذهبي فرحت لج من قلبي وعليج بألف عافية ان شاءالله

 

[الحــــالمة]

الحالمــه....جنك انا افتر بقوقل ادور لأختي حلا.....وحصلته لها وطبعته...طبقته تمام....اللحين راحت نامت ونست لا تاكل حلاهاااا....وشكلي بغضي عليه انا وولدي....:016:


للعلم للحين ماتعشيت...:001:


وعندي مشكله خواتي ممكن تساعدوني...:eh_s(2):
الدوام اكل واجد خص جمعة رفيجاتي وضحك وسوالف والطاوله ريوق..وبعدها قهوه وحلا....شنو المفر......!!

ما يبيلهاااااااااااااااا شي

خلي ارادتج قوية

واخذي اكلج معاااااااااج الدوااااااااام

خالتي نفس حالتج

بدوامهااااا فيه ثلاجة

اكلها الصحي تحطه فيها

وما شاء الله جسمهاااااااا حلو

ومرات اذا اشتهت تاااااكل مع رفيجاتها بالدوام

بس مو دائماااااا

 

[جنان2006]

أحلى عيون تستاهلين هالباقة على مجهودج معانا ياقلبي

وهالوردة حق كل عضوة معانا بالتجمع شدوا حيلكم والله يوفقكم ان شاءالله

 

[الحــــالمة]

اشرب الحين شاااااااااااااااااااااااااااااي

روياااااااااااااااااااااااااال

الشي الوحيد اللي ما استغني عنه بالرجيم

ادمااااااااااان عليه

اذا ما شربته

تكرمووووووون يذبحني الامسااااااااك

 

[الحــــالمة]

مشكووووووووورة جنااااااااااااااااااااااني

على الورد

وان شاء الله تنزلين بصحة وعافية

 

[جنان2006]

أم شيخة

عليج بألف عافية ان شاءالله


حلوووومة

مساء الورد هلا وغلا ألف مبروك نزولج وإن شاءالله تنزلين أكثر الأسبوع الياي
وعوافي على قلبج ماكليتي وقواج الله
وان شاءالله يارب بس توصلين للوزن اللي تبينه بعافية كافئي نفسج وروحي مطاعم ولا تخلين شي بخاطرج بس على شرط مرة بالأسبوع عشان مايضيع التعب والجهد اللي بذلتيه ياقلبي


أم عفاف

هلا وغلا وعليج بألف عافية ان شاءالله
وعليكم بألف عافية الطلعه


شمووووسة

ألف ألف ألف مبروك نزولج وفوزج بالوسام الذهبي وإن شاءالله تنزلين أكثر وتوصلين لهدفج بصحة وعافية ان شاءالله وفرحت لج من قلبي تستاهلين والله
وعوافي على قلبج ماكليتي
ولا إله إلا الله على هالناس اللي ماتذكر ربها تكفين اقري على روحج ولا تنسين الأذكار والله يحفظج ان شاءالله


أحلى عيون

هلا وغلا فيج وانتي اللي سامحينا تعبناج وسهرناج معانا وتسلم ايدج عالأوزان والتصاميم الحلوة ويزاج الله كل خير ياقلبي
وتقبل الله طاعتج وهني وعافية ماكليتي


هنوفه

عليج بألف عافية ان شاءالله


فرح العجرف

هلا وغلا وحياج الله بينا ويارب توصلين للي تبينه بصحة وعافية يااااارب
وعوافي على قلبج ما كليتي
وبالنسبة لريوق الدوام على حسب رجيمج حاول كثر ماتقدرين تلتزمين فيه وماتخربطين وكثري سلطات عشان تشبعج وهني وعافية ان شاءالله


بحرينية حبوبة

هلا وغلا وعوافي على قلبج ما كليتي


عايشة حياتها

هلا فيج والله يجعلها آخر الأحزان ان شاءالله
وتقبل الله طاعتج وعليج بألف عافية


توته

عليج بألف عافية ان شاءالله وبإذن الله تنزلين بصحة وعافية عن قريب


بنوته الطائف

مساء الورد هلا وغلا
وعوافي على قلبج ماكليتي
وتقبل الله طاعتج



غزل

هلا وغلا فيج وحياج الله بقروبنا وان شاءالله تنزلين بصحة وعافية يااااارب
وعليج بألف عافية وقواج الله

 

[جنان2006]

العفو حلوووومة هني وعافية ان شاءالله وأجمعين يالغالية

 

[الحــــالمة]

جنووووووووووووووووووونة

احبج

:tek:

 

[جنان2006]

حلووومة بعد قلبي والله (أحبك الله الذي أحببتني فيه) وانا بعد أحبج والله يديم علينا هالصحبة الطيبة دووووووووم

 

[جنان2006]

اليوم الحمدلله كنت صايمة مشيت عالجهاز نص ساعه

وتفطرت : 3تمرات + لبن الوفرة خالي الدسم

وورا الصلاة : كليت طماطة وخس + حمسة تونه

وعالساعه 8 شربت جاي أخضر بالنعناع

والحين قاعدة أتعشى تفاح أخضر + روب خالي الدسم

والحمدلله عالنعمة
والصور منقولة من قوقل

 

[الحــــالمة]

بالعااااااااااافية جناااااااااااااااان