اطلعت النتايج ،،،، بشروووو عساها اتبيض الويهه ؟؟

[milkey way]

:aha:الحمدالله اطلعت النتايج وبين التعب وجهد كل طالب وكل ام

بشرواا انشالله كانت النتايج حسب توقعاتكم ولا انصدمتووو من ماده معينه أو امتحان ماكنتو تتوقعونه جذي ، بالنسبه لي بنتي هذي اول سنة لها بالحكومه عقب ماكانت بالخاص وجو يديد عليها ومواد غير عن اللي كانت تدرسه بالخاص بس الحمدالله الله ماضيع التعب واطلعت النتيجة اللي تبشر بالخير وكان تقديمها جدا زين ونتايجها وايد تفرح مع اني ماكنت متوقعة لها

خلونا انتشارك بنتايج عيالنا :aha:

 

[قلبي ابيض]

الحمدالله النتايج حلوة مع اني متضايقة ولدي اللي برابع ياب جيد جدا

مشكورة ومبروك تنيجة عيالج

 

[milkey way]

شكرا ( قلبي أبيض ) يسلمووو

ومبروووك على النتايج والحمدالله انه ياب جيد جدا مو أقل أو راسب بمادة ياحبيبتي اليهال قدرات واحنا نبي عيالنا كله متفوقين ؟؟؟؟

 

[mr000]

الله يوفق بنيتج.. وتشوفين نتايجها أحسن بعد.. والحمدلله أنها تعودت على نظام الحكومه وماكان صعب عليها.. آنا ولدي بمدرسه أمريكيه غريد 8 والريبورت يوم الخميس ان شاءالله بس ماأفكر أوديه الحكومه لأنه أخاف يكون صعب عليه كلشي بالعربي ومايمشي.. مع أن حتى بالخاص المواد قاعده تصعب وايد.. خايفه من الهاي سكول.. الله كريم.. وموفقه حبيبتي!!

 

[حبيبة الكويت]

أنا متضايقة من نتيجة ولدي هو بخامس بعد ما كان امتياز ياب جيد جداً بس بقى درجتين و 4 أعشار وصير امتياز بإذن الله تتعدل النتيجة الفصل الثاني

 

[milkey way]

الله يوفق بنيتج.. وتشوفين نتايجها أحسن بعد.. والحمدلله أنها تعودت على نظام الحكومه وماكان صعب عليها.. آنا ولدي بمدرسه أمريكيه غريد 8 والريبورت يوم الخميس ان شاءالله بس ماأفكر أوديه الحكومه لأنه أخاف يكون صعب عليه كلشي بالعربي ومايمشي.. مع أن حتى بالخاص المواد قاعده تصعب وايد.. خايفه من الهاي سكول.. الله كريم.. وموفقه حبيبتي!!

الله يسلمج بعد قلبي بس اذا فكرتي انج تنقلينه الحكومه المفروض من هالسنه او السنه اليايه علشان لا ايتوهق بالثانوية وينزل مستواه حرام بس اذا ماشي خليه ايكمل اهي صج المواد صعبه ويبيلها مجابل الله يعينج وبالمدارس الخاصة ايساعدون وايد وكل شي بالمساحل يمشي عندهم .

والله انا بنتي كانت متفوقه عندهم من قريد 1 لي 7 لا تشوفين الشهادات والهدايا والدروع ولين راحت الحكومة بين كل شي .​

 

[milkey way]

أنا متضايقة من نتيجة ولدي هو بخامس بعد ما كان امتياز ياب جيد جداً بس بقى درجتين و 4 أعشار وصير امتياز بإذن الله تتعدل النتيجة الفصل الثاني

مبروك على نتيجته وانشالله يرتفع معدله بالكورس الثاني اهم سووو اللي عليهم حرام والله انهم يكسرون الخاطر بس المواد حيل صعبة وهاليهال صج الله يعينهم واحنا نبي عيالنا دايما متفوقين .​

 

[mr000]

ملكي واي.. لالا كلش ماأفكر أوديه الحكومه... ثنويات الحكومه خاصه عند الصبيان صارت تخرع بصراحه المشاكل وايد والأدارات كلش ماتتحمل المسؤوليه لما تصير مشكله.. راح أخليه والله كريم..بس حرام بنتج اسم الله عليها كانت متفوقه بالخاص ليش نقلتيها الحكومه جان غيرتي مدرستها بس خليتيها بالخاص!!

 

[milkey way]

ملكي واي.. لالا كلش ماأفكر أوديه الحكومه... ثنويات الحكومه خاصه عند الصبيان صارت تخرع بصراحه المشاكل وايد والأدارات كلش ماتتحمل المسؤوليه لما تصير مشكله.. راح أخليه والله كريم..بس حرام بنتج اسم الله عليها كانت متفوقه بالخاص ليش نقلتيها الحكومه جان غيرتي مدرستها بس خليتيها بالخاص!!

اي والله ياحبيبتي صاجه ، اتصدقين اني ماكنت مفكره انقلها كلش للحكومه لكن هالقرار يه متأخر تخيلي مانقلتها الا بعد اسبوعين من بداية الدراسه اول شي لضعف الهيئة التدريسية اللي اتحسين انهم ما يشرحون عدل بس علشان الدروس الخصوصية وثانيا المبنى قديم ولوع جبدي والصفوف بعد وفوق هذا اختلاط لي متى ؟؟؟

وفكرت اولا اني انقلها لمدرسة فايزة الخرافي بخيطان ورحت وقدمت طلب بس شفتها بعيده علي ومكانها بين هالعمال وهالصعايده خفت ورحت دسمان وكانت باديه الدراسة وقالولي على الويتنق تنطرين ولا تشوفين اشكثر الملفات مكوده والله اهي اللي اقترحت تروح الحكومه وراحت صج تعب ونظام يديد بس الف حمد وشكر تعدينا منطقة الخطر .

 

[mr000]

يالله مومشكله.. الحمدلله بدامها مشت معاهم بالحكومه خلاص عدت الخطر مثل ماقلتي.. وبمدارس البنات ماكو خوف وايد عليهم.. المشاكل عند الصبيان أكثر ..

 

[milkey way]

يالله مومشكله.. الحمدلله بدامها مشت معاهم بالحكومه خلاص عدت الخطر مثل ماقلتي.. وبمدارس البنات ماكو خوف وايد عليهم.. المشاكل عند الصبيان أكثر ..

الحمدالله والشكر اي والله صاجه والصبيان متعبين بالدراسة والله الا بكل شي متعبين ويبيلهم طولة بال وصبر ​

 

[milkey way]

طارت الاجازة بسرعه ولا حسينا فيها والحين بنرد للحنه والدراسة .​